الفصل الثالث عشر

ومن غرفة عبد العزيز على غرفة فهد

أبو مرام : ايش عليك اليوم ؟
فهد : ولا شي فاضي اليوم .
أبو مرام : أقول لك ايش عليك اليوم تقول فاضي .
فهد : فيزياء ورياضيات ؟
أبو مرام : طيب ليش ما تذاكر ؟
فهد : لأني عارف لو فتحت الكتاب راح أفتح فمي شبرين .

أبو مرام : قوم خذ جوالي واتصل على الأستاذ يجي يدرسك , هو الباقي تعيد السنة , أنا ما أبغى أحد من عيالي ينزل راسي تحت فاهم .
فهد : طيب خلاص رايح اتصل .

ومن غرفة فهد على غرفة معتز

أبو مرام : معتز انت نايم .
معتز : خلوني أنام والله تعبان مووت .
أبو مرام : طيب على راحتك .

ومن غرفة معتز على غرفة ماهر .
أبو مرام : ولد ما عندك اختبارات ؟
ماهر : خلاص خلصت ليا أسبوع من المدرسة .
أبو مرام : ايوا صح انت خامس ابتدائي , طيب ايش تبغى هدية نجاح ؟
ماهر : أبغى لاب توب .
أبو مرام : هو الي باقي مفعوص يقول يبغى لاب توب .
ماهر : طيب أبى ipod
أبو مرام : ايش هذا ؟
ماهر : يا بابا هذا جهاز تحمل فيه أغاني وصور وألعاب يعني استديو لوحدوا .
أبو مرام : يا عيني طيب كم سعره هذا ؟
ماهر : في على 800 ريال في على 1000 ريال وفي على 2000 ريال .
أبو مرام : طيب هو جهاز صغير ليش قد كده أسعاره .
ماهر : كل واحد ومميزاته .
أبو مرام : وانت ايش تبغى ؟
ماهر : أبى أبو 2000 ريال .
أبو مرام : لاء ... تأخذ أبو 800 ريال لمن تصير في المتوسطة أخذ لك أبو 2000 ريال .
ماهر : طيب , وأبغى أشرطة بلايستيشن جديدة ؟
أبو مرام : طيب انت خلص الي في يدك عشان أجيب لك .
ماهر : بابا ابى بس 14 شريط .
أبو مرام : ليش يا ولدي خذ واحد وإذا ما عجبك خذ شي تاني .
ماهر : مو أنا مسجل أسماء الأشرطة عشان كده .
أبو مرام : طيب لمن ينجحوا أخوانك أديك 1000 ريال تشتري الجهاز حقك والأشرطة حقتك أوكي .
ماهر : أوكي شكراً بابا .


انتهت الاختبارات وكل واحد أخذ الشهادة " في ناس مبسوطين وفي ناس تبكي وفي ناس الله أعلم عن حالتهم "

فهد نجح في اختباراته وجاب تقدير ممتاز , عبد العزيز كمان نجح و جاب تقدير ممتاز , ومعتز نجح ونسبته 86 وتقديره جيد جداً , ومرام نجحت وجابت نسبة 94 ممتاز , و فارس نجح وجاب نسبة 98 ممتاز , مروج رسبت في 5 مواد , و ----- كمان نجحت وجابت 84 جيد جداً , ورائد نجح وجاب تقدير ممتاز , وإبراهيم كمان نجح وجاب نسبة 97 ممتاز , أحمد رسب في مادتين , وعلاء صاحب فارس أخذ أعلى نسبة 99 ممتاز وحطوا صوره في الجرايد , لمياء صاحبة مرام جابت 96 ممتاز .

فهد وعبد العزيز مبسوطين بالـ1000 ريال راتب شهري الي أوبوهم راح يعطيهم هيا , ومعتز زعلان عشان أبوه أدى له 500 ريال بس , ومرام كمان أبوها ما أداها شي عشان مستوها نزل زيادة عن اللزوم فقال لها اطلبي الي تبغيه بس يكون في حدود ال200 ريال عقاب مو حلو يا مرام , فارس هدية نجاحه سيارة فخمة موديل 2006 لينكولن أورنجي يجنن , مروج قاعدة ما ذاكرت بس زعلانة من نفسها , إبراهيم هدية نجاحه من أبوه 3000 ريال , ورائد ما يبى هدية هو كبر على هدايا النجاح , و ----- هدية نجاحها طلاقها من رائد , احمد نفس الشي قاعد حاط ايده على خده مو عارف كيف ببدء يذاكر أختباره .

