الجزء 30

احمد و منة لما وصلو

احمد و هو بيقلع الجرافت وبيربطها لمنة:غمضى عينك بأة

منة:لية يا احمد

احمد:اسمعى الكلام

منة:طيب اما نشوف اخرتها

احمد:احبك يا مطيع انت

احمد فضل ماسكها وبيمشيها

منة:ها يا احمد لسة موصلناش

احمد:لا خلاص اهو

منة شالت الجرافت من على عنيها لقت الارض كلها منورة و لقت يخت كبير كلو زينة و انوار و مازيكا رومانسية

منة بانبهار:الـــلـــة

احمد:اية رأيك

منة:جميل اوى يا احمد...ربنا يخليك ليا بجد انا بعشقك وبموت فيك

احمد:و انا بحب مراتى.....يلا ندخل !!

منة:اة يلا

احمد و منة دخلو واعدو

احمد:تحبى نعمل اية

منة:انا جعت وعايزة اكل

احمد:انتى تؤمرى يا قلبى

منة جت تاكل راح احمد مسك ايدها

منة:فى اية

احمد:انا هأكلك

منة:انا مش صغيرة

احمد:هششششش افتحى بؤقك

منة وكلت من ايدو:والله مجنون

احمد:و عملنا اية بالعقل

منة بضحك:ربنا يكملك بعقلك يا حبيبى

وبعد ما خلصو اكل

احمد و قام:تسمحيلي بالرقصة دى

منة:اكيد

احمد و منة قامو يرقصو مع بعض

احمد:منة انا مش مصدق انك خلاص بقيتى مراتى

منة:وانا مش مصدقة انى خلاص هفضل معاك على طول

احمد و حضنها و بصوت عالى:انا بحبك اوووى وبعشقك

منة بضحك:احمد وطى صوتك

احمد:لا انا عايزة اعرف الدنيا كلها انى بحبك

احمد فجأة شالها واعد يلف بيها

احمد بضحك ونزلها:اية دختى

منة:اة

احمد:طب تعالى اقولك كلمة سر

منة وقربت منو:اية

احمد فجأة راح مسكها من وسطها و قربها منو و باسها برومانسية

احمد:اية مش هتزقينى زى المرة اللى فاتت

منة و ضربتو ف كتفو بكسوف:رخم

احمد:يا قلب الرخم

منة:بحبك

احمد:و انا بعشقك

وعدا اليوم عليهم وكانو فرحانين اوى

.................................................. ..........................

تانى يوم جنا كانت نايمة ويوسف بيصحيها بس مكانتش راضية تصحى فراح جاب الميك اب واعد يلعب ف وشها وفجأة صرخ ف ودنها

يوسف بزعيق:جنا

جنا بخضة:اية يا يوسف مالك

يوسف و باسها:صح النوم يا قلبى

جنا:حد يصحى حد كدة بردو لو اى حد مكانى كان زمانو ضربك طب انت لو مكان الحد دة كنت عملت اية

