الفصل الثامن

لبست واتمكيجت وخلصت أشغالها.
مرام وهيا قاعدة تسك باب الشارع جاتها بنت الجيران ..
بنت الجيران : مين هاذا يا مرام
مرام : أه .....ها ......هاذا خالو فارس
بنت الجيران : متأكدة أحسبوا ولد من الشباب
مرام : مالكِ شغل خصوصيات
بنت الجيران : راح أعلم أمكِ
مرام : ههههههههه علميها تحسبتني زيها أستخبى جوا الدولاب ههههههههه
فارس : مرام يلا أتأخرنا
وراحوا على بيت جدة خيرية ومرام أول ما دخلت قعدت تبكي وتهزأ في أخوانها
عزوز: والله مرام آسفين مو قصدنا لا تبكي عورتيلي قلبي ((وجا جمبها وحضنها وسلم عليها))
مرام : خلاص بوس بيكفي والله قرفت .
منال : أحمدي ربك أخواننا زمان كانوا مايتجرؤ يوقفوا جمبنا يا الله على زمان كان قرف
عزوز: طيب تبغي أنا أعملكِ
منال : لا أستحي ماشاء الله انت ولد كبير مو صغير
عزوز : بليز .
أم مرام : عبد العزيز خلاص بطل قلة أدب
هديل : مرام أستعديتي للاختبارات .
مرام : يعني
هديل : السنة نبغى من الأوائل زي السنة الي فاتت انشاءالله
مرام : هأ..انشاءالله
أم مرام : مرام جبتي ملابس ؟؟؟؟
مرام : ليش ؟؟؟
أم مرام : عشان أحنا بايتين عند جدتكِ .
مرام : ايش ما جبت ولا قطعة
وتدخل جيهان
جيهان : عادي تفداكِ ملابسي
مرام : وهه متى جيتي ؟؟؟؟
جيهان : قبل شويا ..
وسلمت عليهم كلهم وجلست جمب مرام وقعدوا يتكلموا بصوت مرة واطي
جيهان : مرام
مرام : نعم
جيهان : دوبني راجعة من المستشفى وأخذت النتيجة
مرام شهقت بصوت واطي
جيهان : حمد الله انتوا الاثنين ما فيكم عيب
مرام : أههههههه (( وحضنتها بقوة وعلامات التعجب على الجميع ))
منال : خير انتوا الاثنين ليش البوس والأحضان وتتكلموا بالسر .
أم مرام : مرام ايش في .؟؟؟
جيهان : قبلوني أستاذة في الجامعة ((كذبة كبيرة ))
عزوز : خالة جيهان يعني مو نتيجة حاجة
جيهان : ولد استحي على دمك
عزوز : لا بس أبى أسألكِ, ليش رحتي مع مرام المستشفى تسوي تحليل
أم مرام : ايش تقول؟؟؟؟؟ مرام تروحي مين وراي ؟؟؟
جيهان : بس خلاص, أنا وديت مرام المستشفى عشان كانت دايخة وقالولها لازم تسوي تحليل بس وطلعة فقر دم بسيط بس مالو داعي الخوف .
أم مرام : مرام ليش ماقلتيلي .
مرام : ما حبيت أوتركِ
جيهان : معليش أم مرام تنزل تجيب مفاتيح السيارة حقت السواق من فارس
أم مرام : أنزلي
مرام : yes

