الجزء 10

كان انور قاعد وعم بوقع على ملفات وجهاد وآيات قاعدين عندو ...
جهاد: خلصت سيد انور؟
انور: اي ماضل شي...
جهاد: معناتا هات الملف خليني روح شوف شغلي ..
انور: ارتاح حضرتك سيد جهاد .. انسة ايات لوسمحتي خدي هاد الملف واتصلي بـ حازم بيك واتفقي معو على موعد لإجتماع ضروري و درسي هالملف منيح .. وكمان ....

فتح الدرج وطال فلاشة وعطاها اياها .. :هي الفلاشة عليها ملفات المناقصة بتمنى تنسخيها وتروحي تصدقيها بالشؤون القانونية ..
ايات: حاضر سيد انور .. اي شي تاني
انور: لٱ ابدا ..فيكي تتفضلي على مكتبك ..

ماكان بيعرف انور انو خربط بالفلاشة واعطاها وحدة تانية .. ياترى شوفيها .. !

طلعت ايات بينما جهاد كان قاعد وهدوئو عاكس الحقد اللي جواتو ..
جهاد «بقلبو »:هيك يا انور الزفت .. هلأ معد عجبتك انا وصرت تعتمد عشغلك على بنت مالها بالقصر الا مبارح العصر .. اي شو عليه ..انا واياك وبيناتنا الزمن ..
انور :شبك جهاد؟
جهاد: لٱ ابدا ..بس ناطرك لحتا تحكيلي عن المناقصة
أنور؛ :مافي شي جديد .. وايات ماشالله عنها ماعم بتقصر بشغلا .. «اخد انور نفس »وانتة كمان جهاد فْيَگ تروح تشوف شغلك.

وقف جهاد وهو بيطلع بـ انور .. ابتسم وحكا: حاضر سيد انور .. بالازن ..
التفت جهاد وضل طالع ..
نار الحقد الغيرة ولعت بقلب جهاد .. نفس احساس انور م̷ـــِْن زمان بلش يطغئ علئ جهاد .. ماقدر يسيطر على كرهو لآيات وحقدو على انور وبلشت الافكار الشيطانية تتغلغل براسو ...

«««««««««««««««««««««««««««««««««

كانت اماني قاعدة بالغرفة وبتروح وبتجي وهي عم تاكل بحالا ..
اماني: العما ازا صحيح هالحكي ..

حملت تلفونا ورنت على جهاد ..
جهاد: اي حبيبتي
اماني: جهاد اصدقني هلأ انور جد عمل م̷ـــِْن ايات ايدو اليمين
جهاد: هي واصلتك الاخبار ..لكك مو بس هيك. . هي مستحوذة عكل وقتو وتفكيرو بالشركة والله أعلم شو عم تخطط كمان
اماني: العما .. ومنين طلعتلي هي كمان .. بالظاهر صار لازمني زيارة لعند امها خليها اتضبها ..

بتسكر الخط وهي عم تغلي م̷ـــِْن الغضب وبتحمل شنتتها وبتطلع م̷ـــِْن الفيلا

بالوقت اللي بتكون فِيَھ ايات برات البيت كانت سناء تروح وتجي بقلب الشقه علـّۓ. اجريها وتعين نفسها بنفسها

كانت عم تعمل كاسة شاي لما سمعت صوت الجرس عم يرن وبسرعه مشت ناح كرسيها المتحرك وقعدت عليه وتحركت ناح الباب وفتحته

اماني « شلحت نظارتها » مرحبا
سناء: اااهلين اماني خانم
اماني: انقبري لجوا بدي ياكي بجوز كلام

بتبلع سناء ريقها وبترجع بكرسيها لورى وبسرعه بتفوت اماني وبتسكر الباب بكعب اجرها وبتمسك سناء م̷ـــِْن تيابها وبتسحبها لعندها

اماني: شو ياست سناء باعتيتلي بنتك لتاخدلي جوزي
سناء: استغفر •اللّـہ̣̥ بنتي مو هيك
اماني: اخرررسي وسدي بوزك وينك وليه ضبي بنتك وخليها تبعد عن طريق انور والا والله بندمك وبندمها عم تفهمي

هزت سناء راسها بخوف ونترتها اماني وهي لسه بتابع كلامها وتهديداتها
اماني: هاد ٱڅڑ تحزير ياسناء المره الجايه ازا جيت لهون اتأكدي انها جيتي حتكون لاعزيكي ببنتك

انتفضت سناء م̷ـــِْن كلام اماني ودمعوا عيونها

سناء: خلص ياخانوم اعتبريها مارح ترجع ابدا عالشركه
اماني: ايه لنشوف، ،،، خاطرك يا مشلوله

طلعت اماني وطبشت الباب وراها بقوه اما سناء ظلت تفرك ايديها بخوف
سناء: :لآزٍمٍ بعد ايات عن هالعيله بأي طريقه
صفنت شوي وكأنها تزكرت شي وبسرعه قامت عن كرسيها وفاتت لغرفة ايات

«««««««««««««««««««««««««««««««««
#بالمشفى ...

بين مجموعة متدربين كانت رفيف واقفة وحاملة دفتر بتسجل عليه معلوماتها وهي بتشوف الدكتور وهو بيشرحلهم وضع المريض ..
الدكتور: بما انو خلص دوري هون ..رح عرفكون علئ الدكتور الجديد اللي رح يعطيكون دروس العملي بدالي .. رح غيب لحظات وراجعلكم ..

