الجزء 13

ولما اول ما جنا وصلت وفتحت الباب شافت يوسف اعد مع اصحابو ف الريسبشن ومعاه بنات وسكرانين و منظرهم مش كويس و حصل

جنا واقفة مصدومة

يوسف:اول ما شافها تنح

جنا:انت...انت ازاى تعمل كدة هنا

بنت من البنات:انتى مين

جنا بعصبية:انتى اللى مين

حازم صاحب يوسف:اية يا موزة ماتيجى و تفكى كدة

مازن:حازم شششششششش...جنا احنا هنمشى اهدى

جنا بعصبية:اخرسو مش عايزة اسمع صوت حد...اطلعو برة

يوسف و هو بيحاول يهديها:جنا اهدى شوية

جنا و بتتكلم بهستريا و بتزعق و مش حاسة بنفسها:اخرس انا مش طيقاك...انت لية كدة...انت معندكش دم ليه...انا عملتلك اية عشان تعمل فيا كدة...هو كل ذنبى انى امنتلك...انا عمرى ما كنت اتوقع انك بالحقارة دى

يوسف:قرب منها و بيحاول يهديها و هى كل دة بتصرخ

جنا بزعيق اكتر:ابعد عنى انا مش عايزة اشوف وشك ادامى...طلقنى يا يوسف طلقــــنـــــى

وفجأة جنا اغم عليها و اصحاب يوسف كلهم مشيو و مفضلش الا مازن و يوسف اعد يحاول يفوق فيها ومش عارف

يوسف بخضة:مازن هات ماية

مازن جاب الماية واعدو يفوقو فيها و بردو مفاقتش

مازن:يوسف اتصل بالدكتور

يوسف:صح الدكتور

راح يوسف اتصل بالدكتور و شالها و دخلها الاوضة ولما الدكتور جيه كشف عليها و لما خرج

يوسف:طمنى يا دكتور

الدكتور:جالها صدمة عصبية و ضغط الدم وطى فجأة

يوسف:طب هى كويسة دلوئتى..طب هتفوق امتى

الدكتور:هى مش هتفوق غير بكرة الصبح و اهم حاجة الراحة و تبعدو عنها اى حاجة ممكن تضايقها و لازم تاكل عشان واضح ان بقالها كتير مكلتش

يوسف:حاضر...ان شاء الله

الدكتور:عن اذنك

يوسف:اتفضل

مازن و بعد ما الدكتور مشى:هتعمل اية يا يوسف

يوسف:مش عارف يا مازن ربنا يستر

مازن:يوسف انا عارف انك مغصوب عليها بس بردو هى ملهاش ذنب اتعامل معاها براحة شوية

يوسف:ان شاء الله

مازن:انا همشى دلوئتى و ابقى طمنى

يوسف:ماشى سلام

مازن مشى و يوسف فضل اعد جنب جنا على الكرسى لحد ما نام

تانى يوم جنا و يوسف صحيو على صوت موبايل جنا

يوسف:صباح الخير

جنا:مين بيتصل

يوسف:دى مامتك

جنا:هات الموبايل

يوسف:امسكى

جنا وبعد ما خدت الموب:الو

يوسف:جنا انتى كويسة

جنا:اة يا ماما فى حاجة

والدة جنا:اصل انا اتصلت بيكى كتير امبارح عشان اطمن انك وصلتى بس مكنتيش بتردى

جنا:معلش مسمعتش الموبايل

والدة جنا:مال صوتك

جنا:مفيش بس لسة صاحية يا ماما

والدة جنا:ماشى يا حبيبتى عايزة حاجة

جنا:لا سلامتك

والدة جنا:ماشى و خدى بالك من نفسك وابقى سلميلى على يوسف

جنا:الله يسلمك يا ماما سلام

يوسف و بعد ما جنا قفلت:انتى كويسة دلوئتى

جنا ببرود:اطلع برة

يوسف:جنا متزعليش بس احنا متفقين انـ......

جنا وهى بتقاطعو:متفقين ان كل واحد ف حالو عارفة...ممكن تطلع برة بأة

يوسف:طب مش هتاكلى

جنا:لا

يوسف:يا بنتى الدكتور قـ.............

جنا بعصبية و هى بتقاطعو:سبنى ف حالى بأة انا مش طايقة اشوفك ادامى...اطلع برة

يوسف:خلاص خلاص انا خارج

.................................................. .........