الجزء الثامن :-

ونزلت مرام بعد ما ضبطت حالها ودقت الجرس فتحتلها الخادمة , دورت على فارس ما لقتوا
بعدين سمعت صوت أحد بيتكلم وصوت أغاني وراحت غرفة فارس ودقت الباب
فارس : مين
مرام : أنا مرام
وفتحلها الباب ومرام كانت مستحية بشكل ما تتوقعوه لو أنتوا مكانها , فارس كان لابس منشفة على وسطه والباقي ولا شي وحاط ماسك على وجهه وشعره سايح و واحد من أصحابه عامل زي فارس .
فارس : كيفكِ .؟؟
مرام راخية راسها : حمد الله
فارس : ليش راخية راسكِ
مرام : أه تقولكِ خالة جيهان أعطيها مفاتيح سيارة السواق
فارس : من عيوني , وارفعي عينكِ وبطلي حيا نحن أقرب ناس
مرام : ...............
فارس : اتفضلي
مرام تاخذ منه المفاتيح ويدها مرتبكة وفجأة يصرخ فارس في وجهها ومرام تشرد من الصرخة
فارس : ههههههههه
مرام : حيوان
علاء : خير , واو مرام موجودة
فارس : دوبني خوفتها قامت طارت
علاء +فارس:هههههههههههههههههههه ههههههههههه
مرام وهيا طالعة مهي قادرة تتطلع من الموقف المحرج
جيهان : تسلمي , ايش بسوي فارس
مرام : قاعد ..........على .......يسوي........علاء
عزوز: بنت أتكلم عدل ؟؟؟؟؟؟؟
فهد : يا حلوة البسة أكلت لسانكِ .
جيهان : أكيد قاعد مع صاحبه علاء صح
عزوز: بنت شفتي صاحبه
مرام قبل ما يكمل جملته راحت عند خالها رحاب
رحاب : مراااااااااااام حبيبتي والله مووت وحشتيني
مرام : انت أكثر .
رحاب : ايشبكِ ليش مادة البوز
مرام : والله حصلي موقف دوبني
رحاب : ايوا أنا أحب المواقف مووت
مرام : طيب ((وحكته الموقف ))
رحاب : حمد الله اني ولد وما أنكسف
مرام : احنا بنات الله واكبر بس نخاف من النملة
رحاب : مرام تعالي أجلسي جمبي
مرام : من عيوني
رحاب : أبى أتزوج
مرام : والله
رحاب : ما ني لاقي شريكة حياتي
مرام : أصبر الصبر مفتاح الفرج .
رحاب : معاكي حق, يا لله أروح أجيب العشاء
مرام : ربي معاك
رحاب : مرام
مرام :نعم
رحاب : أبتسمي
ابتسمتْ
رحاب : يا لله ابتسامتك تفتح النفس
مرام : روح جيب العشاء


جابلهم رحاب العشاء واتعشوا وطفحوا .
بعد العشاء الكل كان قاعد في الصالة :

جيهان : مرام ليش ما تطلعي فوق السطوح تلعبي و تهضمي
مرام : صغيرة أنا ألعب ..
أم مرام : روحي أطلعي .
مرام : ايوا , قولوا تبغوا تتكلموا وأطلعي يا مرام برى من غير طارد ومطرود
جيهان : بنتكِ ذكية .
مرام : طبعاً أنا ذكية شي مو غريب أكون ذكية أحم ..أحم
منال : مرام بسرعة أطلعي لا دحين يجيكِ كف على وجهكِ
فهد : ماما أنا كمان أطلع ولا أروح
أم مرام : روح وخذ معاك أخوانك كلهم بس ماهر خلي
فهد : طيب على فين نروح ؟؟
أم مرام : روح المول ؟؟؟؟
فهد : لا بالله ما ناقصني أشوف بنات مبقعين بعلبة ألوان .
عزوز: هي أنت حاسب على كلامك
فهد : طبعاً أنت تعشق النوع هاذا
معتز : والله روحوا الممشى وشوفوا البنات من جد .
أم مرام : ولد أنت وهو تتكلموا على البنات قدامي ,أنا أولادي يطلعوا يكلموا بنات
فهد : أنا ملتزم درجة أولى لا أشوف بنات ولا أعرفهم وبعد كم يوم راح أطول ذقني أخلي زي بياعين المساويك ((المطاوعة مو يبيعوا مسواك الأسنان ))
عزوز: شوف مين يتكلم طيب بطل لبس البوكستر بعدين أتفلسف يا مطوع
أم مرام : بس , بس خلاص برى أطلعوا يلا تتضاربوا قدامي عشان بنات برى ..
الكل : ههههههههههههههههههههههههه هههههه
مرام :ماما أنا طالعة فوق
أم مرام : اطلعي وانتبهي لا تنزلي متفقشة من العيال
مرام :ههههههههه لا راح أنتبه على نفسي
جيهان : مرام لحظة تعالي شوي قربي .
مرام : يا نعم ..
جيهان : قربي إذنكِ ؟؟؟؟
مرام : قربت .
جيهان : أتكلموا مو سكتم بكتم .
مرام : لا ,لا تخافي هو ما راح يسيبني أسكت .
جيهان : ههههههههه الله يسعدكم ((وضربتها على قفاها ))
مرام: أي
هديل : نفسي أعرف ايش الي بينكِ وبين مرة خالكِ
جيهان : أنا أصير حماة مرام
هديل : هههههههههههههههه
مرام : ماما أنا طالعة .