يوسف و هو بيلعب ف شعرو:الحقيقة مش عارف عشان مش قادر استوعب انتى بتقولى اية اصلا

جنا:دانت حد رخم

يوسف:اية الجمل اللى كلها حدود دى

جنا خدت بالها من لبس يوسف وكان لابس شورت بحر ومش لابس تيشرت

جنا:انت لابس كدة لية

يوسف:عشان هننزل البيسين

جنا:والله انت فاضى

يوسف:يلا يا حبيبتى بأة عشان خاطرى

جنا بتناكة:هفكر

يوسف:دى لسة هتتنك...مااشى...استعنا ع الشقا بالله

فجأة يوسف شالها

جنا:يوسف نزلنى

يوسف و دخلها الحمام:يلا اجهزى وانا هستناكى تحت

جنا:ماشى

يوسف و نزلها:و بقولك صحيح

جنا:نعم

يوسف:انا كنت من كام يوم بقلب ف الدولاب فلاقيت مايوه حلو كدة متنسيش تلبسيه

جنا باحراج:اة يا حيوان و انت بتقلب ف حاجتى لية

يوسف:من حق كل زوج انو يقلب ف هدوم مراتو

جنا:والله

يوسف:اة والله

جنا وهى بتخرجو:طب يلا غور على ما البس

يوسف بضحك:ماشى متتأخريش

جنا:انت بتضحك لية

يوسف:مفيش انا نازل

جنا:طيب

جنا بصت فالمراية وشافت اللى يوسف عملو فوشها و كان يوسف لسة هيخرج من الاوضة

جنا و جريت وراه:يوسف يا حيـــوان

يوسف بضحك وهو بيجرى:ههههههههه اية رأيك مش حلو

جنا وهى بتجرى وراه:طب و الله مسيباك المرادى

يوسف جرى على الجنينة و جنا راحت وراه بس ملقتوش عشان كان مستخبى

جنا وهى حاطة ايدها فوسطها:يعنى فاكر انك هتستخبى منى...يوسف اطلع احسنلــ......

فجأة يوسف جيه من وراها و زقها فالبيسين ونط وراها

يوسف:مفيش احسن من ان الواحد ينزل البيسين بهدومو كدة

جنا وهى بتمسك فيه:انت لسة هترغى انا مش بعرف اعوم

يوسف و مسكها من وسطها:اة صح نسيت

جنا:غبى

يوسف:هنقل ادبنا تانى

جنا:هتعمل اية يعنى

يوسف:و لا اى حاجة

جنا:بحسب

فجأة يوسف سابها ونزل تحت الماية و شالها على كتفو وراح حدفها فالماية

يوسف:ابقى قلى ادبك تانى بأة

جنا ومسكت فيه:متعملش كدة تانى انا هغرق

يوسف:امال انا موجود لية اغرقك وقت ما احب و اطلعك وقت ما احب

جنا بزعل طفولى:و الله ماهكلمك تانى ها

يوسف و هو بيقلدها:والله مهكلمك تانى ها

جنا:اوووووف دانت رخم

يوسف بضحك:لا خلاص انا مقدرش على زعل حبيبتى بردو

جنا:ايوة يعنى هتصالحنى ازاى

يوسف:انتى عايزة اية

جنا بتفكير:اممممم فى فستان عاجبنى و عايزة اجيبو

يوسف:مادية حقيرة

جنا:نعم

يوسف:لا يا قلبى انا بقول انتى تؤمرى وانا انفذ

جنا:بحسب

يوسف:بقولك اية متسبينا من شغل الفساتين دة وتيجي نلعب

جنا:نلعب اية

يوسف بابتسامة:شلح

جنا:اة يا سافل

يوسف:حد قالك انى شيخ

جنا:والله يا يوسف انت زبا......

فجأة يوسف قاطعها ببوسة

يوسف:تصدقى الروج اللى انا حاطتهولك طعمو حلو

جنا:دانت بتخرج الواحد من المود

يوسف:ههههههه و الله عسل

جنا بتناكة:عارفة

يوسف:تناكة و كدة بأة ها

جنا:اة فى مانع

يوسف:بس احسن اغرقك

جنا:لالا خلاص

يوسف:ايوة كدة...بس ارخم حاجة انك ملبستيش المايوة

جنا:مش بوقلك سافل

يوسف:هههههههه طب و الله بحبك

جنا:وانا كمان

.................................................. .............

عدا اسبوع ويوسف كان عازم العيلتين على حفلة الوان ففيلة والد يوسف و كلو كان لابس تيشرتات بيضة و بناطيل تلجى الا حبيبة كانت لابسة بضى ابيض كب وهوت شورت و انس اول ما شافها اضايق منها

