الفصل 15
ادخل ماجد: إذا زعلانه مني فأعتذر
عبير تطالعهم مستغربه
سمر بنبره جاده: مب زعلانه من احد
عبير: عيل ليش ما تبين تروحين
سمر: عبير قلت لج ما لي نفس
ماجد: آسفيييييييييييين زين
عبير: شيء صار بينكم مره ثانيه .. وإذا صار ترى انا ما يخصني لا ادخلوني بسالفه
سمر لا تعاقبيني على شيء مالي ذنب
اونهــا تصيـــح
سمر اضطرت تضحك: زين زين خيستينا بدموعج
عبير: ياهووووو
سمر: بروح ألبس عباتي
عبير: وانا بروح اييب عباتي من غرفة الدكتوره ههههههههه
سمر قـامت بعدمـا ركضــت عبيـر
مـاجـد: اونج زعلانه مني
سمر ما ردت عليه ... وراحت صوب الباب لحقهـــا و وقف جدامهــا
مـاجد: سمر انا صج احبج ولا تظنين إني ألعب معاج
اول مره تشوف هالنظرات في ويه ماجد
ماجد: متى وكيف حبيتج ما اعرف كله اللي اعرف قلبي خلاص تعلق فيج
سمر متردده: ماجد
ماجد: حتى لو قلتي ما تحبيني بتم وراج لين ما تحبيني
لكل مجتهد نصيب صح
سكتت سمر
علي: على الاقل قولي صح؟
ضحكت على الخفيف ... ضحك هو بعد .. وابتعد عنهـــا
طلعت من بيتهـــم ... بس هو تم واقف يراقبهــا لين ما دخلت بيتهــــم
تلبس عباتهــا وتفكر بكلامهـ مـاجـد
علي قطع افكارهــا: خلصتي ست الحسن والجمال
سمر: شكرا
علي مستغرب:العفوا بس شكرا على شو
سمر: قلت لي ست الحسن والجمال ههههه
علي: هههه صج متفيجه انتي
لبست شيلتهــا ... وطلعت من غرفتهـــا
شـافته بعده يمشي سرعت من خطواتهــا وضربت على الراس .. وتجدمت عنه
علي: آخ ألحين بوريج
ركضت ويوم شافت ابوها انخشت وراه
سمر: يبا شوفـ علي
سالم: علي؟
علي: هيه اللي ضربتني
سمر مدت يدها: ابوي شوف هاليدين الرقيقه تقدر تضرب احد
ابوهـا المعصب ضحك على كلامهــا
سالم: تفاهموا بروحكم
يوم راح ابوهــم ... راح علي صوبهـا
سمر: والله علي ما تسوي شيء
علي: تتأدبين عشان ما تضربيني مره ثانيه
سمر:إذا ضربتني بخبرهم إنك كنت ترقص
علي: أحلفي انتي بس
سمر: والله
علي: اعوذ بالله من ابليسج مب إنسانه انتي
يوم سمعت صوت الهرن
سمر: يالله كابتن ماجد وصل
تحركت ضربهـا على الراس وتجدم عنهـا
ضحكت عليه سمر
عبير: ما بغيتوا
علي:اكيد اشتقتي لقرينتج
سمر: وانت ليش متغايض
علي: مالت بس .. ألا ماجد زايد قال بي
ماجد: هيه قلت له بنلتقي صوب البحيره
وصلوا البحيره وهناك كان زايد يتـريـاهـــم
زايد: هلا بالشباب
سمر:عبير خلنا نمشي بروحنــا
عبير: يالله
اول ما مشوا وقفهم علي
علي: على وين آنسات
سحبت عبير وما اهتمت له
ماجد: خخخخ ألقط ويهك يا عمي
علي: هالبنت ما ادري طالعه على منو
زايد: هههه سمر مافي مثلهـا
ماجد حس بالغيره يوم زايد مدح سمر
ماجد: نمشي
زايد: هيه
مشو الثلاث ... وجدامهــم عبير و سمر
تعبت عبير من المشي .. فراحت تقعد
سمر: ليش قعدي
عبير: تعبت
سمر: ما مشينا شيء
عبير: نقعد 5 دقايق
سمر: اوجي
عبير تكلمهــا وهي بنفسهـا مب عارفه ليش تمت تطـالع ماجـد
اللي كان لاصق على الأسوار ويضحك على كلام علي
اول مره في حياتهـا تتأمل في ماجد جذي .. كانت ادقق على ضحكاته و ويه
وفي خاطرها: لا باس شكليا
عبير تتطالعهــا: حوو اطالعين منو
سمر: ولا احد
عبير: هـا لا يكون عاجبنج واحد منهم
سمر ارتبكت: شو تقولين انتي
عبير: لا يكون زايد اخوي
سمر:هههه زايد حرام عليج زايد حاله من حال علي
عبير: عيل اكيد مب ميووود انتوا الاثنين ما اطيقوون بعض
سمر: زين يوم تعرفين .. قومي نمشي
عبير : ما شبعت يلسه
قامت سمر .. وخلت عبير تقوم بالغصب
سمر: امشي يا الدبه
علي بصوت عالي: وين بترحون نحن بنرجع
عبير: انقذتني يا علي
سمر ضربتها على الراس: هههه كسوله
رجعوا الاثنين ..