وطلعت مرام السطوح وأول ما طلعت كل الي كانوا موجودين صفقوا لها وسلموا عليها من ضمنهم فارس .
فارس : مرام تلعبي ؟؟؟؟
مرام : حتى أنت زيهم .
فارس : تعالي والله من زمان ما لعبنا , تتذكري واحنا صغار كنا نلعب الحرامي والبوليس .
مرام : ايوا . ولمن اتضاربنا لمن مسكتني .
فارس : تعالي والله خلينا نرجع أيام زمان
مرام : أيام زمان أيام جدي وجدتي والقبائل الجاهلية .
فارس : شايفة كيف مرام صرنا عجايز.

بعدين راحوا لعبوا ولا تخلوا الأيام من المواقف الحرجة .
مرام كان دورها دور الحرامي و مساعديها رهف وأولاد عمها الصغار
وفارس كان دوره البوليس ومعاه ماهر وياسر وكم ولد
المهم ندخل في الموقف .
فارس يبغى يوقف مرام عشان يستجوبها الا قلها وقفي ومسك مكان محضور وهنا مرام وقفت واتفاجئت ورهف قاعدة تضحك والأولاد قاعدين ينادوا على فارس لكن فارس مع مرام
فارس مو حاس بالمكان الي لامسه مرام فاتحة فمها والدموع في عيونها ورهف تأشر على فارس وبعدين حس أنو ماسك شي غلط و مسكت مرام يده ودفتها , وقال آسف , مرام راحت نزلت وجلست على الدرج ورهف وراها.
مرام : وسخ قليل أدب
رهف : مرام والله مو قصده
مرام : أنا غلطانة أطلع ((تبكي ))
رهف : خلاص مرام والله كفاية
مرام : اسكتي , ولا كلمة
رهف : مرام خلينا نكمل
مرام :في دهية أنتِ وفارس الحيوان

(( فارس سمع كل كلمة من الي قالته مرام وحس أنو زودها معاها مو أول مرة ولا أخر مرة يعملها , جلس فارس على حافة الجدار يعني أي أحد يدفه يطيح , وقاعد يفكر في كل موقف عمله مع مرام من حبها أول مرة إلى هذا اليوم وفكر أنو يسافر ويغيب عن الدنيا أسبوع ويرجع, نفسيته أتبهدلت مووت وتعب من حركاته الي كل يوم طالعة جديدة ونزل على بيته وقعد حابس نفسه في الغرفة وطلع دفتر خواطره وقاعد يكتب .

منذ متى ..؟؟..؟؟
أهي لعبة نلهو بها .....
أم قلب نلهو به ......
أم مشاعر نهزها ......
أو دموع ننزلها ...
منذ متى أصبحت وقحاً ..أهذه هيا الحياة ؟؟؟؟أن نلهو بقلوب الناس ..ونرميها أخيراً في الحاوية
منذ متى ..أصبحت أحس بأنين قلبي ..وتدفق دمي ..وانقطاع عروقي ..و رقة مشاعري ..

تغيرنا وتغير العالم من حولنا ..وتغيرت مشاعرنا أمام من نحبه ..نكتب ونحب ونقبل ..وفي النهاية ننسى ما مضى ..ونبدأ بيوم جديد ..بحب جديد ..بمشاعر جديدة ..أهكذا كنا ..
لماذا تغيرنا ..لماذا لا نرجع لأحلى الذكريات .. وأجمل اللحظات ..وأعذب المعاني تتدفق من القلب ..
سافرت ..وسافرت أحلامي ..وذهبت روحي ..وتوجت ملاكي ..مرام ..آسف ..
جميع الناس يخطئون فا سامحيني.. ربما تكون أخر مرة أكتب فيها وأعبر عن
مشاعري .......

