الفصل 11

ابو خالد رجع البيت وكلم ام خالد على الموضوع
ام خالد : والله فيصل والنعم فيه بس حمزة
ابو خالد : اهم شيء راي بنتي روحي كلميها
ام خالد وهي قايمة : ان شالله
وراحت لسارااللي كانت تفكر
ام خالد : يمه انا بغيت اكلمك في موضوع
سارا : خير يمه
ام خالد : من دون لف ولا دوران ترا اليوم جاك خطيب ثاني
سارا بققت عيونها : من بعد يمه
ام خالد: فيصل ولد عمك
سارا انصدمت اخيرا فيصل فكر فيني
ام خالد : ترا يمه انا ابيك تفكرين بالثنين وترا فيصل ولد والنعم فيه وغير كذا هو ولد عمك
سارا اللي الى الان مصدومة : خلاص يمه انا افكر وارد عليكم
ام خالد : ترا يمه فيصل مره مستعجل يقول لكم يومين
سارا : على كيفه هو
ام خالد حبت راس بنتها وطلعت وتركت سارا تفكر وقامت وصلت صلاة استخارة
فيصل كان على اعصابه لانه مر اسبوع ولا احد رد
سارا فكرت وقررت

شيماء اتصلت على سارا : الو
سارا : اهلين
شيماء وينك يالدب يالقاطعة
سارا : ابدكان عندي شغل وانتهيت منه
شيماء : شغل ايش
سارا : ماراح تصديقين
شيماء : ايه صح وش قررتي بخصوص اللي اسمه حمزه
سارا : رفضته
شيماء : ليش حمزة والنعم فيه
سارا استحت : وفيصل مو والنعم فيه
شيماء انصدمت : وش دخل فيصل في الموضوع
سارا : ليش انتي ماتدرين ان فيصل خطبني
شيماء والدهشة تلف وجهها لف
: لا قولي والله
سارا : ليش هذه الامور احد يضحك فيها
شيماء : طيب وافقتي
سارا استحت :ايه انا من اليوم وش اقول
شيماء تزغرط لللللللللللللللللللللللللللللللللللو
سارا سكرت في وجه شيماء
ام خالد دخلت على بنتها : هاه يمه فكرتي
سارا رخت راسها : ايه يمه
ام خالد هاه من اخترتي
سارا ووجهها راح احمر: فيصل يمه
ام فيصل حظنت بنتها : مبروك يابنيتي
سارا : الله يبارك فيك
وراحت وخبر ابو خالد
ابو خالد : الو السلام عليكم ابو فيصل
ابو فيصل: هلا وعليكم السلام
المهم بعد السلام والسؤال عن الحال والاحوال
ابو خالد : ابشرك ترا سارا وافقت على فيصل
ابو فيصل : صدق الف الف الف مبروك وسارا والنعم فيها
ابو خالد : الله يبارك فيك وفيصل ماشالله ولد ماينعاب ورجال ينشد به الظهر
بعد ماقفل ابو فيصل من ابو خالد
دخل فيصل على ابوه
فيصل حب راس ابوه وسلم عليه
ابو فيصل : هات البشارة
فيصل : على شو
ابو فيصل : بنت عمك وافقت
فيصل مو مصدق وسلم على ابوه وابوه يضحك
ودخلت شيماء وهي تصارخ : الف الف مبروك
فيصل وهو يحضن اخته : الله يبارك فيك
وراح لامه وسلم عليها وخبرها شهد وفرحت امه وضمته : الف مبروك ياولدي
شهد : مبروك يافيصل
فيصل :الله يبارك فيكم العشاء اليوم علي امرو تدللوا
شيماء : اممممممممم انا ابي من اممممم ماكدنالدز
شهد : لا انا ابي من امممم كنتاكي
شيماء: لحظة ابي بعد ايسكريم من باسكن روبنز
شهد : وانا بعد
فيصل : ابشروا وانت يمه وش تبين
ام فيصل : انا ابي مع خواتك اي شيء
فيصل : يالله انا رايح


وتحدد موعد الملكة
خالد : سارا ترا ملكتك يوم الخميس
سارا : لا مره بدري
خالد : شو بدري قدامك اسبوع
ريم : لامو بدري
سارا : طيب قوله ياجل
خالد : خلاص هو مو على كيفك
سارا : طيب خلاص
وراحت غرفتها
سارا تفكر وهب مره فرحانه الا يدق الباب
سارا : ادخل
ودخل بندر : سارا ترا انا ابي اكلمك في موضوع
سارا : خير تفضل
بندر : من دون لف ولا دوران ترا انا مو موافق على فيصل
سارا وهي ترفع حاجبها : ليش ان شالله
بندر :كذا مو عاجبني اكرهه مابيك تاخذينه
سارا: اللي يبي ياخذه انا او انت بعدين ترا انا ابيه
بندر وهو معصب : يعين ماتبين تسمعين كلامي
سارا : لا ولا ابي اسمع شيء زيادة
بندر وهو خلاص طفح الكيل: يصير خير
وخرج
وطاحت سارا على السرير وهي تصيح ليش يابندر ماتبي اختك تفرح ليش
فيصل طيب عمره ماذاك ليش تكرهه وجلست تصيح لما نامت


ومشت الايام وجاء يوم الملكة