الجزء 11

وصل سيف على بيتو وفتح الباب وفات .. شاف امو وابوه واختو قاعدين بالصالة ..
سيف: مسا الخير ياجماعة
ردو: مسا الخير...
ابو سيف: وين كنت ابني. .مالك بالعادة تتأخر ..

شلح سيف الجاكيت واعد .. :بتتزكرو رفيقي مرهف يلي عزمتو مرة عالغدا ..يلي حكيتلك انو كنا ساكنين بنفس الغرفة ايام دراستي ..
مايا: اي انا بتزكرو ..
ام سيف: شبو ابني؟
سيف: مو حكيتلكون انو بيشتغل بالسلك برتبة رائد ..الًيَوُمًِ كان بمهمة واتصاوب ..
شهقت مايا وحطت ايديها عتمها ...
ام سيف: فضايل قل هو •اللّـہ̣̥ احد .. وانشالله ما انأزا ..
سيف: لٱ الحمدلله اجت عرضية والرصاصة ما اخترقت الجلد لأنو كان لابس واقي ضد الرصاص ..
ابو سيف: الحمدلله عسلامتو .. اصحك تتركو ابني ..
سيف: لٱ شو اتركو .. وبكرا انشالله رايح لعندو مشان غيرلو على جرحو .. اي ام سيف شو عاملتيلنا عالعشا ..حاكم ساالت م̷ـــِْن جوعي ..
ام سيف: ماخسا الجوع .. مايا قومي سخني اكل لأخوكي •اللّـہ̣̥ يرضى عليكي ..
مايا «بهدوء هزت راسها »:تكرمي امي ..

وقفت مايا واتوجهت عالمطبخ. رغم انو سيف طمنهم انو مرهف بخير بس هي ضل قلبها عم يغلي. ..

«««««««««««««««««««««««««««««««««

اما رفيف ركنت سيارتها عند باب الڤيلا وضلت قاعدة فترة ودمعة قهر علقانة جوات جفونها ..
فتحت تابلو السيارة وطلعت صورة كانت فيها هية وصغيرة وهي راكبة على كتف مرهف ..
خانتها دمعتها وهرت عالصورة .. كل كلمة حكاها مرهف متل سهم مسموم طعنت جوات قلبها ..
رفيف: مابكفي امي وابي راحو .. فوق مارحت شوفك لأني كنت خايفة اخسرك انتة كمان .. والله انَـَا مابكرهك يا مرهف .. بس بالظاهر انتة يلي الكره والحقد سيطر على قلبك ..

رجعت رمت الصورة بقلب التابلو وسكرتو .. طلعت م̷ـــِْن السيارة وفاتت لجوة وشافت انور قاعد ومستند على ركبو وكأنو كان ناطرها ..
رفيف: مسا الخير ..
وقف بهدوء واتوجه لعندا ...
انور: وينك لهلأ؟
رفيف: ....گ گنت
اماني «نزلت م̷ـــِْن عالدرج واتكتفت »:وين كنتي لهلأ؟
رفيف :......
انور: مابدك تحكيلي وين كنتي لهلأ ..! الساعة داخلة عالتسعة وانتي برا البيت ..بعمرك ماعملتيها
رفيف: بصراحة .. رحت لعند مرهف عالبيت ..
انصدم انور وحكا م̷ـــِْن بين سنانو: عند مرهف ..!
رفيف: اي .. سمعت انو اتصاوب بمهمة ورحت اتطمن عليه
عض انور على شفايفو بقوة: ويتصاوب انتي شوو بهمك
رفيف «نزلت دمعتها »:كيف شو بهمني .. هاد اخي عمو انور ..
انور: اخووكي ؟!؟.. نسَيتي شو عمل هوة وابووه ..
رفيف: بس مرهف ..
انور: مرهف ما اكتفا بيلي عملو زمان هوة وابوه .. وليكو رجع لحتا يكمل عليي ويدمرنااا .. «مسكها م̷ـــِْن اكتافها »رفيف اوعك تضعفي .. ازا بتشوفيه عم بموت ادامك ما تضعفي ولا تزعلي عليه .. مرهف تغيير وهي النوعيات انا بعرفها منيح .. مرهف بدو يستولي علئ مالنا علئ رزقنا .. يمكن ضعفك يخليه يتمادا ..اوعك رفيف تضعفي وتشفقي عليه ..
مسحت دموعها وهزت براسها: مزبوط .. انا ماكان لآزٍمٍ ازعل عليه .. مرهف ماعاد بيعنيلي اي شي .. بالنسبة الي انتة كل عيلتي عمو انور ..
قربت م̷ـــِْن انور وضمتو ..:انتة ابي واخي وعمي وكل عيلتي ..•اللّـہ̣̥ لايحرمني مـڼـڱ ..

لف انور رفيف لصدرو ولو طلع بإيدو يخبيها جوات البو ماكان رح يقصر .. رغم كلشي سوء بيعملو بس احساسو بالمسؤولية اتجاه رفيف كتير كبير ..

«««««««««««««««««««««««««««««««««

بنص الليل كانت مايا بتتقلب بتختها وماعم تقدر تنام. الخبر اللي جابو سيف معو طيرلا النوم م̷ـــِْن عيونها ..
مايا «رفعت حالها وقعدت عالتخت »:ياترى كيفو هلأ! ؟
نزلت م̷ـــِْن عالتخت وطلعت م̷ـــِْن غرفتها واتوجهت على غرفة سيف .. فتحت الباب بهدوء وطلت ولقتو بسابع نومة ..
فاتت بهدوء وعالسكت وقربت منو ولوحت بإيديها بجنب وجهو ..
مايا «بهمس »:سيف .. انتة نايم اخي! ؟
لما ماشافتو رد .. حملت جوالو م̷ـــِْن جنبو وحاولت تفتحو ..
مايا: ئي ..هاد محمي ببصمة ..
اتطلعت علئ سيف ومسكتلو ايدو بهدوء وحطتلو باهمو وفتحت الجوال ..
مايا «ابتسمت »:ياعيني فتح ..
حملت جوالها ونقلت شغلة عتلفونها ورجعت طفتو وحطتو مكانو وطلعت بسرعة علئ غرفتها ..

