الفصل 21
اما ماجد فما قدر يرقد ... قاعد يفكر بمليون خطه كيف يرضيهـــا
فكر يطرش لها مسج .. بس ما عرف شو يكتب لها
في نهاية قرر يتصل لها
طلعت من الحمام بسرعه اول ما سمعت رنة موبايلهـــا
خذت موبايلها .. ويوم شافت الرقم .. صكته على ويه
ظل الموبايل يرن ويرن وما اهتمت
خلته على الشبريه و طلعت من غرفتها
شافت سيتي يالسه تخم
سمر: سيتي روحي نظفي غرفتي
سيتي: صبر شوي
سمر: روحي قبل لا تشوفه امي
سيتي: انا يقول صبر شويه انتي ما يشوف انا يسوي تنظيف
سمر: زين زين عن تضربيني بس
راحت المطبخ
فتحت الثلاجه وطلعت لها حليب ... صبت لها في كوب
وتذكرت الجبن .. تركت كوب الحليب وراحت اطلع الجبن
بعدما طلعت الجبن صدت وراها تاخذ الحليب ما شيء اختفى
سمر: وين راح توني حطيته هنا
تمت ادور ما لقت ... طلعت عشان تسأل سيتي
شافت الكوب بيد اخوهــا يشرب ويقرأ
راحت صوبه: لا والله
علي بستعبط: اوه كان مالج
ما ردت عليه .. تجاهلته وراحت عنه
استغرب علي من ردة فعلها
علي: غــريبـــه مـــــــــــا قـــالـــــت لــــي شــــــي
سمر تغيرت ما عادت نفس قبل .. حتى ما صارت تروح عند عايده
وكل ما عبير وعايده يتصلون فيها اطلع مليون عذر عشان تقنعهم
وعلي كل ما يسوي لها شيء ما ترد عليه
اما العاشق فكل يوم يترياها وعشانها ما يروح النادي ويهمل تدريباته
ومره يلس برع ... يوم يلقاهـــــــــــا بالصدفه
استانس يوم شاف حد بيطلع من بيتهم ... لكن يا فرحه ما تمت كان علي ويلوح له من بعيد
ماجد: تعال
راح علي صوب ماجد .. ويلسوا الاثين على القعده
علي: شو تسوي واقف برع
ماجد: مليت من داخل
علي: تعال انته ليش ما تروح التدريب مب قايل إنهم خذوك لاعب اساسي
ماجد: من باجر بروح
علي:هيه عن يقولون أنته مب قدها
ماجد: لا تطمن انا قدها وقدود .. (ألحين الريال يبى يسأل عن سمر بس مستحي )
علي: حظك والله عندك شيء يسليك
ماجد: ليش حتى انت عندك بعد دراستك ولعبتك
علي: قال الدراسه قال .. لوعت الجبد الدراسه وعن اللعبه قيمت نص الألعاب اللي عندي مليت منهم قبل كنت اضارب مع سمر واقضي وقتي بس ألحين هي بعد مب متفيجه لي
استغلها ماجد الفرصه: هيه صح حتى اختي تقول سمر ما تمر عليها امي بعد تسأل عنها
علي: ما ادري وش فيها كله ساكته وسارحه ويوم نسأل وش فيج ما تقول شيء
ماجد حس قلبه تقطع يوم سمع كلام علي وقعد يلوم نفسه
علي: حالات هذي بعد بس مب شيء متعود ألعوزها كل يوم
ماجد انتبه على سياره واقف صوب بيت علي
ماجد: علي سياره صوب بيتكم
علي صد: هيه والله ولا بعد واحد نزل
ماجد: روح شوف منو
اول ما تحرك علي ... شاف اخته تضم هالشاب وتبوسه في كل مكان
علي: شو تسوي هاي
علي وماجد ركضوا صوبهم
علي: إنتي إيه شو تسوين ومنو هذا
سمر تضحك: وش فيك
ما اهتمت لماجد اللي كان واقف ويطالعها
سمر: لا تقولي ما عرفته
صد الشاب .. وعلي دقق عليه عدل وأول ما عرفه
صرخ: فـــــــاااااااااااااااااهـــــــــم
راح صوبه وحضنه بقو
سمر تتطالعهم وتضحك ... بس ضحكتها ما استمرت اول ما انتبهت على ماجد
ماجد: افا فاهم نحن هنا
فاهم : آآآآ انت ماجد صح؟
ماجد: انت شو تظن
حضنه فاهم: انت ماجد بلحمك وشحمك
فاهم: إلا وين اخوك
ماجد: مشغول الريال مع حرمته
فاهم: من قده
سمر: ألا وين غاده وعيالك
فاهم: نزلتهم عند أهلها قعدت تصيح تبى تشوفهم اول ناس عاد انا قلت لها انا بعد ابى اشوف اهلي اول ناس
سمر: وانقسمتوا
فاهم ضحك: هيه
علي: يالله إنزين مب ناوي تدخل ولا بتسلم علينا وبتروح
فاهم: لا طبعا
دخلوا الكل
وسمر يوم شافت فاهم دخل حبت تسوي مقلب في امها
سمر: امايه تغطي واحد دش
ام فاهم تحاول تغطي شعرها: وينه وينه حسبي الله
تمت تضحك سمر
سمر: شوفي بالأول منو شرف
صدت ام فاهم :فاهم؟!