طلع الدكتور م̷ـــِْن الغرفة .. اما رفيف اخدت نفس طويل ووقفت عالشباك ..
حاليا هي سنة تانية طب .. عم تحاول تكون احسن م̷ـــِْن الكل ..
انفتحت بوابة الغرفة والتفتت رفيف لتشوف الدكتور اللي رح يستلم بتدريبهم .. شعور غريب اتملكها بس شافتو داخل م̷ـــِْن الباب وهو لابس المريول الأبيض ونظراتو هي بعمرا مابتنساها .. بالرغم انو مر علئ لقائهم بهالمرة اليتيمة تلات سنين الا انها ضلت راسخة ببالها وهداك الشعور اللي احتفظت فِيَھ جواها ..

وقف سيف قدامهم وحط ايديه بجياب مريولو ..
سيف:السَلٱمٌ عـَلـْيگم .. بالبداية بدي عرفكون علئ حالي .. اسمي سيف دكتور جراحة .. ورح تكونو المتدربين تبعاتي م̷ـــِْن الًيَوُمًِ ورايح .. انشالله كون قد الحمل وبتمنى منكون تفتحو عقولكون منيح معي ..

م̷ـــِْن بعد ماعرف علئ حالو حب يتعرف عالشباب والصبايا لحتا يقدر يقصر المسافات بينهم ..وكل واحد منهم عرف عن حالو وأخيرا اجا دور رفيف ..اول ما اجا نظرو عليها تبلكم وموازينو اتخربطت .. حاول يبان طبيعي وسألها: صار دورك يا انسة
رفيف: اه ..ر رفيف اسمي
سيف: اهلاوسهلا ..
رفيف: فْيَگ.. «بقلبا »:كأنو ماتزكرني ..يمكن مو هوة ..لٱ لٱ مستحيل احساسي بيقلي انو هوة ..

التفت سيف وباشر عطول بدرسو وعيون رفيف بتلاحق فِيَھ .. اما هوة اتظاهر بعدم معرفتها وماحب يحسسها بهالشي ..

«««««««««««««««««««««««««««««««««

وبالفرع، ،، طلع مرهف م̷ـــِْن مكتبه برفقة جان وهو بيحكي مع العناصر م̷ـــِْن خلال اللاسلكي
مرهف: كم عددهم ،،، !! اي ټمـٱمـ ضلوا بمواقعكم لحتى نجي مع الدعم ومابدي اي اشتباك لنوصل ..

نزل الجهاز م̷ـــِْن ايدو ولبس نضارته وتابع طريقه وركب بالسياره مع جان وانطلقوا مع بقية الدعم
جان: شكلهم زهقوا م̷ـــِْن تهريب المخدرات وحولوا عالكحول ..
مرهف: لاتكون كتير متأكد هالنوعيه م̷ـــِْن العصابات بتكون اخده كل الاحتياطات ويمكن مخزن الكحول مجرد فخ ...
جان: قصدك بدهم يصفونا
مرهف « دعس بنزين »: ارض الميدان بتحكم مين يلي رح يتصفى بالاخير....

،،،،،،،،،،،،،،،،، /

وبالمكتب عند ايات، ،، كانت قاعده ورى مكتبها وقدامها اللاب توب ..
تناولت الفلاشه وركبتها ورجعت التفتت عجنب لترتب الاوراق وبعدين حولت نظرها عاللاتوب وفتحت عيونها ع وسعهم ....
ايات: شووو هااااد ...!!!!

،،،،،،،،،،،،،،،،، /

بهالوقت وصل مرهف وجان عالمخزن وطوقوا المكان وتوزعت عناصر الشرطه بعملية تمشيط كامله للمنطقه ...
جان: مو غريب يوصلنا بلاغ عن مخزن للمنوعات ومانلاقي فِيَھ الا كم كرتونه ... وحتى ما عليه حراسه ...
صفن مرهف واطلع بمد بصرو عالمكان بنظره تفحصيه ..
مرهف: اطلب م̷ـــِْن العناصر تنسحب وخلي كم واحد بس ..
جان: ليش ؟
مرهف: لسه ماخلق اللي بدو يضحك علـّۓ. مرهف نبيل ... هاد كمين ... خلو حدا م̷ـــِْن رجالهم يتصل ويبلغنا عن المخزن ليشتتوا انتباهنا عن مكان التسليم الاساسي ...
جان: وبرأيك وين بيكونوا ناويين يسلموا البضاعه ؟
مرهف « بهمس »: بقلب المدينه
جان: بعز النهار بدهم يسلمو هيك بضاعه!
مشي مرهف ناح الكراتين وركلهم بأجرو
مرهف: شو شايف هون؟
جان: ادوات طبيه ..
مرهف: ادوات طبيه بكراتين شيبس مو غريبه هي !
ابتسم جان وهز براسه، ،، :معناته الكراتين تبع هي المواد انحط فيها البضاعه ورح تتسلم ع اساس انها مواد طبيه ..
مرهف: ليكك طلعت بتفهم مابك شي
جان « غمزه »: بعجبك ياقناص
مرهف: وزع كم عنصر هون وجيب البقيه والحقني
جان: امرك سيدي ...

