الفصل 14
مــاجـد: ويــن راح لســانـج اللي كــان يثـرثـر قبـل شـوي
سمـر: مــاجـد انت صــاحـــي يمكــن تعـرضــت لحـادث
مـاجد ضحـك: ههههه أي حـادث تصـدقين ولا مـا تصـدقين انتي حره بس قلبي تعلق فيـج
تغيـر مـلامـح ويهـــا ... مب مصدقه بعـدهــا ... خلتــــه في المطبـــخ وطلعــت عنـــــه
تمشـي وتعض اظـافـرهـــا ... ليـن مـا وصـلــت عنـدهـــم
عبيــر: حشى وينــج تـأخـرتـــي
سمـر تعض ظفـرهـا: رحـت الحمـــام
عـايـده: عيل ويــن هـريســج
سمــر: هـا الهـريس هونــت مـا أبغـــي
هنـد: وش فيـج كـأنـج شـايفـه فـلـم رعب
عبير: هيه والله قاعده تعضين أظافرج ليش
سمر تحـاول تـرجـع لطبيعتهــا: ويـن متغصـصـه من هالأظـافـر
عايده: ألا قـولي من اليوع تـاكليـــنه
سمـر مب مهتمـه: هيه صح يمكن يمكن
يوم سمعـت صـ،ـوت مـاجـد ... تلصقــت بعبيــر
مـاجـد تعمـد يـوقف ويســالهــا: سمـر عـلي في البيــت
منخشــه ورا عبيــر: هيــه
مــاجد: يـاللـه عيــل مــروح أنـــا
عايــده: الله يحفظكـــم
تمــت تتطـالـعـه ليــن مــا وصـل صــوب البــاب
نـزلت عينهــا اول مــا صـد صوبهــا وقـالهــا : احبــج
بصــوت غيـر مسمــوع بس هيــه فهمتـــه
حتـى ضحـك على ردة فعلهـــا وطـلــــع
مـاجـد من اعترف لهــا وهي تحـاول تجنبـه خـاصة اليوم في العشا كان في بيتهم (سالم) يحاول يكلمهـا بس كانت تشرد منه .. وما ارتاحت لين ما راحوا
وألحين الاخت في هالوضع
ريــول مرفوع على الكنبه ... وبـاقي الجسم طايح على الزوليـــــه
تلعب بخصلتهــا وتفكــر بكــلام مــاجـد
في خـاطـرهـا: أكيـد أحـد ضــاربنـه على راســه ولا مـاجـد وين عنـده هالسـوالـف
لا لا مــاجـد كـان في كـامـل وعيــه ...
أم فـاهـم: سمــر
سمـر : بس كيـف يحبنـي وأنـا أحبـه ولا مـا أحبــه
أم فـاهـم: سمــر مـا تسمعيــن
سمـر انتبهــت :أوه أمــايــه
أم فـاهـم: هيه أمـج اللي تنـادي عليـج وانتي مسوتنهــا طـاف
سمـر: واللــــه
أم فـاهـم: ما علينـا يالله قـومي وروحي مكـان ثـاني تفكـريـن فيه
سمـر: ليش
أم فـاهـم: حريم بيـون وبشـوف بضـاعتـي
سمـر: يمـه وديهــم الميلـس
أم فـاهـم: بس أنـا أبى هنــا
سمــر: بس أنـا قـاعـده افكـــر
أم فــاهــم: أنتي عندج عقل عشان تفكرين يالله قومي
سمر بدلع: يمــــــه
أم فاهم: قومي ما تفهمين
سمر: هع ابوي بي وبيخرب عليج
أم فاهم: انتي اكيد مب صاحيه يعني ماتعرفين ابوج وين يكون هالحزه
سمر: هيه صح .. حظهم الرياييل يجتمعون كل يوم ويفرجون عن همومهم
وانتي امايه شوفي ساعه كم منو يدخل ناس في هالحزه
ام فاهم: قومي وعن الثرثره زايده
قامـت سمــر : ها قمنـــا خلاص
ام فاهم: هيه يالله فارجي
سمر: بقعد معاكم
ام فاهم: قعدي بس مو تبطلين حلجج
سمر: بحاول
يلست معاهم 5 دقايق ويوم حست إنه قعدتهم ممله .. قـامت وراحت صوب غرفتهــا
بس الاصوات اللي طالعه من غرفة علي لفت إنتباهـا ... راحت صوب غرفته .. وفتحت الباب شوي
شـافتـه قـاعـد يرقص .. تمت تضحك عليه
وهو مشغول قاعد يرقص .. ولا الحبيب ماسك كتاب أونه قاعد يذاكر
حبت تخوف ... فتحت عليه الباب فجأه
سمر: إنت إيه شو عندك
فزع المسكين ... وتم يتحرطم عليها: خيبه طيحتي قلبي عبالي ابوي
وش فيج وش فيج انتي
سمر فيها ضحكه : انت اللي وش فيك معلي على الصوت اللي يقول ألحين الريال في المرقص
راح صوب المسجل وقصر على الصوت
علي: انتي ما يخصج .. ويالله برع من غرفتي
سمر: ترى شفتك يوم ترقص .. تهز راسهـا: تعرف ترقص بعد
تقفط علي وراح صوبها : انتي ما عندج شغله
سمر: لا حاسه بملل
راحت صوب سريره ويلست
علي يطالعها: شو مقعدنج روحي عند ربيعتج عايده
سمر:فشله ساعه كم ألحين ما تشوف
علي: شو فيها ساعه 11
سمر: وتباني اروح بيتهم صج غجه انته
علي: انا الغجه ألحين ... أقولج قومي واطلعي قبل لا استخدم معاج القوه
سمر تضحك: هههه وانت فيك قوه عشان تستخدمه
علي عصب .. ويوم شافته ياي صوبهـا شلت بعمرها وطلعــت
صك الباب بقوه
سمر: بل ... شو اسوي ألحين انا ملانه
ماشي غير إني ارقــــــــد
كعـادتهــا العصـر طلعــت بتـروح عنـد عـايـده ..
