الفصل الرابع

إبراهيم : فين رايح فارس مرام فيكِ شي مرام
فارس : بليز هي مرة تعبانة بعدين أتكلم بليز
رائد : خلاص يوسف وإبراهيم كل واحد يركب في سيارته ونلحق ورى فارس
أفنان : أنا أبى أروح مع مرام أحسن أكون جمبها
فارس : بسرعة بس لا أحد يتصل ويقول لأهلها فاهمين

وراحو مستشفى السعودي الألماني

الدكتورة : أنت زوجها أو أخوها
فارس : ((متردد )) ايوا زوجها
الدكتورة : مرة البنت صغيرة ,ممكن بطاقة الأحوال وبطاقة العائلة
فارس : ((موت متردد)) ما عندي بطاقة العائلة في البيت, بس الأحوال معايا
الدكتورة : طيب فين بيتك ؟؟؟؟؟؟
فارس : مرة بعيد في الجنوبية
(( كذبة مرة حلوة أتخيلوا يسكن فارس في الجنوبية ههههههههه ))
الدكتورة : طيب مافي مشكلة
فارس : ايش فيها مرام ؟؟؟؟؟؟؟؟
الدكتورة : بس حرارتها مرتفعة وهي تتعرض لضغط وعصبية مستمرة صح ..؟؟
فارس : ايوا
الدكتورة : وهذا الشي سببلها فقر دم حاد و القولون مرة ملتهب
فارس : (( رخا راسه من الكلام الي قالته ))
الدكتورة : حاول انك تحطها في عيونك ولا تعصبها لأنها مرة تعبانة أوكي
فارس : أقدر أشوفها ؟؟؟؟؟؟؟؟
الدكتورة : دحين لا لأنها تعبانة بعد ماتصحى ينادوا عليك تجي تشوفها أوكي
فارس : شكراً ما قصرتِ معانا مرة شكراً
الدكتورة : واجبنا . بس خليها طول الوقت في حضنك حيخفف عليها الألم ههههههههه
فارس : مرة شكراً باي
الدكتورة : باي .." تقول في قلبها":
(( الله يسعدهم ياريت لو أتزوجت واحد حلو زيو ويحب مرته والخيبة في حضي ))

وراح فارس وطمن الشلة الي جات :
رائد +يوسف +إبراهيم +أفنان : كيفها
فارس : بشويش عليا . لا بس حرارتها مرتفعة وأنميا حادة والقولون ملتهب
يوسف : الله يشفيها قلبي معاها
إبراهيم : كمان هيا أتعرضت لتوترات من الي حصل في الأيام هذي , كان استحملت
فارس : فين تستحمل يادوبكِ هيا والله قلبها ضعيف .
رائد : نفسيتها تعبانة هذي الأيام صح فارس ؟؟؟؟؟؟
فارس : ما أدري
يوسف : ((يهمس في أذن رائد ))خلاص رائد الولد تعبان خليني نروح ما يصير نسيب البنات لحالهم تعرف مشاكل الدرة يلا .
رائد : إبراهيم ويوسف يلا نروح البنات لحالهم في الدرة
فارس : ربي معاكم
يوسف : ((يمسك كتف فارس )) فارس خلاص قوي قلبك دحين تطلع البنت وتجي الدرة وننبسط لا تزعل وما أبغى دموع أوكي ..
فارس :أوكي (( وقام حضنه ))
رائد : خلاص يوسف أتأخرنا
يوسف : مع السلامة فارس وحطها في عيونك ((وغمز له )) ههههههههه
فارس : من عيوني