انس:اية اللى انتى لابساه دة يا حبيبة احنا مش قلنا انك هتغيري لبسك دة

حبيبة:والله يا انس عشان انا ف البيت بس

انس:يعنى انتى مش واخدة بالك ان احمد موجود

حبيبة:بس احمد زى اخويا الكبير

انس:مش مشكلتى وغير احمد انا كمان موجود ولا انتى اية رايك

حبيبة:خلاص انا اسفة متزعلش

انس:مانتى كل مرة تقولى كدة

حبيبة:خلاص و الله اخر مرة

انس:مش بيرد

حبيبة:يا انس بأة

انس كان لسة هيرد حية يوسف من وراه وحدف عليه الوان و راح انس ساب حبيبة و اعد يجرى ورا يوسف و حبيبة اضايقت من كدا

واحمد كان اعد يجرى ورا منة وفجأة مسكها من وسطها

احمد:مش قلتلك مش هتعرفى تهربى منى

منة:لية كدة يا احمد دانا حتى بحبك

احمد:المفروض اتثبت انا كدا ها

منة:دا المفروض يعنى

احمد و حط الالوان على وشها:مش احمد يا قلبى

واعدو يجرو ورا بعض

اما انس كان بيجرى ورا يوسف و جت جنا وحدفت على يوسف الوان

يوسف:بأة كدة

جنا:اة هو كدة

يوسف اعد يجرى وراها وهى راحت وقفت ورا احمد

جنا:احمد الحقنى

احمد:يلا يا شاطرة العبى بعيد

جنا:يا احمد دة عايز يضربنى

يوسف:اية الفشر دة

احمد و غمز ليوسف:خلاص متخافيش

فجأة احمد مسكها من اديها و راح ليوسف

احمد:ربنا يقدرنا على فعل الخير

جنا وهى بتحاول تفك اديها:سيبنى دانت رخم

احمد:هو انا قادر على واحدة لما هفوقلك انتى كمان

يوسف و مسكها من اديها واحمد مشى:يــاااااااه

جنا:فى اية

يوسف:تصدقى وحشتينى

جنا:وانت كمان يا حبيبى والله...اية رأيك تسيبنى بأة عشان انا اكيد مش ههون عليك

يوسف:و مين العبيط اللى قالك كدة

جنا:احســــاس

يوسف:يا عينى ع الاحسا......

فجأة انس جاب خرطوم ماية ورش عليهم كلهم وزقهم ف البسين وراح مسك حبيبة وزقها و حبيبة عرفت انو صالحها

واعدو يهزرو طول اليوم و عدا اليوم و كان يوم حلو

.................................................. ...............................

عدا سنة وجنا اتخرجت و انس خلص 1 جامعة و حبيبة دخلت كلية اعلام و منة فاضلها سنة مشروع وتتخرج

و ف يوم يوسف و جنا كانو اعدين يتغدو وفجأة جنا سابت الاكل وقامت ترجع ويوسف راح وراها

يوسف:مالك يا حبيبتى

جنا:مش عارفة مش طايقة الاكل

يوسف:طب تعالى نروح لدكتور نشوف فى اية

جنا:لا منا هبقى كويسة

يوسف:متأكدة يعنى

جنا:اة يا حبيبى متخافش

يوسف و حضنها:بس خللى بالك من نفسك

جنا وبعدت عنو:حاضر

يوسف:فى اية يا جنا

جنا:مفيش

يوسف:اصلك بعدتى يعنى

جنا:لا اصل دة الطبيعى لاى واحدة حامل

يوسف بردو يا جنا حتى لو كدة مكنـ..........انتى اصدك اية!!