فتحـت البـاب وطـاح قلبهـا اول مـا شـافت مـاجـد يلعب مع الكـوره
وقفـت في مكـانهـا وفي خـاطره: امشي قبل لا يشوفني
وهي بدت تمشي منزله راسها ترمس في خاطرها:آخر زمن أنا اخاف من ميووود
وقفت في مكانهـا ورفعت راسهـا .. إلا وماجد جدامهــا
وبيده الكـوره ...يفره من يد ليد الثانيــه
مـاجد: هلا سمر
سمر خايفه بس ما تبا تبين: اهلين
تحركت منعهــا .. تتحرك يمين تحرك يمين تتحرك شمال تحرك معاها
آخر شيء تغصصت: ماجد وش فيك
ماجد يستعبط:مافيني شيء
سمر: عيل خلني اطوف
ماجد: اطوفين .. ليش انتي سياره
سمر: ها ها اونك عاد تنكت ما يليق عليك ترى
ماجد: خلاص تبيني اكون جاد
سمر: ما يهمني
ماجد: البارحه صارحتج بحبي (تغير ويهـا)
وانتي ما عطيتني ردج تحبيني صح؟
سمر: شـــــــــــــو
ماجد:بــل وش فيـــج
سمـر: ماجد انت صاحي ؟
ماجد: هيه
سمر: قوم عني أحسن لك
ماجد فر الكوره: اول شيء ردج
سمر: اول شيء قوم عني
ماجد: ردج
سمر: ما احبك خلاص
تم واقف .. وهي تحركت
دخلت غرفة عايده ... متضايقه على الآخر
سمر: اخوج هذا بذبحه
عايده تضحك: ههههه كم مره قلتيها
سمر: تبيني اذبح صدق يعني
عايده:هههه اكيد لا
سمر: عيل قولي له يصطلب
عايده: شو سوا بعد
سمر: يحب يضايقني بس
عايده: ههه وشو اليديد في السالفه
سمر: انا اللي ما عندي سالفه اشتكي من اخت اللي يضايقني
عايده:هههه ولا تعصبين بتفاهم معاه
سمر: إلا عبير وينها
عايده: قلت لها تقلل من طلعتهـا
سمر: ليش؟
عايده: الامتحانات على الابواب تهتم بمذاكرتهـا احسن
سمر:ههه ابصم بالعشره عبير ما بتسمع كلامج
وفي هالحزه دخلت عبير: السلام عليكم
عايده تطالعهـا: صـدقتي
عبير: الناس ترد السلام
عايده وسمر يضحكون: وعليكم السلام
ماجد يالس برع ويكلم نفسه : ما تحبني لا والله مب على كيفه
تحبني بس تدلع صح وبخليهـا تعترف غصب ههههه هيه صح تعترف غصب
قام وراح داخل
عايده: تعرفون إنه اليوم بحددون متى ملجة خليفه ورحاب
سمر: والله
عبير: احسن لأنهم وايد طولوا
عايده: إن شاءالله اليوم بنعرف الخبر
سمر: يا سلام يعني بنتكشخ وبنرقص
عبير: بنقول لخليفه ييب فرقة تربش
عايده: انتي اهتمي بدراستج احسن
عبير: لاحقين على الدراسه بس سمور شو فرقه تربش
سمر:مممم علي القطري
سمر: هيه حلو ختى فرقة سلامي
سمر: ولا اقول كواسر
عبير: لا لا رحابه
عايده: انتوا إيه خلهم يحددون بالاول بعدين تضاربوا على الفرق
سمر: متحمسين يا اختاه
عايده: بروح المطبخ تبون شيء
سمر: شو عندكم
عايده: اليوم ابوي شاري عصاير بس ما شفتهم
سمر: شو تترين عيل يالله روحي اخدمينا
عبير: انا بروح معاج عشان اختار عدل
سمر: رايحه سوق انتي مب مطبخ
عبير: لا تخليني ألحين ما اييب لج شي
سمر: تقدرين انتي
عبير: هههه هيه اقدر
عايده: لا حول .. اطلع عنكم احسن لي
عبير: تريينـــــي
بعدمــا طلعــوا ...
