قصة حب حقيقية حدثت عبر الفيس بوك
في يوم من الايام كنت اتصفح في الفيس بوك وابحث عن اصدقاء وفجأه عثرت علئ ممثل معروف من بلدي العراق بعثت طلب صداقه فتقبل الصداقه وتحدثنا عبر المسنجر طلب مني رقم هاتفي وقال
انه يود ان تتطور علاقتنا طبعا انا فرحت كثير لكني فكرت في نفسي ممكن يحبني لاني في بلد اوروبي؟
مرت الايام وكل يوم نتكلم بالمسنجر مو اقل من 4 ساعات حبيتو وعلئ اساس حبني بس المشكله والدتي تگول عيب نتزوج ممثل هو يعرف بالخبر اتفقنا نتزوج بدون علم امي وهو عساس يجي
بشهر الثاني من 2013 وانا اجرت شقه دفعت ل4 شهور .كنت احس انه عنده جوال ثاني بس كان يگول لا متوهمه انتي لاني كنت اسمع صوت تلفون يدگ من نحكي المهم
انا حسيت انه يحبني علمود ساكنه ب اوربا .......
في يوم كلت له انا قررت احكي لعمي وهو يوافق ماعنده مشكله اذا اتزوج فنان ....
حبيي گال لالا ابدا ماريد اي بشر يعرف نتزوج وبعدين احكي مع امك !!!!
خفت كثير انا صح عايشه بدوله القانون فيها معي لكن قررت احكي لعمي.
اتصلت بعمي وخبرته ان في رجال متقدملي بس فنان ممثل وامي رافضه الموضوع ،،،
عمي تقبل الموضوع برحابه صدر گال اهم شي نيته صادقه فرحت كثييييير اتصلت بحبيبي الفنان خبرته..
كلت له مرحبا حبيبي انا عندي كلام بس لاتزعل گال يانور عيني تفضلي كلت له خبرت عمي و وافق نتزوج ،،،،
بدأ حبيبي بالصراخ والكفر المتكرر انتي شلون تصرفين من كيفك انتي ماتحترميني شنو اسوي لازم اقابل عمج !!!
انا انصدمت وخفت كثير كفر حبيبي يكفر بالله زين ليش ميحب يخطبني من اهلي؟؟؟
المهم كان عنده تصوير مسلسل بهذاك اليوم فتحاكينه ساعه 12 باليل بتوقيت العراق.
طول اليوم ضليت افكر كلت مستحيل اتزوجه من دون رضا اهلي لان خوفي يتغير عليه بيوم من الايام،
بليل كال حبيبي مستحيل اقابل عمكيً ليش كلت له گال لان انا ماحترمته وغيرت رأيي كنا متفقين نتزوج وبعدين نخبرهم.
كلت له غيرت رأيي لازم تقابله توسلت بيه يالله رضا يقابل عمي وكال بيناتنا ماريد الناس يعرفون...
كلامه خوفني كثيررررر بس هو گال اريد اسبوع اقابله ... ثاني يوم بعثتله رساله كلت له عمي الثاني رفض بس الاكبر موافق كال لا بعد ماريد اتزوجج لان طريقج صعب كثير ....
انا متقصده كنت اكوله واحد من عمامي رفض اختبره كنت اريد،،،ًاصلا هو ماكان رايد يقابل عمي ونتزوج من دون علم اهلي....
انا بالبدايه كنت مخدوعه بيه لاني حبيته كثير حبيته من دون مااشوفه بالحقيقه بس هو كان كل يوم يأخر بموعد جيته ل اوروبا خلاني ااجر شقه ودفعت مبلغ اربعه اشهر اتمنئ من كل الامهات والبنات
يحافضون علا بيوتهم وبناتهم من النت واتمنئ اسمع ارايكم حول الزواج من ممثل عيب؟
او حرام ماذا يقول المجتمع عن الممثل؟؟
المشكله انا حبيته كثير بس قررت اختبره لانه گال اول مره مارح احكي مع عمك ولااريد تحكي معايا ابدا باي بعدين رجع يحكي بطريقه الطف يمكن خاف عله سمعته مااعرف بس هو نيته مو صافيه
واخذت درس بالحب من الفيس،،،،