الفصل الاول

في حاره قديمه من حواري الاسكندرية
.............................................
حاره المرعشلى وتحديدا عند قهوه النغميش
يجتمع صديقان وفى نفس الوقت أخوة من الرضاعة وهما
جسور خريج كلية سياسة واقتصاد يبلغ من العمر ثلاثون عام وسيم الملامح قاسي النظرات وحاد التصرفات
ادم خريج كلية تجاره يبلغ من العمر تسع وعشرون عام وملامحة رجولية أزرق العينين طيب وشهم
يجتمعون دائما علي هذه القهوه يتناقشان في احوالهم واحوال البلد ويبحثان دائما عن فرصة للعمل بمجالهما
جسور"::... يعني واحد زيي عندة30 سنه لا شغله ولا مشغله وبلقط رزقي في اى مكان عشان شويه ملاليم
ادم"::... يا عم روح طب انت لاقي مكتب يلمك حتي لو ملاليم امال انااعمل ايه بشتغل فى نادى جرسون ومش بمؤهلى دلوقت اعمل اية والناس هناك ايه يابا اغنياء والمعاملة من طرف مناخيرك كانك ساكن كوكب زحل والغرور اية ما تتوصاش تحس انهم خلاص هيطلعلهم ريش
جسور":... ومين سمعك
هنعمل ايه شويه كلاب ماصيين دم البلد والاسم رجال اعمال
ادم: انا طقت ف دماغي فكره مجنونه نقدر بيها ناخد حقنا منهم هي مش طريقه صح بس نعمل ايه المضطر يركب الصعب
جسور :.... واية دى يابو المفهومية
ادم :... من غير تريقه والنبى كلنا ف الهوا سوا شوف يا سيدى
احنا نشوف كده بنت غنية ننشن عليها ونخطفها ونطلب خمس ملايين فدية ودي حاجه بسيطه بالنسبالهم مش هتفرق معاهم بس هتفرق معانا وابوها أكيد عشان له اسمه في السوق هيخاف من الشوشره والفضيحه وهيدفع فورا
جسور:.... بسخريه ايه الدماغ العاليه دي انت تقلت في الصنف يا عم ولا ايه ارحمنى من افكارك انتا عاوز تودينا فى داهية والنبى خف عليا انا فيا مكفيني
لا ياعم انا مش مقتنع ودي فيها اعدام اختطاف انثي وتتبلي علينا وابوها يكون ليه علاقات ومعارف
ادم:....وهو يحاول ان يقنع جسور ماقولتلك دي ملاليم بالنسبه لهم ولا هتاثر فيهم وهيخاف من الفضيحه وعلى أسمه المهم نختار صيدة صح
جسور:.... ياجدع بطل تهريج بقي
ادم :.... هو يمسك يده بشده عندما ارد النهوض والمغادره الفلوس دي هنشتري بيها الارض ونعمل المشروع اللي بنحلم بيه والبليه هتلعب معانا ونبقي شركاء فيه
جسور:...فجلس مرة اخرى وهو يضعف من اقناع ادم له والطغط على افكارة المشوشه فاخذ نفس عميق لكى يجمع شتات فكرة واستأنف قالآ طب سيبني افكر وارد عليك ماهي خربانه خربانه
....................
في احد القصور للدهشوري بيك
فتاة جميلة بيضاء البشرة اسمها روح والدلع ريري تستيقظ من النوم وتتمطع على السرير وتنظر الى سقف الغرفة وتقول فى نفسها انه يوم جديد ممل كغيرة من الايام التى تسبقه روح ....تبلغ من العمر ثلاثه وعشرون عام قضت أغلب حياتها فى مدرسة داخليه خارج البلاد ولا يوجد لها الا صديقه الطفولة زمرده فهى وحيدة أبويها وزمرده من شاركتها الدراسة فى المدرسة الداخليه .. فتنادي على دادتها سعديه فهى من تراها عندما تكون متواجدة فى مصر ولا تكاد تتعامل مع احد غيرها...وعندما حضرت دادا سعدية التى تعتبرها ابنتها الصغيره فهى تشفق عليها لانها دائما فى هذا القصر المانيف واحيدة وفابتسمت فى وجه روح الصبوح
داده سعديه:-...صباح الخير على الاميرة الحلوة يلا اصحى عشان تفطرى فابتسمت روح لها وسألتها
ريرى:....صباح الخير يا دادا هى ماما ناهد فين ؟
الداده سعدية : في الجمعية الخيرية ياحبيبتي مانتي عارفه
ريرى :... والله انا خايفة عليها قوى من ساعة الحادثة وهي صحتها فى النازل انا مش عارفة هيه مصرة تروح النادى ليه وهيه تعبانه كده ...طيب بابى فين .. فابتسمت مرة واحده واشارت لها استنى استنى أكيد فى الشغل طبعا مهو مش فاضيلى دايما يا شغل يا صفقات معرفش خلفنى ليه طالما مش فاضيلى كده انا حسة انى وحيدة يا دادة بجد انا حزينه بس تعرفى انا بقول ديما الحمد للة انك معايا انا معرفش من غيرك كنت هعمل اية ونفضت الغطاء من على جسدها وقامت برشاقتها المعهوده وأستأنفت الحديث انا حروح اخرج شوية اشم هوى حسه انى مخنوقة فى البيت عاوزة حاجة يا دادة
دادة سعدية بحزن على حال طفلتها :لا يا حببتى خلى بالك من نفسك
تضحك روح وتقول ما تخفيش انا برضو بنت الدهشورى على سن ورمح انتى ناسيه ولا ايه فترتدي ثيابها وتذهب للنادي لكى ترا اصدقائها
.........................