و حض موفق للناجحين وحظ أوفر للراسبين

أتفقت عايلة فارس تعمل حفلة نجاح كبيرة في بيتهم وأكيد الكل راح يحضر الحفلة بإستثناء الراسبين , وأكيد أول الحاضرين مرام وأهلها .

(( لبست مرام في الحفلة التيشيرت والبرمودا الي جاب لها هيا ورفعت شعرها بطريقة حلوة وحطت ماكياج حلو وخفيف ولبست الله يكرمكم شبشب أحمر يجنن , وجابت لفارس هدية مرة فخمة عبارة عن علبة فخمة وجوتها برفان فخم من Boss وكمان برفان من ايف سان لوران ريحته تجنن , وساعة فخمة من Guss وباقة ورد كبيرة وحطت صورتها وهيا صغيرة وكنا طالع كل شي فيها يجنن ))

الحفلة كانت مرة حلوة , جابوا دي جي ورقصوا وغنوا وأتصوروا صور تجنن والمفاجأة الحلوة الجاتوه الي جابوه فارس كان في له صوره وهو كبير وصغير وكان مكتوب عليه كلام يجنن طبعاً الكلام مهديه فارس لمرام " تحلموا تعرفوا يا قراء في خصوصيات مو لازم تعرفوها " المهم نكمل , فارس كان متجنن على لبس مرام لأنه هو الي جابوا لها فكان المقاس وشكلها فيه يجنن فكان فرحان مووت .

نهاية الحفلة الكل راح ما عاد مرام أصر فارس لأخوانها إنها تقعد تبات وباتت عندهم .

مرام : خالة جيهان ما يصير أنام في غرفتك خالي موجود .
جيهان : عادي يا بنتي نامي في غرفة فارس .
مرام : ما يصير ((مكسوفة عشان فارس قاعد معاهم ))
جيهان : فارس ينام في غرفة ياسر ما في مشكلة .
مرام : أخاف يضايق .
فارس : تبيني أتضايق من زوجتي وحبيبتي لا يا مرام أنا ما أضايق إذا نمتي في سرير زوجك .
جيهان : بس بلا قلة أدب , الظاهر ما ربيتك ما تستحي أنتا . (( وتقرصه على فخذه ))
فارس : أي ماما أنا كبير على الضرب .
جيهان : حاسب على كلامك وأبطل أقرصك .
مرام : عن إذنكم رايحة أنام
جيهان : شوفت زعلتها !
مرام : يا خالة جيهان أنا ما أزعل من زوجي .
فارس : أمووت أنا الي في صفي .
جيهان : طيب يا مرام .
مرام : ما في أحد يوقف هذه الأيام الي مع أغلى واحد على قلبكِ .
جيهان : يا عني أنا تحطيني برى القفص الصدري .
مرام : مو لدي الدرجة أنا كمان , انتِ لك معزة كبيرة كمان على قلبي .

ودخلت مرام غرفة فارس وكان مكسوفة لأنها تحس أنو فارس موجود في غرفته فماهي أخذا راحتها , وتحاول تنام لكن ما يجي النوم (( على قول براء الواحد ما يرتاح الا في بيتوا ))
ومن الساعة 2 الليل للساعة 4 تدعي أنو فارس يجي يقعد معاها .
...............دق دق دق ...................

مرام : مين ؟
فارس : صاحية ولا نايمة .
مرام : أدخل .
((وجات تجلس على السرير وقال لها ))
فارس : أرتاحي , ما بيني شيا زوجتي .
مرام : ................والله انت ما يعجبك العجب ولا الصيام برجب .
فارس : زعلتي ؟؟؟؟؟
مرام : أقولك لا تنطق دي الكلمة , ما يعجبك تنطقها طيب يا فارس أنا غلطانة بت عندكم اليوم طيب .
فارس : طيب معليش .
مرام : لا تزعل انت كمان والله أمزح معاك .
(( بعد نصف ساعة من الهدوء التام ))
فارس : انبسطت اليوم ؟
مرام : مرة كتير وانت ؟
فارس : ................(( هدوء ))
مرام : خير فارس طالعني فيك شي ؟
فارس : اليوم أنا كرهت شي اسمه خالي رائد منجد كرهته .
مرام : عشان طلق ----- .
فارس : والله قبل ما تجوا بشوية اتصلت عليا وقعدت تبكي يا مرام بكى والله اني قلبي صار ريشة من كثر بكاها , وقالت كلام عنكِ وعن رائد وأنا خلاص قلبي حسيته بيتمزق من كلامها .

