الفصل 25

عايده: خلاص زايد بودينا وألحين هو يتريانا تحت
عبير: يالله عيل انا اول وحده بركب
ما تريت احد عبير طلعت سيدا
الكل: ههههههه
سمر: لاحقه على الاكل يا بنت هههههه
هند بعد شلت بعمرها وطلعت
سمر: اترياج عايده
عايده: هيه شوي بتصل في ماجد وبخبره
سمر: اوجي
عايده: هلا ماجد .. خلاص زايد بودينا
وش فيك نحن بروحنا متأخرين .. خلاص انت ييب قوم امي
نحن رايحين
بعدما صكرت عنه
سمر سألتها: وش فيه ماجد صوته كان طالع برع
تلبس شيلتها: يقول لا اونه انا بوديكم
سمر: ايوا
وفي خاطرها: هذا ماجد يدور على أي شيء عشان يكون معاي .. هههه فديته
وبصوت عالي:أوي
عايده: وش فيج
سمر : ها ولا شيء بروحي
ضحكت عليها عايده: يالله قومي خلنا نروح
قاموا الاثنين بس سمر كانت تضحك على نفسها: اونه فديته صج ما استحي انا
عايده جدامهـــا ... وسمر وراها
صدت ورا يمكن تشوف ماجد بالصدفه
وصدق فتح الباب بعدما تكشخ ..ابتسمت له .. وهو انتبه لها وابتسم
وبوصت غير مسموع: احبج
ضحكت عليه وصدت جدامهـــا

ماجد مستانس: لا اكيد تحبني

في الملجه
الكل كان مستانس ورقص وعفسه
وعبير مع كل استراحه تروح ادور لها أكل
اما سمر رقصت شوي وقعدت تصور اكثر شيء
حتى المصورات يقولون لها: خلي الفلم للمعرس والعروس
بس البنت مب راضيه تسمع الكلام

هند يالسه بروحهــا شكلها تفكر بشو ما ادري؟؟

الكل انعجب برقص سمر وعبير يوم الفرقه غنت بندري
سمر اونها: عبير مال اول المناديل نرقص بأسلوب يديد
عبير: اسلوب يديد كيف
سمر: شوفيني وبتعرفين بروحج بعدين
عبير: يالله
طلبوا من الفرقه تغني بندري ...
ورقصوا بأسلوب يميل بأسلوب الشباب
بس الكل تم يطالعهم ومنعجبين فيهم

بعد الرقص عبير لمحت ربعهـــا ... خذت سمر معاها
عبير: هاي girls
سمر تهمس لها: اونج عاد انجليزيه
عبير: ههه لا تفشليني
وحده منهم: الله عبير منو هالقمر
عبير: هالقمر الله يسلمكم سموره ربيعتي
هنوفل: سمر اللي ترمسين عنها
سمر: عبير تتكلمين عني
صدت صوبهم : لا يكون تحش عني بالشين
هنوفل: لا اطمني كانت ترمس عنج بالزين ههههه واااو انتي وايد مزاحيه
فيها ضحكه سمر بس ماسكه نفسها عشان عبير
سمر: تسلمين كلج ذووق
عبير: سموره بنقعد شوي معاهم
سمر: لا عيوني انتي قعدي انا بروح عند امي شوي
غايه: والله تقعدين نبا نسولف معاج
سمر بدلع: سوري حبايبي مره ثانيه إن شاءالله
جــــــــــاوووو

راحت عنهم وتمت تضحك وتقلد هنوفل: واااو انتي وايد مزاحيه
هههه بنات آخر زمن
فجأه وقفت وصدت وراها
انتبهت على يهال شاردوا اول ما صدت
سمر صدت جدامها: غريب
مشت مشت حست في احد وراها .. فمشت شوي شوي
وفجأ صدت وراها
اليهال اللي كانوا وراها صرخوا وتموا يضاحكون وشردوا
ضحكت عليهم سمر بس مب عارفه ليش كانوا يتابعونها
راحت عند امها
باست خدها وبدلع:امـايه ابى ماي
ام فاهم طالعتها : ما شاءالله عليج سمر وايد متغيره اليوم
ام خليفه: عقبال ما نشوفج عروس إن شاءالله
سمر رفعت يدها: آآمييين
نوره: هههه وين المستحى يا بنت
ام فاهم: وهذي تعرف المستحى .. عطتها الماي ..
سمر:ههه مال اول انتوا
بعدما شربت الماي صدت عند ام خليفه: خالوا إذا شفتي لي معرس لا اطولين سيدا دلي بيتنا
ام فاهم تضربها على يدها: صج ما تستحين انتي
ام خليفه:خخخ خليها
سمر: خالوا شوفيها
راحت عندها ويلست بقربهـــا
ام خليفه: محد يسوي في حبيبتي شيء
سمر تتدلع على امها اونها
هند في خاطرها: مالت بس

يت عايده: يمه اخوات العروس يبون يدخلون العروس ألحين
ام خليفه: على راحتهم والله
عايده: سموره تعالي معاي
سمر: هيا
صدت صوب هند: هند ما بتين معانا
هند بدون نفس: لا مشكوره
سمر: على راحتج

راحوا الأثنين ... وخبروا الفرقه
وبدقايق قليله خرجت العروس رحاب من مقرها ومشت بكل رقه وخوف .. مره تبتسم ومره تتوتر
هي في الوسط والاطفال مسوين على شكل دائره يمشون معاها
لين ما وصلت الكوشه

الكل راح يسلم عليها إلا سمر اكتفت تشوفها من بعيد وتصفق
ياء بقربهـا ياهل وعطاها الورده
سمر تبتسم له: حقي
هز راسه الولد
خذت عنه: شكرا حبيبي .. شـو اسـ
ركض الولد
بغت تسأله عن اسمه ما عطاها فرصه .. ضحكت عليه
وبشوي يتها بنت وعطتهـــا ورده
سمر: شكرا بس
ركضت هذي الثانيه بعد
سمر تضحك: شو السالفه
يت عبير ويلست معاها
عبير: ليش يالسه بروحج
سمر: مم بروحي
عبير: يا سلام شو هالورود من وين
سمر تشمهم: ما ادري يعطوني الورد ويشردون
عبير: منو
كانت بتتكلم بس قاطعها ولد صغيرون وكان وايد كيوت
الولد: هذا حقج
عبير: من عند منو
الولد ساكت
عبير: اقولك من عند منو
سمر خذت عنه الورده وهزبت عبير: شوي شوي على الولد مب مهم من عند منو المهم عطاني هالورد
باسته سمر على الخد .. ضحك وركض
عبير: شكلهم اليهال معجبين فيج وايد
سمر: احم احم
عبير: خخخخخ بس عيل
سمر:خخخخخخ
عبير: ما ادري من وين سارقينهم ويعطونج
سمر اونها تشم شيء: اشم شيء يحترق
عبير ضحكت: هههه مالت