الفصل 26

وبساعه قالوا بدخلون خليفه ...
راحوا البنات يلبسون عباتهم .. ودخل خليفه مع ابوه ويده
وصلوا لين عند الكوشه وراحوا
ساعدت عايده يلبسها الذهب وهالشغلات

سمر تتطالعهم وما حست بعمرها إنها سارحه
تتخيل خليفه بدال ماجد وهي بدال رحاب
الياهل: خالوا خالوا
انتبهت عليه : ها
الياهل: خالوا عطيني هالتفاح
ابتسمت له: افا عليك بعطيك السله كلها
الياهل: لا بس ابى تفاح
سمر: هههه حاضرين
عطته التفاح: تفضل
يوم راح الياهل ضحكت على خيالها ...

ع ساعه 2 خلص الملجه ...
خليفه راح مع رحاب لبيتها .. لأنه الخيمه عند بيتهم كانت
وهالمره ماجد موصي عايده تتصل فيهم اول ما يبون يروحون
واول ما اتصلت فيه تم واقف برع سيارته يترياهم
الحريم قرروا يتمون
والبنات قالوا بيرجعون
زايد : عبير بتروحين معاهم
عبير: لا اخوي وصلني البيت تعبانه
زايد: يالله عيل
عبير باست سمر: جاو حبيبتي وبخبرج باجر شو قالوا ربعي
سمر:ههه زين
راحت عبير مع اخوها

في سيارة ماجد
ماجد: هند اوصلج البيت ولا بتمين في بيتنا
هند: لا بروح بيتكم امي قالت بتي هناك
ماجد: وانتي سمر .. في خاطره : يا رب لا
سمر: اكيد بيتكم دام اللمه بتكون هناك .. وتضحك على الخفيف
يستعبط اونه: وانتي عايده ما بتروحين بيت ريلج
عايده: هههه اونك عاد
ماجد: ههههه
سمر: وين علي ما شفته من وصلنا
ماجد: اووو علوي اخوي من شاف ربعه خذ سيارة ابوج وراج يصيح ويلات اونه
سمر: ابوي لو عرف بياكل ضرب محترم

نزلوا الكل ... عايده سبقتهم

ماجد اول ما شاف سمر آخر وحده خطفها مره ثاينه
هي على نياتها كانت تمشي .. مسكها فجأه
صدت وراها .. أشر عليها تسكت لأنه هند جدامها كانت
سحبهـــا معــــــــــاهــــا

هند شافته يوم يسحبهــــــــــا
هند: اونكم عاد
لحقتهـــــــم



لصقها على الجدار وخله يده حاجز
ماجد: ماشي شرده لين ما تقولين
سمرتبى تضحك معصبه بروحها ما تعرف: مايد انت تخبلت بصراحه
ماجد: صح إنزين من قلبي حبج وانا متخبل
ضحكت على الخفيف
ماجد: يالله قولي تحبيني
سمر بعد تبى تحرق اعصابه: قلت لك اني ما احبك
ماجد: سمر عاد لا تلعوزيني يالله قولي
سمر خذت نفس: اوكي
ضحكت: بس استحي
ماجد:إنزين بغمض عيوني
سمر: هيه احسن
بعدما غمض عينه
سمر صج ميته من الحبا ما توقعت إنه اعترافها بكون صعب .. حطت في بالها بتقول وخلاص إلي هي كلمتين
ماجد: يالله اتريا
سمر: اصبر اجهز نفسيتي
فتح عينه: حرام عليج
صرخت عليه: بند عيونك
بنده بسرعه: اوكي اوكي يالله قولي
سمر: ماجد أنا .. أنا
ماجد: زين وبعدين
سمر تضحك: انا أحـ
هند: يا سلام يا سلام .. شو هذا
فتح عينه ماجد
سمر حست بالفشله بعدت يده وكانت بتتحرك بس ماجد مسكها
سمر تتطالعه : ماجد هدني
ماجد: ما عليج منها
سمر:ماجد
ماجد: بعدج ما قلتي الكلمه
هند بسخريه: وليش تقول ؟ ماجد خلها ترى البنت بتصدق عمرها وايد
ماجد فهم هند ناويه تخرب فطلب منها تروح: هند ممكن تروحين
سمر حاسه عمرها في موقف غريب
هند: افا عليك ماجد كيف اروح وما اعطيك جائزتك
ترك يد سمر وراح صوب هند: لو سمحتي هند انسي وروحي
سمر في خاطرها: شو السالفه
هند: بس هذا كان اتفاق بينا وخلها تعرف شو فيها يعني
ماجد بصوت واطي: الله يخليج هند لا تقولينها شيء

سمر: ماجد شو السالفه
هند: بتعرفين عيوني ..
راحت صوبها وطالعته من فوق لتحت بنظرات احتقار: صج ما تستحين ماجد ما يقرب لج وفوق هذا معاه في هالمكان ولحالكم
ما توقعت إنج بتنخدعين بكل سهوله
ماجد: هند فارجي
هند: اوكي اوكي لا تعصب .. بس يغيت اعطيك ألف مالك مبروك فزت الرهان
سمر: لحظه لحظه عن أي رهان تتكلمون
ماجد: سمر ما عليج منها
سمر: لا دام السالفه تخصني لازم اعرف
صدت صوب هند: هند تكلمي
ماجد يترجـاهـا بعيونه ما تقولها شيء ... بس ماشيء فايده
هند تجاهلته وصدت صوب سمر: سمعي حبيبتي كان بينا رهان
وهالرهان إنه ماجد يكسر غرورج وماجد مالقى إلا إنه يمثل عليج دور المحب ويكسر قلبج ..
وإن كنتي ذكيه بتعرفين إنه ماجد كسب الرهان
سمر تمت ساكته
ساكته لأنها تحاول تستوعب كلام هنــــد
ماجد: سمر سمعي السالفه مني انا صح راهنت
يوم قال هالكلمه قاطعته سمر: صج إنك حقير ونذل
ماجد: سمعيني سمر
سمر صرخت عليه:شو تباني اسمع انت بس جاوبني بكل صراحه
انت راهنت معاها ولا لا
ماجد تم ساكت وكان متردد
بصوت عالي: راهنت ولا لا
ماجد: هيه بس
رفعت يدها وطلبت منه يسكت: بس خلاص لا تكمل
وبنبرة حزن:مبروك عليك الفوز

ركضت عنهــــــــــم