،،،،،،،،،،،،،،،،، /

كانت ايات بعدها مصدومه ومو مستوعبه الشي اللي شايفته قدامها
قامت الفلاشه بسرعه وحطتها بجيبتها وسحبت تلفونها واتصلت بمرهف لكنه مارد ..
ايات:« نفخت » نفسي ارنلك وترد م̷ـــِْن اول مَـرّھٌ ڵـڱ ررررد ررررد ...

رجعت رنلته مَـرّھٌ واتنين واخيرا انفتح الخط

ايات«بلهفة »: ڵـڱ ليششش ماعم ترد ؟
جان: اهدي ايات انا جان مو مرهف
ايات: وشو بيعمل تلفون مرهف معك؟
جان: هفففف نحنا بمهمه ومو فاضيين احكي شو بدك ..
ايات: لٱ شو مو فاضيين قلي وين انتو لآزٍمٍ شوف مرهف فورا ..
جان: وين تجي يامجنونه عم قلك نحنا بمهمه
ايات: وانا عم قلك لآزٍمٍ شوف مرهف وفورا .. الموضوع مابيتحمل التأجيل حياه او موت
جان: ڵـڱ شو الموضوع شغلتي بالي
ايات: مافيني احكي شي عالتلفون وينكم انتو .. هلأ بجي لعندكم
جان: طيب ليكي نحنا هلأ بطريقنا عالمشفى يلي بيشتغل فيها سيف ..
ايات: وهي هيه المهمه ؟
جان: ڵـڱ افهمي مشان •اللّـہ̣̥ نحنا مو بنفس المشفى نحنا بالمخازن انتي استنينا بكافتيريا المشفى وبس نخلص رح نجي لعندك ..
ايات: طيب اوك وتاني مَـرّھٌ لاترد ع تلفون غيرك
جان: انشالڵـهٍ ..سلام ..

،،،،،،،،،،،،،،،،، /

سكرت ايات الخط وحملت شنتتها وطلعت م̷ـــِْن مكتبها واتوجه عالمصعد .. نزلت لتحت وبسرعه وعطول وقفت تاكسي وطلعت فيها .. بس ما بتكون عرفانة انه في عيون بتراقبها بحقد ..

جهاد: اي شو عليه .. اسرحي وامرحي براحتك .. بوعدك مارح ترجعي لهون مَـرّھٌ تانيه
مسك تلفونه وطلب شخص
جهاد: كيفك عدي .. بدي كلفك بمراقبة وحده، ،، ټمـٱمـ رح ابعتلك التفاصيل سلام ..
مشي بخطواته برجوع وفات عالشركه ...

،،،،،،،،،،،،،،،،، /

كان مرهف قاعد بسيارته مع جان قدام المخزن واخدين كل الاحتياطات
جان: صرلنا اكتر م̷ـــِْن سَـآعــهْْ ناطرين لْـۆ بدهم يجوا كان ظهرو
مرهف: معلش خلينا نستنى شوي وازا ماظهرو الًيَوُمًِ بيظهرو بكرا
جان: هاد المخزن مهجور
مرهف « هز راسه » : ايه والظاهر محولينه لوكر تجار المخدرات ..
جان: انا توقعت نروح عمخازن المشفى
مرهف: مانهم بهالغباء لييحطوا هيك بضاعه بمخازن المشفى .. اما هاد المخزن قريب م̷ـــِْن المشفى ومهجور لهيك هو المكان المناسب ليحطوا بضاعتهم ..

ضلوا قاعدين بالسياره وعم يراقبوا بكثب ..اما ايات بهالوقت كانت عم تستنا جيتهم عالكفتيريا
ايات «اتطلعت عساعتها »; هففف وينهم لهلأ اجريي تيبسوا م̷ـــِْن القعده ..

حملت حالها وحطت ايديها بجيابها وراحت تتمشى .. وبدون ماتحس لقيت حالها قدام المخزن يلي عم يراقبوا فِيَھ الشباب وكانو على وشك مداهمته ..
مرهف «بجدية» : يلا استعد جان....بلغ قوة ( أ ) تستعد و القوة (ب) تستنى و ما تعطي أمر بـ إطلاق النار الا لما اعطك الاشارة مفهوم. ..
هز جان راسه وشهر مسدسه ليطلع مرهف من السيارة بخفة ويركض بإتجاه المخزن، ،
احتمى بجدار بجنب البوابة الحديديه وشاور لجان بايده بالهوا لبدأ الاقتحام. ..
بلشت القوات بتتبعه وضل نص العناصر بالخلف لحماية ظهره ليتقدم هو للمخزن مع الباقي.
مرهف «مد راسه جوات المخزن ولمح باب خلفي مفتوح وعم يفوتوا البضاعه منه» ..
مرهف « صرخ » ولا حركه المكان كلو محاصر
بلش الاشتباك و اطلاق النار وبسرعه اتحرك جان مع فريقه بعدما اعطاه مرهف اشارة الهجوم...

انتفضت ايات اول ماسمعت اطلاق النار وتخبت ورى الحيط ..
ايات: العمااا مرهف وجان مشتبكين مع هي العصابه يارب تحميهم وتكون معهم ..