مرام : ايش قالت ؟
فارس : قالت لي شوف خطيبتك هذه خطافة الرجال والله ما يصير تخطف رجال الحريم بجمالها وأنوثتها وتعريها قدامهم .
مرام : أنا أتعرى قدامكم الله آكبر ليش تقول كده !!!!!!!!!!!!!!
فارس : بس مرام لو تغطي على رائد نهائياًً أحسن ولا لا مرام .
مرام : هو الأحسن كدا .
فارس : والله اليوم كان يطالع فيك ِ بشكل ويجري وراك زي الكلب .
مرام : فارس مهما حصل هذا خالك لازم تحترمه .
فارس : مرام يعني خطيبة ولد أخته شوفي القرابة كيف بس خطيبة ولد أخته .
مرام : أه يا رب .
فارس : يلا مرام جاني نوم تصبحي على خير .
مرام : وانت من أهله .

وأول ما راح فارس نام , قامت مرام من سريرها وفتحت الأباجورا وحطت موسيقى هادئة في جوال أمها وقعدت تسمع للأغنية وهيا لـ Bedingfield_If you,r not The One Daniel
"ترى مرة جنان الأغنية أسمعوها يا قراء مووت روعة " المهم قامت ووقفت فوق السرير وقعدت تتفرج على صور فارس الحلوة , مرة هو قاعد على البحر ومرة وهو في لندن ومرة وهو أمريكا " على فكرة فارس عاش 3 سنين في أمريكا مع أهله عشان شغل أبوه كان هناك , وقبل ما يتعرف على مرام راح عاش هناك" وصورة وهو طاير شعره مع الهوا "أه يا هوا لو تجمعنا سواه " وصورة وهو على اليخت وصورة أسرت قلب مرام متصور في دبي وحامل معاه سلسلة مكتوب عليها حرف M وكان نفسها تأخذها بس قالت كل شي حلو يقعد حلو .

وتاني يوم صحيت مرام من النوم وجاى فهد أخذها و زعل فارس منها لأنها ما قالت له انها رايحة .

بعد كم يوم تتصل أم أفنان بمرام :
أم أفنان : مرام كيفك ؟
مرام : كويسة كيفك انت وأفنان .
أم أفنان : مرام أنا في المستشفى أفنان بتولد .
مرام : لساعها في الشهر السابع .
أم أفنان : يا بنتي لها 6 ساعات في غرفة الولادة ما خرجت .
مرام : طيب خلاص دحين جاية .
أم أفنان : بسرعة يا بنتي .

واتصلت مرام بخالتها منال وفارس عشان يروحوا عند أفنان .

وصلوا المستشفى ...
منال : بشري يا أم أفنان خرجت .
أم أفنان : لا ((تبكي ))
مرام : فين زوجها ما جاى معاها ؟
أم أفنان : وعليا على قلبه مسكين جالس في غرفة الانتظار .
فارس : عن إذنكم رايح له .

منال : خلاص يا أم أفنان بتطلع إنشاء الله ليش عوار القلب هذا .
أم أفنان : والله لو راحت راح تروح روحي ((تبكي ))
((يخرج الدكتور ))
الدكتور : فين زوجها ؟
أم أفنان : منال أزهمي رامي , بشر يا دكتور ولدت ؟
الدكتور : عندها فقر دم حاد ؟
مرام : طيب نتبرع ولا موجود الدم .
الدكتور : موجود بس الولد حالته مش طبيعية .
((يجي رامي وفارس ))
رامي : بليز دكتور كيفها ؟
الدكتور : انت رامي ؟
رامي : ايوا زوجها .
الدكتور : وهيا بتولد بتزهم على اسمك وهيا عاوزك جوه .
((يروح لها ))
رامي : أفنان ؟؟؟
أفنان : (( ترسم بأصباعها كلمة أحبك ))
رامي : مو وقته أفنان كيفك .
أفنان : ((تأشر على الولد ))
رامي : يشبهني ما ؟
أفنان : (( تهز راسها ))
رامي : المهم انت عندك فقر دم وعارفة السبب .
أفنان : ((تأشر برأسها ))
((يدخل الدكتور ))
الدكتور : يا رامي أنا عاوزك في كلمتين ؟
رامي : كيف أفنان ؟
الدكتور : لصغر سنها على الحمل و لوجود مرض فقر الدم الحاد عندها وضعف جسمها وعدم الاستجابة , اثر على الجنين بصورة سيئة فهو عنده نقص أكسيجين .
رامي : يا عني ابني معاق .