في القهوه
ادم:.... فكرت
جسور:..... انا قلقان من الموضوع ...
ادم :.... لما البلد توصل عقول ولادها للاجرام ده يبقي قول علينا كلنا يارحمن يارحيم عندك حل تانى
جسور:..طب احنا هنعرف البت دي ولا الراجل الغني ده منين
ادم:...سيب الحكايه دي عليا انتا ناسى انى بشتغل جرسون فى نادى لرجال الاعمال والطبقة العالية وهو نادي كبير وفي ناس تقيله هروح وابص واسال واطقس على البنات هم بيبقو موجدين هناك وكل واحدة بتتفاخر هيى بنت مين وانا عندى ايه والكلام اللى يخلى الواحد يفرقع من الغيظ
جسور:... تمام وربنا يستر
.................
في النادي
تصل روح:هاي ياشله أزيكو
باسم: ...ازيك ياقمر
روح:....اتلم يا باسم ميت مرة بقولك اتكلم كويس شاهدة يا بوسى المهم انا زهقانة اية رئيكو نروح شرم فى الشالية بتعانا او نعمل سفارى اية رئيكو بوسى وشهد وزمردة والله فكرة طحن موت وباسم انا فاضى اروح معاكو ردوا فى نفس واحد طبعا لا احنا بنات مع بعض
باسم :...طيب انا اطمئن ازى انا اخاف عليكو ونظر الى بوسى وبالاخص بوسى انا مش فى حكم خطيبك ولا اية يا هانم رفض البنات رفض قاطع وهو استسلم وقال طيب تبقى تكلمونى لما توصلو فاهمه يا بوسى فهى نظرت اليه وسكتت .. طيب هشوف لسه مقررتش يا باسم ...
يدخل ادم لحارس النادي وذهب اليه
كنت بسال عن الشيف محسن كان وعدني يكلم المدير ليا علي شغل لصاحبى ووعدني اقابله النهرده فى النادى هو موجود
وهو يدور بناظريه علي البنات الموجوده وفجأه يلفت نظره روح فهي المتالقه فيهم كانت بيضاء قصيرة رشيقة القوام مغرية وعيونها بلون البحر وشفتها شهيتان وانف صغير وطابع الحسن على ذقنها وشعر طويل يتمايل ويتراقص فى خطواتها الرشقية
فياتي له الحارس بالشيف محسن
ادم:....عملتلي ايه في موضوعي ؟؟؟
الشيف واللة صعب يا ادم اصبر على شوية وهرد عليك
ادم:هي مين الموزه دي ويشير الي روح
محسن : ... فأبتسم عندما نظر الى روح لادي تشتريك ببلدك كلها دي بنت الدهشوري رجل الاعمال الشهير تاجر الخشب المعروف
ادم:....ربنا يجعل كلامنا خفيف عليهم
.............. في القهوه
ادم:.... جبتلك حتت بت ابوها رجل اعمال تقيل قوى
هيلزمنا بس نراقبها علشان نرسم الخطه ونعرف نخطفها
جسور طبعا المكان الى حنحطها فية والعربية الى هنخدها فيها والمخدر عشان ما تصرخشي وتلم علينا الناس اصل الستات دول صوتهم اية سرينة ياخى ويريت تتقفل لالالا وصلة مستمرة
ادم":. انا مش عارف انت بتكرهم ليه ده حتى دول يتحبوا خالص
جسور:... يمكن عشان مرات ابويا ولا زميلتى الى سابتنى عشان واحد غنى ولا اية ما علينا سيبك
ادم بص ليه وسكت وهو حزين على حال صديقه واخوه فقال ان شاء الله ربنا هيكرمنا ووننجح فى حياتنا احنا بس عوزين فرصة بس فرصة واحده ونعمل المشروع بتاعنا
جسور ينظر الى صديقه ويقول اتمنى يا شيخ المهم يلا نتكلم على الخطة اولآ البت دى لازم نجمع معلومات عنها مثلا يعنى تحركتها اصحبها اهلها بتروح فين كل حاجة وانا هعتمد عليك يا ادم عشان انت الاقرب عشان بتشتغل هناك اوكى
ادم :....علم وينفذ يا مدير
*************
....الاختطاف....