بس عبير ركبت مع اخوهـــا ... ناويه تذاكر البنت وبليل تشوفهــا
سمر ظلت ساكته في سيارة ماجد
علي: إنزين مجود متى بياخذونك تلعب اساس
ماجد: والله هالمدرب كل مره يقولي اصبر اصبر
علي: شكلهم قاصين عليك
ماجد:والله بخلي غصبن عليه يلعبني تراهم بفقدون لاعب ماهر
ضحكت سمر
ماجد:ما تصدقيني يعني
سمر تضحك: لا صدقتك (بسخريه): يا لاعب ماهر
ماجد: لا شكلج مب مصدقتني اسألي اخوج عيل
علي: لا سمر هالمره ماجد يقول صدق
ماجد ضحك: ههه شو تقصد هالمره يعني كل مره اجذب
علي: هيه ليش انت ما تعرف
ماجد: ههه اونك عاد
سمر: اول مره في حياتي انا مع اخوي علي
ماجد: لازم .. السالفه فيها انا لازم بتوقفين معاه
ضحكت سمر
علي: لا لا كله ولا ربيعي الغالي .. (اونه ينازعهـا): سمر لا تضحكين على ربيعي بكسرهم لج الضرس ترى
سمر: والله .. انطب احسن لك
ضحك ماجد
علي اونه عصب: ماجد وقف هنا خلني اكسر لها ضروسها
سمر تضحك من خاطر: دخيلك لا تضحكني اكثر
وماجد يضحك على علي ويضحك على ضحكتهـــا
اجتماع العائلي
بعدمـا تعشــوا ... خبرهم عبيد إنه ملجة بتم في شهر الياي
والكل استانس لأنه ما بقى شيء على انتهـاء الشهر إلا اسبوعين
سمر: مبرووووووووك يا المعرس
خليفه: بعدني ما صرت معرس
سمر: مبروووووك يا معرس
عايده: هههه لا تقولها شيء بتقول اللي يعجبهـا
سمر: هههه
خليفه:هههه كله ولا سمر خلوها على راحتهــا
هند: من قدج سمر .. صدت صوب خليفه: مبروووك خليفه
خليفه: الله يباركج
عبير: من ألحين فيني حرقصه ابا ارقص
علي: خليفه لا تنسى سوى الكوشه من الأسمنت ولا هالدبب بكسرون لك الكوشه
سمر اونها تحاول تضحك : حتى لو بغيت ما اقدر اضحك
علي: ومحد غصبج
ماجد: مبروووك اخوي
ياهـا شعور مره ثانيه كل ما تشوف ماجد قلبها يستانس كأنه أحد يدغدغه
خليفه: الله يبارك وعقبالك إن شاءالله
رفع يده ماجد: الله يسمع منك
زايد: اونك عاد تبى تعرس
ماجد: ليش ما استاهل
زايد: تستاهل اخوي تستاهل
عايده:بس بالاول اشتغل
ماجد: لا تحاتين اختي ...
طالع سمــر ... اللي اونهــا مشغوله تكلم عبير بس اصلا هي آذانهــا صوبهــم
وسمعت كل الكلام
سمر: ما ادري قوليهم
عبير: استحي
سمر: اونج عاد
عبير: قولي انتي
سمر: صج سخيفه ...
يا جماعه سمعوني آنسه عبير عندها لعبه
خليفه قاطعها:العبوا انتوا انا رايح
زايد:شو عندها اختي العزيزه
سمر: اونهـا تقول عندها لعبه ولا بعد مجهزه كل شيء في بيتهم
قرصتها عبير
سمر: وش فيج خليني اكمل
علي:ارمسي زين
هند: وليش هي ما تتكلم مو لعبتها
سمر: اونهـا تستحي ... زين زين سمعوني
انتوا الشباب اصواتكم حلوه
علي: ليش
سمر: انت اعرفك صوتك يخرع
علي: شو عرفج انتي صوتي يتمنونه
سمر: هيه صح زين زين ... شرحت لهم اللعبـه ...
علي مع سمر
ماجد مع عايده
زايد مع عبير
هند: وانا
سمر: انتي شو
هند: انا بعد ابا العب
سمر: لازم يعني تلعبين
هند: و انتي شو حارنج
سمر: بتخربين علينا
عايده: سمر حرام عليج .. هند انتي سجلي النقاط يعني انتي حكم اللعبه
سمر: مو تسوين واسطه لناس وناس
هند: عبالج انا وانتي واحد
سمر: اكيد لا
عبير: خذي هذا الكراس وهذا القلم
هند: اعرف إنزين
هههههههههه يتني ضحكه هنا .. حسيت كأني خليت هند بشكاره
اونه هذا الكراس وهذا القلم .. فهمتوا شو اقصد .. إذا ما فهمتوا مشو السالفه هههه