وجات الساعة 2الليل وتخرج النيرس وتقوله يدخل يشوفها

فارس : مرام (( ومسك يديناتها وسلم عليها ))
مرام : كيفك
فارس : لمن شوفتكِ سرت أحسن
مرام : بس بلا عيارة
فارس : ههههههههه والله يا مرام أني قعدت أبكي عشانكِ
مرام : يا حبيبي يفداك قلبي
فارس : مرام لو سمحت تديني وعد أنو ما تعصبي ولا تبكي ولا تزعلي أحد وتكوني مرة ريلاكس .
مرام :I proms you
فارس : حطي في بالك أنو مافي أحد في الكون يحبكِ غيري فاهمة
مرام : تراك بهدلتني تقعد تغازل
فارس : على الأقل جامليني
مرام : يوووه
فارس : خلاص أنا رايح أزهم أفنان وأسيبك لحاليك ِ
مرام : لا بليز حتجي أفنان وتتفلسف أقعد أنتَ معاي حبيبي .
فارس : عسل
مرام : كم يوم قالت لك الدكتورة أقعد في المستشفى
فارس : بكرة تتطلعي
مرام : الحمد الله , قلتو لأهلي
فارس : لا
مرام : كويس , أيوا كيف سارة وحشتني موت
فارس : طيبة بس تنام وتحب النوم زيكِ وتلعب بالألعاب....BLA.BLA.BLA
مرام : يا حياتي

((طبعاً فارس بات عند مرام ما يصير يسيبها في المستشفى لوحدها , اليوم الثاني جات الشلة كلها ورنا ورنين راحوا عند مرام عشان يتأسفولها))

رنين : حمد الله على السلامة .
مرام : الله يسلمكِ
رنين : سامحتيني
مرام : أنا عمري ما شلت على أحد بالذات أعز صاحباتي
رنين : يا حياتي يا مرام ما كنت أتوقع يوم أنو قلبك ِ طيب وكبير .
رنا : حمد الله على سلامتكِ وهذه أبسط شي نجيبه لكِ باقة ورد من كل الشباب والبنات في الدرة
مرام :ياي مرة روعة , ماشاءالله كيف أنتشر الخبر اني مريضة .
رنين : (( رنين تأشر على إبراهيم ))
إبراهيم : صدقيني بس عشـ...........
مرام : أنا مني زعلانة بس شكراً أنك تحب مصلحتي مرة شكراً
((إبراهيم خدوده مرة حمرت ))

وخرجت مرام من المستشفى وعموللها حفلة ما تنتهي وعزموا كل الأولاد والبنات

مرام : يا سلام ما كأني خرجت من المستشفى
فارس : قولي الحمد الله
مرام : ((ورفعت يدها وقالت ) حمد الله يا ربي أنكِ حفضتني ورسلتلي أحلى فارس بالدنيا
فارس : مرام يارب يجي اليوم الي يجمعني فيكِ في بيت واحد قولي آمين
مرام : .............آمين .........




وجا اليوم الثالث بعد يوم رومنسي بالنسبة مرام


رجعت مرام البيت ودقت الجرس في الليل
وفتحلها عزوز
عزوز : مراااااااااام يا حيوانة ثلاث أيام ما تتصلي ولا تسألي
مرام : انشغلت
عزوز : انشغلتي عني أنا أدق عليكِ كل يوم وما تردي بقولي مغلق فين رحتي تعالي فضفضيلي قلبك ِ يا مدام مرام .
مرام : خليني بس ألبس وأرتب أشيائي أوكي
عزوز :أوكي وأنا أجيب البوب كورن والبيبسي
مرام : ليش تتفرج على سينما
عزوز : ههههههههه

ودخل عزوز غرفة مرام وجاب البيبسي والبوب كورن وجلس على الأرض
ومرام ترتب أشياءها .

