الفصل السادس

أم عمر : صادق ولدي لمن قال ملاك
مرام : كيف عمر
أم عمر : الله يشفيه من ذاك اليوم وهو منوم هنا
(( راحت مرام عند أم عمر وحضنتها ))
مرام : والله أسفة سامحيني
أم عمر : يا بنتي أسامحكِ على ايش كده الحياة وأنتِ أخترتي طريقكِ وهو ما أختار طريقه الا لمن شافكِ .
مرام : بس أنا سبب مكانه
أم عمر : لا يا بنتي ربي كاتب له كدا يا بنتي من جابك المستشفى ؟؟؟؟؟؟؟؟
مرام : السواق
أم عمر : روحي بيتك ِ يا مرام الوقت مرة متأخر وأنا حصحي وأقوله أن مرام جاتكِ
مرام : شكرا ومرة سامحونا
أم عمر : ربي معاكِ
مرام : مع السلامة
(( وطلت في عمر المسكين الي راح في غيبوبة و مسكت يده وسلمت على أمه وراحت البيت ,حست أنها يعني مو مرة مرتاحة بس أدت الواجب على الأقل و صلت الفجر ودعت لعمر ونامت ))



مر شهر على كل الي صار ومرام أخذت من المدرسة إجازة بحجة أنها مريضة لكن مرض مرام أكيد مالو علاج وفاتتها الدروس والواجبات , واتصلت صاحبة مرام

مرام : الو ؟؟؟؟؟؟؟؟؟
لمياء : ألو , مرام كيفكِ سلامات والله وحشتينا
مرام : الله يسلمكِ
لمياء : مرام ليش أخذت إجازة ؟؟
مرام : تعبانة .
لمياء : مرام أنا صاحبتكِ قوليلي .الغياب دا كله وتعبانة
مرام : ايوا بعدين ..
لمياء : ترى معاملتكِ معايا مرة تغيرت بس أنا عارفة أنو الكلام ما ينفع بالتلفون
مرام : معليش أسفة لأني دوبني قايمة من النوم وأنا أخربط في الكلام قلتلكِ
لمياء : عذركِ معاكِ بس لوما جيتي بكرة يا ويليك يا سواد ليليكِ
مرام : لا ههههههههه انشاءالله
لمياء : ترى الوكيلة أخذت اسمك وقالت انو انتِ مستواكِ نزل فجأة ولازم يعملوا معاكِ اجتماع لمعرفة نزول مستواكِ .
مرام : ايش الفلسفة حقتهم مالهم دخل أغيب ينزل مستواي أعيد سنة مالهم شغل .,.’
لمياء : طيب أنا مالي تعصبي عليا .
مرام : لمياء أشوفكِ بكرة باي
لمياء : أمزح بس يلا باي

((وقعدت مرام تفكر في صاحباتها لها مدة ما كلمتهم وبس قاعدة على السرير يا تمسك دفتر وتكتب خواطر يا تنام يا تقعد على التلفزيون يا تخرج تاخذ هواء في الحديقة وهذا حياة أغلب البنات الي في حالة مرام ))

عزوز: ميمو ليش قاعدة في الحديقة لوحدكِ ؟؟؟؟؟؟
مرام : .................
عزوز: حتى أنا ما تكلميني , مرام خلاااص عمر قام من غيبوبته خلاص هو نسيكِ أنتِ كمان أنسي , كمان تعالي ليش زعلانة إنكِ تركتيه تعرفي من قبل .
مرام : عبد العزيز , عمر الي أضاربت معا في المول .
عزوز : وأنا كنت أقول روحتكِ للمول مش طبيعية , بس أنا ما راح أضربكِ ولا أخاصمكِ لأنكِ
ما كلمتي عمر ولا كنت تتقابلوا , بس أدري على روحة المستشفى وهذا الي عصبني .
مرام : أنا واقفة قدامك أضربني طيب كفخني الي تبغا أعملوا موتني كمان أكون أفتكيت من حياتي الي كلها عذاب في عذاب .
عزوز : مرام , أنا ما راح أضربكِ قلتلكِ بس كل شي ولو عقاب
مرام : عبد العزيز , فكني وموتني مرة وحدة إففففففففففف
عزوز : بكرة رايحة المدرسة ورجلكِ فوق خشمكِ فاهمة .
مرام : أنا أخذت اجازة من المدرسة .
عزوز : أخذت أسبوع اجازة وربع أسبوع غياب بكرة رايحة
مرام : .................؟طيب .........
عزوز : روحي غسلي وجهكِ وارتاحي واتعشي ونامي لأني أنا بكرة راح أوديكِ
مرام : أسمع هذا صوت بابا يصرخ
عزوز: بسرعة تعالي نشوف
ودخلوا مرام و عزوز لقوا أبو مرام يضرب معتز ضرب