الدكتور : لا بس ربك الحامي يا بكمل حياته زي أي طفل , يا بكمل الثلاثة الأشهر و يموت .
رامي : طيب المهم زوجتي كيفها ايش عندها .
الدكتور : هيا دلوقتي تعبانة أوي وما دام ولدت بعملية قيصرية يستحسن أنها تقعد عندنا أسبوعين لراحتها وراحت أبنها .
رامي : متى أشوفها ؟
الدكتور : مش دوبك دخلت لها , انتوا أكيد عرسان جداد عشان كده بتحبها ههههههههه
رامي : شكراً دكتور تعبت معانا .
الدكتور : بص يا بني روح أحجز لك غرفة وتعال وقولي رقم الغرفة عشان نجيب مراتكِ لحد الغرفة أوكي .
رامي :أوكي .
" ولدت أفنان يوم الأربعاء الساعة 4 العصر وجابت ولد ))
((ويرجع للكل ))
أم أفنان : ولدت ؟
رامي : جابت ولد .
مرام : والله يا رامي صرت أب .
فارس : رامي تعال شوية على جنب .
رامي : نعم .
فارس : فيها شي أفنان .
(( قال له على كل شيء قاله الدكتور عن أفنان و ولدها ))
فارس : طيب روح أحجز غرفة ونام فيها .
رامي : يا فارس أنا ما نام الا إذا شفت أفنان بصحتها الله يخليك .
فارس : قلت لأمك .؟
رامي : قالت دحين بتجي .
فارس : والله طولنا هنا , لو حصل أي شي أديني رنة أجيك طوالي أوكي .
رامي : والله ما قصرت انت ومرام ومنال الله يجزيكم الف خير على وقفتكم معايا .
فارس : يا الله مع السلامة قوي قلبك واشرب ماونتديو أوكي .
رامي :ههههههههه مع السلامة .
((وصل فارس منال على بيتها ومرام كمان على بيتها وهو رجع على بيته يرتاح ))

في المستشفى وصلت أم رامي ...
أم رامي : كيفها ما تكون ماتت وما لحقت أجي أعزي .
رامي : أمي لو سمحتي ما أبغى مشاكل مع أمها واسحبي كلامك فيا ولا فيها .
أم رامي : لساعها ما خرجت .
رامي : ايوا .
أم رامي : عساها تخرج على ثلاجة الموتى .
رامي : ((عصب )) ترى واصلة حدي يا أمي انت جاية توقفي معايا ولا جاية تحرقي في دمي أوف منكِ من أم .

أم رامي : أنا غلطانة جيت عندك .
رامي : والله ما قلت لكِ تعالي قلت لك ِ أنها بتولد بس .
أم رامي : جابت بنت ولا ولد .
رامي : ولد .
أم رامي : ايش تسموه ؟
رامي : أمي أرجعي البيت أحسن لك وأحسن ليا كمان من همك .
((وتخرج أفنان من غرفة الولادة ))
رامي : أفنان ...
((أفنان مسكينة حالتها تكسر الخاطر ضعفت بزيادة , وشعرها من قدام بيتساقط و وجهها اصفر , و مسكينة الين الليل وهيا نايمة بتأثير البنج وما صحيت الا الساعة 2 ونصف الليل ))

أفنان : ماما .
رامي : أنا موجود .
أفنان : بليز كاسة موية .
رامي : من عيوني , أتفضلي حبيبتي .
أفنان : تسلم , فين ولدي ؟
رامي : لحظة ثواني وأخليه النيرس تجيبه .
أفنان : خلاص روح نام شكلك مرة تعبان .
رامي : مو لمن نسمي الولد .
أفنان : في بالك أسم ؟
رامي : صراحة أبغاكِ انتِ تسميه .
أفنان : أنا من زمان نفسي في سليم .
رامي : ألف مبروك على جية ولدنا سليم .
أفنان : الله يبارك فيكِ .
رامي : شايفة يا أفنان الين فين وصلنا من كلمة حب , لغزل , لخطأ كبير , و زواج و حمل و وضحينا كثير من شان الحب , وأخيراً رمز الحب الأبدي سليم .
أفنان : ................(( تطالعه ))
رامي : جاى سليم (( حمله على حضنه وقاعد يسلم عليه ويدلعه ))
أفنان : حرام قاعد يرضع أصباعك أديني أرضعه .

