الفصل الخامس
إهربوا !
أنا خلاص مهمتي إنتهت و هو قال إنه هيسيبها ! إكشفي عن عينك يا فاطمة
! و المفاجأة عينها رجعت بني زي عينها الشمال !
إهربوا يابني . لأن أهل القرية كلهم !!!! متجمعين حوالين البيت و هيحرقوه خلاص
و أنا بقوم و أروح للبنت الصغيرة لقيت أغلب الجثث اللي موجودة دي جثث لأهل القرية نفسهم - منهم إسلام و عيد و محمود
قلت للراجل دا - مش هتيجي معانا ؟!
قال لي يابني أنا حياتي خلصت لحد هنا !
لما تسمع عن أساطير جديدة عن ام وش ممسوح
و عن أبو راس مقلوبة - إعرف إني أنا اللي عملتهم
و لقيته بيقول لي : خلي بالك منها ! أنا عملت كل دا عشانها
و لقيته بيحط نفسه في تابوت حديدي ! و إتنين من المخلوقات العجيبة دي شالوهو رموه جوا الفرن
قبل ما يرموه قال لي يمكن أرجع تاني ! بشكل تاني !
و الغريبة إنه لما دخل الفرن اللي صهده واصل لحد عندي مصرخش ولا عمل أي صوت !خرجت أنا و البنت - و دخلتها البيت عندي و رحت للباب الرئيسي لقيت أهل القرية كلهم !!!!!!!!!!!! كلهم !!!!!!!!!!!
ماسكين جراكن بنزين و عمالين يكبوا على البيت لحد ما بدأ يتحول لرماد
بس اللي عمري ما هنساه إنهم واحد ورا التاني يدخلوا البيت و يطلعو منه و هما بيتحرقواو يقولوا
آنت نهاية قرية الملاعين !
و لقيت الشيخ عبد الرحمن واقف عند الجامع و كان بيعرج - حمدت ربنا إنه خرج سليم - راح عندي و قال لي الحمد لله يابني إنك سليم !
يالا بينا نمشي بسرعة لحسن القرية كلها شكلها إتلبست
خدت البنت من البيت لقيتها ماسكة القط بتاع والدتي و عينها بتدمع أنا عايزة بابا أنا عايزة جدو حد يرجعهولي
مشينا إحنا التلاتة
و سامع صوت بيقول لي متبصش وراك !
إياك تبص وراك
بس أنا بصيت !
لقيت نفس المنظر و نفس الناس بيولعوا في بعض
لكن لقيت الراجل العجوز - بس دماغه كان طالع منها قرنين طوال أوي
و كان مبتسم و بدأ يضحك ضحكات خفيفة بعدها إختفى
مشينا لحد ما وصلنا لقرية جمبنا - قلت للشيخ عبد الرحمن هنعمل إيه يا شيخ !؟
قال لي أرض الله واسعة يابني - ربنا مش هيسيبنا
- القصة منتهتش !
بس أنا قررت انى لازم أعرف قصة الراجل دا إيه
أنا هسافر هناك
هسافر إلى أقاصي سينا ! و أشوف ايه قصة الراجل دا
الحمد لله إتعافيت من الصدمة النفسية و الجسدية اللي دختها أنا و الشيخ عبد الرحمن الراجل التقي المستنير ...
و أهل القرية اللي جمب قريتنا إستضافونا كويس جدآ و كرمونا آخر كرم