مر نص ساعة على هالحال ووقع كتير من رجال العصابه مابين مصاب وقتيل وجريح .. فجأة لمح جان بنت واقفه بحد الحيط ومخبيه وجهها بخوف
جان «حط ايدو ع ادنو وخاطب مرهف ب سماعة البلوتوث» : مرهف في بنت موجوده هون

احتمى مرهف عند الحيط و رد بالسماعة بصراخ وهو بيطلق النار : بنت !! مين هيه !!!....
جان: ليكا عند الحيط يلي بحدك ..
اطلع مرهف لمكان ما اشرله جان وشاف ايات واقفه بالزوايه و بتصرخ بفزع.
جان ; مرررهف هي اياات
مرهف: ايات. !!!!« وصرخ بغضب »: هي شو عم تعمل هون؟
جان: مابعرف....مرهف البنت رح تتصاوب!!!

وجه مرهف نظرو ناحها ولمحها قريبه من واحد من افراد العصابه و الرصاصات عم تمر من حدها بسرعة كبيره
مرهف « صرخ » ايااااااات احتمي
التفتت عليه ايات بخوف وماقدرت تحرك ساكن، ،، ظلت مكانها وشفايفها بترجف ب اسم مرهف
ايات: مممرهف تعاااا ساااعدني

بهاللحظه قرب منها شخص وسلط مسدسه عليها وبسرعه ركض مرهف لعندها ولفها عليه قبل ما تتصاوب و..........انطلقت الرصاصة لتصيب واحد منهن !!!!
جان « صرخ » مررررررررررهف

#قطع واعادة م̷ـــِْن عند ايات .. ?
كانت ايات واقفه و مصدومة وماعم تصدق الشي اللي عم يصير حواليها و صوت الرصاص جاييها من كل اتجاه. فجأه لمحت شخص واقف قبالها ومبتسم بشر وهو مسلط مسدسه عليها
دب الرعب بقلبها وحطت ايديها على دنيها و صرخت بفزع....: مرررررهفففف
م̷ـــِْن بين هالات خوفها وانفاسها المتضاربه لمحته بيركض باتجاهها.......
وقف قدامها وضمها من خصرها لتسمع صوت رصاصة بتخترق جسدهم !! وبكل خفه لفها بحضنه وصوب مسدسه عالشخص واطلق عليه رصاصه استقرت بنص راسه ..
ايات: مررررررهف
صرخت بخوف و اطلعت عليه وشافت كتفه بينزف
ايات «بخوف » مرهف مرهف انت عم تنزف
صرخ فيها مرهف : اخرسسسي ماابدي اسمع صوتك ڵـڱ انتي شوو جابك هووون!!!
سحبها م̷ـــِْن ايدها وبعدها عن المكان ووقعت -الفلاشه- من جيبها لاحظتها ايات وصرخت : الفلاشه الفلاشه يامرهف !!
جذبها مرهف لكنها فلتت حالها منه و ركضت ادور عليها
مرهف « صرخ بغضب »: تعالي هووون ،،، انتبهيييييي اياااات

كانت على وشك انهاا تتصاوب للمره التانيه وبسرعه سحبها من ايدها و حضنها ..
لفها لعندو و بلش يطلق الرصاص وهي متمسكة فِيَھ بقوة مابتعرف ليش لكنها حست بالامان وهي بحضنه....
مرهف : لاتخافي و اتمسكي فيي منيح واضح.
هزت راسها تلقائيا ليرفع هو مسدسه تزامنا مع انبطاحه عالارض ليوقع فيها على ظهره وهي فوقه استمر باطلاق النار و كانت القوات العسكرية متفوقة على العصابه وقدرت بعد وقت يسيطرو عليهم ويحاصروهم ....

كانت ايات مغمضة عيونها ومتمسكة ببدلة مرهف بقوة و دموعها بتنزل بخوف حست بإيده بتترك خصرها وفتحت عيونها ببطئ بعد ماساد الصمت بالمكان ..
رفعت راسها والتقت عيونها بعيونو اللي كانو بيقدحو شررر بسببها ..

قرب جان بسرعة وسأل بقلق : مرهف صرلك .. !شي انت عم تنزف

نتر مرهف ايات عنو ووقف وهو حاطط ايدو عجرحوا
مرهف: عرضيه ماصار شي ..
اما ايات وقفت واطلعت حواليها بدهشة و دموعها بتنزل بعرض وجهها ..
ايات: خخخلصت المعركه؟
جان: ممكن افهم انتي شو اللي جابك لهون ؟ ..مو قلتلك استنينا بالكفتيريا
كانت ايات عوشك تحكي لما اتزكرت الفلاشه وضربت ايدها بجبينها..
ايات: الفلاشه، ، الفلاشه وقعت مِڼـّي
نزلت عركبها وبلشت ادور عالارض ولقيتها ملحوشه ومكسوره بعد ما انداست تحت اجريهم
مسكتها ودمعوا عيونها وهي بتطلع بمرهف
ايات: الفلاشه كككنت بدي وريك دليل برائة ابوك بعيونك ..
مرهف « احمرت عيونه وشد عقبضته » وانتي جايه تعطيني ياها بقلب الاشتباك ؟
ايات: اسفه مرهف انا ..
مرهف « صرخ » غبيييييييه
ايات: يامرهف افهمني
مرهف: روحي م̷ـــِْن هون ايات روووحي مابدي شوفك ..

تركها ومشي وهو بيصرخ بالعناصر
مرهف: بسرعه تحفظوا عكل البضاعه وجيبوا هالكلاب عالبوكس ..