ادم:..... جمع كل الخيوط والمعلومات وعرف انها هتروح مع صحابها شرم الشيخ وقال كل تلك المعلومات لجسور
جسور:... حلو خالص كدة عرفنا المعاد وكل المعلومات اللى احنا عوزنها ودلوقتى هنروح نقطع عليهم الطريق وهما على الطريق الصحراوى تمام اوى يلا بينا .....
وفى فيلا الدهشورى روح بتوضب الشنطة بتقول لدادة سعدية انها هتروح شرم مع صحبها بوسى وزمردة و
الدادة... ما شى يا بنتى غيرى جوى براحتك بس هتقولى لبابا وماما ناهد فردت روح بحزن... هما فاضيين ليا يا دادة انا بقولك عشان انتي بس الى مهتمة بيا راحت الدادة حضنتها وعيونها تمور فيها الدموع على صغيرتها بحزن شديد
اتصلت بوسى معلش يا روح مش هقدر اسافر معاكو فروح عرفت عشان باسم وحاولت تقنعها فرفضت واتصلت على زمردة وقالت لا انا بحضر الشنطة بيس يا مان ردت روح بفرح اشطة
وهما على الطريق زمردة تقول والله البت بوسى دى رخمة ليه ما مراحتش دا الجو تحفة
روح ...منتى عرفا بتموت فى باسم ومش عاوزة تزعلو زمردة والله باسم دة عينة زايغة لما بتكونى موجودة بيعاكس فيكى قدم بوسى ومش عامل حساب لمشاعرها
وفجاة وهى بتكلم روح كسرت عليهم سيارة وظهرمنها رجلين ملثمين وضخام الجثة فوقفت روح السيارة وهى فى قمة الخوف وصديقتها زمردة وفتحو باب السيارة بسرعة ولسة هيصرخو هجمو عليهم واستخدمو المخدر وكلا من ادم وجسور حملآ الفتيات
جسورنظر بغضب الى ادم... دول اتنين هنعمل اية يا ادم خلى وحدة وناخد الى عليها العين
ادم:... لا زيادة الخير خرين
جسور:.. بس احنا منعرفش عن التانية حاجة
ادم:.. خلاص يا عم هنبقى نعرف
جسور :..طيب بطل رغى وبسرعة نمشى على البيت بتاع ابوك القديم اهو بيعد عن الناس ومهجور و لما وصلوا كانت لسه البنات متخدرين
ادم:... بص لزمردة البت حتت قشطة اية الحلاوة دى يخربت حلوتك يا شيخة انتى رضعوكى ايه مربي فيتراك
جسور:... ادم اتلم احنا فى مهمة وتخلص مش اكتر فاهم
ادم:.. يعنى بزمتك انت مختش لبالك من المزة الى انت كنت شايلها ايه انت مش راجل ولا اية ومفيش مشاعير ولا حاجة
جسور:.. بقسوة ادم متنساش احنا هناخد فلوس ونمشى مش اكتر فاهم
ادم:.. يغمز بعينة وضحكة ماشى يا عم المدير يلا عشان نحط البنات فى الاوضه
وبعد مضى وقت افاقت كل من الفتيات ونظرا لبعض ومن ثما الغرفة المتاهالكه وقالا
احنا فين وقاما واتجها نحو البابلا يخبطو علىه وبصراخ الحوقنا يا ناس حد يسمعنا في حد هنا وفجأة يدخل
جسور:.. وبصوت مرعب خشن متصرخوش احنا هناخد فدية عليكو وبعدين تروحو لبيوتكم ثم بسخرية قصدى الفيلا بتاعت بابي يا حلوين لو ما سمعتوش الكلام نظر نظره لروح وخصها بيها فخافت روح ولكنها أبت ان تريه ذالك لم تظهر الخوف
وقالت روح:.. بصوت مرتبك انا مش خايفة منك انت مش عارف انا مين انا ممكن اوديك انت والى معاك فى داهية دخل هنا
ادم:.. وقال فى اية يا جماعة استهدو كده يا انسة احنا بس هناخد الفلوس وترجعو تانى معززين مكرمين بس اتعاونوا معانا ممكن
ردت زمردة:.. بس احنا معملناش حاجة نظر ادم ليها بهيام لجمالها الشديد وهنا تنحنح جسور:.. هى كلمة كلها كام يوم وبعدين ترجعوا للاهاليكم وضرب جسور بمرفقيه ادم الذى كان ينظر بهيام لازمردة فانتبه ادم لاذالك واستعاد نفسه
ثم خرج كل من جسور وادم واغلاقا الباب