عزوز : والله فاتكِ أبوي ضرب معتز ضرب ..
مرام : ليييييشششششششش ؟؟
عزوز : ريحته كانت كلها سجاير
مرام : معتز يشرب سيجارة
عزوز : شايفة
مرام : أيوا صح فين العيلة
عزوز : نوم . يا لله حكيني من طقطق لي سلام عليكم
مرام : ههههههههه

" وحكتوا الين ما وصلت للبيت "

مرام : بس ما تقول لبابا والله أزعل منك
عزوز : والله مأقول, أيشبك أحنا أخوان وبيننا أسرار, وفين نام فارس جمبك
مرام : زوجته ينام جمبي لا طبعاً في كنبة كانت في نام فيها
عزوز : أسطورتكِ في الدرة مرة جنان
مرام : قصة معليش بس أسطورة
عزوز : مرام ما أتعرضلك فارس ؟؟؟؟؟؟؟؟
مرام : لا طبعاً
عزوز : الولد دا كبر في عيني بعد الي عملكِ هو شرف منه .
مرام : ايووووااااااااااااا
عزوز :صوتكِ بليز أرخي
مرام : ما قلتلي ايش فيك يوم ما كنت برى وماجيت على الغداء , عزوز أنت لسى بتفكر فيها ؟
عزوز : لا هاديك طرتها من قلبي
مرام : اجل فيك شي
عزوز : مرام أنا تعبان بس أفكر بمستقبلي بالذات أنو ماما جات وقالت لي في وحدة أبغاك تتزوجها قبل ما تتطير منك .
مرام : عبد العزيز أنت لساتك صغير على الزواج وبتفكر في أشياء أكبر من عمرك
عزوز : أنا طفشت من أمكِ ,كل شوي تزهمني تقولي أتزوج, لساتني ماشي في العشرين ولا كملتها أصلاً أبغى أفكر في كلية الطب الي أدخلها ولا بزوجتي قرف .
مرام : خلاص عبد العزيز مو لازم تتعب نفسيتك .
عزوز: طيب أنتي تروحي عند ماما تقوليلها لا تفتحي هذا الموضوع لمن أفتحه أتفقنا .
مرام : أتفقنا .

وراح عزوز غرفته ومرام راحت على الماسنجر تتعرف :

ميمو :momken nt3rf
عيون المها : sure
ميمو : your name ???????? Waht
عيون المها : عيون المها
ميمو : ولد ولا بنت
عيون المها : طبعاً ولد وأنتِ

ميمو : بنت
عيون المها :فين رحتي اليوم ؟؟
ميمو : كنت بايتة في درة العروس 3 أيام
عيون المها : أكيد فلة هناك
ميمو : طبعاً بنات وشباب وحفلات و وناسة مووووت
عيون المها :أنا اليوم رحت المحكمة ..؟؟؟؟؟
ميمو : لييييشششششششش ؟؟؟؟؟؟؟؟؟؟؟؟؟؟؟؟؟؟؟؟؟؟؟
عيون المها : طلقت خطيبتي ؟؟؟؟؟؟
ميمو : أنا آسفة ؟؟؟؟