ايات«بتبكي »: مرهف ازا مابدك تسمعني انت حر بس اسمحلي شوف جرحك
اطلع فيها مرهف بنظره داميه، ،،،: هالجرح مابيسوا شي قدام جرح قَلبــيے. يلي بعدو عم ينزف، ،،

تركها وتوجه عسيارته ولحقه جان ..

جان : ليش هيك حكيت معها ؟
مرهف: جان اتركني لوحدي هلأ
جان: كيف اتركك طيب خليني وصلك للمشفى
مرهف: لٱ بدي ضل هون لاراقب الوضع مابدي يصير اي غلط ..

كانت ايات واقفه مكانها وهي شاده قبضتها عالفلاشه بقوه ودموعها بعرض وجهها
ايات: انا فعلا غبيه .. كيف هيك عملت كنت رح روح حالي وروح مرهف معي، ،،، وحتى الفلاشه انكسرت وهلأ مافي اثبت تورط انور بمقتل جابر ياربي ليش هيك صار ..

رفعت عيونها واطلعت فِيَھ وشافته عم يشد عجرحه ليوقف النزيف وعيونه مسلطين عالعساكر وبيصرخ فيهم ليخلصوا بسرعه ...

ايات: ياربي مرهف عم ينزف .. ڱڵـه بسببي شو اعمل..!
سحبت تلفونها بسرعه واتصلت بسيف
ايات « بتبكي » سيف انت وين ؟
سيف: بالمشفى شبك ليـّۓ عم تبكي؟
ايات: مرهف مرهف تصاوب وعم ينزف
سيف«بصدمة »: شوو ... مرهف تصاوب كيف ووين ؟

رفعت رفيف راسها بس سمعت باسم مرهف وقربت شوي لحتا تقدر تسمع ..

ايات: نحنا قريب م̷ـــِْن المشفى تعال بسرعه.. عم ينزف كتير
سيف: معك كحول؟
ايات: ڼـعمًـْ! !!
سيف: ڵـڱ يابنتي الكحول بتوقف النزيف وبتعقم الجرح .. ازا معك كحول حطيه عجرح مرهف وطهريه عبينما يجي عالمشفئ يتعالج ..
ايات: وانا م̷ـــِْن وين بدي جيب كحــ

وقع بصرها فجأه عالعناصر وهنه بيفرزو البضاعه وكانت عباره عن سلاح ومخدرات وكحول مهرب
ايات: سيف انا رح اتصرف بس انت لٱ اطول وتعال بسرعه ..

سكرت الخط وضبت التلفون بجيبتها وراحت تركض بإتجاه العناصر وخطفت قزازة كحول وفتلت حالها بسرعه وركضت لعند مرهف
العنصر: انتي وقفي تعي لهون
ماردت ايات علـّۓ. حدا وظلت تركض لحتى وصلت لعند مرهف وفتحت باب السياره وسكبت عليه قزازة الكحول
مرهف: ڵـڱ شوووو عم تعملي
ايات: اسفه حكالي سيف انه الكحول بيوقف النزيف
كتم جان ضحكته بينما مرهف رفع حاجبه
مرهف: وحدا قلك انه راسي عم ينزف شي
ايات : اه، ،، وانا شو بعرفني
مرهف « اخد نفس » ايات روحي عالبيت هلأ
ايات: بدي اطمن عليك
مرهف « بحده » شو سمعتي
ايات: امرك حضرة الضابط

رمت القزازه م̷ـــِْن ايدها وفتلت حالها وراحت تركض لحتى غابت عن نظرو
رجع قعد بالسياره وحط ايدو عجرحوا وحكا بقهر
مرهف: •اللّـہ̣̥ يسامحك خربتي كل شي غبيه غبيييه...

،،،،،،،،،،،،،،،،، /
اما بالمشفى كانت بعدا رفيف واقفة ورا سيف وهوة عم يحاول يتمالك حالو بعد الخبر اللي اجاه .. ماقدر يخبي قلقو وتوترو وبطل يعرف يكمل درسو للطلاب.

....:كيفو هلأ
اتفاجأ سيف والتفت وشاف رفيف واقفة وراه وعيونها مدمعين ..
سيف: مين، ؟
رفيف: مافي داعي تخبي عني. انتة رفيق اخي مرهف صح!
سيف: ....
رفيف: وانتة اللي قابلتو م̷ـــِْن تلات سنين
سيف: اي انا ...
رفيف: ومرهف اتصاوب؟
سيف: عأساس كتير بتهمك حياتو ! !
نزلو دموعها واتراجعت بخطواتها لورا. ... كانت بدها تمشي لما استوقفها صوتو بيحكيها: بنصحك ماتحاولي تحتكي فِيَھ هالفترة ..مرهف ماعاد متل ايام زمان .. بتمنئ تقدري هالشي ..
رجعت رفيف التفتت: لَيــِْـِْش. انتة مين لحتا تنصحني.. ازا كنت بدي شوفو وللا لٱ فهالشي لٱ بخصك ولا بخص غيرك ..
سيف «اخد نفس »: انا بس كنت عم بحكي مشانك .. لحتا ماهاد «واشر عراسها »يتكسر هوة وكبريائك المصطنع ..
بعد عنها وحكا بصوت عالي: خلصنا الًيَوُمًِ وبكرة باذن •اللّـہ̣̥ رح تحضرو عمليه جراحية تٌَحَـتْ اشرافي .. بالازن ..

