الجزء 25

جنا دخلت تاخد دوش ويوسف طلب الاكل و اما جنا كانت فالحمام يوسف جالو مسج و اول ما قرأها نزل من غير و لا كلمة و لما جنا خرجت ملقتوش و اعدت تتصل بية و مردش

...المسج اللى جت ليوسف

(عشان تعرف ان جنا بتحبنى) وكان فى صور و مصطفى ماسك ايد جنا وحاضنها

ومصطفى كان جايب حد يصورهم و هم مع بعض

يوسف خد بالو من اللبس اللى ف الصور هو هو اللبس اللى هى كانت لابساة دلوئتى

جت الساعة 3 الفجر ويوسف كان واقف ع البحر لوحدو

يوسف و هو بيتكلم نفسو:طب هى لية عملت كدة...هى مش بتحبنى...طب لية بينتى كدة يا جنا...لية...ازاى كنت بشوف ف عنيكي الحب.........و بزعيق:انتى ازاى عرفتى تكدبى عليا كدة وانا صدقتك...انا غلطت انى سمحت لنفسى احبك...انا هوريكي يا جنا و هخليكى لا طايلة سما و لا ارض

يوسف وصل السويت واول ما جنا شافتو جريت عليه

جنا:يوسف كنت فين كل دة انا خفت عليك اوى...مالك!!

يوسف:بت انتى بطلى زن و يلا لمى الهدوم عشان نمشى بكرة الصبح

جنا:يوسف انت بتكلمنى كدة لية و بعدين احنا مش المفروض ننزل كمان 4 ايام

يوسف و مسكها من شعرها:انا اتكلم براحتى و كلامى يتسمع من غير مناقشة

جنا بوجع:ااااة...يوسف سيب شعرى...انت بتعمل كدة لية

يوسف و زقها:لمى الهدوم من غير كلام و تنامى زى الكلبة برة ع الكنبة

جنا لما يوسف زقها اتخبطت ف السرير ودماغها اتعورت

جنا وعيطت:حاضر هسمع الكلام على ما اشوف اخرتها اية بس خد بالك انا مش هسكت على كرامتى كتير عشان مش تحبنى وقت اما تعوز و تهينى وقت اما تعوز

يوسف و عينو دمعت:انتى خسارة فيكي الحب اللى انا حبتهولك....و سابها وخرج

يوسف خرج نام برة و طول الليل محدش منهم نام و يوسف كان اعد يعيط و جنا كمان

جنا قامت الساعة 5 الفجر وصلت و يوسف دخل براحة عشان يشوفها لقاها بتصلى وبتعيط

يوسف:بجد مش فاهمك...وخرج

جنا مسمعتوش ولا حست بيه و بعد ما خلصت صلاه بدأت تلم الشنط

وسافرو ووصلو اسكندرية من غير ما حد يكلم التانى

يوسف:بصى بأة عشان نبقى متفقين من انهاردة مفيش شغل تانى و لو فتحتى السيرة دى تانى و الله العظيم لهكون منكد عليكى...دى اول حاجة تانى حاجة الشغالين اللى هنا كلهم مشيو وشغل البيت كلو هيبقى عليكي واجى كل يوم من الشغل الاقى البيت كلو متروق والاكل متحضرلى...ثالث حاجة مفيش مرواح الجامعة تانى والمحاضرات انا هجيبهالك

جنا بعياط:خلصت كلامك...انا طالعة

يوسف و راح مسكها من ايدها:شكلك متربتيش و لا اتعلمتى تكلمى جوزك ازاى لما ابقى اقولك غورى تبقى تغورى