عيون المها :عادي ليش تتأسفي أنا دخلت عشان واحد قلي أنو في وحدة في الماسنجر كل الأولاد يفضفضولها همومهم وتساعدهم .
ميمو : مين أداك ايميلي .
عيون المها : my friend
ميمو : طب ليش طلقتها، معليش شي مومن خصوصي بس فضول
عيون المها: لا عادي , بس أتخيلي أخذ وحدة مهي بكر
ميمو : كيف عرفت أنها مهي عذراء
عيون المها : أعترفتلي
ميمو: صراحة خطيبتك مرة جريئة كيف أعترفتلك ؟؟
عيون المها : لو سمحتي مهي خطيبتي ؟؟؟
ميمو : أسفة
عيون المها : لا تتأسفي , ممكن أسمك الحقيقي وعمرك وفين ساكنة معليش فضول ..
ميمو : أخاف تكون مين الي ينشروا
عيون المها : لوكنت أبى أنشر كان أول سؤال سئلتكِ هو اسمك ومعلومات عنكِ
ميمو : طيب , أسمي مرام وعمري 17 وساكنة في جدة
عيون المها : فرصة سعيدة مرام
ميمو : you ???
عيون المها : اسمي عمر, وعمري 23 وساكن في جدة
ميمو : فرصة سعيدة
عيون المها : تصدقي مرام مني عارف ليش أرتحتلكِ موت ؟؟؟؟؟؟؟؟؟؟
ميمو : عمر أتمنى أنو النقاش الي بيني وبينك مافي لوه غزل
عيون المها : أوريكِ صورتي ..؟؟؟؟؟؟؟؟؟
ميمو :sure
((ورسلها الصورة وقعدت مرام مسرحة وذابت من الجمال ))
عيون المها : كيف ؟؟؟؟؟؟
ميمو : متأكد صورتك ؟؟؟؟؟؟؟؟
عيون المها : قابليني وتشوفي .؟؟؟؟؟؟
ميمو : لا , لسع لمن أخذ عليكِ شوي
عيون المها : مو أخذنا على بعض مرة كثير
ميمو : لا آسفة أنا مأحب الحركات هاذي
عيون المها : دوبكِ تقولي أنكِ رحتي الدرة وشباب ووناسة
ميمو : أنا مأتعرف على شباب بس قصدي أهلي عشان كلهم شباب
عيون المها : تغطي عليهم ؟؟؟؟؟
ميمو : طبعاً لا
عيون المها : ولا حجاب
ميمو : عادي هذوله زي أخواني مرة نحب بعض وأتربينا مع بعض وكبرنا مع بعض كمان عيلتنا موكلهم يغطوا على البنات .
عيون المها : صراحة عاداتكم منافية للدين ,أحنا البنت أول ما تبلغ تغطي ماتت ما ماتت تغطي
ميمو : مافي أحد يغطي هذه الأيام
عيون المها : طيب ليش ما تصيري أحسن منهم وتغطي .
ميمو : لا أنا متعودة أني ما أغطي
عيون المها : نصيحة ليا غطي مرام
ميمو : عمر , أشوفك مهتم بذا الموضوع أنت شارب شي ..؟؟؟؟؟؟
عيون المها : ههههههههههههههههههههههههه هههههه
عيون المها :لا بس خايف عليكي لأنو شكلكِ من كلامك حلوة وملفتة للأنظار
ميمو : أرسلك صورتي ......
عيون المها : بسسسسسسر عةةةةةةةةة
(( ورسلت مرام صورتها وهيا صغيرة بس مرام مرة حلوة وهي صغيرة ))
ميمو : كيف ....؟
عيون المها: بالله هذي صورتكِ
ميمو : ورب الي خلقني صورتي لمن كنت بيبي
عيون المها : قاعد أتخيل شكلك ,
ميمو : حلوة ولا لا
عيون المها : بليز أشوفك
ميمو : لا أحلم بيا
عيون المها : طيب أشوفك في *****مول عند ستار بكس

ميمو : بكرة
عيون المها : خلاص الساعة 5 العصر عشان يكون فاضي
ميمو : ولا يهمك
عيون المها : يا لله باي نعسان تصبحي على خير مرام
ميمو : وأنت من أهله باي أشوفك بكرة

(( إففففففففففف الحمد الله طفشت أول مرة أكلم واحد يقعد 5 ساعات على الماسنجر , بس أخاف أتعلق في وأنسى فارس أحسن شي بكرة أروح وأشوف عجبني الوضع كملت ماعجبني رحت أروح أنام أحسلي بلا هم ))

نعرفكم على عائلة عمر عشان تعرفوا باقي الرواية :
أبو عمر : رجل أعمال مرة مشهور
أم عمر : طيبة وحنونة وتحب عيالها
عمر : أكبر ولد وعمره 23 ومرة كيود وحلو مرة ملامحه غريبة مآقدر أوصفها بس مرة حلو وخطب وحدة وفسخ خطوبته منها عشان مهي عذراء .
يحيى : ثاني ولد وعمره 20 وجماله جمال طبيعي وعيونه لونها أخضر وأبيض ودلوع وحق بنات .
ردين : أخت عمر و عمرها 14 بس مسكينة صار لها حادث وهي معاقة في كل جسمها أدعو لها ربي يشفيها .