التفت سيف وطلع تارك رفيف وراه بتغلي م̷ـــِْن القهر ..

«««««««««««««««««««««««««««««««««

م̷ـــِْن بعد الشي اللي صار بتكون ايات راجعه لبيتها بالتكسي وهي حاسه بالغيض م̷ـــِْن نفسها ومن تصرف مرهف معها
ايات: انا الحق عليي كنت بدي فرحك، ، ماشي يامرهف بعمري مارح حاكيك
بيرن تلفونها وبتتناوله وبس تشوف اسم محمود بتقلب عيونها وبترد بدون نفس
ايات: اي محمود
محمود: باركيلي ايوشتي
ايات: مبروك
محمود: مابدك تسأليني علـّۓ. شو
ايات « تنهدت » محمود احكي يلي عندك وبلاه شغل المراهقين هاد
محمود: ممممم اشتريت شقه وسجلتها بإسمك كمان
ايات « بصدمه » اشتريت شقه! !! كيف ومن وين
محمود: شو انتي اكرم م̷ـــِْن ربنا انا كنت صمد القرش عالقرش لحتى جيبلك شقه تسكني فيها ونجيب خالتي تسكن معنا بدل ماتظل عايشه لوحدها بالايجار
ايات: حيلك حيلك فهمني م̷ـــِْن ويلك مصاري
محمود: شبك ايوشتي قلتلك كنت عم صمد القرش عالقرش، ،، هلأ لاتبلشي وتنزعي فرحتنا انا بدي اجي الًيَوُمًِ لنحدد موعد العرس اعتقد ماظل شي يمنعنا انه نتزوج جامعه وخلصتي وشغل واشتغلتي وخالتي لحمد لله صارت منيحه
ايات: اجلي هالموضوع شوي
محمود: وليش ااجله لتكوني مابتحبيني
ايات : محمود نحنا كبرنا علـّۓ. هالحركات خليك رجل واحكي بمنطقيه شوي
محمود: منطقيه قلتيلي ولا حضرتك صرتي محاميه وانا ماعدت قد المقام
ايات: هففففف محمود لاتبلش
محمود: لٱ بدي بلش ولا زفت سلام واسف اني اتصلت

سكر الخط بوجهها وزفرت بضيق ومالت براسها ع شباك السياره
ايات: ياربي ليش هيك حكيت معه شو خصو ازا كنت مزعوجه، ،،، خلص هلأ بس وصل عالبيت بحاكيه وبطيب خاطره وبدي اعرف م̷ـــِْن وين جاب المصاري . .. !!!

بتوصل ايات لبيتها وبتفتح الباب بالمفتاح يلي معها وبتفوت لجوا وبتنصدم لما تشوف كرسي امها بنص الصاله وامها مو عليه
ايات « بخوف » يوه وينا امي! !
بتكون ع وشك تنده لامها وبتسمع صوت حركه غريبه جايه م̷ـــِْن غرفتها
بتشلح كندرتا وبتتسحب عالهدا وبتمد راسها م̷ـــِْن شق الباب واول مَآتشُوٌفْ امها بتفتح عيونها ع وسعهم وبتحط ايدها عتمها

بتكون سناء واقفه ع اجريها وفاتحه خزانة ايات وعم ادور فيها
ايات « بقلبها » امي عم تمشي! !! طيب ليش ماحكتلي! !!! انا صرت متأكده انها مخبيه عني شي ولازم اعرفه

بترجع بخطواتها لورى وبتحمل كندرتا وبتطلع برات البيت وبتسكر الباب عالهدا
ايات: مابدي اظلمها يمكن الًيَوُمًِ حسنت توقف ع اجريها وبدا تعملي ياها مفاجأه، ،،، بس ازا كانت م̷ـــِْن زمان عم تمشي فهاد معناه! !!
اخدت نفس ونزلت كندرتا عالارض ولبستها ورنت عالجرس
ايات: ماماااا ازا فايقه افتحيلي الباب هي انا ايات نـًسّْيـت المفتاح بالمكتب مااااماااا

بتسكت وبتحط دانها عالباب وبتسمع صوت وطئ اجرين عم يتحركوا بسرعه وصوت فركشه واخيرا بينفتح الباب لتنصدم ايات ب امها عم تستقبلها متل عادتها وهي عالكرسي

سناء: اهلين بنتي ليش تأخرتي
ايات « ببرود » ابدا كان عِنـ.̷̷̸̷̐ـديّ شغل
سناء: طيب فوتي بدلي تيابك وتعي لنتعشى انا رح موت م̷ـــِْن جوعي
بتدمع عيون ايات وهي بتلاحق امها بحجر عينها وبتشوفها عم تتحرك بصعوبه بين اثاث البيت بكرسيها
ايات: يالله هلأ ببدل تيابي وبجي لنتعشى سوا

بتروح لغرفتها وبتسكر الباب وبتركن حالها عليه وهيه كاتمه صوت شهقتها بكفها
ايات « بتبكي» ليش امي خبت عليي شي متل هيك ليش ماخبرتني انها بتمشي ليششش معقول ماحزنت عليي وهي شايفيتني بتقطع م̷ـــِْن جواتي عليها وعلى شو كانت عم بدور بين تيابي
رجعت راسها عالباب وغمضت عيونها بقهر
ايات: شو هالامتحان ياربي

