الفصل 24

هو جدامهــــم يمشــــي نافخ صدره اونه
وسمروعبير يضحكون عليه ...
وصلهم عند الباب: يالله داخل
سمر: وايد عطيتك ويه
علي باعتزاز: لازم ريال البيت انا
سمر: بخليــكـ تعيـش في حلمـــك اليوم بس
علي: يالله داخل داخل
مطت شعره ودخلت ... خلت عبير .. اللي ما تعرف تضحك ولا تسكت
علي يعدل شعره: صج سبالوا
شاف عبير: شو تترين دخلي بعد شو
عبير: ها هيه صح

دخلت .. وتمت ادور على سمر ما لقتهـــــــــــا ... نزلت غشاوتهــــــا ودخلت داخل






في صوب الثاني
سمر: مايد هدني
ماجد ماسك يدها ويسحبها: صار لي ساعتين وانا اترياج
سمر: مايد استح هدني الله يهديك
ودهــــا ورا البيـــــــــــت ...
سمر متغشيه ومعصبه: صج جليل الحيا والله هذي حركتك وايد قويه وفي قمة الوقاحه
ترك يدهــــــــا
وكانت حالته حاله .. يعني كان مشتاق لها وخايف من ردها حتى يوم يعتذر منها
كان غريب
ماجد يتكلم ويده تتحرك: أنا آسف آسف سمر حقج عليج بس انتي ما تعرفين حالتي
كيف ابى اعرف جوابج متخبل وخايف ترفضيني رغم إني واثق إنج تحبيني
سمراول مره تشوف جذي حالته كان متوتر ويوم حط يده على الجدار خافت ورجعت ورا
سمر خوف: ماجد انا
خافت اكثر يوم سمعت عبير تنـــاديهــــــــــــا
وبدون قصد دزته بقــــو والمسكين تعثــــــــر وطــاح
سمر احتارت تتطالعه مره ومره تنتبه لصوت عبير اللي بدأ يتقرب
وبشكل سريع قـالت له :آسفه

راحت بسرعه عند عبير وتركت ماجد في حاله
ركضت عند عبير بسرعه
سمر: وش فيج عبير
صدت عبير : انتي وين كنتي
سمر خايفه: ليش
عبير: اختفيتي فجأه
سمر حست شويه بالراحه: شفت يهال يالسين يلعبون بالزرع جان اطيح فيهم روغه
عبير: صج متفيجه انتي الكل يتريانا هناك
سمر ما تبى تروح تبى قلبها عند ماجد كاسر خاطرها الولد
سمر: يالله عيل
اول ما تحركوا سمر قامت بتمثيله:أوه خاتمي أكيد طاح هناك
عبير: يالله نروح اندور عليه عيل
سمر: لا لا بتخيس فستانج انتي روحي وانا بلحقج
عبير: متأكده
سمر: والله كيفح مو تلوميني بعدين ترى فستانج بروحه خايسه من تحت
عبير تتطالع: قولي والله ..
بعدما تأكدت : هيه والله .. ابوي انا بروح عنج وانتي روحي دوري خاتمج
بعدما راحت عبير ... شلت سمر بفستانها مع عباتها وراحت عند ماجد
شافته واقف وعطانها ظهره .. شكله كان معصب .. عرفته من طريقه اللي كان ينظف فيه كندورته
بلعت ريجها وراحت صوبه: مايد آسفه
صدر وراه وكان صج معصب
نزلت غشاوتها : اف بختنق
وبكل براءه رجعت تعتذر منه: آسفه ميود ما كان قصدي ادزك بس خفت
سكتت اول ما شافت يده تتقرب صوب ويها .. تتطالع يده
وبنبره خوف: مايد يدك مايد
انتبه مايد وابتسم: أوه آسف ما حسيت بعمري اول ما نزلتي غشاوتج
سحرني جمالج
سمر نست عمرها: والله محلوه اليوم
تتحرك يمين ويسار مثل اليهال
ماجد نسى غضبه وتم يبتسم: هيه وايد محلوه اليوم وبعد مب حاطه وايد مكياج
سمر تتدلع: بغيت اكون شبه طبيعيه اليوم
ماجد ساكت ومكتفي يطالعها ويسمع سوالفها
سمر: إنزين ميود انا بروح ألحين اوكي
ماجد: وين وين رايحه
سمر: مايد يتريوني فوق وانا كذبت على عبير وقلت لها بروح اييب خاتمي والحين لازم ارجع من دون الخاتم
ماجد: لا مب لازم ترجعين من دون الخاتم
سمر تتطالعه ومب فاهمه شو يقصد
طلع علبة الخاتم من جيبه وفتحه: هذي اشتريت هديه قلت بعدما تعترفين لي بلبسج بس شكلج مب ناويه تريحيني
سمر تسمع كلامه ومب مستوعبه شيء ..
لين ما مسك يدهـا ولبسها الخاتم
سمر: مايد
ماجد: زين والله طلع على مقاسج
رغم إني قلت له راعي المحل عطني خاتم لمقاس امتن وحده لأنه حبيبتي دبه وايد
ضربته سمر على كتفه: انا دبه انت الدب يا دب القطبي
ماجد: هههه عجبج
تدلع سمر: مممم لا باس
ماجد: يالله مقبوله منج بس عاد يالله ريحيني وعطيني جوابج
سمر تبى تعذبه اكثر: تريا بعد المجله هههههه
راحت عنه وما عطته فرصه يتكلم

دخلت الصاله مستانسه : السلام عليكم ..
سلمت على الحريم وركبت الدري ... فتحت الباب
والفرحه كان باين على ويها
سمر: مــرحبابكــــم
الكل يطالعها ومب مستوعب شيء بس مستانسين إنها مستانسه اليوم
إلا طبعا هند
هند: الاخت مستانسه اليوم
سمر: هيه عندج مانع
عايده : وليش يكون عندها مانع شو ما كان الخلاف بينكم أكيد هند تتمنى لج السعاده صح هند
هند ما ردت عليها وصدت في صوب الثاني
سمر: ما عليج منها عيوده اهم شيء انتي وعبيرو
عبير: لقيتي خاتمج
سمر هيه .. شوفي
عبير: ألا حلوه وين خاشتنه عني انا ما شفته في غرفتج
سمر: هههه لأني اعرف انتي بتاخذينه خشيته
صدت صوب عايده: يالله متى بنروح
عايده: ما ادري من مساعه ادق على مايد ما يرد علي
سمر: مايد؟!
تبى تضحك بس مب قادره .. الاخت من داخل مستانسه
سمر في خاطرها: معقوله ميود تجاهل الكل عشاني وألحين المسكين بروح يتلبس مره ثانيه
اتصلت في عايده مره ثانيه .. فشكله كان صاعد الدري من جذي صوته انسمع يوم رد على عايده

عايده بعدما صكرت منه
هند: ها الاخ بودينا ولا كيف
عايده: يقول إنه بجهز وبودينا
عبير: بس جذي نحن بنتأخر
عايده: والحل
عبير: بنطلب من زايد يودينا اتصلي في انتي لأنج امنا
سمر: هههه حلوه هاي
ضربتها عايده على راسها واتصلت لزايد