حبيبكِ

راح فارس نام بعد يوم متعب , مرام أول ما نزلت قاعدة تبكي وجميع المحاولات مع أهلها
ولا تكلمت ولا نص كلمة ..
رحاب : مرام ..مرام ليش تبكي
مرام : فارس هاذا واحد كلب
رحاب : مرام ..مرام قومي معاي غرفتي
مرام : أه يا ربي مافي غيري يحصلي كدا
رحاب : خذي أشربي موية
مرام : مابى شي
رحاب : اشربي لا دحين والله أقول لأمكِ

وشربت مرام وحكته الموضوع من الأول

رحاب :خلاص مرام لاتعبيني وتتعبي روحكِ نامي وأنسي الموضوع بعدين بكرة أكلم فارس .
مرام : لا لا تكلموه ولا تفتحلوه الموضوع ما يصير تقله .
رحاب : مرام إذا دحين يعمل كذا بكرة ايش
مرام : ((وهو عمل أكثر من كذا ))
رحاب : هاي مرام .
مرام : ..........
رحاب : أنا غلطان أذكر إسم فارس , كل ما ننطق أسمه تسرح .
مرام :.......................
رحاب : مرااااااااااااااااااااااا اااام
مرام : نعم
رحاب : أخيراً سمعتي
مرام : آسفة .
رحاب : عذركِ معاكِ

وراحت نامت ورحاب راح شغله والبيت كله كان نايم , وبعدين صحيت مرام وقعدت
في البلكونة وتتفرج على حديقة جدتها وتجي أفكار وترجع مشاعر وتطلع دمعة وتفكير لأخر درجة وسرحان مالو حدود ... فجأة مرام شافت فارس خارج من البيت و صفرت بقوة عشان تديي أهتمامه ..
فارس طالع في مرام وابتسم وراح , حست مرام أنو زعلان منها أو من نفسه لأنو هو غلطان
ودوبها جات تدخل جو وتلاقي وراها ولد خالتها أحمد ..
مرام : بسم الله ..أبعد
احمد : كيفكِ مرام
مرام : حمد الله , أبعد
احمد : لا
مرام : ليش أقولك أبعد
أحمد : مرام بس تجاوبيني على سؤالي أخليكِ تروحي
مرام : أخلص
أحمد : ليش تكرهيني ؟
مرام : لأنك واحد يرفع الضغط بس عرفت هيا أبعد
أحمد : وفارس حبيب القلب ما
مرام : خصوصياتي ما تتدخل فيها أوكي تافه مووت ..
أحمد : مرام والله يوم راح أخليكِ تجري وراي وتحبيني زيما تموتي في فارس .
مرام : ههههههههه تحلم حبيبي .

أحمد : نشوف وأتحداكِ .
ويجي عبد العزيز ...
عزوز: ايش في ليش قاعدين في البلكونة .
مرام : أنا لي ساعة أقول لأحمد أبعد مو راضي يبعد ..
عزوز: ليش ما تبعد يا أحمد.؟؟؟؟
أحمد : أختكِ كذابة ..
عزوز: مرام ما تعرف تكذب ..تعالي مرام جمبي ((ومسكها من يدها ))
أحمد : بس تكذبي يا مرام ..؟؟
عزوز يهمس في أذن مرام : سوالكِ شي ؟
مرام : لا
عزوز: متأكدة ..
مرام : لو سوالي شي كان سمعت الحي كله
أحمد : لو سمحتوا لا تتكلموا في أسراركم قدامي لأني بأرتعش ..
مرام : ياي ههههههههه
عزوز: مرام ,تعالي أبغاكِ تحت
مرام : أوكي
ونزلوا تحت في الحوش :..
عزوز: مرام أنا أخوكِ وأحبكِ وأموت في هواكِ مو صح ..
مرام : صح .
عزوز: ممكن تقوليلي ليش أمس نزلتي تبكي .؟؟
مرام : يووووه بس تعيد وتزيد في الموضوع إففففففففففف
عزوز: مرام أنا عارف أنو فارس سوى مصيبة بس أبغى أسمعها منكِ ..
مرام : فارس مالو دخل في الموضوع
عزوز: أجل ليش نزل وراكِ ومتغير شكله
مرام : ماآدري
عزوز: أهو جاى دحين أسائله .
مرام : لا بليز , مو وقته