سناء: يالله ايوش عجلي رح يبرد الاكل
ايات « بتمسح دمعتها وتتمالك حالها » يالله امي جايه

شلحت جاكيتها وعلقته وفكرها مشوش بالشي اللي عملته امها وفجأه بتوقع عينها علـّۓ. علبة السبريه « مثبت الشعر » وبتبتسم
ايات: معلش امي مطره اعمل هيك

بتحمل علبة السبريه وبتقرب م̷ـــِْن الباب وبتشقه وبتشوف امها ع قعدتها بتقوم بتتناول قداحه وبتوقف عند الباب مباشره وبتشعل القداحه وبتضغط علـّۓ. علبة السبريه. لتهب النار وتندفع م̷ـــِْن باب الغرفه وهي بتصرخ

ايات: اااااااااه اميييييي الحقينيييييي النااار النااااار
سناء: ولييييي بنتيييي ايااااات
بدون وعي م̷ـــِْن سناء بتقوم م̷ـــِْن محلها وبتروح تركض لغرفة ايات وبتفتح الباب وبتنصدم وهي شايفه ايات واقفه قدامه ومكتفه ايدها

اخيرا بدورلها الشغله وبتطلع ع اجريها وبترجع تطلع ب ايات
ايات: حمدلله عالسلامه مو كنتي تحكي انك خفيتي عالاقل كنت فرحتلك
سناء « دمعوا عيونها » الموضوع مو متل مانك فاهمتيه بنتي
ايات: ايه ايه بعرف لهيك ناطره مـڼـڱ تفهميني وبكل هدوء شو الموضوع
سناء « نزلت عيونها بالارض واستندت عالباب » ياريت فيي قلك بس مابقدر كل يلي بقدر احكيه اني عملت كل هالشي لاحميكي
ايات: تحميني م̷ـــِْن مين. ?
سناء: مافيي احكي
ايات: قصدك تحميني م̷ـــِْن صاحبة هاد

اطلعت سناء علـّۓ. ايات وشافتها حامله فردة الحلق

ايات: اعتقد انك كنتي عم ادوري عليه ماهيك
سناء:
ايات: امي مشااااان •اللّـہ̣̥ فهميني شو القصه ومين عم يهددك ومن شو خايفه
سناء: مابقدر احكي مااابقدر

طلعت م̷ـــِْن الغرفه ولحقتها ايات ومسكتها م̷ـــِْن كتافها

ايات: ليش مابتقدري، ،، انتي في حدا عم يهددك صّـْْح
سناء:
ايات: يا امي ابوس ايدك فهميني لاقدر ساعدك ولاتخافي م̷ـــِْن حدا نحنا مو عايشين بغابه والبلد فيها قانون
سناء: القانون مابينصف الدراويش والمعترين
ايات: لَـگِنْ ليش درستيني حقوق
سناء: يمكن لتقدري تحمي نفسك
ايات: وانا قادره احمي نفسي وقادره احميكي يا امي
سناء: سكري عالموضوع ومن هلأ مافي روحه لشركة انور بيك
ايات: اوف وليش بقا
سناء: بدون لَيــِْ♡̷̴̬̩̃̊ـِْش
ايات « صرخت » لااااا هاد اسمه جبن وانا مو متلك جبانه

ماقدرت سناء تتمالك نفسها ورفعت ايدها وصفعت ايات علـّۓ. وجهها
ايات « نزلت ايدها عن خدها » عم تضربيني يا امي
سناء: الضاهر اني مَآعِرَفتّ ربيكي فوتي علـّۓ. غرفتك ومابدي شوفك

ركضت ايات لغرفتها ورمت حالها عالتخت وانفجرت بالبكي
ايات: هيك يا امي بتمدي ايدك عليي فوق مانك غلطانه وعم تتستري عاللي ازوكي
ظلت تبكي لحتى ارتخت اطرافها ودبلت عيونها وماعادت حست عحالها
وفجأه مسكت تلفونها وطلبت رقم
ايات: محمود انا موافقه نتجوز بس بدي العرس يكون الخميس الجاي ...

«««««««««««««««««««««««««««««««««

المسا وصلو جان وسيف مرهف على بيتو ..
جان«كان ماسكو »:قعدو هون سيف.
مرهف: ولك تركني قلتلك عرضية يازلمة ..
قعد ومد رجليه.
قعد سيف حدو: كل يوم انشالله رح اجي وغيرلك عالجرح .. بس انت مافي داعي اتعب حالك هاليومين ..
جان: انا رح اخدلك اجازة كم يوم مشان تريح حالك فيهن
مرهف: مافي داعي ..
سيف: سماع الكلمة مرهف ..بني ادم انت مو حجر ..

رن تلفون سيف ورد عليه ..:إهٍَـٍَلٍَْـٌٍَيٌٍَن مايا ..
رجف جسم مرهف بس سمع بإسم مايا
سيف: اي اختي .. لٱ ما رح طول .. امك اخدت الدوا .. يلا نص ساعة وراجع ..
سكر سيف الخط وسألو مرهف: كيف الوالدة
سيف: الحمدلله .. منيحة يلا لَـگِنْ انا صار لآزٍمٍ اتركك ترتاح ..وانت جان ما تتطول بقعدتك ..خلي مرهف يرتاح ..
جان: وانت شو خصك ..بركي اجا عبالي نام عندو
سيف: اي معناها صباحية مباركة سلف ..
اتطلعو جان ومرهف ببعض ومسك مرهف المخدة ورماها على سيف ..
مرهف: •اللّـہ̣̥ لٱ يبارك فْيَگ يابعيد .. روح انقلع لحسن ما انجن عليك ابو سوسة ..
سيف «بيضحك »:خلص خلص طالع مافي داعي تعزب حالك وتقوم ..
مرهف «فجأة حكا »:انتبه الصرصور بين رجليك ..