أبو مرام : انت ولد مشاكل ما تصلح تكون ولد أنت ملعون يا حيوان
معتز : مالك شغل حياتي ما أبغى أحد يدخل فيها بالذات أنت
عزوز: خير يا بابا ايش سوى معتز
أبو مرام : الحيوان شفتوا بعيني جالس يشرب سجاير وفي حضنه بنت الحقير
عزوز : خلاص بابا أرتاح مو كويس على صحتك
أبو مرام : هاذي أخر تربيتي وثقتي فيكِ تروح تشرب سجاير ومع بنات ,أنت ما تخاف ربك
ما تعرف أنو بكرة لك عذاب ما تعرف كم مرة شفتك وسكت وقلت بيعقل لكن ما في فائدة
عقلك ناشف , بس الحل الوحيد أنك تطلع برى بيتي .
مرام : بابا حرام عليكِ سامحوا
عزوز: خلاص أبوي قول أعوذ بالله من الشيطان الرجيم
أبو مرام : الشيطان قدامي كيف ما أطرده , يلا برى ,برى
معتز : طيب خلاص أنسى أنوا كان لك ولد أسموا معتز
أبو مرام : هات الكي حق السيارة هات
((يشرد معتز من البيت , ومفتاح سيارته معاه الله أعلم فين راح , أم مرام طول الوقت وهيا تعاتب أبو مرام ويضاربوا وكان يوم مرة كئيب للعيلة ))

اليوم الثاني :
مرام : ما رجع معتز ؟؟؟؟؟؟؟؟؟؟؟؟؟؟؟؟؟؟؟؟؟
فهد : للأسف لا
مرام : يا ربي أخوي فين راح طيب قوم دور عليه
فهد : مصيره يرجع نتعب نفسنا ليش ,.
مرام : قلبك حجر زي أبوك
فهد : مو كمان أبوك
مرام : حمد الله ما طلعت زيوا
أم مرام : ها ما رجع معتز ؟؟؟؟؟؟؟؟
مرام : لا
أم مرام : طيب اتصلوا على أقرب ناس لو
مرام : أنا أتصل بأولاد العيلة يمكن راح عندهم
فهد : أروح المدرسة حقتوا أسأل جا ولا لا
أم مرام : لا تسأل والله يفتحوا تحقيق مع أخوك
فهد : خلاص أتصل بأصحابه

((مرام راحت دقت على ولد خالتها حنان أحمد))

مرام : ألو!!!!!!!!!!
أحمد : أهلين أخيراً سمعنا صوتكِ وحشتينا .
مرام : بعدين الكلام دا ,المهم ما شفت معتز ؟؟؟؟؟؟؟؟؟
أحمد : قاعد جمبي ..؟؟؟؟؟
مرام : الله يطمنكِ بالخير سمعني صوتوا ..,
أحمد: أهوا سمعتي
مرام : طيب معتز متى ترجع البيت والله ماله طعم من دونكِ
معتز : مرام أنا أبى أقعد كم يوم وأرجع أوكي
مرام : بليز معتز تعال والله البيت كله مقلوب مين شانك
معتز : خلاص مرام مو كل ما كلمتك تبكي قوي قلبكِ شوي
مرام : خلاص ما راح أبكي بس تعال الله يخليك ليا تعال
معتز : طيب , خلاص العشاء أكون عندكم بس ولا أحد يدري وحاولي تفضي البيت ما أبى أحد يدري أني جيت مو تقوليلهم كلمتوا خلاص قولي ماآدري أوكي مرام .
مرام : أوكي
معتز : يلا باي
مرام : قلبي معاك باي

