الفصل 25
ماجد: أخيرا
سمر مستعيله: بسرعه قول اللي عندك
ماجد: وانتي دووم مستعيله
سمر: انا رايحه
ماجد: لحظه إنزين
سمر مربعه يدها: يالله اتريا
ماجد: مو على كيفج تنهين حبنا بها السهوله
سمر: انا رايحه انت ماعندك شيء يديد
ماجد: اليديد إني بطيح من فوق إذا ما قلتي لي إنج تحبيني وما بتسافرين
سمر: صج سخيف عشان هذا مضيع وقتي
ماجد: بتقولين ولا لا
سمر: لا طبعا
ماجد: خلاص عيل تحملي نتائج جوابج
راح وركب على الجدار وتم واقف
ماجد: بتقولين ولا كيف
راحت بقربه وشافت تحت: بس تحت مظله يعني مب متعور وايد
ماجد: انتي صج
سمر: إذا تبى تمثل مثل عدل
ماجد: اوكي مب مشكله
مشى بعيد عن المظله
ماجد: وألحين
سمر تتطالع تحت: زين ألحين زين تقدر اطيح
يالله انا سايره
عطته ظهرهــا وهو يكلمها
ماجد: سمر صج بطيح إذا ما قلتي .. سمر
سمر تلوح له بيدها : جااااو
فتحت الباب وقبل لا تصكر : رحله سعيده
صكت الباب
ماجد: ما سوت لي سالفه
طالع تحت : مب زين الانتحار انزل احسن لي
كان بنزل بس ما أدري من وين القطوه يت وكانت تركض
لين ما يت صوبه وهو ما انتبه له
اول ما بغى ينزل ريوله طافت القطوه .. فتدحرج
ماجد: لا لا .. يحاول يوازن عمره بس ما شيء فايده طاح الريال
سمر اول ما سمعت صراخه رجعت ركض
فتحت الباب شافت ماجد مب موجود
ركضت صوب الجدار وشافت تحت صرخت : مـــــاجــــــد
مـــاجد
رجعت صوب الباب وركض عنده
تمت تنادي عليه والدموع اربع اربع: ماجد ماجد
بس ماجد ما يرد عليها
راحت تنادي عليهم ...
ودقايق الناس مجمعين صوب بيتهم ...
ام خليفه تصيح: بروح معاكم
عبيد: يا حرمه تمي انا وخليفه رايحين مع الاسعاف ..
وتعالوا انتوا مع زايد ولا فاهم
المستشفى صار زحمه ... خاصه قرب غرفة العمليات
ام خليفه لسانها ما تعب من الدعاء لصحة ولدها
عبير: سمر كيف طاح؟
سمر بس كانت تصيح .. واول ما سألتها عبير تذكرت كيف كان موقفها مع ماجد
فحضنت عايده وتمت تصيح بمراره
عايده: سمر ادعي يقوم بسلامه
عبير شكت بشيء بس ما حبت تقولها شيء
بعدما طلع الدكتور الكل تجمع حوليه
عبيد: ها دكتور ولدي كيف ألحين
دكتور : عطوني هوا اول شيء خلوني اتنفس
اليد صالح: نبى نعرف عن حالته وانت تقول عطوني هوا
كان بيضربه بالعصا بس سالم منعه
عبيد: انا اعتذر من بداله بس لا تلومه الكل يبى يعرف عن حالة ولدنا
الدكتور: اطمنوا ... بس لازم تشكرون الرب إنه مخه ما صابه شيء
بس كسور ونزيف مب خطير وايد
الكل: الحمدلله الحمدلله
عايده: نقدر نشوفه
دكتور: لا ألحين هو فاقد الوعي و وجودكم هنا ما لا داعي
اول ما طلعوا ماجد من غرفة العمليات .. ألتفوا حوليه ينادون عليه
لين ما الدكتور نازعهم
سمر من رجعت بيتهم .. دخلت غرفتها وهي كله تصيح وبنفس الوقت تشكر ربهـــا
وحاسه بذنب كبير ...
ثاني يوم في المستشفى الكل عند ماجد ... ألا سمر تظاهرت إنها بتروح الحمام ...
وماجد لو إنه مستلقي بس كان يدور عليها
ام فاهم: سلامة ماجد
ماجد: الله يسلمج خالوا
ام خليفه تمت تبوسه: فديتك طيحت لي قلبي
عبيد: خلاص خلي يرتاح
ام خليفه:بغى يروح مني ما اقدر اخلي
علي: تعال انت شو مركبنك فوق
فاهم: اصلا انت كيف طحت
وبنفس الوقت دخلت سمر ..