عدا يومين وجنا فاوضتها مش بترخرج و قررت انها تطلب الطلاق من يوسف تانى ولما نزلت لقت بابا يوسف اعد مع يوسف و بيتخانقو

يوسف:هو انت مش قلتلى اتجوز و اتجوزت فى اية تانى بأة

والد يوسف:انا جوزتك عشان تتعدل مش عشان تفضل اعد فالبيت...انت راجل و متجوز لازم تصرف على نفسك

يوسف:بابا بعدين نتكلم فالموضوع دة بأة

والد يوسف وخد بالو ان جنا واقفة:اذيك يا جنا

جنا بتعب:الحمد لله يا اونكل

والد يوسف:مالك يا حبيبتى شكلك تعبان

يوسف لنفسو:اوباااا ربنا يستر

جنا:لا يا اونكل انا كويسة

والد يوسف:تعالى نتمشى انا وانتى برة شوية

جنا:حاضر

والد يوسف و لما خرجو:مالك يا جنا

جنا:مالى يا اونكل منا كويسة اهو

والد يوسف:لا وشك اصفر وشكلك تعبان و اللى يشوفك ميقولش عليكى عروسة ابدا

جنا:يا اونكل بـ.............

والد يوسف و هو بيقاطعها:متكدبيش يا جنا انا عارف ان الدكتور كان عندكو من يومين وانك كان مغم عليكى...اوعى تفتكرى انى مصدق ان يوسف اتغير لا انا مراقبو كويس لاني اصلا مش بثق فيه

جنا بعياط:طب انا اعمل ايه يا اونكل

والد يوسف:انا قلت يمكن يتعدل بس واضح ان مافيش فايدة فية

جنا:انا عايزة اطلق منو

والد يوسف:لا يا حبيبتى متقوليش كدة..اصبري بس عليه شويه

جنا:يا اونكل انا مش طايقة اعيش معاه فبيت واحد انا بقيت بخاف اعد معاه فمكان واحد

والد يوسف:بتفكير : مش عارف

جنا:يا اونكل اعمل اي حاجه ان شالله تيجو تعيشو معايا

والد يوسف:ممممممممممممم طب ماتيجو انتو تعيشو معانا

جنا:بس هو مش هيرضى

والد يوسف:عنو ما رضى هيجى غصب عنو

جنا:حاضر...اللى حضرتك شايفو

يوسف و خرجلهم:اية يا جماعة كل دة بتتكلمو

والد يوسف:يلا يا جنا روحى لمى هدومك انتى و يوسف

يوسف باستغراب:ليه

والد يوسف:عشان هتيجو تعيشو معانا

يوسف بعصبية:نعم...لية ان شاء الله....انتى قلتيلو اية يا هانم

والد يوسف:انا اللى قولت وادينى بقولك يا يوسف انت لو متعدلتش لاكون ساحب منك كل حاجة و لا هتكون ابنى ولا اعرفك

يوسف:يعنى هى بقت كدة...دانا حتى ابنك و دى حتة بت

والد يوسف:البنت دى ضفرها برقبة عشرة زيك وجنا هتمشى معايا دلوئتى و لو عدا اليوم انهاردة من غير ماتيجى البيت اعتبر نفسك ملكش حاجة عندى....يلا يا جنا

