الفصل 27

ناظرها خالد من فوق الين تحت : انا اللي اش فيه والا انت
ابتسمت سارا :انا وش فيني زي الحصان
خالد: سارا انا اتكلم جد سارا شوفي شكلك كيف راح رحتي ذبلانة ونحفانة مو سارا الاولية
مو بس انتي حتى فيصل مو فيصل الاولي
سارا قلبها نغزها بمجرد انها سمعت اسم فيصل
خالد :سارا انتي بينك وبين فيصل شيء
سارا على طول :هاه لامافي شيء
خالد :افا عليك تخبين على اخوك خلود
سارا امتلت عيونها دموع :قلت مافيني شيء
على طول حضنها خالد الين هدت :سارا انا ماراح اغصبك عل شيء متى مابغيتي تتكلمين معاي انا موجود
ساار:ان شالله
وقامت وراحت غرفتها
...............................................
في بيت ابو فيصل
ابو فيصل :شيماء روحي بيت اخوك شوفي وينه من زمان مابين
شيماء من دون نفس :انزين
وراحت بيت فيصل وهي زعلانة منه على سواته بسارا
دقت الباب الين فتح شيماء انصدمت من شكل فيصل رايح هزلان وتعبان وشكله متغير
شيماء بدون نفس :فيصل ابوي يبيك
فيصل استغرب من شيماء ماقالت له لاسلام ولا كلام :وعليكم السلام
شيماء طنشته ومشت
فيصل نادها :شيماء
التفتت له ببرود شديد :نعم
فيصل :وش فيك
شيماء ابد مافي شيء
فيصل :انت زعلانة مني
شيماء اعيونها امتلت دموع :لا ابد انت ماتغلط ماتسوي شيء علشان ازعل
وراحت جري على بيتهم
فيصل وقف مصدوم وش فيها ذي بعد
وراح للبيت عند ابوه
فيصل :السلام عليكم
ابو فيصل وام فيصل وشهد :وعليكم السلام
وحب راس امه وابوه
ام فيصل اخترععت من شكل فيصل :هو وش فيك يافيصل
فيصل :مافيني شيء وش فيني
ابو فيصل :شكلك مره متغير
فيصل :ابد بس علشان الشغل وضغوطه
ابو فيصل :اها المهم ياولدي متى تبي ترد زوجتك
فيصل انقلب وجهه
في ذي اللحظة كانت شيماء نازلة مع الدرج
قام فيصل :مابي اردها مابيها
ابوفيصل :وش فيك ياولدي
ام فيصل :وش صابكم انتم عين ماصلت على النبي
شيماء جات وهي تصارخ على فيصل :اصلا هي اللي ماتبيك بعد كل اللي سويته فيها ولاحتى رحت تعتذر لها
ابو فيصل :خير وش صاير
فيصل بعصبيه :مافي شيء مافي شيء
شيماء :الا فيه
فيصل على طول خرج من البيت وراح على بيته
ابو فيصل: شيماء قولي وش صاير
شيماء وهي تبكي :اسأل ولدك المصون
وراحت تركض لغرفتها
ولحقتها شهد
ابو فيصل :لاحول ولاقوة الا بالله
فيصل راح غرفته ورمى نفسه على السرير
وكمان حطت شيماء في صفها وجلس يفكر الين تعب ونام

شهد :شيماء وش صاير
شيماء بس تبكي
شهد :شيماء تكفين قولي وش صاير
بعد ماهدت شيماء :بعدين ياشهد تعرفين كل شيء
شهد :لا انا ابي اعرف الحين
الا ويدق جوال شيماء :ذي سارا
شيماء :الو
سارا: هلا شيماء وينك يالقاطعة
شيماء :موجودة
سارا :وش اخبارك وعلومك
شيماء :تمام وشلونك انتي
سارا :الحمدلله اقول شيماء ماتجين اليوم ابيك بموضوع ضروري
شيماء :موضوع ايش
سارا :انتي تعالي وراح تعرفين كل شيء
شيماء :اممممم واوكي
سارا :يالله بااااااااي
شيماء :بااااااااي
شيماء :شهد تروحين معاي عند بيت عمي بو خالد
شهد :لا عندي شغله ماقدر
شيماء :اوكي براحتك
ولبست وراحت عند سارا
على طول سارا اخذت شيماء لغرفتها
شيماء :خير سارا وش فيه
سارا :خذي اعطي ذي فيصل
شيماء بدهشة :وشي ذي
سارا والدموع بعينها :ذي دليل برائتي