،،،،،،،،،،،،،،،،،،،،،،،/

مرهف رغم جرحو وتعبو بس ماكان قاد ينام. .. جية رفيف لعندو خلتو مشتت .. ماعرف منين جاب قساوة هالقلب لحتا حكا معها هيك .. كان متمني ياخدها عصدرو ويبوسها م̷ـــِْن جبينها .. نزل م̷ـــِْن تختو وطلع نفس الصورة وبلش يتمايزها ..
رفيف: كتير تغيرتي .. بالظاهر قدر انور يسيطر علئ عقلك ..

وفجأة شاف جوالو بيضوي برقم غريب..
حملو ورد: الو ..
بس ماحدا رد .. كان سامع صوت انفاس رقيقة وبترجف .. بس بدون اي رد ..
مرهف: الووووو

وبالجهة التانية .. كانت مايا حاطة الجوال على ادنها وعم تقضم باضافرها .. كان بكفيها انها تسمع صوتو لحتا تطمن انو بخير ...
مرهف« اتكتف واخد نفس »:يعني مابدك ترددد ..
مايا: .....
سكت مرهف شوي .. اما مايا كانت بدها تحكي لما فجأة سمعتو نطق بنبرة صوت هادية: رفيف هي انتي؟

انصدمت مايا وفتحت عيونها عالاخر .. نزلت التلفون بسرعة وسكرت الخط ..
اعدت عالتخت وهي مزعوجة ..
مايا «بضيق »:مين هي رفيف كمان؟

،،،،،،،،،،،،،،،،،،،،،،،/

نزل مرهف التلفون وصفن فِيَھ لحظات ..
مرهف :معناها هي رفيف ..
اعد مرهف عالتخت وابتسم .. :يمكن حست بغلطها .. خلص مرهف بجوز صار لآزٍمٍ تسامحها .. بالاخر هي ماذنبها واللي صار كان مجرد سوء تفاهم ..

اتصال مايا المفاجأ قدر يحنن قلب مرهف علئ رفيف .. بالرغم انها ماحكت ولا كلمة ..لَـگِنْ بمجرد اتصالها صحا جواتو مشاعر الاخوة اللي كان مقرر يدفنها ويتخلص ‏​‏​منـِْها ...

«««««««««««««««««««««««««««««««««

تٌَحَـتْ المطر بنص الليل .. م̷ـــِْن بين اصوات الرعد والبرق بشارع مافيه لٱ انس ولا جن .. تحت واحد م̷ـــِْن اضوية الشوارع ..كان فِيَھ. سلة وفيها طفل بيبي بيبكي بصوت عالي وماحدا كان سامعو .. قطرات المطر كانت بتتجمع جوا السلة والبيبي بيختفي صوتو بالتدريج بسبب المي اللي كانت بتخنقو .. وصوت الرعد مغطي على استغاثاتو ..

وفجأة اختفا صوت الطفل معلن لنهاية حياتو ..

انتفض جان م̷ـــِْن تختو وهوه عم ياخد نفسو بالزور ودموعو على عرض خدودو ..
جان: اعوذ بالله م̷ـــِْن الشيطان الرجيم ..
اتناول كاسة وشرب ‏​‏​منـِْهـِْا شفة ورجع حطا .. وقف وفتح برداية الشباك .. كان بيطلع عالشارع وهو عم يتزكر كلمة حكتلو اياها عزة ..
جان: معقول اضعف .. منين طلعتو فجأة بحياتي ..

(عزة: بتمنى تقرأ هي الورقة .. وتعرف شو اصلك .. انا تعبت لحتا لقيتك .. وما رح اتركك لحتا تعرف الحقيقة .. لأنو برجوعك انتة ممكن نخلص م̷ـــِْن مصيبة ممكن توقع عراسنا ..)
هز جان راسو بالنفي وشد عقبضة ايدو: انتو يلي رميتوني وهلأ جايين ومتأملين خلصكون م̷ـــِْن مصيبتكون .. تنحرفو كلكون ببعض ..
رجع سكر البرداية بغللل ورجع عتختو ليكمل نومتو ..

«««««««««««««««««««««««««««««««««

تاني يوم الضهر .. لبس مرهف وشيك على جرحو وطلع م̷ـــِْن البيت ..

كان راكن السيارة وهو جواتها عند كلية الطب وعم بيدور بعيونو على حدا .. وفجأة لمح رفيف واقفة مع شلة بنات وكان باين عليهم بيحكو بموضوع مهم ..
قعد فترة وهو براقب فيها وهو شايفها لابسة مريول ابيض وكان هيئتها بتقول انها دكتورة بحق .. لمعت دمعة بطرف عينو وابتسم وهو شايف اختو الصغيرة كبرانة وعم تدرس بالمجال اللي كانت بتتمنا تدخل عليه ..

حمل الجوال ورن عالرقم يلي رن عليه بالليل .. ضل يراقب رفيف وهو حاطط الجوال عإدنو .. كان الجوال برن بالطرف التاني ..بس هو اتفاجأ لما رفيف ما اظهرت اي ردة فعل ولا كانو جوالها برن ..
مرهف: غريبة ..
فجأة ردت مايا م̷ـــِْن الطرف التاني: الو ..
انصدم مرهف وهو بيطلع بـ رفيف اللي كانت بعدا واقفة مع البنات وبتحكي ..

مايا: لمين هالرقم! ؟ الووو
مرهف: معك
انصدمت ايات واتبلكمت وكانت بدهــاآ تسكر لما سمعتو بيحكي: لْـۆ سمحتي ..خليكي معي عالخط ..
بلعت مايا ريقها وحكت بصوت بيرجف: انا معك ..
مرهف: في مجال اعرف انتي مين؟
مايا: .....
مرهف «نفخ »:يا انسة لْـۆ سمحتي لٱ تضلي ساكتة .. انتي مبارح بالليل رنيتيلي؟
مايا: بالغلط والله
مرهف: اه .. طيب اسف
مايا«بتردد »: كيف صار جرحك؟
اتفاجأ مرهف :جرحي؟ .. لاا انا هلأ بدي اعرف انتي مين وكيف عرفتي اني مصاب؟
مايا: سمعت م̷ـــِْن اخي ..
مرهف: اخوكي !! انتي .. مايا اختو لـ سيف؟
مايا: مشان •اللّـہ̣̥ ماتواخزني .. بـ بس مابعرف لَيــِْـِْش... گ كنت بس بدي اتطمن عليك ..
اتنفس مرهف براحة وابتسم: لٱ لٱ عُاَدّيَےّ .. مالي متدايق
مايا: زعجتك بإتصالي مبارح صح!
مرهف: ابدا ..اساسا كنت صاحي ..
مايا «ابتسمت »:منيح
مرهف: سيف بالبيت؟
مايا: لٱ ..طلع م̷ـــِْن الصبح عالمشفئ .. وهلا مابعرف لأني مو بالبيت
مرهف: لَـگِنْ وينك؟
مايا: كنت بالمعهد وهلأ راجعة
مرهف: وشو بتدرسي؟
مايا: فنون جميلة ..