عزوز: هاي فارس , قرب خدك
فارس : كيفكم ايش أخر أخباركم (( ويطالع في مرام ,مرام منزلة راسها))
عزوز: أخر أخبارنا ايش صار فيك أنت ومرام
فارس : ما صار شي ..
عزوز: ترى مرام قالت لي .
مرام : كذاب ولا فتحت فمي
عزوز: فارس أسألك سؤال ؟؟
فارس : أسأل .؟؟؟
عزوز : أنت اعتد يت يوم على مرام .
فارس : نعم , انت ايش تقول هو الي باقي أعتدي على بنات الناس ((ويطالع في مرام بنضرة حقد ))
عزوز: لا تطل في مرام كذا مرام ما تقولي ولا شي بس أنا أعرف من حركاتكم يبان أن كان حصل شي وأكبر دليل أمس .
فارس : أنا عمري ما أعتديت على وحدة من أي بنت في الكون , ومرام مجرد بنت عمتي لا أكثر ولا أقل ..
((مرام أنصدمت من الكلمة الي قالها فارس))
عزوز: يعني ما في يوم راح تطلب يدها من عمتك .
فارس : ..............((والله لو تدري الي في قلبي يا عبد العزيز تفهمها وهيا طايرة ))
عزوز: ليش ما تجاوب ؟؟؟؟؟؟
فارس : يوم من الأيام راح أتقدم لها إذا وافق أبوها (( ويبتسم لمرام ))
عزوز : مرام ما تتكلمي ولا أكلت البسة لسانكِ
فارس +عزوز:هههههههههههههههههههه ههههههههههه
مرام : ههههههههه حلوة النكتة دمكم مرة خفيف ((وتشمق))
عزوز : مرام أموتكِ لا تشمقي تقهريني .
مرام : زيما تقهرني
فارس : أنا رايح عن أذنكم
عزوز : شايفة طفش منكِ ومن تشميقكِ
فارس : أنا ما أطفش من مرام
مرام : شايف ههههههههه
طلع عبد العزيز عند بيت جدة خيرية ومرام واقفة مكانها وفارس جالس على المرجيحة
ويطالع مرام ...
فارس : مرام تعالي أجلسي جمبي
مرام : ............((راحت جلست بس شويا بعيد عنه ))
فارس : أسف على الي صار أمس والله كان مو قصدي
مرام : أنا عارفة أنو مو قصدك
فارس : سامحيني ..
مرام : أنت من غير ما تقولها يبان من عيونك .
فارس : هو في أحلى من الحب يطلع كلام حلو (( وقرب جمبها ولصق ))
مرام : ليش لاصق أبعد شوي دحين أجي واحد من الشلة ويضربني مووت
فارس : يضربوني أنا ولا أشوفكِ تتعذبي .
مرام : ((مجرد ابتسامة ))
فارس : مرام ما قلتيلي راح تسافري لندن معانا
مرام : لا
فارس : ليش أنا أكلم أبوكِ والله مرام ايش هاذا

مرام : ههههههههه أكلت المقلب لا راح أروح
فارس : كذااااابة
مرام : والله
فارس : يا واد مرام راح تسافر معانا يس واو (( وقام يرقص وقوم مرام ))
مرام : لو أدري كان من زمان قلتلكِ
(( فارس المجنون قام وحضن مرام بقوة وسلم عليها وقاعد يرقص ))

وجا الغبي أحمد وشاف الموقف , ووقف قلب مرام
أحمد : طيب , يا قليلين الأدب وقدامي
فارس : يعني ايش راح تسوي . تفتن أفتن أنا خطيب مرام وهيا حلالي حتى لو قلت لأهلها ما راح يسو شي لأنها حلالي مو صح يا مرام
مرام : صح ,وكمان أنت مالك شغل لقافة في عين أمك
قرب أحمد يبغى يضرب مرام
أحمد : ما تغلطي على أمي فاهمة