(( مرام حست براحة نفسية , لكن معتز كان حاس أنو ماحد في البيت يسأل عنه فين رايح فين جاي وإذا كان أحد يهتم في معتز كان ما صار الي صار لكن مصيرك يا معتز ترجع البيت, أبو مرام كان مووت زعلان أنو ضرب أبنه بس كمان الي سواه غلط وأنو مو كل مرة تسلم الجرة ))

بعد صلاة العشاء:
الكل تعب من محولات الأتصال واللف والدوران على معتز, الا مرام مرتاحة والكل راح على غرفته يرتاح ومرام قاعدة في الحوش تستنى معتز , وفجأة صار العشاء ليل ومرام قاعدة برى
نفس مكانها وتعبت من الجلسة فقالت تدور على معتز أحسن يمكن يكون في الحوش الوراني
, راحت مرام الحوش وشمت ريحة سجاير موت قوية وقفت.حست أنو في أحد قربت شوية
ولقت معتز المسكين قاعد على الدرج ويشرب سجاير ويبكي بكاء يعور الحجر , مرام أنصدمت من شكل أخوها يقطع القلب .
وراحت عنده مسكته من كتفه عشان تقومه بس هو زايد يبكي ومرام المسكينة تبكي وتقول :
مرام: أنت فيك العذاب هذا كله وأحنا ما ندري , يا أخوي يا حبيبي ليش ما تجي تفضفض ليش .؟؟؟؟؟؟
معتز : هو كل واحد لاهي في نفسه , مرام والله تعبان حاس اني بموت خلاص
مرام : أنا عارفة أنك تعبان ولا تقول تموت أنا معاك وربي معاك قوم لا تعور لي قلبي
معتز : مرام أنت مو تعبانة نفسيتكِ من الي يعمله بابا فيكِ ,.؟؟
مرام : بابا ما عملي شي ؟؟؟؟
معتز : ما يبغاكِ لفارس , و انتِ وفارس مساكين قوليلي تحبوا بعض وتبغو تتزوجوا ليش مو موافق بس يبغى يدمر الناس , يحسب القوة بالضرب لا, شوفي حالتي يا مرام والله أقعد بالأيام أفكر في مستقبلكِ أنتِ وفارس والله أني أبغاكم لبعض بس الشيطان ما يرضى على إثنين متوافقين ليش يعمل كده كم مرة طرد فارس والله فارس مستحمل عشانكِ , وانتِ ما صدقتي ,قام عمر عشان ترجعي مرام الي نعرفها , وكم مرة جا فارس في الأسبوع هذا بس بابا كان يقولوا تعبانة والله يا مرام أنا أبغى مصلحتكِ أكثر من مصلحتي وانتِ أختنا الوحيدة لازم نحطكِ في عيوننا اذا ما شالتك عيوننا تشيلكِ قلوبنا (( والدموع في خدوده والسيجارة في يده وشكله كله هلاك والله حالته تقطع القلب والله ))
مرام : هذا كله يطلع من بابا
معتز: ((يتكلم بنبرة بكاء)) مرام بالله قيد سألك بابا ليش تعبانة قيد سألكِ كيف شهادتكِ قيد وقيد يا مرام ...................أه من هذي الحياة وأه , مرام سأل عن عزوز مرة بعدها ولا مرة ولا سأل عن ماهر الي الين دحين ما رجع , مرام ما راح أتفقدكِ في غرفتكِ ولا لاء والله يا مرام أنو عبد العزيز كل هذي الأشياء يسويها معانا بس صح شي حلو من أخونا الوسط بس كمان من أبونا أحسن نحس بالأمان , طيب ليش ما راح دور عليا قاعد في البيت ولا سأل عني بس قاعد مرام أنا قرفت حياتي , عارفة ليش أشرب سجاير ؟؟؟؟؟؟؟؟