ابتسم مرهف وسمع كأنو حدا بيلطشها ..
مرهف: شو هاد؟
مايا: هاد واحد قليل زوء .

كانت مايا ماشية والشب لاحقها وبيتفقس عليها: مع مين مكالمتك ياقمر .. طب عطينا رقمك ناخد ونعطي شوااي شوااي

انزعج مرهف وشد عقبضة الدركسيون ..
مايا: انا لآزٍمٍ سكر
مرهف«بجدية »:ماتسكري.. وقفي ولا تمشي
مايا :لَيــِْـِْش. لحتا وقف؟
مرهف: عملي متل ماعم قلك
وقفت مايا ..:هي وقفت
مرهف: اتطلعي وراكي لسا واقف هالحيوان؟
التفتت مايا وشافتو مستند عشجرة وعم بلوح بسلسلة بإيدو
مايا: اي ..
مرهف: روحي لعندو
فتحت مايا عيونها عاخرهم وحكت: لَيــِْـِْش.؟
مرهف: ممكن تسمعي الكلمة بدون ماتناقشيني
بلعت مايا ريقها ومشت ناح الشب ووقفت قبالو ..
مرهف: وقفتي؟
مايا: اي ..
مرهف: طيب .. ضربيه ضربة بين رجليه
مايا : انا ؟ ?
مرهف: لكن انا .. يلا ضربية ..
مايا: بس....
صرخ مرهف: اضررربيييي ...
بدون وعي رفعت مايا رجها وخبطتو بين رجليه ..اما الشب مع الصدمة والخبطة اللي اكلها حس عيونو رح يطلعو م̷ـــِْن مكانهن
الشب: يامجنونة
مايا «بخوف »:والله ما ..
مرهف: خلص حاجتو رجعي كفي بطريقك
مايا: عُاَدّيَےّ؟
مرهف: اي اكل نصيبو ..يلا كملي عالبيت ..

رجعت مشيت مايا ولا كأنو صار معها شي .. اتطلعت وراها وشافت الشب بعدو ملقح عالارض وبيتوجع م̷ـــِْن عزم ضربتها ..
مايا«ببلاهة »:ههه ماكنت بعرف انو ضربتي رح اتأثر فِيَھ
مرهف: وتاني مرة لٱ تسكتي علئ امثالو ..
مايا: اكيد .. خلص اي حدا بدو يحاكيني بدي هرلو سنانو
مرهف: عمهلك عم بروسلي ..بس عفيا عليكي .. طيب فرصة سعيدة اني حكيت معك
مايا: وانا كمان مبسوطة لأنو حكينا. قصدي اسعد بهالفرصة
ابتسم مرهف م̷ـــِْن طريقة كلامها: بدك شي
مايا: بدي سلامتك .. وو دير بالك عحالك مرة تانية
صفن مرهف باخر كلمة وحس برجفة بقلبو .. :انشالله وانتي كمان ديري بالك عحالك .. سلام
مايا: •اللّـہ̣̥ معك ..

سكر مرهف الخط وهو مبسوط .. ماكان متخيل انو تقدر مايا تأثر فِيَھ بشخصيتها وببرائتها لهالدرجة ..

«««««««««««««««««««««««««««««««««

ماكانت ايات بتعرف عواقب القرار اللي اتخذته بعجل وهي شبه منهاره، ،،
زعلها م̷ـــِْن مرهف وصدمتها بأمها خلو افكارها تتشتت وتتسرع لتقرر هيك قرار مصيري

محمود: شو رأيك خالتي يكون العرس بفندق خمس نجوم
سناء: ولشو هالبزعقه ياخالتي خبي قرشك ..انت فايت ع حياه جديده ولازم تأسس نفسك
محمود: الخير كتير والحمد لله وبعدين انا مو كل يوم بدي اتجوز وبدي فرح ايوش وبالمره نحتفل فيكي وانه ربي بعدي اسمه تمم شفاكي

تلبكت سناء واطلعت بطرف عينها ناح ايات بس ايات كانت شارده بفكرها لبعيد ومو سامعه كلامهم ولا مركزه معهم

محمود: انا وايوش قررنا بس نرجع م̷ـــِْن شهر العسل ناخدك لتعيشي معنا بالشقه
سناء: يا ابني انا مابرتاح الا ببيتي
محمود: وهداك حيكون بيتك ولا شو ايوشتي، ،،، ايات ايات

ايات « تلفتت عمحمود » اي محمود
محمود: شو وين شارده
ايات: ولاشي تُعباُنٌهْـ شوي وبدي ارتاح
محمود: سلامتك روحي، ،،طيب انا بدي امشي لاخلص كم شغله ازا احتجتي لشي حاكيني
ايات: طيب ماشي بالازن

فاتت ايات لغرفتها وسكرت الباب بهدوء وارتكت عليه وتنهدت بألم لتسمح لدمعتها تنزل وتغسل الآه اللي بتختلج صدرها

مشت ناح الشباك واطلعت ع محمود وشافته بيلوحلا ب ايدو وهو مبتسم وبعدا بيركب سيارته وبينطلق فيها

ايات: وهاد محمود م̷ـــِْن وين عم يجيب كل هالمصاري! !!