فاهم ما تحمل سيدا في حضن امه وتموا يصيحون
سمر: هالشيء لازم يتصور
ماجد: صدقتي
ولا كأنها سمعت يقول شيء طاف على الآخر
الكل اجتمع في بيتهم
عايده وعبير تموا يعاتبون سمر
عايده: صج ما تستحين قطعتينا بالمره
سمر: ليش انتوا ثياب عشان اقطعكم هههههه
هند ادخلت:بعد لها ويه تنكت
سمر تمت ساكته .. بس عبير ما سكتت: خليها بصراحه اشتقت لطولة لسانج ولي نكتج
سمرابتسمت بالغصب .. وين بتضحك دام هند جدامها .. كل ما تشوفها تذكر كلامهـــا وتحس نفسها وحده سهله وانقص عليها بسرعه
سمر تبى تشرد من نظرات هند فقامت فجأه
سمر: آآ تبون شيء من المطبخ
عبير: شو عندكم
سمر اونها راعيه كافتيريا: سندويش كيما ولحم وبيض و
عايده: هههه بس بس
عبير: ههههه صايره لنا ما مطعم
سمر: خخخ مو انتي اونه شو عندكم إذا تبين تعرفين تعالي معاي
عبير: أكيد
راحت معاها عبير ..
اول ما فتحت سمر الثلاجه وعبير شافت المحتواه ... دزت سمر وتمت تلقط كله اللي في ثلاجه
سمر: يمه منج خلي لغيرج
عبير تاخذ وتاخذ: لا تحسديني بروحي يابسه ابى امتن انا
سمر: كل ها اللحم وتقولين لي ابى امتن
عبير: بسم الله علي
راحت سمر صوب المغسله تغسل لها كوب
عبير تكمل كلامها: تحسديني ليش ؟ من الله من فلوس عمي
سمر تغسل وتضحك على كلامها
يعني عاطه ظهرها لعبير ... لكنها وقفت من الغسل يوم سمعت عبير تقول: ماجد ساعدني شوي ييب هالطاسه
ما صدت وراهــا ... رغم إنها مخلصه من غسل الكوب بس كانت تمثل إنها تغسل
ماجد: خذي يا الدبه
عبير:حتى انت
ماجد: ليش في أحد ثاني قالج دبه
عبير تصك الثلاجه: سمر غيرانه من رشاقتي
خذت الطاسه من عند ماجد بعدما حطت كل شيء فيه
عبير: سمر ادلين الدرب تعالي بروحج ههههه انا يوعانه
سمر صدت بسرعه وراها بس عبير شغلت صورايخها وراحت
طالعت ماجد لثواني اللي كان واقف يطالعها ..
ورجعت لكوبها اللي تعب من الغسيل .. في اشفقت عليه
ورحمته من الغسيل
راحت صوب الثلاجه تبى تاخذ لها شي تشربه ..
وماجد مكتفي يطالعها ويراقب تصرفاتها
خذت علبة العصير وصبت لها في الكوب ...
تغصصت من نظراته وبنره جاد: وش فيك تتطالعني جذي دام ما عندك شغله في المطبخ ففارج
ماجد:عندي ابغي اتكلم معاج بس خفت اول ما اتكلم تعصبين علي وتروحين
سمر: صدقت إنزين
كان بتترحك بس منعها و وقف جدامها
عصبت: إذا كنت ناوي تعيد حركاتك السخيفه ترى صدقني بتندم
ماجد: كله اللي ابى منج تعطيني فرصه اتكلم
سمر تنهدت : اوكي بس هذي آخر فرصه من بعده ما ابغيك تكلمني بالمره
ماجد: اهم شيء عند تسمعين اللي عندي
سمر: تعال