الفصل 22
سمر: يالله اختصر بسرعه وقول اللي عندك
ماجد: سمر اعترف إني من بدايه فكرت ألعب عليج
بعد مو ألعب كان هدفي اكسر غرورج بس ...
لكن متى حبيتج ما اعرف يمكن لأني بديت اكتشف فيج اشياء ما كنت اعرفه وبديت احبج
قاطعته سمر: ماجد يريحك من الكلام ... لأنك شو ما بتقول ما بفيدك بشيء .. انسى صعبه اصدقك الحين انته تكلمني احس إنه تمثيله او جذبه حتى لو كنت صادق في كلامه .. مااقدر اصدقك احس صعبه .. اسمح لي
ماجد بترجي: سمر دخيلج عطي لعلاقتنا فرصه
سمر ضحكت بسخريه: عن أي علاقه تتكلم تذكر ما كان بينا شيء غير حب من طرف واحد .. انت اللي حبيتني مو انا
ماجد: تبين تقولين انج ما حسيتي بشيء من صوبي
سمر: هيه .. وألحين اسمح لي .. هي صح نسيت امانتك عندي
فصخت الخاتم وعطته
تحركت سمر ... بس ماجد سحبها من يدها .. وجذبها لقربه
سمر عصبت: صج ما تستحي هدني
ماجد كان في عينه لمعه .. شراره ما قدرت تفهم سمر كل همها تبتعد منه
ماجد: اوعدج سمر خاتم اللي رديتي لي بترجعين تلبسينه
و انتي لي انا بس هذا وعد مني
دزها .. تمت واقفه اطالعه مستغربه
اما هو فابتسم لها كأنه واثق من اللي يقوله كله الثقه
همس بإذنها: اعرفج إنج تحبيني بس انتي معصبه مني
سمر واقفه بلا حراك
وعن ماجد فبعدما قاله هالكلام ... تحرك وراح عنهـــــــــــا
ضربت الارض بريولها: قوة ويه بعد يتحداني الحبيب
بشوف انا ولا انت يا ميود
ع العشا اكتمل لم العائله
غاده وصلت مع عيالها نوال ونوف
نوال عمرها 5 سنوات
ونوف سنتين
سمر تلعب مع نوف ونوال ... ومب حاسه بالعيون اللي تراقبهـــــــــا
سمر :إذا انتوا شطار قولوا وين خشيته الريال بيدي اليمين ولا يسار
نوال: مممم يمين
بطلت يدها ما طلع شيء
نوف ضربت بيدها الصغير على يسار يد سمر
بعد ما طلع شيء
نوال: عمو وين
سمر تمثل عليهم : اوييي وين راح
نوال ركضت عند فاهم: بابا شوف عمو خذت ريالي
سمر: يا الجذابه انتي ما ألومج دام ابوج فاهم ما الومج يوم تجذبين
فاهم: لا والله شو تقصدين
سمر تتطالع علي: علي تذكر فاهم كيف كان يخرط علينا
علي: وحد ينسى الأيام كان استاذ في الخرط
غاده تسمعهم وتضحك
فاهم:إيه انتوا استروا علي اخاف حرمتي بعدين ما تصدقني
سمر: أحسن لها
عايده: هيه انتي خربي من بينهم
سمر اونها معصبه: حتى علي بعد قال ليش ما تقولينه شيء
علي: حبيبتي انا الكل في الكل
عبير: حتى سمر الكل في الكل
علي: زايد امسك اختك يا ريال تراها صايره بشكارة اختي
سمر: وانت شو يخصك
زايد: هيه صح شو يخصك
علي: اونك عاد ادافع عنهم ... ماجد وينك دافع عني
ماجد: هههه انت اللي عقيت عمرك بينهم
علي: افا الكل انسحب عني إلا فاهم اخوي فديتح يحبني
فاهم: توني انا استاذ في الخرط يالله مناك
علي: مب مشكله خليفه معاي صح خليفه
خليفه: انا لا ادخلوني من بينكم
سمر: خخخخخ مسكين اخوي محد عنده مب مشكله اخوي انا معاك
إبه انتوا محد يغلط عليه
عبير: شوف هذي مسرعج ما غيرتي
عايده: انتي تصلحين تشتغلين في السياسه
غاده: هههههههه سمر انتي مثل ما انتي ما تغير فيج شيء غير إنج احلويتي
سمر بدلع: ثانكيو ثانكيو
فاهم: ليش قلتي ألحين منو بسكتها هاي
سمر: غاده شوفي ريلج كيف محتر من جمالي
هند: مشكله بعد يوم يسون لها سالفه
سمر: انطبي انت تراج يوم تكونين ساكته وايد زين يكون
فاهم: اننوا بعدكم تضاربون
عايده: ما تغير شيء بينهم
عبير: خليفه ليش ما عزمت رحاب و أهلها بعد
خليفه: مب لازم
عبير: اونه مب لازم
سمر: خليه ما يبا رحاب تشوفه يوم ياكل كيف
عبير: هيه صح
خليفه:لا والله لا اطلعون من عندكم
فاهم: هذا هم حريم
سمر وعبير: هههههههه
فاهم: ما عليك منهم ألا خليفه متى عرسكم
خليفه: بعد 3 شهر
فاهم: بل وايد
خليفه: شو نسوي بعد الظروف ضدنا .. نتريا لين ما يخلص علاج امها الطبيعي بالخارج
فاهم:ايوا الله يشافيها إن شاءالله
الكل: آآآمين
سمر: ونشوف خليفه معرس ازقرت
الكل: آميييين
ههههههههههههههههههههههههههههههه
خليفه: أختك هذي لسانها يباله قص
علي: عندكم إياها
خليفه: هيه انت ما تصدق ادورها فرصه
سمر: وييي علوي تقفط ويييي
دخلت عليهم عمتهم نوره: جماعه العشا جاهز