اما محمود بعد مايبعد بسيارته مسافه منيحه بيوقف السياره بعد مايلفت نظرو محل بدلات
بينزل م̷ـــِْن السياره وبيفوت بيختار طقمين مرتبين وبيطلع
محمود « بيبتسم بمكر » الواجب اعزم انور بيك مابيكفي كل هالعز منه وبعدا برجع بتصلو وبطلب باقي المصاري

بيستند عالسياره وبيطلب رقم انور وبيستنى الرد

انور: الو
محمود: كيفك انور بيك
انور: الووو
محمود: اي انور بيك معك انا محمود سامعني
انور: مين محمود
محمود: شبك يابيك انا محمود كنت شوفير الانسه رفيف
انور: اي اي عرفتك اهلين محمود في شي
محمود: عرسي يوم الخميس الجاي علـّۓ. ايات بتمنى تشًرٍفًناُ انت والعيله الكريمه
انور: ڵـڱ ماعم اسمعك منيح
محمود: يابيك عم قلك عرررسي الخميس الجايه
انور: ايوه نشالله الف مبروك بدير بالك علـّۓ. ايات هه وبالنسبه لجيتي مابوعدك بس رح حاول
محمود: بتآنس وتنور يابيك يالله خاطرك

بيسكر محمود الخط وبيرسم علـّۓ. وجهو ابتسامه جانبيه
محمود: شبو هاد منطرش شي، ،،، يالله لاتصل فِيَھ م̷ـــِْن الرقم التاني واستعجلو بباقي المصاري

بيرجع محمود بيتصل لانور م̷ـــِْن الرقم الخاص وانور بيرد فورا

محمود: شو يابيك مطول لتبعتلي باقي المصاري
انور: مين معي
محمود: شو يامعلم ماحلك تنساني

بيطلع انور عالرقم وبيرجع السماعه ع ادنه بذهول، ،، كان في نفس اصوات اجراس الكنيسه بحد محمود م̷ـــِْن شوي وهلأ نبرة الصوت نفسها

انور « بهدوء » اي مو ناسيك بس كنت عم اجمعلك المبلغ كامل
محمود: تعجبني بس ياريت ما اطول فيهم وقبل الخميس يكونوا عِنـ.̷̷̸̷̐ـديّ
انور « بقلبه » والله نفس الصوت
محمود: شو قلت
انور: ماشي رح يكونوا عندك هاليومين
محمود: لَـگِنْ خاطرك يابيك

سكر انور الخط وهو مذهول وفجأه بتلمع براسه فكره وبيرجع يطلب رقم محمود

محود: هاد عم يتصل عليي بصفتي محمود الشوفير ياترى شو بدو

بيضغط محمود ع زر الرد، ،، ائمرني يابيك، ،،، الو الووو انور بيك

عالطرف التاني بيكون انور ساكت وبيستمع لصوت جرس الكنيسه وعيونو فاتحين علـّۓ. وسعهم
بينزل التلفون م̷ـــِْن ايدو وبتحمر عيونو وبيكز ع اسنانه بغضب
انور: لَـگِنْ طلعت انت يلي عم تبتزني ياكلب ايه شو عليه رح ابعتلك المصاري وفوقيهم حبة مسك ...

،،،،،،،،،،،،،،،،،،،،،،،/

ٱڅڑ شي توقعه انور انه يكون محمود هو الشخص يلي عم يبتزه ويسحب منه كل هالملايين ويعيشه برعب
كان قاعد بسيارته تحت بناية سناء وعم يربط الاحداث ببعضها
انور: سناء كانت جارة لين ولين كانت صديقة ايات وايات خطبية محمود، ،،
حك دقنه بتفكير وهو بيحاول يطلع بنتيجه
انور: لين هددتني ازا بيصرلا شي رح يكون في شخص مابعرفه ويظهر السيدي، ،، لْـۆ كانت ايات او سناء بيعرفوا شي ماكانوا سكتو واغلب الظن انه محمود هو الشخص اللي حكت عنه لين واكيد كان بينهم شي م̷ـــِْن ورى ايات لاني بعرف ايات مستحيل تشارك محمود بهيك شي

كان يسبح بين افكاره لحتى شاف محمود نزل م̷ـــِْن البنايه وركب سيارته وانطلق فيها

انور: جايب سياره ومزبط حالك ياكلب اي شو عليه
شغل السياره وظل ماشي وراه لحتى شافه وقف قدام بيت انيق محاوط بحديقه صغيره وبعد شوي انفتحت البوابه وفات لجوا
شد انور عالمقود بغيض وحس بالدم عم يغلي بعروقه
انور: •اللّـہ̣̥ •اللّـہ̣̥ وكمان شاري بيت م̷ـــِْن مصرياتي ڵـڱ مابكون انور ازا ماندمتك عالساعه اللي فكرت فيها تلعب معي هيك لعبه

تراجع بسيارته للخلف واخد طريق فرعي وراح وهو
بيخطط كيف ينتقم م̷ـــِْن محمود

«««««««««««««««««««««««««««««««««

المسا .. كانت مايا قاعده عـ تختها وبتمنكر اظافرها وهي بتغني وبدندن لما رن تلفونها
مايا: استنى يلي بترن لاحط السماعه
حطت السماعه وحكت بفرحه، ،، ايووووشتي اهلين والله
ايات: اهلين مايا
مايا: شبو صوتك مرضانه شي
ايات: لا، ،،، اتصلت لاعزمك علـّۓ. عرسي يوم الخميس الجاي

انصدمت مايا وسكرت علبة المناكير وحكت بذهول، ،، الخميس هاد يلي رح يهل علينا
ايات: اي
مايا: ولشو هالعجله قصدي ماخبرتيني انك نويتي تتجوزي
ايات : ابدا محمود جاهز وعم ينق وانا خلصت جامعتي وعم اشتغل خلص خلينا نتجوز ونستقر
مايا « بشك » مابعرف ليش حاسيتك عم تكزبي هاد ماكان رأيك وبعدين صوتك مو صوت وحده فرحانه بعرسها
ايات « تنهدت » امبلا فرحانه بس تُعباُنٌهْـ شوي م̷ـــِْن العجقه واللف بالسوق بدي خلص قبل يوم الخميس
مايا: ياندله بتروحي عالسوق ومابتخبريني
ايات: كان مشوار سريع جبت الضروري بس
مايا: ايوش حبيبتي صاير معك شي حاسيتك مو علـّۓ. بعضك
ايات: لٱ مافي شي بس متل ماقلتلك شوية تعب المهم بتخبري اهلك ليجوا واحكي للسيد سيف ازا ما اجا رح طين عيشته
مايا: هههه بيصير مانجي ياروحي انتي غاليه ونشالله الف مبروك وجوازة الدهر
ايات: تسلمي وعقبالك
مايا: مممممم امين ياااارب
ايات: وشبك انجلقتي لتكوني عشقانه ولي
مايا « بخجل » في هيك وارد
ايات: ايوه ومين سعيد الحظ بعرفه
مايا: مممم ايه
ايات: مين! !
مايا: هلأ انا مو متأكده م̷ـــِْن مشاعره ميه بالميه بس حاسه انه في بينا استلطاف وهو كتير عاجبني
ايات: ايييه مين بيكون يعني
مايا: مرهف

سكتت ايات بصدمه وظلت تطلع بالفراغ قدامها وحكت بهمس، ،، مرهف! !
مايا: اها
ايات: اي •اللّـہ̣̥ يتمم بـّخـْيرٌ لكن ،،، مرهف شب مافي م̷ـــِْنه ،،، يالله ايوش انا صار لآزٍمٍ سكر انتبهي عحالك وماتنسي يوم الخميس
مايا: ليش بقدر اتأخر عنك ياروحي
ايات: تسلمي لقلبي يالله خاطرك
مايا: •اللّـہ̣̥ معك حبي

سكرت ايات الخط وضمت التلفون لصدرها
ايات: مرهف ومايا! !! ايه •اللّـہ̣̥ يوفق بيناتهم ويجمعهم سوا ... عسيرة مرهف لرنلو واتطمن عليه واعزمو ..

