الفصل 23
عبير: يس يس حدي يوعانه
سمر: بسم الله عليج زايد ألحق على اختك عن تنطر
عبير تضربها: ما يخصج يا غيوره
زايد: حذرتها بس مب راضيه تسمع الكلام هههههه
سمر: لازم تربطها بسلاسل
ماجد يطالع سمر ويطالع زايد ... الريال ميت غيره منهم
مر اسبوع على وجود فاهم ... واستغلوا هالأسبوع كل يوم يطلعون مكان
وماجد ما قصر كل ما يلقى فرصه يحاول يتقرب منها بس ما شيء فايده .. البنت مصره ما تعطيه أي أهتمام
وألحين الجماعه من بعد صلاة الجمعه ... انطلقوا لـــدبـــا ...
بيتغدون هنـــــــــــاكـ بين الجبــــال
الكل منشغل في شيء الحريم بدن يغرفن الأكل ... يمي يمي هههه
والشباب ينزلون الأغراض
اما سمر فكانت تصور اللي حوليها ...
سمر: وااااو بصراحه طبيعه تسكت
ماجد ينزل المبرد: صح إنزين
سمر تجاهلته وكلمت عبير: اخبرج عبير بعد ما بناكل بنروح نستكشف اوكي
عبير: اوكي
ماجد يحس بنغزه مؤلمه يوم سمر تجاهله جذي رغم إنها أكثر من سوت له
طاف وفي كل مره يحس بها النغزه .. بس شو يقدر يسوي ما توقع إنها إذا زعلت من حد تكون قاسيه وجافه بها الطريقه ... على قولته زعلها خطير طلع
قطعت حبل افكاره هند: بعدك تحاول
ماجد طالعها باحتقار : انتي تسوين وانا اللي قاعد اتعذب
سمر تتطالعهم وفي خاطرها: هيه تكلم مع شريكتك واكيد ألحين قاعدين يخططون في شيء ...
(من عندها تفكر هالبنت )
المهم
هند: صج ما عندك سالفه
ماجد: هند مب كافي اللي سويتي خلاص خليني في حالي
هند: بس فهمني انت شو عاجبك فيها واوعدك مب قايله لك شيء
ماجد: القلب اختارها .. لأنها واضحه
هند: ما فهمت
ماجد: كيف اقولج مثل الماي الصافي كل شيء واضح فيها ما في شي اصطناعي
تضحك وتعصب كل شيء واضح فيها حركاتها وبراءتها و يوم تستحي والطريقه اللي تتكلم فيها
قاطعته هند: خلاص خلاص ما شاءالله عليك انت شكلك رايح فيها
ماجد: إذا تقدرين تساعديني جزاج الله خير وإن ما تقدرين لا تخربين علي على الأقل
تمت ساكته هند ...
ام فاهم: يالله تعالوا
نزلت سمر تلفونها على الصفره ... وبدت تاكل
سمر: بنظف صحني اليوم
فاهم: عليج بالعافيه اختي
علي: ليش قلت جذي نصيحه قول لحرمتك تغير مكانها عادي تحط عينها على صحنها
غاده: يفداها والله
سمر وعبير: ويييييييي
زايد: ليش ما تسكت عنهم وترحم نفسك من الأحراج خخخخخخ
سمر: اسمع نصيحته احسن
عبيد: انتوا ما تعرفون تاكلون وانتوا ساكتين
اليد صالح: مب شيء الاكل بدون كلام
الكبار تمو يطالعونه
اليد صالح:شو اطالعوني انا لا قلت شيء
سمر معاه: هيه والله يدي ما قال شيء
عبير: صج لازم نسولف شوي
سالم: ما قلنا شي بس احترموا الكل واللي حوليكم بعد
عبيد: هذاابوي بدال ما ينصحهم يخربهم
اليد صالح: مو انا يدهم على كيفي
الشباب : عاش عاش يدي
الكل تم يضحك
ماجد يضاحك على سوالف علي
اللي مب راحم حد من سوالفه ... الكل كان يضحك
فرن تلفون ماجد واستغرب يوم شاف رقم هند
استأذن منهم وقام
ماجد: ها هند
هند: انت طلب مني اساعدك وهذي أول وآخر مساعده اقدمها لك
ماجد: شو عندج كلي آذان صاغيه
هند: سمر ألحين محد معاها الكل راح عنها يتسلق الجبال ... وهي يلست تصور
يعني هي فرصتك
ماجد: أشكرج يا هند اشكرج
حست براحه لو شوي على الأقل: العفوا
صكر من عندهــا ... ومشى شوي شوي عشان محد يشوفه ..
مشى من ورا السايير ... وراح يدور على سمـر لين ما لقاهـــا
واقفه وتصور الجبـــال
ماجد من وراها: هلا والله بمصوره
تأففت لأنها عرفت منو كان وراها: يا ربي
صدت وراها: انت ساحر ولا شو
كيف تعرف متى أكون لحالي
ضرب على قلبه: الحب يا حياتي يسو ي العجب
باشمئزاز: لا تقولي حياتي انا مب حياتك
بكل حب : انتي حياتي وقلبي وعمري كل شيء فيني
كانت بتتأثر بكلامها بس مسكت نفسها: امسك نفسك انت وبلا هالكلام الوصخ
ماجد: افا هالكلام وصخ ألحين ما يأثر فيج شيء
سمر بعناد: لا ما يأثر فيني
ماجد بترجي: سمر انا بعد اسبوع بروح ابوظبي تدريباتي بتكون هناك
سمر حست بشيء وما انتبهت على كلامها: يعني بتم في ابوظبي
ماجد ابتسم: يهمج ؟ بتشتاقين لي؟.
مسكت نفسها لأنها كانت بتنفضح جدامه .. مثلت اونها مب مهتمه: ما يهمني وليش اشتاق لك انت منو تكون يعني
ما اهتم ولا عور كلامها شيء.. لأنه ويها فضحها وخلاص
ماجد: جذابه بتشتاقين لي
سمر : لا تقولي جذابه قلت لك مب مشتاقه لك .. ويكون في علمك انا بسافر مع اخوي ومب راجعه البلاد إلا بعد 3 اشهر
ماجد بجديه: تسافرين ؟ ليش
سمر: بس جذي كيفي وكل شيء تجهز ولا تخلي عمرك ما تعرف لأنه الكل يعرف إني بسافر معاهم
كان بيمسك يدها بس هي سحبت بسرعه
ماجد: سمر لا تسافرين انا كنت ناوي اخطبج قبل لا اروح بوظبي
سمر تضحك بسخريه: تخطبني اونك عاد اقول استيقظ
صج يوم قالوا أحلام المجانين وايد .. غيرت الكلام هههه
المهم نرجع لموقفهم
ماجد: سمر لا تضحكين على مشاعري
سمر حست بالذنب بس بعد تعاند: وانت يوم فكرت تلعب بمشاعري ما همك
ماجد: سالفه وانتهت خلاص عاد نظفي قلبج ولا تظلميني
سمر: الكلام ضايع بينا وكل واحد يسير في دربه احسن
قالت هالكلام وراحت عنه