وبس هما عائلة صغيرة بس مرة سعيدة

في بيت عمر

أم عمر: تعال عمر شوي أبغاك في سالفة ؟؟
عمر : يا أمي بكرة مرة نعسان موت
أم عمر : ايش صار في المحكمة اليوم؟
عمر : ولا شي جات هيا وأخوها وطلقتها
أم عمر : والله أحسن انك ما ملكت عليها كان راحت الفلوس على الفاضي
عمر :بس أخوها يجيني ويقولي أرجعلها ومو عارفين أهلها أنها سوت كذا .
أم عمر: والله أنها مصيبة كمل
عمر : قلتلوا أتخيل أنك تاخذ وحدة وتتزوجها وفجأة تنصدم أنها مهي بكر ايش تسوي
أم عمر : وكمل
عمر : بس وراح كلم أخته في أذنها وضربها قدام الناس
أم عمر : أحسن سوالها ويا ولدي أنساها دحين وفكر في مستقبلك
عمر : أمي أنا مافي يوم حبيتها من أول ماخطبتيلي هيا ما كنت مرتاح معاها
أم عمر : روح نام وأنساها وأبداء صفحة جديدة
عمر : يا لله تصبحي على ألف خير
أم عمر : وأنت من أهله

اليوم الثاني مرام راحت عند عزوز
مرام : عزوز حبيب قلبي
عزوز : أطلبي بسرعة
مرام : ممكن توديني المول اليوم
عزوز : ليش ؟؟؟؟؟؟
مرام : أبغى أشتري كم لبس بس
عزوز : لازم اليوم
مرام : عزوزي
عزوز :خلاص متى تروحي ؟؟
مرام : الساعة 5 العصر
عزوز : كمان محددة موعد
مرام : الله يخليك
عزوز : بس مافي عزومة في ستار بكس
مرام : أفا عليك لازم نروحه
عزوز : مع أني مو حاس انك رايحة عشان ملابس بس يلا نوديكِ ونشوف
مرام :أنت تشك فيا .؟؟؟
عزوز : ماآدري عندي أحساس
مرام : شكراً مرة مني رايحة
عزوز : يا زعولة خلاص قومي صلي العصر وأجهزي
مرام : ايييييي طيب

وراحت مرام لبست عباية مخصرة وعلى الأطراف لون أزرق وحطت ميك آب مرة خفيف لون أزرق ورفعت شعرها ولبست الطرحة , والجزمة الله يكرمكم لون أزرق والـBag كمان , وراحت ركبت السيارة مع عزوز وراحوا .
أما عمر راح لبس بنطلون جينز وبوكستر أسود وتيشيرت أسود وجزمة الله يكرمكم أول ستار سودة وحط جل في شعره وصار جنان واللمسة الأخيرة بخة برفان .

وراحت مرام أول شي محل جمب ستار بكس ولمحت عمر وطبعاً عبد العزيز رجلوا على رجولها :
عزوز : مرام فين رايحة
مرام : ستار بكس
عزوز : مرام