رجعت رنت لمرهف ..مرة ومرتين وتلاتة لحتا رد ..
مرهف: اي ايات ..
ايات: تمنيت شي مرة رنلك وترد عليي م̷ـــِْن اول مرة ..
مرهف: ااخ عمهلك ..
ايات: شوفيه ..؟
مرهف: ولاشي .. هاد ابو سوسة بيغيرلي عالجرح ..
ايات: اه .. المهم كيف صار جرحك؟
مرهف: هلأ جرحي عم يطيب بس ريحة الخمرة اللي حممتيني فيها ماكانت تروح .. والله لْـۆ اني سكرجي ماكانت رح تكون ريحتي هيك ..
ايات: مو الحق عليي .. اسآل اللي بجنبك مين طلب مِڼـّي اعمل هيك ..
اتطلع مرهف بطرف عينو علئ سيف وفتح سبيكر لحتا يسمعو ..
مرهف: لَيــِْـِْش. شبو سيف؟
ايات: هو حكالي حطلك عالجرح كحول لحتا يتعقم الجرح ويبطل ينزف
مرهف :طيب سؤال بس ..انتي شفتي راسي اللي بينزف؟
ايات «اخدت نفس وقلبت شفتها »:كنت اصدة عفكرة ..انتة حكيتلي غبية وانا ورجيتك الغبا عاصولو ..

كتم سيف ضحكتو بينما مرهف نرفز ‏​‏​منـِْهــِْا ..
مرهف: طييب .. يلا سكري
ايات: استنا انا اتصلت لحتا اعزمك علـّۓ. عرسي
مرهف: والله جد .. اي انشالله الف مبروك ..
ايات «اتنهدت »:•اللّـہ̣̥ يبارك فْيَگ وعقبال عندك.. رح تحضرو انتة والشباب صح ؟
مرهف: طبعا .. وازا مشان شغلة عقبالي فـ انشالله
ايات: اي لَـگِنْ ياعمي. ليكك مزبط امورك مع مايا وماحدا قدك .. ڵـڱ بتعرف حكتلي انها مستلطفاك ياعمي انبسط ..ڵـڱ ايمت لحقتو تستلطفو بعض !!
كانت ايات بتحكي ومسترسلة بالحكي وسيف ومرهف صافنين ببعض ..
مرهف: ايات ..
ايات: ڼـعمًـْ ..
مرهف: فِيَھ مجال تخرسي ..
ايات: ئي لَيــِْـِْش.؟
مرهف: اااا خلص روحي بعدين بقلك ..

سكر مرهف التلفون وهو موعرفان كيف يشرح الموضوع لـ سيف ..
سيف: شوو السيرة سيد مرهف؟
مرهف: اه سيرة شو .. لك هي ايات مجنونة .. ماحلك تتعود عمزحها الماسخ
سيف: هي مجنونة صح... بس اكيد مابتحكي شي م̷ـــِْن راسها ... مين مايا اللي عم تحكي عليها ..! بس ماتكون اللي ببالي
مرهف: بالله .. لأنو مافي غير اختك اسمها مايا. ... يلا لفلي الجرح خلصني ..
سيف «بشك »:طيب سيد مرهف .. بكرة بدوب التلج «وشد عاللفة بقوة »:وببان المرج
مرهف: ااااخ يازلمة ..مو هييك ..

«««««««««««««««««««««««««««««««««

اجا يوم الخميس اخيرا .. الكل كان فرحان لآيات. بس ايات لسبب مجهول وشعور غريب كان طاغي علـّۓ. قلبها .. ماكانت مبسوطة وحاسة بضيق كبير بصدرها ...

«««««««««««««««««««««««««««««««««

بتكون اماني واقفه قدام مرايتها وعم تزبط مكياجها وبتطلع ب انعكاس صورة انور يلي بيكون واقف قدام خزانته وعم يختار طقم ليلبسه
اماني « بتفتل عليه » حبيبي عنجد بدك تروح لعرس بنت سناء !
انور « سكر الخزانه وحط البدله عالتخت » اولا اسمها ايات مو بنت سناء .. تانيا شو فيها لْـۆ رحت نسيانه انها سناء عشره قديمه وايات موظفه عِنـ.̷̷̸̷̐ـديّ
اماني: بس موظفه ..!
انور: شو قصدك؟
اماني: سلامتك ماقصدي شي
انور: طيب عجلي مابدنا نتأخر

زفرت اماني بضيق ورجعت وجهها عالمرايه وهي بتتحسس معالم جسمها وبتغرز ايدها بين خصلات شعرها وبتسحبها بخفه ..
اماني: هه اساسا هيك وحده مابتجي شي قدام جمالي ،،، بس هالجمال ناقصه شي مممممم ايه طوق الالماس ..
فتحت الصندوق وسحبت منه طوق الماس بوسطه فِيَھ تعليقه علـّۓ. شكل شمس وبتلبسه
اماني: •اللّـہ̣̥ ياخدك ياسناء م̷ـــِْن هديك الليله وفردة الحلق ماعم لاقيها ..

انور: شو روحي خلصتي؟
اماني « بتبتسم » :اي خلصت
انور: وانا خلصت
اماني « بدلع » لٱ لٱ لسه ضايل شي

بتمسك قنينة العطر وبتبخبله ع رقبته
اماني: هيك ټمـٱمـ
انور: ڵـڱ يسلمون ياروحي صحيح وينا رفيف
اماني « بتلوي تمها » اكيد عم تتغندر

،،،،،،،،،،،،،،،،،،،،،،،/

وعند رفيف بتكون عم تطلع عحالها بالمرايه وبتتمايز بشكلها وبفستانها المخملي بلونه النيلي

رفيف: والله وطالعه شقفه يافوفا هههه

رن تلفونها واتناولتو وفتحت خط. .