جنا:حاضر

جنا طلعت لمت الشنط و مشيت وميت مع بابا يوسف و لما وصلت شافت حبيبة

جنا:اذيك يا حبيبة

حبيبة بغرور وهى اعدة وحاطة رجل على رجل:كويسة...اية الشنطة دى

والد يوسف:جنا هتعد معانا هى واخوكى هنا كام يوم

حبيبة:اة و يزهقونا احنا بأة

والدة يوسف و هى بتدخل:بنت اتكلمى كويس....دة بيتك يا جنا

جنا:شكرا يا طنط

جنا طلعت اوضة يوسف اللى هيعدو فيها و اتصلت بمنة وحكتلها كل حاجة

منة:ينهار ابيض كل دة حصل

جنا:تخيلى

منة:بس كويس ان اونكل جمال عمل كدة

جنا:اة و الله يا منة

منة:بقولك اية بكرة نبقى نتقابل ف النادى

جنا:هشوف و اقولك بس احمد ميعرفش حاجة يا منة ها

منة:عيب عليكى...اكيد مش هقولو

جنا:ماشى انا هقفل دلوئتى

منة:اوك باى

جنا قفلت و نزلت اعدت معاهم شوية لحد الساعة 10 بليل

والدة يوسف:تفتكرو يوسف مش هيجى

والد يوسف:هيجى اكيد دة ابنى وانا عارفو

حبيبة و هى بتبص لجنا:ربنا يكون ف عونك يا يوسف

جنا:عن اذنكو انا هطلع انام

والد و والدة يوسف:اتفضلى

وبعد شوية كلو طلع نام و جنا فضلت اعدة على امل ان يوسف يجى و جت الساعة 2 بليل وجنا حست ان الباب بيتفتح وعرفت ان يوسف جيه فعملت نفسها نايمة و يوسف دخل خد دوش و خرج نام جنب جنا

جنا:قامت من جنبو

يوسف:اية رايحة فين

جنا:هنام على الكنبة

يوسف:لية...انا مش جوزك بردو

جنا:انا مش عايزة انام جنبك...انا حرة

يوسف:انتى بتتكلمى كدة لية مش كفاية اللى انتى هببتيه

جنا:يوسف بلاش خناق و النبى سيبنى انام

يوسف:طب اتفضلى نامى على السرير انا هنام عالكنبة

جنا:لا شكرا

يوسف:اخلصى انتى مش متجوزة اختك انا راجل يا ماما

جنا:انت حر

عدا اليوم عادى

تانى يوم ف مدرسة انس و حبيبة

حبيبة كانت ماشية مع صحبتها و كان فى ولاد بيلعبو كورة و الكورة جت ف دماغ حبيبة و الكنز وقع على هدومها و الولد اللى حدف الكورة كان انس

انس لما راحلها:انتى كويسة

حبيبة وهى ماسكة دماغها:انت اتجننت صح

انس:معلش يا حبيبة مكنش اصدى

حبيبة:ملكش دعوة وامشى من هنا بأة عشان انت عيل متخلف

انس:انتى بتتكلمى كدة لية

حبيبة:انا اتكلم براحتى

انس:تصدقى حلال اللى اتعمل فيكى

حبيبة وخدت الكنز من ايد صحبتها و دلقتو على هموم انس:عشان تعرف ان كما تدين تدان

سابتو حبيبة ومشيت و و انس كان واقف بيغلى

انس لنفسو:اة يا بنت الـ....طب و الله منا سايبك المرادى يا حبيبة و هتشوفى هعمل فيكى اية

حبيبة لنفسها:و انا اللى كنت ناوية اوقعك بس بطريقتى....ادينى بوظت كل حاجة

...........................................