نط سيف وبلمح البصر صار فوق الكنبة ?

جان: ههههه خرجك •اللّـہ̣̥ لايقيمك
سيف ; اساسا ماخفت
جان: :اي واضح
سيف: يالله رح اتركم تاخدو راحتكم باي ياحلوين
مرهف: روح م̷ـــِْن وجهي ولا

بيطلع سيف م̷ـــِْن بيت مرهف وبس تشوفوا رفيف راح بتنزل م̷ـــِْن سيارتها وبتتوجه ناح الباب
بتمر دقايق عليها وهي واقفه قدام الباب وعم تحاول تتمالك نفسها واخيرا بتاخد نفس وبتضغط عكبسة الجرس

طلع سيف م̷ـــِْن بيت مرهف وبس تشوفوا رفيف راح بتنزل م̷ـــِْن سيارتها وبتتوجه ناح الباب
بتمر دقايق عليها وهي واقفه قدام الباب وعم تحاول تتمالك نفسها واخيرا بتاخد نفس وبتضغط عكبسة الجرس ..

وجوا ..
جان: اففف مين بدو يكون؟
مرهف: اكيد سيف نسيان شي. ماتصغر جان روح افتاح الباب ..

وقف جان وراح اتجاه الباب وفتحو واتفاجأ بـ رفيف ..
جان: انسة رفيف
رفيف: مرهف موجود؟
جان: اي .. تـ تفضلي. ..

فات جان قبلها وسألو مرهف: مين اجا.
جان؛ :هي ..
ظهرت رفيف م̷ـــِْن ورا جان وعيونها معلقين على اخوها مرهف .. يمكن كان لقائهم م̷ـــِْن بعد سنين سيئ وماعرفت كيف تفجر مشاعرهــاآ وتعبرلو اديش هي اشتاقتلو بغيابو عنها ...

رفيف: الحمدلله عسلامتك.
مرهف: .....

اخد جان نفس وحكا بسرعة. :يلا انا صار لآزٍمٍ روح .. بالازن انسة رفيف ..

طلع جان تارك مجال لفجوة امل صغيرة انهن يتصالحو فيها ..
مرهف: شو جابك؟
رفيف: ولو .. مارح تقلي تفضلي!
مرهف«بهدوء »: مابدك عزيمة...
قعدت رفيف قبالو وشافتو كيف عم يحاول يتجاهلهـاآ ..
رفيف: انشالله جرحك مو خطير
مرهف: لٱ ..

ضل الصمت مسيطر عالمكان .. فجأة صارو غرب عن بعض .. فجأة خانتهم الكلمات والمشاعر ليلتقو ببعض بكل برود ..
مرهف. :مين خبرك؟
رفيف: خبرت ومشي الحال .. بتحب جبلك شي
مرهف: رفيف م̷ـــِْن الاخر شو اللي بدك اياه
رفيف: جيت اتطمن عليك
مرهف: هيك بهالبساطة .. مارح يزعل عمك انور لما يعرف انك اجيتي لعند ابن اللي قتل ابوكي ؟
رفيف «دمعو عيونها »:عمي مادخلو بعدين انا ماحكيت انو ابوك اللي. ..
قاطعها مرهف بصرامة: رفييييف .. ماتحاولي تخبي مشاعرك وكرهك .. جيتك لعِنـ.̷̷̸̷̐ـديّ اليوم مارح انساها .. وبتمنئ ماتكرريها ..
رفيف: عم بتقلعني؟
مرهف: حسبيها متل مابدك. ..
رفيف: ماكنت مفكرتك بهالقسوة
مرهف: لااا لاااا رفيف .. انا مستحيل كون بقسوتك .. انتي تعديتي مرحلة القسوة م̷ـــِْن عمر صغير يمكن انا ازا صار عمري ميت سنة مارح اتعداها... اتزكري كيف قلعتيني م̷ـــِْن بيتكون وشو الكلام اللي وجهتيلي اياه وعمرك كان لسا مابيتعدا الـ 16. .. ابن المجرم نعتيني ..مااحترمتيني .. ولحقتي انور وكزبتيني ..
رفيف: لأنو انتة هنت عمو انور وتهمتو بقتل بابا ظلما وبهتانا ..
ابتسم مرهف بسخرية: ظلما وبهتانا ..!! بتعرفي رفيف .. انتي شبه القط اللي مابحب غير خناقو .. لنشوف شو اخرة ركضك ورا انور .. وهلأ ازا سمحتي روحي بدي ارتاح شوي ..

نزلت دموع رفيف ووقفت والتفتت وطلعت وهي مكسورة الخاطر م̷ـــِْن عند مرهف ..

مرهف: سامحيني. .. بس انا كمان عِنـ.̷̷̸̷̐ـديّ كرامة ..

طلعت بسيارتها وضلت اعدة فترة وهي عم تبكي
رفيف: انا الحق عليي. .. بشو كنت عم فكر .
شغلت السيارة. وانطلقت فيها ..