رفيف: اهلين سموره
سمر: لٱ اهلين ولاسهلين ... وينك وليه مو ع اساس تجي لعندي لنطلع مشوار
رفيف « ضربة ع جبينها » اوووه والله نـًسّْيـت موعدنا
سمر: شو يعني مارح تجي
رفيف: لٱ لأني طالعه هلأ علـّۓ. حفلة عرس
سمر: عرس مين؟
رفيف: وحده رفيقتي مابتعرفيها، ،، شو رأيك تجي معي
سمر: وشو اروح اعمل وانا مابعرف حدا اتصفن بحالي
رفيف: بلا غلاظه سموره بتقعدي معي وبنتسلى .. حكولك انا يلي بعرف حدا غير العروس وامها
سمر: مرهف حيكون موجود
رفيف « قلبت عيونها » مابعرف مابعتقد .... شو قلتي رح تجي؟
سمر: اي ماشي رح حضر حالي لبينما تجي تاخديني
رفيف: اوك باي
سمر: باي ...

«««««««««««««««««««««««««««««««««
بعد ساعة
قدام الصالة وقف مرهف بسيارتو وطلع منها وهو بكامل اناقتو .. فجأة حدا زمرلو بسيارتو .. التفت مرهف وشاف سيف ركن وراه مباشرة وطلع ‏​‏​منـِْهـِْا ..
سيف: مسا الخير حبيب ..
مرهف: يا اهلا وسهلا ..«اتطلع عالسيارة » مبروكة العروس ..
سيف: •اللّـہ̣̥ يبارك فْيَگ ..شلون بالله ماحلوة
مرهف: والله مزوء ..تتهنى ياعمي

كانو بيحكو عالسيارة لما طلعت مايا مع ابوها وامها منها ..
مرهف: گـّيَفك عمي ابو سيف
ابو سيف: منشكر •اللّـہ̣̥
ام سيف: الحمدلله عسلامتك ابني
مرهف: الله يسلمك خالة ..
وجه مرهف نظرو على مايا وللحظة شرد فيها ..
مرهف: گـّيَفْك انسة مايا
مايا «بخجل »:الحمدلله ..

ابتسم واخد نفس و رجع اتطلع بـ سيف اللي كان بيزورو ..
مرهف: شبك؟
سيف: ولاشي .. بس عالقليلة احترم وجودي انتة والمغضوبة ..
مرهف: فووت بلا فزلكة ..
كانو بدهن يفوتو لما سمعو صوت حدا بيحكي معهم: مساؤؤ شباب
التفتو وشافو جان جاي اتجاههم وهو مزبط حالو عال 24
صفر سيف: اوووو لككك شو هاد ولا ..
جان «فرد ايديه »: كيف طالع بالبدلة الرسمية
مرهف: والله جنتل.
جان: اي منيح ..
اتجاوزهم وفات ..
سيف: شوف الندل ..دللناه ومدحناه وماردلنا اياها
مرهف: م̷ـــِْن طول عمرو هيك.

دخلو عالصالة تلاتتهم ووقفو عند الباب .. كان مرهف واقف بنصهم وحاطط ايديه بجيابو وعم يطلع حواليه ..

،،،،،،،،،،،،،،،،،،،،،،،/

على طاولة كانت اعدة عليها رفيف وعمها انور وأماني ومعهم سمر ..
سمر: يي ... رفييف شوفي مو هداك اخوكي مرهف يلي واقف بين الشبين ..
انصدمو تلاتتهم والتفتو ليشوفو مرهف بيطلع عليهم بنظرات متل نظرات الصقر وبيأرسللهم ابتسامات .. رفع ايدو وبتنين م̷ـــِْن اصابعو بيارسللهم سلام صغير ..
أماني: وهاد شو بيعمل هون؟
انور :مابعرف ..
زاحت رفيف نظرها عنو وكتفت ايديها ..

،،،،،،،،،،،،،،،،،،،،،،،/

فاتو الشباب واتوجهو عالطاولة اللي قاعدين عليها اهل سيف وقعدو معهن ..
مرهف: بس ماتكونو مزعوجين بأعدتنا معكم عمي ..
ابو سيف: بالعكس ابني مرهف .. اصلا النا الشرف الرائد مرهف نبيل يقعد معنا ..
مرهف: تسلم يارب ..

«««««««««««««««««««««

كانو بيحكو لما فجأة بلشت العراضة ودخلو ايات ومحمود م̷ـــِْن بين ضرب السيوف وتراشق ورق الورد عليهم ...

وقفو كل اللي بالصالة ليستقبلو العرسان .. ولمحت ايات الشباب واقفين كلن جنب بعض .. ابتسمت ولوحت بايدها بخفة ...

جان: شو طالعة حلوة
مرهف: عنجد .. اتاري ورا شخصيتها القوية بنت رقيقة ولطيفة ..
سيف: وانت رحت ضيعتا م̷ـــِْن بين ايديك ..
عقد مرهف حواجبو وحكا بجدية ..: اتضبضب انت وياه .. البُـنًتٍ هَــْـِْـْْـِلاّ علـّۓ. عصمة رجال تاني وبعدين انا وايات ماكان فيه بينا اي شي ..
سيف «بخبث » لَـگِنْ مين في ببالك ولا !
حط مرهف ايديه بجيابو: مادخلك ..
جان: هههههه اكلتا ياسيف ...

،،،،،،،،،،،،،،،،،،،،،،،/

بالطرف التاني كانت رفيف قاعدة وبتسرق نظرات على سيف .. وكان هو بدورو ببادلها نفس نظراتها .. حست بقلبها رح يطلع م̷ـــِْن مكانو وهي موجودة بنفس المكان مع مرهف وسيف سوا ..

