الفصل 21

علي مع سمر
ماجد مع عايده
زايد مع عبير
هند: وانا
سمر: انتي شو
هند: انا بعد ابا العب
سمر: لازم يعني تلعبين
هند: و انتي شو حارنج
سمر: بتخربين علينا
عايده: سمر حرام عليج .. هند انتي سجلي النقاط يعني انتي حكم اللعبه
سمر: مو تسوين واسطه لناس وناس
هند: عبالج انا وانتي واحد
سمر: اكيد لا
عبير: خذي هذا الكراس وهذا القلم
هند: اعرف إنزين
هههههههههه يتني ضحكه هنا .. حسيت كأني خليت هند بشكاره
اونه هذا الكراس وهذا القلم .. فهمتوا شو اقصد .. إذا ما فهمتوا مشو السالفه هههه

هند حركت الاوراق وفرتهـم
الكل لقط ورقه
هند: كل واحد يقولي شو طلع له
فريق ماجد وعايده
ماجد: حب
هند: فريق علي
سمر:مب عاجبنج اسمي شو
هند: لا.. علي شو طلع لك
سمر: سكتوها هذي ترى صج بكسر لها راسها
علي:انا يالس مع ولدوا مو بنت
سمر:و انت لازم ادافع عنها
زايد: خلاص عاد خلنا نكمل اللعبه
علي: فراق
هند: وانتوا
عبير: حزن
هند: منو بغني اول شيء
علي: انا انا
سمر ضربته على ظهره :يالله اخوي ورينا شطارتك
علي: نحن فراق صح يالله عيل سمعوني عدل
احم احم
راح حبيب قلبي ... راح وخلاني .. شلته وسط عيني خليته في قلبي
لا تهدني وتروح وتزدني جروح كم قلبي هواه والله ما بنساه
سمر: يا سلام اخوي ما توقعت صوتك هالقد حلو
علي: يوم اقولج صوتي يسكت
سمر: صدقتك
هند: خلاص إنزين ألحين بتبدا اللعبه انتهت الاغنيه بحرف الهاء
يالله فريق عبير و زايد
زايد: انا ممممم هيه تذكرت
هات ما عندك وقول بالحكي كل شيء يصير
والله صج من هو يقول الجذب حبله قصير
الجذب باين عليك في عيونك والكلام
من جذي انا ما ابيك وما يشرفني رضاك
الكل صفق له لأنهم اول مره يسمعونه يغني وطلع صوته عذااااب
عبير حضنت اخوها: روعه يا اخوي
زايد:زين زين بس فشلتيني
سمر ادافع عن اخوها: حتى اخوي صوته حلو بعد
عبير: بس انا اخوي صوته احلى
ماجد قاطعهم: إنزين انتوا باالاول سمعوني انا بعدين احكموا
هند: نقطه لفريق زايد وعبير
ماجد: ترى الاغاني اللي بغنيهم إهداء لزوجتي في المستقبل
الكل: عاشو عاشوا
الا سمر ..فتمت ساكته لأنه قلبها خانهـا وبدأ يدق بشكل فضيع يعني إذا احد دقق عليها عادي يكشفهــا
هند: يالله غني آخر حرف كان
ماجد: استعدوا
كـلي معاك يا ململم الجرح انتي
يطالعها شوي ويطالعهم اما هي فذايبه الاخت خخخ
كلي معاك ما دامت الروح في
يفداك قلبا في عروقه سكنتي .. تفداك روحا قبل شوفك شقيا
بس
الكل صفق كله لأنه الاغنيه هاديه وهو غنهـا بأسلوب هادي وبكل مشاعر
والكل كان يسمع له .. وبعدما خلص صفقوا له
عاد اونه هو خقاق: شكرا شكرا
هند: نقطه لفريقكم وألحين حرف ألف
علي: سمر دورنا
سمر مب منتبه: ها أي حرف
علي: وين سرحتي حرف ألف
سمر: إنزين شو تتريا يالله غنى وكسرهم
علي: افا عليج بخليهم يصيحون
يالله خذوا مني هذا بس ناقصني عود
ادعي علي بالموت ولا سمني بس لا تفارقني دخيل الله وتغيب
اونه سمر تصيح: لا لا اخوي .. تمثيل خخخ
طال السفر يا بعد عمري همني .. شلون اودع بالمطار اغلى الحبيب
تعال قبل لا تروح عني ضمني اقرب من انفاسي ترى حالي صعيب
ابنتثر جدام عينك لمني أبسألك هل منلتقي عم القريب
سمر: ايوا ايوا
هالبنت مره تستحي ومره تمثل حالات ههههه

زايد: ابدعت اخوي
علي: يالله ورينا شطارتك
عبير: اخوي قدها وقدود
هند: نقطه لكم .. يالله زايد حرف الباء
زايد: حرف الباء باء باء باء
ماجد: هههه وش فيك زايد تحولت عنز شو
عبير: سكتوا خلونا نفكر

عايده: فكرت انت بعد ماجد إذا ما عرف نحن بنغني
عبير: لا لا بنعرف
سمر: يالله نحسب
الكل ما عدا هالاثنين : 10 9 8 7
عبير: إيه صبروا
تهز اخوها : يالله فكر
زايد: قاعد احاول
الكل يكمل ومب هامنهم:4 3 2 1
عبير: لا لا غش غش
سمر: في شو غشينا
عبير: بسرعه حسبتوا
سمر: هذي القوانين
زايد: مب مشكله عبير مره ثانيه
هند: خسرتوا نقطه
عايده: دورنـا ألحين يالله اخوي اغنيه فايز سعيد
ماجد: هيه .. يطالع سمر ثواني
وبدأ يغني: باليني بالي باليني نفسي لو مره يرضيني
ولا عشان فتان دلووووع
طالعته بنظرات لأنها فاهمه يقصدها هي .. وهو ضحك وكمل اغنيته
اهواه ما يسأل فيني
عايده: يس يس
سمر: لا تفرحين علوي عطهم
علي: يا خفيف الروح كيف انتوا .. يا شفا قلبي من أعواقه
ارحموني لو تكرمتو ... من الوصل انا ومن اشفاقه
مر وقتا لي ولا بنتوا ... انتظر من طول فراقه
ارحموا ذو الروحي لا هنتوا ... بينكم بالشوقي تواقه
واستمروا على هالحال ...
وفي نهايه فريق علي وسمر .. تعادلوا مع فريق عايده وماجد
اما عبير وزايد .. فمرتبه الثانيه
أحلى شيء عجبهـا سمر يوم ماجد غنى قلي الصراحه عتاب الحب يعجبني
وأحلى العتب يبتدي باللطف والراحه
عينك بعيني (هنا صدت صوبه)تحبني ولا ما تحبني
اداوي القلب ولا ازيد جراحه