جنا بصبية:اصل انا مش الخدامة اللى حضرتك اشترتها

يوسف:لا يا حبيبتى انتى مش خدامة...الخدامة احسن منك ف نظرى

جنا:ياااااااااه للدرجادى

يوسف:مش عايز كلام كتير و كمان مفيش موبايلات....وخد منها الموبايل و خرج

جنا واعدت تعيط جامد لما يوسف خرج:يا رب خليك واقف جنبى

جنا طلعت الاوضة وحطت الهدوم فى الدولاب ومن كتر تعبها نامت

اما يوسف فراح اعد عالبحر وكلم مازن

مازن بنوم:الو

يوسف:انت فين

مازن:ف البيت

يوسف:طب انا عند الكورنيش تعالى

مازن:متيجي انت يا يوسف انا مش قادر انزل يعم لسة بدرى

يوسف:مازن اخلص

مازن:خلاص يا عم جاى

مازن و راح ليوسف:اية يعم هو انا كل اما اشوفك الاقيك مكتئب كدة

يوسف بضيق:يعنى امشى

مازن:لا خلاص متزعلش...اية اللى حصل

يوسف:حكا لمازن كل حاجة

مازن:انت غلطان يا يوسف

يوسف:نعم يااخويا غلطان لية بأة ان شاء الله

مازن:و الله انت عارف ان فى حاجة اسمها فوتو شوب و ممكن يكونو متركبين وانت حتى مسألتهاش

يوسف:هو انا خت قرارى و هفضل اعاملها كدة لحد ما الاقى حاجة تثبتبلى وهى مش بتقول بتحبنى يبقى تستحمل

مازن:انت اتهبلت...ازاى تستحمل اهانة لكرامتها و تشكيك لاحترامها

يوسف بانفعال:عايزنى اعمل اية يعنى لما اشوف مراتى ف وضع زى دة اسقفلها مثلا

مازن:لا متسقفلهاش...تروح تواجهها و ساعتها هتعرف الحقيقة

يوسف:انا خدت قرارى خلاص ومش هتناقش فية

مازن:و مدام خد قرارك جايبنى لية

يوسف:يعنى انا غلطان انى باخد رأيك

مازن:و هو انت كدة بتاخد رأيي...بص يا يوسف انت تعرف جنا اكتر منى و على حسب معرفتى ليها اقولك ان عمرها ما تكون كدة و انا متأكد من كلامى ويوم ما تتأكد انت كمان ابقى كلمنى....سلام....و مشى مازن

.................................................. ...........................