انتبهت عليها سمر وسألتا: شبك رفيف .. حاسستك مو علـّۓ. بعضك ..
رفيف: جد مافيني شي
سمر: حاسة انو الأمور ممكن تتصلح بينك وبين اخوكي. .. سدقيني رفيف مرهف مستحيل يكرهك
رفيف: لْـۆ سمعتي الكلام اللي وجهلياه ماكنتي حكيتي هالحكي .. «دمعو عيونها »:مرهف اتغير كتير ياسمر وماعاد متل الآۆلْ ..
اتطلعت سمر على رقبة رفيف وشافتا لابسة السنسال اللي اهداها اياه مرهف ..
ابتسمت سمر: انتي. غلطانة .. مرهف بحبك وبيعتبرك كل حياتو وبكرا بتشوفي ..
رفيف: لساتك بتحبيه
اتفاجأة سمر وحكت بتوتر: حـ حبوو .!!. منين جبتي هالحكي
رفيف: سمر مافي داعي تخبي .. شوفي كيف عم تحكي عليه وتبيضي صفحتو قدامي .. حتى انك اجيتي عليي معو ..
سمر: بس هاد مو معناة اني بحبو .. الموضوع اني بشوفو مظلوم وتغيرو عليكي انتي السبب فِيَھ .. بس انا متأكدة انو م̷ـــِْن جواتو بعدو متل ماهوة ماتغير ولا شعرة ..

اخدت رفيف نفس واتطلعت بمرهف بطرف عينها ..
وحكت بقلبا: ياريت ...

،،،،،،،،،،،،،،،،،،،،،،،/

راحت سناء لحتا تسلم على ايات ..
نزلت دمعتها وضمت بنتا بكل لهفة .. :انشالله الف مبروك يا امي .. وجوازة الدهر الهي ..
ايات «ببرود »:الله يبارك فيكي ماما ..
سناء: بعدك اخدة عخاطرك مِڼـّي؟
ايات: عُاَدّيَےّ ..

م̷ـــِْن بعد ماقابلت ايات امها بهالبرود قدرت توصللها انها اتجوزت بس لحتا تبعد عنها .. التفتت سناء بإنكسار ونزلت عن المنصة ليرجعو محمود وايات يقعدو ..
محمود «مسك ايدها »:شبك حبيبتي ..
ايات: ولاشي .. بس يعني بدك تقول خايفة م̷ـــِْن الحياة الجديدة ..
ابتسم محمود ورفعلا راسها بإيدو: وانتي ومعي ماتخافي م̷ـــِْن اي شي ..
اتطلعت ايات بعيون محمود .. مَآعِرَفتّ شو هالشعور اللي حستو وقتا .. بالرغم انو كان محمود بيعمل المستحيل لحتا يسعدها ويحسسها بالأمان ..لَـگِنْ احساس ايات بالخوف ماعم يتركها وقلبها ضل قابض عليها ...

قاطع لحظتهم صوت حدا بيحكي: مبروك محمود ..
رفع محمود براسو وشاف انور واقف وبيطلع عليه بنظرات مو مفهومة ..
وقفو محمود وايات بسرعة وصافح محمود انور: اهلا وسهلا يابيك .. انست وشرفت ..
انور: مبروك ايات
ضلت ايات بتطلع بأنور و الفيديو اللي شافتو وهو عم يرمي اخوه فِيَھ ماعم بروح م̷ـــِْن بالا ..
اتمالكت حالها :•اللّـہ̣̥ يبارك فْيَگ انور بيك وعقبال ماتشوف الست رفيف عروس ..
ابتسم انور: انشالله ..

التفت انور وراح وضلت ايات صافنة فِيَھ بنظرات كره ..
.....:شوو كـنو عريسك مو معبي عينك !
وجهت ايات نظرها لمكان الصوت واتفاجأة بأماني ..
ايات: اهلين ست اماني .. ويبارك فيكي ..
قربت اماني منها وهمستلا .. :ليكي وليه انا مو جاي. باركلك .. ريتو جواز قبرصي مابهمني .. انا جيت لحتا حذرك تبعدي عن جوزي وتتركي الشغل بالشركة والا بتشوفي ايام سودة متل بختك العاطل ..
ايات «اتطلعت ورا اماني وشافت امها بتطلع عليها بنظرات كلها خوف »....
ايات«بهدوء مستفز »: عيني خير اماني خانم ..
فجأة وقع نظرها على عقد الألماس اللي لابستو اماني وانصدمت .. كان نفس موديل فردة الحلقة اللي معها .. حست انها وصلت للنتيجة اللي كانت عم اتدور عليها بهالثانية
اماني: شو هي عيني خير. ؟ لتكوني عم تتحديني؟
ايات«اتمالكت حالها وابتسمت بكبرياء »: لٱ اعوذ بالله ..لَيــِْـِْش. مين انا لإتحداكي اماني خانم .. بتعرفي كتير عجبني العقد اللي لابستيه.
اماني: انتي كتير عليكي تطلعي فِيَھ .. لأنو كل حبة الماس فِيَھ بتسوا كل عيلتك ..
ايات: طبعا طبعا .. بس موحرام عقد تقيل متل هاد مايكون الو جوز حلق يزينو !!
انصدمت اماني ونترت ايد ايات والتفتت بسرعة وراحت عطاولتها. ..

رجعت ايات قعدت وعيونها مسلطين على اماني ..
وهمست لحالا: بالظاهر تعاملنا مع شلة سفاحين.. ايمت رح يخلص هالعرس بقى ..

،،،،،،،،،،،،،،،،،،،،،،،/

كان مرهف بيطلع بآيات ولاحظ همس أماني الها وتغير ملامح ايات ..
مرهف «بقلبو »:ياترى شو حكو مع بعض ..
صحاه م̷ـــِْن شرودو صوت جان بيحاكيه .. :وين شارد مرهف؟
مرهف: كنت عم فكر .. ياترى انور لَيــِْـِْش. حضر برأيكون؟
سيف: بجوز كرمال ايات ..
مرهف «رفع حواجبو وريح قعدتو »:لٱ غلطان .. انور عم يفكر بشي ..
جان: شي متل شو؟
مرهف: هاد اللي شاغلني .. يعني واحد متل انور لَيــِْـِْش. لحتا يحضر حفلة واحد م̷ـــِْن موظفينو! !