فارس : ما تمد يدك على مرام فاهم
أحمد : مرام والله لا خليكِ تبكي دم مش دموع , راح أخذ أغلى شي في حياتكِ والله راح تندمي أنكِ ما حبيتيني .
فارس : يلا برى الفيلا فلتي والبيت بيتي برى أنتوا جاين تناموا ولو شفتك تعتب الباب يا ويلك يا سواد ليلك برى .
مرام : خلاص فارس ما يصير تطرده
أحمد: والله لو أتزوجتوا ما راح أخليكم يوم تنبسطوا
فارس : يلا برى أقولك برى

مرام جلست على المرجيحة وعليها علامات الخوف والتعب جلس فارس جمبها وضمها .
فارس : خلاص مرام واحد كلب زيوا ما يقدر يعمل شي
مرام : بس هو قال راح أخذ أغلى شي في حياتكِ ايش قصده والله ماني عارفة ايش يبغى مني
فارس : تبكي عشان واحد زفت زيوا , مرام أنا جمبكِ وفي حياتكِ وراح أحميكِ من كل مخلوق مدام يجمعنا الحب راح تنسي كل شي , خلاص مرام شوفي مين جمبك فوفو
مرام : ................
فارس : نرجع لموضوعنا لندن والله بابا لو دري راح يفرح مووت , ترى بابا دايماً يتكلم عنكِ ويقولي ياريتك لو تاخذ مرام .
مرام : كذاب في عيونك
فارس : والله بابا يموت فيكِ
مرام : بس لمن يشوفني ما يديني أهتمام.
فارس : انتِ تعرفي بابا لو خشم طويل معليش بس قلبه طيب
مرام : أنت متى عيد ميلادك ؟؟
فارس : مالكِ شغل
مرام : ليش ما تقول ؟؟؟؟؟
فارس : عشان ما أبغاكِ تجيبي لي هدية وأنتِ أغلى هدية .
مرام : معليش بس عشان أبى أكتبه في المذكرة بليز
فارس : بس ما تجيبي هدية
مرام : من عيوني
((وأعطاها تاريخ يوم ولادته وكان في ذو الحجة ))
وراح فارس على بيته ومرام طلعت عند خالتها منال ..

مرام : خالة منال ...خالة منال...خالة مناااااااااااااااااااااال
منال : خير ..خير صجيتيني نعم خير ايش تبغي ؟؟؟؟؟؟؟
مرام : خلاص ولا شي شكلكِ متصدية .
منال : اتكلمي بلا فلسفة .
مرام : أخذت موعد عيد ميلاد فارس .
منال : وأنا ايش دخلني ؟؟
مرام : أبغاكِ تساعديني ؟؟
منال : كيف ؟؟
مرام : تقولي لأهلنا على عيد ميلاده ولا أحد يقولوه ونسويها في البر
منال : بدو أحنا نسويها في البر
مرام : والله حلو نشوي ونجيب مسجل ونرقص والجو راح يكون بارد وفلة بليز خالتو
منال : عشان هذه أول مرة تطلبي مني راح أوافق بس يوافقوا الشلة أول
مرام : مرة شكراً خالتو .
منال : بس مو نعمل الميلاد في عند الصحراء
مرام : لا نبغى نسوي قدام الممشى
منال : مجنونة انتِ يتملوا الشباب والبنات نبغى مكان هادئ رومنسي ويحبه فارس ؟؟
مرام : بعد المحمدية في ناس هناك يشوا وكمان نضيف المكان ..
منال : خلاص نكلم المجموعة ونعمل المفاجأة بس نقولوا رايحين الصواري لأنها قريبة وكذبة بيضة خفيفة .
مرام : أتفقنا ...؟؟؟؟’,آ{}
منال : أتفقنا ((وضربوا كف))

خالة منال راحت تقول لأخوانها وأخواتها وأهل فارس
مرام راحت كلمت المطعم عشان يعملوا كيك فيلوه اسم وصورة فارس , وكلمت مطعم أبو شقرة عشان يجيبوا المشاوي , و راحت مع خالتها محل الأغاني وحطت في الشريط الأغاني كلها الي فارس يحبها وكمان عشان يشغلوها في الحفلة , وافق الجميع وبعد يوم الحفلة الكبيرة .