بثـواني احد دق الباب
سمر مستغربه: منو
انفتح البـاب .. استغربت يوم شافت مـاجـد
سمـر: ماجـد
مـاجد: هيه ومب طالع لين ما اسمع ردج
سمر: انت تخبلت
ماجد: ردج لو سمحتي
سمر: قلت لك ما احبك
ماجد: يعني تكرهيني
سمر خايفه احد يشوفها رغم إنه الباب مصكر
ماجد: ما قلتي تكرهيني
سمر: لا
ماجد: عيل تحبيني
سمر: ماجد عن الخبال لا احبك ولا اكرهك ما احس بشيء صوبك
ماجد: كيف ما تحسين انتي مب آدميه
سمر تغصصت منه: يـاااااي ماجد لا تعور راسي واطلع عن احد يشك فينا
ماجد:ما يهمني قولي إنج تحبيني وبخطبج رسمي
سكتت سمر ... بس اول ما حست إنه الباب بينفتح ردة فعلها فـاجـأ مـاجـد
دزتـــه ورا ... فأول مـا انفتح البــاب ... البـاب غطــى عليـــه
سمـر تبتســم غصــب:هلا
عايده: تأخرنـا
سمـر: لا
عبير: حتى لو تأخرنا وش فيهــا
سمــر تطـالع مـاجـد ... ومره تتطـالعهـــم
وبشكــل فجــائــي حضنتهـــم
سمــر: اشتقت لكـــم
وبنفس الوقت تأشر على ماجد يطـلـع
ماجد مشـى شوي شوي لين ما وصل برع الغرفــه
ماجد بصوت واطي: اترياج
يوم راح
عبير: سمر وش فيج
عايده: هدينـــا
سمر بعدما تركتهــم ... ضمتهــا عبير: وانا بعد اشتقت لج
بعدتهــا سمــر: صدقتوا انتوا شو كنت امثل
يلست عايده: انتي لو ادورين لج طبيب نفساني زين ترى خبالج قاعد يزيد يوم عن يوم
سمر خذت عنها البيبسي: يعني انا ميونه
عبير: هيه بعد شو اونها حضنتنـا ويوم حضنتها دزتني
سمر: ههههه كيفي
سكتت سمر وبداخلهـا بركان يشتـعـل .. معصبه من ماجـد وحركته السخيفـــه
عبير: يالله نروح برع نقعد
عايده:انا وراي مذاكره
سمر: من صدقج انتي
عايده: هيه روحوا انتوا
سمر تلعوزها: مذاكره ولا تبين تكلمين الحبيب
عايده تمت ادور على شيء تضربهــا
سمر شلت بعمرها وطلعت من الغرفه ولحقتهـا عبير
سمر: ههههه مب علينا هالحركات
عايده:خخخخخ يوم اقول محتاجه طبيب نفساني
نزلوا الاثنين ... وابدا ما اهتمت لماجد اللي كان يالس تحت شكله كان يتريـاهــا
وفي خاطرهـا: هذا ما بروح يلعب شو
عبير: اوه سيد ميود هنا اليوم
ماجد: ما عندنا مباره اليوم
سمر : عبير انا بترياج برع
عبير:بنروح مع بعض إنزين
سمر: تبين تعالي
راحت سمر
عبير: وش فيها توهـا زينه ولا اقول اليوم الاخت مب على طبيعتها
ماجد: إلا وين عايده عنكم
عبير: اونها تذاكر
ماجد: ملانين صح
عبير: وايد
ماجد: اطلعكم
عبير استانست: صج
ماجد: هيه ما عندي شغله ..
عبير: بروح اقولها عيل
ماجد: خلاص انا بتصل في زايد وعلي إذا برحون معانا
عبير: اتصل بسرعه عيل
ركضت عبير صاروخ عند سمر
عبير: ألحقي
سمر: شو صار
عبير: ماجد قال بطلعنا
سمر: حركات هذا بعد ماجد
عبير ما فهمت: حركات؟! ليش
سمر: ها ؟ وين بطلعنا
رجعت لحماسها: ما ادري قال بتصل في اخوج واخوي
سمر مب مهتمه: زين زين
عبير: مب متحمسه
سمر: مالي نفس اروح
عبير: افا ليش انا ملانه إذا ما رحتي ما بقدر اروح
سمر: عبير صج مالي نفس