الفصل 29

نروح عند بندر في الاستراحة
بندر :اقول زياد
زياد : هلا
بندر :وين جهاد معاد ينشاف
زياد :ادعيله ياخوك ان الله يشفيه
بندر : خير وش فيه
زياد : مادري سمعت ان معاه ورم في الدماغ
بندر تذكر المرض ذا وتذكر ايش سوا في سارا
وقال :اعوذ بالله الله يشفيه
وشوي الا يخرج واحد من اخوياهم من الغرفة وهو سكران
وناظر بندر في الجهه الثانيةولقى واحد يضرب ابرة
بندر قام بعصبيه :اعوذ بالله وشو ذا
زياد :اهدا يابندر خلنا نشوف الحكاية
الا جاء حسام خويهم
حسام :وش فيك يابندر انت وزياد
بندر بعصبيه :ايش اللي قاعدين نشوفه ذا
وياشر على الشباب
حسام بخبث :يعني ماتدري والا تبي
بندر اعطى حسام كف
بندر وهو يصارخ :انا اشرب زي هذي الاشياء ياوقح
جو الشباب وفرعوا بينهم
حسام وهو يصارخ :طيب يابندر ان ماخليتك تدفع الثمن غالي
بندر : اعلى مافخيلك اركبه
زياد مسك بندر وطلعوا من الاستراحة
زياد :بندر ماله داعي كل ذا كان سحبت نفسك وطلعت بهدوء الحين وش يفكك من حسام
بندر وهو الى الان يتنافض من العصبيه : خليه يسوي اللي يبى هو اصلا مايقدر يسوي شيء
وجلس زياد يهدي بندر الين هدا وحطه في البيت وراح بيتهم
وطلع بندر داره وعلى طول نام من التعب

بعد اسبوع
فيصل كان كل يوم يحاول مع سارا لكن سارا ماكانت ترد عليه
في بيت ابو فيصل
ابو فيصل :فيصل متى تبي ترد مرتك تراها طولت وانا ماشوفك تروح لها او تسأل عنها
انتم بينكم شيء
فيصل ارتبك :لايبه مابينا شيء بس علشان نشتاق لبعض
ابو فيصل بعصبيه:وشو هذا ماصار شوق هذا قلة ادب اسمعني يابوك اليوم بعد المغرب تروح بيت عمك علشان ترد
زوجتك سكتنا بما فيه الكفاية تبينا نروح علك بحلوق الناس
فيصل :لكن يبه ...
قاطعه ابو فيصل بعصبيه :لا لكن ولا شيء تروح يعين تروح
وقام وطلع داره
فيصل وهو شايل هم قد الجبل فوق ظهره خايف ان سارا ماراح ترجع له
ياااااارب كون في عوني

بعد المغرب فيصل اتصل على سارا لكن كالعادة ماردت
ارسل لها مسج
سارا انا الحين جايكم البيت علشان نتفاهم
سارا بققت عيونها مستحيل يحلم ذا اني راح اقابله
اتصل فيصل على عمه وخبره
ورحبه
ابو خالد :الله يريحك ياولدي انا كنت اقول اكيد بينهم مشكلة مايبون احد يدري عنها
فيصل :كان بنا مشكلة بسيطة وان شالله نقدر نتجاوزها
ابو خالد : ان شالله
وسكر فيصل من عند عمه
وراح لبيت عمه

في الاستراحة
حسام :اسمع ياسامي اليوم تنفذ المهمة فاهم
سامي : ابشر طال عمرك
ابيك تقضي عليه مفهوم
سامب :مفهوم طال عمرك
وطلع من الاستراحة
حسام راح اخذ حقي منك يابندر

دق فيصل الباب في بيت عمه
وفتح له خالد :هلا والله بالقاطع
فيصل: هلا فيك
وسلم عليه
خالد :واخيرا شفناك وينك ماعاد تسال
فيصل :موجود بس عارف مشاغل الدنيا
ودخله خالد جوا المجلس
بعد ماقال له فيصل ليش جاي
خالد :واخيرا جيت ترد مرتك
فيصل :ههههههههه علشان نشتاق لبعض
خالد :هههههههههه اخس يالشوق
دخل ابو خالد وبندر
وقام فيصل وسلم عليه وحب راسه وسلم على بندر وراح بندرينادي سارا

جات ريم ركض لغرفة سارا
دخلت عليها ريم :سارا فيصل تحت
وانصدمت لما شافت سارا تبكي
ريم :سارا وش فيك
سارا تشاهق : ...............
ريم وهي تبكي :سارا واللي يسلمك وش فيه

في ذي اللحظة كان بندر عند الباب
وسمع سارا وهي تبكي ومن غير ماتحس بالكلمات اللي تتطلع منها :ريم واللي يسلمك قولي لهم مابيه كفاية الي سواه فيني كفاية انه اهاني وذبح ولدي مااااااابيه
ريم حطت يدها على فمها :كل هذا سواه فيك ولاتكلمتي ليش ساكته وليش سوا فيك كذا
سارا :...............
ريم :سارا قولي لي السالفة كاملة
سارا ندمت انها تكلمت بس كانت بحاجة انها تفضفض لاحد
في ذي اللحظة دخل بندر وهو معصب
بندر :وليش ماتكلمتي
سارا وريم بققوا عيونهم
بندر :تحكي وش فيك ساكتة قولي وش سوا بعد
سارا جلست تبكي
بندر تركها وطلع
سارا راحت تلحق بندر :بندر ارجوك انت مو فاهم شيء
لكن بندر طنشها ونزل