سمر : سلامة ماجد
ماجد يبتسم: الله يسلمج
كانت بتصيح من جذي ردت ورا بسرعه
علي: يالله قول كيف طحت
ماجد: عجبني الجو ورحت السطح .. وعاد ركبت فوق .. إلا وقطوه تخطف جدامي
وكان اطيح
علي: بس وانا قلت ألحين حاولت تقلد بات مان ولا سوبر مان
ماجد يبى يضحك بس كان يحس بالألم
اما علي فلقى ضربه على راسه من ابوه: متفيج انت
اهم شيء سلامته
اول ما أذن العصر الكل راح يصلي ... والحريم بعد
بس على شكل إنه البنات يتمون عند ماجد ويوم برجعون الحريم يرحون يصلون هم
عبير: ها بطل عيل ما بتقدر تلعب في ابوظبي
ماجد متحسر: شكلي جذي
عايده: اهم شيء سلامتك والكوره لاحق عليها
هند: يعني الحين بتقعد على كرسي متحرك
ماجد: هيه لين ما اشفى طبعا
ماجد يتريا سمر تتكلم بس سمر منزله راسها وساكته
بعد اسبوع طلع ماجد .. وبثاني يوم سافروا قوم فاهم
وطبعا تحققت أمنيه ماجد وما سافرت سمر
واول ما ودعتهم ... فكرت تروح تطمن على ماجد وهو بالأساس تبى تبشره إنها ما سافرت ..
علي يالس في صاله يذاكر
علي: وين ؟
سمر: وين بروح يعني
علي: بس هناك محد في البيت
سمر: لا تخرط عايده هناك
علي: شو عرفني عبالي راحت معاهم
سمر: تأكدت بعدين ارمس
علي: ههههه صج كنت بشتاق لطولة لسانج إذا سافرتي
سمر: اونه بعض الناس بشتاقون لي
علي: شونسوي بعد ما عندنا سبالوا نلعب معاه غيرج
سمر راحت صوبه وتمت تضربه: سبالوا محد غيرك انت وحرمتك وعيالك بعد
علي يضحك: لا تسبينهم
سمر: اهبل
طلعت من بيتها تضحك بس يوم بغت تدخل بيت يدها صالح توترت
سمر: شو بصير يعني ما بصير شيء صح
فتحت الباب ودخلت
غمضها يوم شافت ماجد يالس على الكرسي ويلعب بالكوره
تمت واقفه تتطالعه وعبالها هو ما يعرف بوجودها
ماجد: تأخرتي اليوم
سمر انتبهت: ها ..
فر الكوره وصد صوبها: كنت اترياج
سمر: ماجد انا
ماجد قاطعها: لا تتأسفين بأختصار خليني ألبسج هالخاتم وبكفيني من تلبسين بعرف إنج تحبيني وسامحتيني
يوم شاف إنها بعدها مصره تعاند ... نزل راسه ودفن الخاتم تحت اصابعه
ابتسمت سمر وراحت صوبه ...
رفع راسه
سمر اونها تتشرط: بعدما تلبسني مب لازم اعترف لك
ضحك ماجد: مب لازم هذا يكفيني
سمر : اوجي
نزلت له تحت ... ومدت يدها
من الفرحه ... اللي فيه لبسها بسرعه
ماجد:يعني خلاص بتوافقين إذا خطبتج
سمر مستحيه وما تبى تبين: لا هذا يباله جهد ثاني بعد ألحين بس وافقت على حبك
ماجد: مب مشكله المره ثانيه من الجبل بطيح
سمر بعتب: يا ويلك إذا كررته .. صيحتني دم وانا احاتيك خفت إنك .. إنك تضيع مني
ماجد: يعني اهمج .. دخيلج سمر لا تعذبيني اكثر ألحين عرفت إنه الحب مب سهل
سمر ضحكت: لا مب معذبتنك أكثر
ماجد: يعني بتقولين اللي كنت اتريا اسمعه من زمان
سمر ابتسمت واكتفت إنها تهز راسها بس
ماجد: يالله ابى اسمع
سمر: ماجد انا .. وبشكل سريع قالته أنا احبك
وثواني اختفت سمر ... ركضت اول ما اعترفت له وماجد تم ميت من الضحك و مستانس بعد
صد فوق وشاف القطوه الحلوه يالسه
ماجد: اشكرج بالبدايه فكرت اذبحج بس الحين خلاص هونت لازم اشكرج
وهيك يا جماعة الخير عرسهم تحدد بعد شهر من عرس خليفه .. لين ما يشفى كابتن ماجد
أما عن هند فصارت زينه مع سمر وبدت قصة حب يديده بين علي وعبير
ألحين أقـدر اقول
النهــــــــــــــــــــــــــــــــــــــــــــــــــــــــــــــايـــــــــــه