عند جنا

صحيت من النوم و لقت يوسف لسة نايم نزلت فطرت مع مامت يوسف

جنا:بعد اذنك يا طنط ممكن اروح اعد مع منة بنت خالتى شوية فالنادى

والدة يوسف:قولتى ليوسف

جنا:لا

والدة يوسف:انا خايفة يعمل مشكلة يا جنا

جنا:لا يا طنط متخافيش هو مش بيهتم بمشاويرى اصلا

والدة يوسف:ماشى يا حبيبتى روحى بس متتأخريش

جنا:حاضر يا طنط سلام

جنا راحت النادى وقبلت منة و اتصلت برهف عشان تجيلها

منة:وحشانى اوى يا جوكا

جنا:و انتى كمان يا منون و الله...عاملة اية مع احمد

منة:اسكتى يا جنا...اخوكى دة بيحرجنى كتير اوى

جنا:هههههههه تستاهلى

منة:مببقاش عارفة اعمل اية فبضطر احرجو

جنا:هو احمد كدة ربنا يهدية يا اما يخدو

منة:اية يا رخمة بعد الشر

جنا وهى بتقدلها:ههههه اة صح بعد الشر

رهف وجت عليهم:جنا وحشانى اوى

جنا:و انتى كمان و الله

رهف:اذيك يا منة

منة:الحمد لله انتى عاملة اية

رهف:تمام

منة وبعد رغى كتيييير:جنا ماتيجى نعملك نيو لوك جديد

رهف:اة يا جنا اية رأيك

جنا:لا نيو لوك اية انا كدة كويس

منة:يا جنا محنا عايزين نلفت نظر يوسف بردو

رهف:اية دة انتو متخانقين

جنا:لا ابدا هو فى ارق ولا احسن ولا اطيب من جو

فجأة موب جنا رن وكان يوسف

رهف:مين...يوسف

جنا:اة.....الو

يوسف بزعيق:انتى فين يا هانم وخرجتى لية من غير ما تقوليلى

جنا:اية يا حبيبى اذيك

يوسف:هو اية اللى اية يا حبيبى....تعالى حالا

جنا:ماشى

يوسف:متتأخريش

جنا بضيق:طيب سلام

رهف ولما قفلت جنا:احم

جنا:مش بقولك مفيش احسن من يوسف

رهف:واية اللى جبرك على دة كلو

جنا:سيبك انتى من المواويل دى...انا همشى دلوئتى هشوفو عايز اية

منة:اوك وابقى كلمينى

جنا:اوك باى

................................................

جنا روحت و اول ما دخلت لقت يوسف اعد بيتفرج على التى فى

يوسف:انتى جيتى

جنا:ممكن اعرف في اية بأة

يوسف:كنتى فين وازاى تخرجى من غير ما تقوليلى

جنا:اولا كنت مع منة ورهف...ثانيا انا مستاذنة من طنط...ثالثا من امتى و احنا بنسأل بعض على حاجة هو مش كل واحد ف حالو بردو و لا اية

يوسف بصوت واطى:ابو استفزازك

جنا بضحك:بتقول حاجة

يوسف:و لا حاجة...انتى اللى بتضحكى لية

جنا:عادى

يوسف:طيب

ونفس الوقت دخلت حبيبة و كان مضايقة ولبسها متبهدل

يوسف بضحك:اية اللى عمل فيكى كدة

حبيبة:بقولك اية مش نقصاك

يوسف:طب خلاص بس اية اللى بهدلك كدة

حبيبة:الاستاذ انس اخو جنا

جنا:انس اخويا

حبيبة:امال اخويا

جنا:واية اللى خلاه يعمل كدة

حبيبة:اسألية بأة

يوسف بضحك:طب و ربنا حلال فيكى

حبيبة بعصبية:يوسف

يوسف بضحك:هههه خلاص خلاص

جنا ولما حبيبة طلعت:هو انت البرود ف دمك

يوسف:لية يعنى

جنا:اصل انت شايفها متعصبية و بردو بضايقها

يوسف:عادى يعنى انا كدة

جنا:ماشى

يوسف:طيب

................................................

عند انس كان اعد يفكر ف حل عشان يرد لحبيبة اللى عملتو لحد ما لقى فكرة و اتصل بصاحبو

انس:الو

صاحبو:الو

انس:بقولك اية اسمع اللى هقولهولك دة واعملو

صاحبو:قول

انس:..........................

صاحبو:يخربيت دماغك

انس:عشان تبقى تفكر لما تتكلم معايا كدة تانى

صاحبو:اشطة

..........................................

وفى فيلة جمال اسماعيل

الكل كانو اعدين يتفرجو على التى فى

والد يوسف:يوسف اعمل حسابك انك من بكرة هتنزل تشتغل

يوسف:تاااانى يا بابا

والد يوسف:اة تانى ومفيش نقاش

يوسف:ماشى يا بابا بس انا معرفش حاجة عن الشغل

والد يوسف:هتبقى تحت التدريب

يوسف:كماااان

والد يوسف:امال هتتعلم ازاى يا فالح....و انت وشطارتطك لو انا شفت انك بتتغير اكيد هخليك فرئاسة الادارة من غير ما افكر بس لو متعدلتش هتشوف الوش التانى

يوسف:حاضر يا بابا ان شاء الله

والد يوسف:يلا اطلع نام بأة عشان تعرف تصحى بدرى

يوسف:انام مين من امتى وانا بنام دلوئتى

والد يوسف:اسمع الكلام عشان تروح الشغل فايق

يوسف:اووف طيب

كل دة وجنا اعدة تضحك جااامد

يوسف:انتى بتضحكى لية

جنا:ههههههههه مفيش

يوسف:طب يلا عشان تنامى انتى كمان عشان تصحينى بدرى

جنا بضحك:ماشى....تصبحو على خير

الكل:و انتى من اهلو

عدا اليوم وتانى يوم فى مفاجأت كتير و.....................................