جنا:هم الرجالة دايما بيجيلهم لحظات غباء كدة....اصدى ان انا حامل يا حبيبى

يوسف:بغض النظر عن طولة لسانك بس دة احسن خبر سمعتو فحياتى...وحضنها

جنا:ربنا يخليك ليا يا حبيبى...وبعدت عنو

يوسف:واضح ان حوار الحمل دة هيجي على دماغى

جنا بضحك:لية

يوسف:اصل كل ما اقرب منك تبعدى

جنا:لا يا حبيبى بس بليز غير البريوم بتاعك عشان تقيل اوى

يوسف:انتى تؤمرينى بس اهم حاجة متتعبيش نفسك

جنا:حاضر

يوسف:اة ولما تيجي تنزلى اى سلالم قوليلى عشان انزل معاكى...عشان اطمن بس

جنا:حاااضر

يوسف:اة وخللى بالك من البيبي والنبى

جنا:حاضر يا يوسف خلاص

يوسف:اسكتى انا لسة مخلصتش...ومفيش مرواح شغل لحد ما تولدى

جنا:حااضر

يوسف:و مفيش خروج من البيت لوحدك

جنا:خلاص يا يوسف كفاية

يوسف:صحيح هو بأة عندو كام سنة

جنا:كام سنة ها

يوسف:اة

جنا:انا قلت الرجالة دى غبية...عموما يا حبيبى انا حامل فالشهر التانى

يوسف:ايوة يعنى هتولدى امتى عشان عايز العب معاة

جنا:يا حبيبى بطل غباء اكيد مش هعرف هولد امتى من الشهر التانى

يوسف:اة صح...بس بقولك هو انتى ناوية تشربية لبن لما يكبر

جنا:اكيد يعنى

يوسف:يبقى احب ابشرك انو هيطلع مش بيطيقك

جنا:يوسف اخرس

.................................................. .......................

وبعد 7 شهور يوسف وجنا كانو نايمين وفجأة.......................

جنا بصويت:يوســــــف,,الحقنى

يوسف بنوم:ممممم بتزعقى لية دلوئتى الجيران هيجو يضربونا

جنا بصويت:يوسف قوم انا بولد

يوسف بنوم:طب نامى وبكرة هنتصرف

جنا بصويت و عضتو:ااااااه قوم انا مش قـــادرة...همـــوووت

يوسف و صحى:يا بنت العضاضة....و باستغراب:بس مالك بتصوتى لية

جنا:يوسف بقولك بولد يا غبى

يوسف:ينهــــار اســــود...طب اعمل اية

جنا بصويت:والله لموتك يا حيـ......

يوسف:بس زى مانتى

فجأة يوسف شالها ونزل العربية ولما كانو رايحين المستشفى

فالطريق جنا كانت اعدة تصوت وتضرب ف يوسف

يوسف:يا بت يا هبلة هنعمل حادثة اهدى

جنا بصويت:انا هموت و انت بتقول هنعمل حادثة انت مش بنى ادم

يوسف:الله ينعل ابو الجواز...انا استاهل ضرب الجزمة انى اتجوزت واحدة هبلة

جنا بصويت:انت مبتحسش انا بكرهك طلقنى يا يوسف طلقنى

يوسف و داس بنزين جامد وبزعيق:يا رب ارحمنى مش كفاية نازل بالفنلة و الشبشب

ووصلو المستشفى و يوسف راح شايلها و هى كانت بتصوت و حطها على النقالة

جنا بصويت:يوســـــــــــف

يوسف:ايــــة

جنا بوصيت:طلقنــــــى

يوسف:اهدى يا جنا...اهدى يا حبيبتى ربنا يهديكى

جنا بزعيق وادام المستشفى كلها:انت السبب..انت اللى عملت فيا كدة انت واحد سافل وحقير

يوسف بزعيق:مش كلو بمزاجك يختى كنت ضربتك على ايدك و قلتلك تعالى

جنا:انت حيوان

يوسف:كدة...الله يسامحك يا جنا

جنا بزعيق:انت الســـــبب

المستشفى كلها بصت على جنا باستغراب

يوسف:الله يحرقك اسكتى احسن يفتكرونى اغتصبتك

جنا:اااااااااااااااااااااااااااااااااه

.................................................. ..........