فيلة والد يوسف الساعة 7 الصبح

حبيبة:مامى انا خارجة و هتأخر شوية

والدة حبيبة:راحة فين

حبيبة:راحة دريم بارك مع انس

والدة حبيبة:دريم بارك اية يا حبيبة انتى مش واخدة بالك انو مشوار طويل اوى

حبيبة:منا استأذنت من بابى

والدة حبيبة:ماشى بس قوليلى...اية كل يوم خروجة مع انس

حبيبة:عادى و بعدين متقلقيش احمد هيوصلناو هو منه جاين معانا

والدة حبيبة:طيب خللى بالك من نفسك

حبيبة:حاضر...يلا باى

والدة حبيبة:سلام

راحت حبيبة و ركبت العربية:صباح الخير

الكل:صباح النور

احمد:انا واخد اجازة مخصوص عشان اوديكو

حبيبة:ميرسي يا احمد

احمد:اى خدمة يا بيبو

انس:مخلاص يعم انت هتمثل انت رايح عشان منة بتزن عليك من فترة

منة:يعم وانت مالك بية

انس:كدة يا منون دنا حتى بكتبلك تقرير عنو كل يوم

منة:انا اقدر ازعلك بردو دانت حبيبى

انس:بحسب

احمد بغيظ:متروحى تبوسية احسن يختى

منة:لا يا حبيبى انا بحبك انت و بس

حبيبة:يا جدعان حسو ان معاكو سناجل

انس وحط ايدو على كتف حبيبة:ولا تزعلى نفسك...يلا بأة عندك حبيب

حبيبة وشالت ايدو واتكسفت:انس احترم نفسك الله

انس بضحك:ههههههه خلاص خلاص

احمد:اتلم يا حيوان

انس:حاضر

وصلو دريم بارك بعد 4 ساعات

احمد:انا بعد السواقة دى مش هعرف اركب و لا لعبة

منة وبتشد احمد:يلا يا احمد باة بطل رخامة

احمد:حاااضر...روح انت يا انس انت و حبيبة اسرحو مع بعض وعلى تليفونات بأة

انس:اوك

حبيبة:يلا نروح نلعب

انس:تحبى تركبى اية

حبيبة:تسكافرى

انس:هتقدرى تستحمليها

حبيبة:يلا انت لسة هتتكلم

انس:ماشى يلا

وبعد ما ركبو

حبيبة بصويت:نزلووووونى يا مـامــااااااا

انس:اسكتى سرعتينى

حبيبة:اااااااااة نزلــــونى

انس بزعيق:حبــيــبــة

حبيبة بصويت:ايـــــــــــــة

انس بزعيق:انا بحبك اووووووى

حبيبة بصويت:مش وقت هزااار

انس:مش بهزر انا بحبك اوووى

حبيبة بصتلو ونسيت انها فى اللعبة اصلا و بعد ما اللعبة خلصت

انس:زعلتى من اللى قلتو

حبيبة:لا مش اصدى بس....

انس:بس اية

حبيبة:انت اصدك ان انا البنت اللى انت مكنتش متأكد ان انت بتحبها

انس:اة

حبيبة:طب و اية اللى خلاك تتأكد

انس:مش مهم المهم انى عرفت وخلاص و عايز اسمعها منك....بتحبينى!!

حبيبة بارتباك:مش عارفة

انس بابتسامة حزن:خلاص زى ما احنا....احنا اخوات و اصحاب و عادى يعنى

حبيبة:لا انا مش اصدى

انس:امال اصدك اية

حبيبة بارتباك:اصدى ان انا يعنى......

انس بابتسامة:بتحبينى يا حبيبة

حبيبة:هزت راسها بمعنى اة

انس : وانا بموت فيكي

حبيبه اتكسفت و معرفتش تتكلم

انس:احم...

حبيبة:ماشى

انس:بس بقولك اية انا عايزك معايا متتكسفيش لان انا اصلا سافل

حبيبة:يسـلام

انس:اة عندك اعتراض

حبيبة:على نفسك يا حبيبى

عدا اليوم وروحو البيت

.................................................. ....

اما عند يوسف و جنا

يوسف روح البيت الساعة 11 لقى جنا نايمة فصعبت علية

يوسف لنفسو:هو انا هرجع زى الاول ولا اية...انا مش هخليها تصعب عليا

وراح جاب ماية ساقعة و دلقها عليها

جنا بخضة:فى اية

يوسف:الفيلة متروقتش لية...ولية معملتيش الاكل

جنا:انا كنت تعبانة فنمت

يوسف:لا يا حبيبتى اتعودى ان مفيش نوم الا لما انام...فاهمة

جنا:مردتش

يوسف:بتبصيلى كدة لية....روحى يلا اعمليلى شاى

جنا مردتش ونزلت المطبخ عشان تعمل الشاى و يوسف فتح موبايلو و شاف الصور تانى و اتعصب زيادة

ولما جنا طلعت و حطتلو الشاى يوسف مسكو و شربو و.....

يوسف بعصبية ودلق الشاى على اديها:اية دة انتى عملالى شاى ساقع

جنا بعصبية و عياط:دة ساقع انت بتهزر

يوسف:هو بالنسبالى ساقع

جنا:انت بتعمل معايا كدة لية

يوسف:بقولك اية غورى برة دلوئتى عشان عايز انام وتصحينى بكرة الساعة 7 الصبح عشان اروح الشغل و الاقى هدومى و الحمام متحضرين

جنا بصتلو بعياط و خرجت و راحت حطت على ايدها كريم حروق و خرجت تتمشى ع البيسين و يوسف كان صاحى و شايفيها من الشباك

جنا بعياط وهى بتكلم نفسها بس يوسف مكنش سامعها:هو لية بيعمل معايا كدة...هو دة ذنبى انى حبيتك يا يوسف...حرام عليك اللى انت بتعملو فيا دة..