مرام : نعم
عزوز : تعالي معايا
مرام : هيا بلا فضايح مو وقته
عزوز : أقعدي هنا رايح أكلم صاحبي وارجع ((هذي خطة عبد العزيز ))
مرام : طيب ((جلست مرام في الطاولة الي قدام طاولة عمر وفجأة يرفع عمر نظارته يلاقي مرام , وجا عمر عند طاولة مرام وقال :
عمر : لو سمحتي أنتِ مرام
مرام : عمر روح أخويا يراقبني بسرعة
عمر : طيب المهم أني شوفتكِ كلميني على الماسنجر أرسليلي ِ بلوتوث برقمك أوكي
مرام : أوكي (( وابتسمت ابتسامة تذوب الحجر ))
(( وجلس عمر في الطاولة حقتوا وحط ايدوا على خذوا ويطل في مرام ويقولها بهمس ))
عمر : وصلكِ البلوتوث
مرام : ايوا
عمر: (( ع نجد ملاك والله ملاك وقاعد يطل فيها وتطل فيه وتوزيع ابتسامات بين الطرفين ))
وفجأة ينط عبد العزيز ويمسك كتف مرام ويقولها
عزوز : مرام انتهيت توزيع ابتسامات
مرام : ها ... توزيع أي .... أنت غبي
عزوز : (( والثاني عينه طويلة وراح عند عمر ))
عزوز : ما تعرف تحترم الناس
عمر : نعم أعرفك
عزوز : لا بس تعرف الأخت ؟؟
عمر : أنا أول مرة أشوفها تقولي أعرفها أصلاً أنا بأطل في البنت الي وراها أوكي وشيل يدك عني . والله كل ما شاف أحد يبتسم معنا توا لأختوا هاها.
عزوز : مرام قومي أشتري وكملي ملابسك ِ
مرام : ماعجبني شي يا الله عزوز
عزوز : متى أفهمها الله واعلم



(( ورجعت مرام البيت وفتحت الماسنجر وتلاقي مسج من عمر وهو))


نبدأ : بالسلام عليكم والرحمة
مرام , أنا مو زعلان من أخوكِ ولا من أحد بس حطي في بالكِ أنو أنا أعجبت فيكِ بشكل ما تتصوريه, سبحان ربي يخلق بنات فيهم جمال وأخلاق ودين وكل شي ,و صراحة لمن شوفتكِ
أحسبكِ حتقوليلي أجلس لكن اتفاجأت لمن قولتيلي لا تجلس وزاد أعجابي فيكي .وحبي لكِ صحيح ما تعرفنا الا بس يوم بس أتمنى أني أكمل مشواري معاكِ وأنتِ صراحة مرة حلوة وأتخيلتكِ بهذا الجمال وخيالي صادق.....أكلمكِ بعدين لأني مو فاضي بس أ نا حبيتكِ من أول نظرة .,’آ~ْ}{{

ملاحظة : شكراً على أحلى ابتسامة من جد أنا أحبك
زيما يقول المثل : حب من أول نظرة
من عيون المها :
عمر




((مرام: ما تصورت يوم أني ا حب غير فارس ," عمر" يحبني من يوم وليلة ايش الثقة الزايدة ايمكن كنت بنت مني كويسة أو حقت أولاد كيف حبني يا ربي المصيبة دخل قلبي و حبيته بعد المسج هذا بس أخاف يكتشف أني كنت أحب فارس حتى لو دري عادي أنا مع الأيام راح أقوله وأتعلق فيه لا ومعجب في يا حبيبي أنا رايحة أنام بلا هم لساتني صغيرة بلا زواج بلا فارس بلا عمر))

راحت مرام تنام وفجأة يرن جوالها
مرام : إففففففففففف مين الي يتصل وقت ما أنام

مرام : ألو
فارس : هلا مرام
مرام : آهلين
فارس : مرام فيكِ شي
مرام : ممكن تطلع من حياتي لأنك نكبة حياتي
فارس : مرام أكيد تمزحي ....؟؟؟؟؟؟؟
مرام : لاء من جد
فارس : تصبحي على خير شكلكِ نايمة
مرام : أنا صاحية
فارس : طيب ليش تقوليلي هذا الكلام
مرام : أسكت ولا كلمة بسببك مآقدر أعمل شي
فارس : مرام طيب اسمعيني مرام
مرام : توت.توت.توت

فارس : أنا أروح لها اليوم ايش فيها كل ما كلمتها تعصب وتقولي كل منك إففففففففففف
ناقصها تعصب بس والله أحبها ماحد يفهم .