سيف: يعني رح اتضل تفكر بالشغل ولوو .. خلينا ننبسط شوي ..
مرهف: والله جبتا ..
واتوجه بكلامو لـ مايا: كيف دراستك انسة مايا ..
مايا: الحمدلله ..ممتازة
مرهف: عفيا عليكي .. وياترى لسا بتتركي مجال لحدا يدايقك ؟
مايا: لاا ابدا ... هو حدا يسترجي ..
كان سيف بيطلع بـ مرهف وهو شبه مجلوط منو ..
سيف: وبعدين؟ !
ابتسم مرهف واتطلع بأبو سيف .. :عمي ابو سيف ممكن اسألك سؤال ..
ابو سيف: تفضل ابني
مرهف: هلأ ازا اجاك واحد وحداني وماعندو اهل ومالو حدا وطلب ايد المحروسة بنتك بتوافق عليه؟
ابو سيف ابتسم: يا ابني كل الناس خير وبركة وازا متل ماعم تحكي فهالشي بيعتمد على مسموعياتو واخلاقو .. والله ازا كان رجال ورح يصون بنتي يا اهلا وسهلا فِيَھ ..
اخد مرهف نفس وطلعو براحة وحكا: معناتا انا الي الشرف اطلب ايد الانسة مايا علئ سنة •اللّـہ̣̥ ورسولو ..
انصدمت مايا وضلت صافنة بـ مرهف. .. ماكانت متوقعة يستغل هيك شي ويطلبها بهالسرعة ..
ابتسم سيف وحس بالراحة اما ابو سيف وامو انبسطوو وبين هالشي عملامح وجههم ..
مرهف: عمي انا متل ماقلتلك وحيد ومالي حدا ولما اجي واطلب الانسة مايا رسمي يمكن اجي بدون جاهة لحالي لأنو ...
قاطعو جان: ڵـهٍ اخي مرهف .. وين رحنا نحنا .. صحيح سيف اخو العروس بس لاتنسى انو متل اخوك .. وانا موجود وكل رجال الفرع تٌَحَـتْ امرك .. والله غير تطلعلك جاهة ماصارت بكل البلد ..
سيف: ههه هاد خجلان انو مارح يجيب جاهة .. ڵـڱ يخربيت شيطانك ما انت لحالك جاهة ..
ابو سيف: نحنا عنا اخلاق الرجال اهم شي وانا عطيتك ازا •اللّـہ̣̥ عطاك
مرهف: تسلم عمي ابو سيف بس ماسمعنا شو رأي الانسه مايا ..
خجلت مايا ووقفت فجأة، ،، عن ازنكون
جان « ابتسم » ونحنا عنا عن ازنكون معناها علامة الرضا
سيف « رفع ايدو » وكل الرضا بتكون اما داعيتلا اللي بدها تاخد الرائد مرهف نبيل ..
مرهف: دخيل قلبك انت شريك ..
سيف: معناتا لروح جيب مايا لتضيع م̷ـــِْن فرحتها ..

وقف سيف وبلش يتفتل بالصالة ليدور على مايا
،،،،،،،،،،،،،،،،،،،،،،،/

بهاللحظة كانت رفيف لسا قاعدة وبتطلع فيهن وهنن مسترسلين بالحكي .. نزلت راسها ولمعت دمعة بعينها ... وقفت وحملت جزدانها ..
انور :لوين رفيف؟
رفيف :عالحمام .. تروحي معي سمر
سمر: اوك ..

راحو سوا اتجاه الحمام واول مافاتو شافو مايا واقفة وعم تحاول تاخد نفسها وكان مبين عليها التوتر ووجها احمر ..
سمر: مو هي الصبية اللي كانت قاعدة بنفس الطاولة مع مرهف؟
رفيف: مبلا ..

قربت عليها رفيف بسرعة ومسكتها
رفيف: فيكي شي؟ بدك اتصل بدكتور؟
مايا: لٱ لٱ مافي داعي انا منيحة ..
رفيف: اي منيح .. بس كان باين عليكي تعبانة ..
مايا«حطت ايدها على جبينها »:لٱ مافيي شي ..بس حسيت حرارتي ارتفعت فجأة ..
رفيف: سلامتك .. بالمناسبة انا اسمي رفيف وهي رفيقتي سمر
اتفاجأة مايا :رفيف؟ !
رفيف: اي .. انتي م̷ـــِْن طرف العروس؟
مايا: اي العروس بتكون رفيقتي م̷ـــِْن الروح للروح
رفيف: ونحنا كمان م̷ـــِْن طرف العروس ..
مايا: مم يلا انا طالعة ..
رفيف: استنينا بنطلع سوا

غسلت رفيف ايديها وشيكت على مكياجها وطلعت هي وسمر مع مايا واتفاجأو بـ سيف ..
مايا: إهٍَـٍَلٍَْـٌٍَيٌٍَن اخي
رفيف: اخوكي! ؟
مايا :اي ..شوفي سيف؟
سيف: كنت عم دور عليكي .. «اتطلع على رفيف »:گـّيَفك انسة رفيف
رفيف: الحمدلله .. شايفتك هون دكتور
سيف: اي عُاَدّيَےّ .. كأنك تعرفتي على اختي ميوشة
رفيف: اي ظريفة مايا ..
مايا: منين بتعرفو بعض؟
سيف: رفيف متدربة تٌَحَـتْ ايديي .. «ووجه كلامو لرفيف »رفيف بتعرفي مين بتكون مايا
رفيف: اختك
سيف: وخطيبة اخوكي مرهف كمان ..
اتفاجأة رفيف بينما سمر ضلت واقفة وراهن وهي مصدومة ..
رفيف: عنجد ..
مايا: هلأ انتي. رفيف! !!؟ يعني انتي اختو!
رفيف: انشالله الف مبروك ..بجد ماكنت بعرف ..
مايا«ببلاهة »:هههه ولا انا كنت بعرف .. هلأ طلبني م̷ـــِْن ابيي وانا خجلت وقمت بسرعة ..لهيك شفتي حالتي هيك بالحمام .. عكل حال •اللّـہ̣̥ يبارك بعمرك وعقبالك ..
رفيف :يلا انا صار لآزٍمٍ امشي ..
سيف: رفيف ..
التفتت رفيف: ڼـعمًـْ ..
سيف: انبسطت اني شفتك الًيَوُمًِ ..
خجلت رفيف ووردو خدودها واتراجعت بخطواتها وراحت هي وسمر ..

ضل سيف بيلاحقها بعيونو وكأنو اول مرة بيشوفها ..
مايا: شو السيرة اخي ؟
سيف: اي سيرة
مايا«حطت ايدهـاآ عإدنها» : سامع شيي !
سيف «باستفهام »:صوت شو ؟
مايا: دقات قلبك. اللي بتضرب متل الطبلة ?
سيف: ماشالله شو دماتك خفاف .. شرفي امشي قدامي