مرام : ليش يا معتز والله مهي كويسة شيلها من إيدك .
معتز : هاذي السيجارة أنا وهي أعز أصحاب كل أسراري تعرفها وتنسيني الوجع والألم والله تخلي الواحد مرة فوق وينسى الي حوليه , تبي تسألي عن هاذي البنت الي جلسة في حضني أيوا هاذي حبيبتي وعمري وكل شي يا مرام لمن أكون زعلان أروح لها تفرحني وهي كمان زي حالتي في أبوها في أهلها كل شي , أنا أعرفها من 3 سنين على فكرة .
مرام : والله حرام الي تسوي في عمرك معتز بالله عليكِ روح غسل وجهك الله يخليك
معتز : مرام أقولك شكسبير ايش قال لنا نحنا المراهقين
مرام : أتكلم لا تعورلي قلبي من حالتك .؟؟؟؟؟؟
معتز: (( الحب أعمى ..والمحبون لا يرون الحماقة التي يمارسونها)) مو صح يا مرام أحنا لو نجيب مرايا نشوف نفسنا مع الي نحب والله شكلنا مرة تحفة ههههههههههه
مرام : قوم قوم يا معتز قوم سوي شاور و صلي ونام
معتز : أصلي أنا أعرف أتوضأ عشان أصلي ههههههههههه
مرام : طيب قوم أنا أعلمك
معتز : فكيني خلينا أقعد مع هذه السيجارة الحلوة بليز مرام خلاص روحي نامي علميني بكرة
مرام : الله يهديكِ

وراحت مرام على غرفتها و طلعت دفترها وكتبت

قلبي يئن ..
يلوب في ألم ..
يسائل في شرود ..
لم لا يعود ..
فلا يجيب سوى صدى ......
لما لا يعود .؟؟؟؟؟
أين مني السلوى والصبر.. وأنت تنتظرني في سماك البعيدة ....؟؟
أتدري....عن كل ذاك الحنين الذي يسكنني .. عن ألمي الذي طويته ولملمته
وختمت عليه طابع الحرقة واللهفة .. وفي القلب خبأته ..
أتعلم .. عن شراييني .. تلك التي تملأها دماء يخالجها اسمك .. ورسمك ..وحبك ..
لقد أوهنني النزف ..وجراحي تأبى إلا النواح ..لتشهق عيني لرؤيتك .. وتغرغر الحروف بحلقي حين ينطقون اسمك ..

فارس ..
من أعطاك هذا الاسم ..لأجده ملائماً لحالتي معكِ دوماً ...؟ أتعبتني يا فارس ....بغرورك الذي أعشقه .. بكبريائك الممزوج بعطف لا ينتهي ..بعينيك السوداويين حين تنظر لي باسماً وتقول :
أحبكِ .........أ.هـ

المشاعر تعبر والسطور تشهق والحروف تأن , ومرام راحت
نامت ونروح لفارس الرومنسي :




سبحان ربي كل واحد منهم يعرف متى يفكر في الثاني
فارس قاعد في غرفته ومشغل أغنية One in a Million- Bosson
وقاعد يكتب في دفتره

مرت كالطيف ..
كالسحابة المشبعة بريح المطر .. والطهر .. والصفاء ..
ذكرى ..
كأحلى ما تكون الذكريات كانت ..
كتبتها في أوراقي .. وزينت باسمها أشعاري ونفثاتي .. خالج حبها روحي ..
حتى استقرت في شغاف القلب ..
فما ارتضيت - وربي- لها بديلاً..ولا رف الفؤاد لسواها ..كانت ..ولا زالت .. هي غايتي ومناي ..
إنها دعوتي التي أدعوا بها ربي في خلواتي ..
ربي اجعلها من حضي ونصيبي..رب اجعل رباط الطهر والقداسة يجمع بين
قلبي وقلبها ..
إنها قطرة مطر ..عذوبة .. و رقّة .. وطهراً ..
بل أجمل من كذلك وأصفى من المطر ,
ليتها قالتها ..نعم ليتها قالتها ..
أحبك قالتها ..لقد جعلت من قلبي..
محلاً أبيع حبي وأشعاري وكل ما أمتلك.. ملك لها ......
مرام ,أسمها مرام لم أتخيل يوماً أن
أحبها أو أعشق هواها ولكن الآن هي لي نعم لي
قريباً سأتزوجها وأصبح بجانبها
وسأموت على حبها .... ومنجد هيا واحد من مليون
أحبك ....