وبعد 3 سنين

جنا كانت اعدة تلف فالفيلة

جنا:يوسف مشوفتش عمر

يوسف:انتى عايزة تشربية لبن

جنا:اة بقالى اعدة ادور عليه ساعة مش لاقياه

يوسف:طب روحى بصى تحت السفرة

جنا راحت بصت تحت السفرة ولقت عمر ومسكتو

عمر:يا مامى مش عايز اشرب اللبن

جنا:اسمع الكلام يلا

يوسف:ربنا معاك يبنى

جنا:انت عرفت منين انو تحت السفرة

يوسف:اصل انا كنت بستخبى من ماما تحت السفرة لما تيجي تشربنى لبن

جنا:اة ماهى جينات

عمر:اهو خلصتو

جنا:شطور

عمر:يا بابى قول لمامى متشربنيش لبن تانى

يوسف:لية دة حتى حلو

عمر:لا طعمو وحس اوى

يوسف:للاسف عارف

جنا:اصر يا يوسف وروح هات تالين عشان بتعيط

يوسف:طب هاتى بوسة الاول

جنا:انت مش هتبطل ابدا

يوسف:بوسة حالا

جنا وباستو:اهو

يوسف:بصى نيمي عمر على ما انيم تلين

جنا:لية

يوسف:طول عمرى بقول عليها غبية

جنا:يوسف بطل شتايم ادام الولد

يوسف:طب نيمية على ما انيم تلين و اقولك بنيهمهم لية

جنا بضحك:ماشى يا رخم

يوسف و هو بيقلدها:جنا بليز متشتميش ادام الولد

جنا:ههههههه حاضر روح بأة شوف تالين

يوسف:اوك

يوسف راح يوسف تلين و جنا نيمت عمر
ويوسف خرج بتالين لجنا و عيطت تانى

يوسف:يا جنا عيطت تانى ومش راضية تسكت

جنا وشالتها منة:حبيبة مامى مالها

واول ما جنا شالتها سكتت

يوسف:اية دة اشمعنا

جنا:يابنى عيب عليك دى خبرات

يوسف:ماشى يا خبرة انا هنزل اعمل حاجة اشربها على ما هى تنام

جنا:خلاص يا حبيبي ماشى

يوسف نزل يعمل حاجة يشربها وشربها تحت ولما طلع لقى تالين نامت فباسها وخرج وراح اوضتو لقى جنا نامت

يوسف:اية الهزار دة دى نامت.....جنا اصحى انتى نمتى لية!

جنا بنوم:يوسف انا تعبانة طول اليوم سيبنى انام بليز

يوسف:خلاص يا حبيبتى نامى

يوسف اعد يلعب فشعر جنا وهى نايمة

يوسف:بجد انا مش عارف من غيرك كنت عملت اية...انتى خليتى حياتى كلها حلوة...ربنا يخليكى ليا انا بحبك اوى

جنا وراحت حضنتو:و انا كمان بموت فيك

يوسف:اية دة...يعنى انتى مش نايمة

جنا:وهو انا اقدر انام و اسيبك

يوسف و حضنها:امال لية بأة كنتى عاملة نايمة

جنا:عشان اسمع الكلام الحلو اللى انت بتقلهولى كل يوم

يوسف قرب منها اوى وباسها واعد يلعب ف شعرها و............................

يوسف:ينعل ابو كدة

جنا بضحك:ههههههه استنى هشوفها

يوسف:هى البت دى مبتنامش

جنا جابتها و فضلت شايلاها عشان تنيمها وعمر صحى

يوسف:كملت...اية اللى صحاك يلا انت

عمر بنوم و حضن جنا:مامى انا خايف انام لوحدى

جنا:لية يا حبيب مامى مالك

عمر بعياط:انا حلمت حلم وحش

يوسف و راح شالو:خلاص اية رأيك بابى ينام جنبك

عمر:ومامى كمان

يوسف و راح حضن جنا:حاضر يا حبيبى و مامى كمان الله يقطع الخلفة على اللى عايزين يخلفو

جنا:هههههههه بحبك يا يوسف

يوسف:و انا بموت فيكى

يوسف و جنا خلفو عمر عندو 3 سنين و تلين سنة و احمد ومنة اتجوزو و خلفو حمزه عندو سنتين وانس وحبيبة اتخطبو
ويوسف حب جنا اكتر من الاول

النـــــــهاية