في بيت عمر :


عمر قاعد في غرفته ويفكر في مرام
((والله مرام من جد بنت ناس أنا مني عارف ليش ما شكيت فيها أو في أخلاقها أكيد هي غير البنات ,أنا أكلم أمي تخطبلي هيا قبل ما تطير البنت دخلت مزاجي وأنا أبغاها ))

وقام عمر راح عند أمه

عمر : أمي أبى أكلمكِ في موضوع
أم عمر : أتكلم حبيبي ..؟؟
عمر : أنا أبى أخطب .؟؟؟؟
أم عمر : ياهوووو وحاطت وحدة في بالك
عمر : صراحة ايوا
أم عمر : مين ؟؟
عمر : مرام بنت فلان الفلاني وعمرها 17 ويا أمي البنت جنان وأخلاقها مرة فوق ومحافضة على دينها و....؟؟؟؟
أم عمر : من فين تعرفها ماشاءالله كل شي تعرفه عنها يا واد أنت شفتها
عمر : اليوم شفتها
أم عمر : فين
عمر : في المول
أم عمر : وهذا مكان أحد يختار في شريكة حياته ,تلاقيه لفت على ألف واحد زيك
عمر: لا مرام غير مرة غير أنا كلمتها على الماسنجر وقالت لي كل شي عنها واليوم شفتها وشافتني وأنا ما أبغى البنت تطير مني .
أم عمر : يا ولدي الي عليا أنا سوتوا بس هذا أنت ومصمم , عندنا بنت جارتنا فاطمة عندها بنت يا حليلها ملاك و..
عمر : أمي هذا مرام أحلى من الملاك وصدقيني راح تعجبكِ لأنو أنا أخترتها وأنا حأفضل معاها وبس وهذا رقم تليفونها كلمي أمها وأحجز يلنا يوم و رايح أنام .
أم عمر : نفسي أشوف هذه المرام الي أخذت عقلك وحتى من كثر ما أخذته نسيتني, كيف بكرة لمن تجيب عيال ..
عمر : أمي اليوم الخميس أحجيزيها الخميس الجاي نجي نخطبها رسمي Ok mame I.am going to sleep Good nieht.
أم عمر : والله البنت عملتله غسيل عقل حتى لغتوا أتغيرت يا ولد عمر لا تكون البنت أمريكية
عمر: ماحب المزح مو وقته من الأصل بس أتصلي وأخطبيها لا تروح البنت مو ناقصني دوبي مطلق .
أم عمر : من عيوني دحين أتصل
عمر : من جد
أم عمر : ياعني ليش أديتني الرقم مو عشان أتصل وأحجز موعد
عمر : أأأأأأأأههههههههههههههههه هههههه (( وسلم على أمه وقعد جمبها ))

أم عمر : بسم الله الرحمن الرحيم

ودقت على بيت مرام
أم عمر : ألو , السلام عليكم
أم مرام : وعليكم السلام
أم عمر : أنتِ أم مرام
أم مرام : يا هلا أيوا مين معاي
أم عمر : والله معاكي أم عمر
أم مرام : يا هلا بأم عمر
أم عمر : والله يا أم مرام أحنا يشرفنا نطلب بنتكِ مرام على ولدي عمر
أم مرام : والله هاذي الساعة المباركة
أم عمر : ونبغى نجي انشاءالله يوم الخميس الجاي بعد صلاة المغرب و يجي عمر يشوفها .
أم مرام : والله أنا موافقة , بس نشوف رأي البنت
أم عمر : بس والله نحن مستعجلين الله يخليكِ
أم مرام : من عيوني
أم عمر : أشوفكِ الخميس
أم مرام : أنشاء الله
أم عمر : يا لله مع السلامة
أم مرام : مع السلامة