((راح فارس نام, ونامت معاه الأحلام ودعى ربه أن يجمعه
بمرام ويحلم بأحلى الأحلام عن مرام ))

اليوم الثاني :-

فارس قام من النوم وراح سوى شاور وراح عند أمه وكلمها :

فارس : ماما أبى أكلمكِ في موضوع مرة مهم ؟؟
جيهان : خير يا ولدي .؟؟؟؟؟
فارس : عيد الحج قرب صح
جيهان : صح
فارس : والإجازة كمان قربت
جيهان : أدخل في الموضوع بسرعة ......
فارس : خالاتي و الجدة مو نفسهم يشوفوا مرام
جيهان : ايوا
فارس : خلاص بعد أسبوع راح يجوا عشان العيد وكمان مرة وحدة يشوفوا مرام .؟
جيهان : عليك أفكار ..؟؟
فارس : ما كملت , بعدين نقول لمرام بس من غير ما يدروا أنها تنزل عندنا
جيهان : ما فهمت؟؟؟؟؟؟؟؟؟؟؟
فارس : يعني تقولي لأهلها يجوا بس يطلعوا عند جدة خيرية , ومرام تنزل عندنا في الفيلا
جيهان : طيب لو شافوها ايش تبغى تعمل
فارس : ماما يا حبيبتي أفهميها وهي طايرة
جيهان: ههههههههه طب قول تبغاهم يأخذوا رأيك فيها
فارس : ماما يوم الخميس أحسن وقت صح
جيهان : كويس أنا كمان أتصل عليهم أقولهم يجوا
فارس : ماما أنا يوم الخميس راح أعلن أنها ليا أوكي
جيهان :هههههههههههههههههههههههه� �هههه شوف كيف خدودك حمرت
فارس : أووووه خلاص رايح أكلم مرام
جيهان : روح كلمها والله بكرة تشبع فيها وهي قدامك بس كلام نعرفكم
فارس : أنا ما أشبع من مرام حتى وأنا ميت

((راح فارس جهز هدية لمرام من صنع يده وكانت مرة حلوة وهي لوحة كان شكلها مرة حلوة مكتوب فيها" Hungry for your love m.f "ورسالة تعبيرية مرة كلامها جنان))

ندخل بسرعة في يوم الخميس وأحداثه ومواقفه :-

مرام جهزت ملابسها في شنطتها من غير أمها ما تدري وراحوا لجدة خيرية:
مرام على طول راحت لخالتها هديل عشان هي الي تحفظ أسرارها وراحت مكيجت
مرام وخلتها برينسس في ذاك اليوم .
كانت مرام لابسة تنورة بني فوق الركبة حرير وفيها حزام حرير لونه بيج وبلوزة علاقي لونها بيج وحرير, بس مرام ما كانت تعرف أنو البلوزة فتحت الصدر مرة كبيرة والظهر مرة للأخير مفتوح ,ولبست صندل برباط حرير لونه بني وحطت ميك آب بني وشعرها مسشوراة وفاردا
وشكلها منجد كان روعة ونيو لوك مرة حلو ,ونزلت البرينسس مرام وشوفوا مين الي استقبلها
أكيد فارس الأمير الثاني الوسيم ...
مرام : فارس بسرعة دخلني لا أحد يشوفني من أخواني
فارس : (( فاتح فمه للأخير ))