فجأة جنا اتزحلقت ووقعت ف البيسين و هى مش بتعرف تعوم

و يوسف خد بالو انها بتغرق

يوسف بخضة:ينـــهـــــــــار اســــــود

يوسف نزل بسرعة و نط فالبيسين وجابها واعد يفوقها

يوسف بخصة:جنا فوقى....يا حبيبتى فوقى عشان خاطرى

جنا فاقت و اعدت تكح

يوسف بخضة:انتى كويسة

جنا:خايف عليا

يوسف:و اخاف عليكى لية

جنا وهى بتقوم بتعب:يبقى سيبنى ف حالى ومدام بعملك اللى انت عايزو يبقى متجيش تسألنى على حاجة

يوسف لنفسو:ماشى يا جنا...اما نشوف اخرتها اية

جنا طلعت و دخلت اوضة تانية و غيرت هدومها و نامت

صحيت تانى يوم الساعة 7 و كانت دايخة ومش قادرة تتحرك و راحت جهزت ليوسف الفطار وحضرتلو الحمام وبعد كدة راحتلو عشان تصحية

جنا بتعب:يوسف قوم

يوسف:الساعة كام

جنا:الساعة 7 و نص

يوسف بزعيق:هو انا مش قلت صحينى 7

جنا بتعب:يوسف انا مش قادرة...ادينى جهزتلك حاجتك...سيبنى فحالى بأة

وسابتو ومشيت راح يوسف ماسكها و ضاربها بالقلم

يوسف بزعيق:هو انا مش قلتلك قبل كدة تتـــــ

يوسف قاطعو منظر جنا وهى بتقع على الارض

واتصدم من اللى حصل وبعد شوية على ما استوعب راح شايلها وحاطتها على السرير لقاها سخنة

يوسف:اية دة...دى سخنة اوى...اكيد من وقعة البيسين

يوسف اعد يعملها كمادات و بعد شوية لقاها اعدة تتكلم و هى نايمة

جنا:لية كدة...بحبك...حرام عليك...متسبنيش... و بخضة و لما صحيت:يوسف

جنا ولما فاقت لقت يوسف جنبها:اية اللى حصل

يوسف:اظن انك بقيتى كويسة...خدى الدوا و هتبقى احسن...سلام

جنا مسكتو من ايدو و بعياط:انت لية بتعمل معايا كدة

يوسف:انتى اللى اضطرتينى لكدة....و سابها ومشى

.................................................. ..................

عدا اسبوعين ويوسف بأة يبت برة البيت كتير ومبقاش يتعامل مع جنا خالص الا لو عرف يمسكلها غلطة فكان بيتخانق معاها

فيوم جنا قررت انها مش هتسيبو الا لما تعرف مالو فظبطت البيت كلو و عملت الاكل اللى هو بيحبو و لبست فستان حلو

اما يوسف فكان راجع من الشغل فرحان لان باباه بأة يثق فية و عينو ف رئاسة مجلس الادارة ولما كان مروح موبايلو رن وكان........

يوسف:الو...مين معايا

الشخص:اذيك يا جو

يوسف بشك:انت مين

الشخص:معاك مصطفى

يوسف بعصبية:انت عايز اية تانى يا زبالة

مصطفى:متتعصبش بس كدة...انا بس حابب اطمن عليك

يوسف:عارف يا ر.. ... انت لو مااتهديت انا هجيبك الارض و اعرفك مقامك

مصطفى بتمثيل:مدام انت مش بتحب جنا سايبها على ذمتك لية...طلقها باة...انا وجنا بنحب بعض...انت لية مش راضى تحس بكدة

يوسف بزعيق:وحيات امك مهسيبك ف حالك يا كلب... قفل السكة ف وشو

يوسف وصل البيت و بعد ما كان فرحان بأة مضايق ومتعصب وكان ناوى ينكد على جنا

و لما وصل و جنا شافتو راحتلو و حصل............................................... .....