رامي : من قدك يا سليم أمك ترضعك .
أفنان : بس مو وقته مو شايف النيرس كيف تطالع فينا .
رامي : هيا ما راحت عمى خربت الجو الرومنسي أوف .
النيرس : مدام أول شي لازم انت فيه يرضعه من هذا جزازة بعدين رضعه من صدر انت .
أفنان : طيب خذيه رضعيه وغيري له البامبرز حقه .
النيرس : إذا في انت يبغاني أضغط على هذا زر أنا في أجيك لحد انت .
أفنان : أوكي .
رامي : ماما جات اليوم .
أفنان : أكيد كانت تدعي عليا من أول ما جات .
رامي : والله عصبت عليها قدام الناس وكلمت أخويا يجي يأخذها .
أفنان : والله أنو عندي عادي لو ضربتني لو عملت معايا مصيبة عادي بس لا تأخذ سليم و زوجي مني .
رامي : الله عليك يا أفنان منجد أنا اخترت شريكة الحياة المثالية .
أفنان : يلا ورانا بكرة تمارين تصبح على خير .
رامي : وانتِ من أهله (( ومسكين رامي ما نام قاعد يطالع في جمال أفنان حتى نام على حضنها ))

الجزء السابع عشر :-

(( أفنان أول ما صحيت من النوم لقت أم رامي قدامها فكانت خايفة مووت لأنو رامي ما كان موجود في المستشفى ))
أم رامي : الله يقومك على الشهادة .
أفنان : آمين ليش لاء كل واحد ينتظر وقت موته ربي كاتب لنا .
أم رامي : ايش سميتوا الولد ؟ (( تتكلم من خشمها ))
أفنان : سليم .
أم رامي : عاش إسم ولد ولدي أكيد رامي الي سماه .
أفنان : لا أنا سميته .
أم رامي : إذا منك انتِ مو حلو راح تجيبي لحفيدي النحس .
أفنان : أعوذ بالله من الشيطان الرجيم .
أم رامي : أنا شيطان يا بنت الشيطان .
أفنان : الله يسعدكِ يا خالة فكيني أنا تعبانة .
(( وتجي أم أفنان ))
أم أفنان : أهلاً بالحبايب .
أم رامي : شايفة بنتك تقول عني أنو أنا شيطان لا يا حبيبتي أنا مو شيطان , فهميها أنو أنا راح أخذ ولدها ورامي راح يطلقها , وإذا فكرتوا تبغوا الولد أدفعوا 2 مليون وتأخذوا الولد غيره مافي وأنا مارة على الحضانة نأخذ الولد , يتربى عند أهل أبوه تربية يا سلام , مو يتربى عند أهل أمه ويصير لقيط من وحدة لوحدة زي أمه الله يعطيها البركة في هذا المجال ههههههههههههههههههههههههه هههههه مع السلامة نشوفكم على شر ههههههههه ربي بنتك يا جده .
أفنان : أنا وراكي ما تأخذ ولدي .
أم أفنان : خلاص أفنان أقعدي لا تتحركي أنا رايحة .
أفنان : الحيوانة شوفي ايش تقول ماما لا تخليها تأخذه سليييييييييم أه ههههههههه
أم أفنان : بنتي أفنان يا رب .
(( وتزهم على الدكتور لأنو أفنان أغمى عليها, وأعطاها إبرة مهدئة ونامت ونسيت ولدها , رامي شاف أمه بيتكلم النيرس الي في حضانة الأطفال عشان تأخذ ولد أفنان ,
وفي الليل رسلها رامي ورقة طلاقها والمصيبة أنو رامي يبغى أفنان وأفنان تبغاه لكن أمه مصيبة من مصائب الدنيا, والله لا يوريكم على حالة أفنان ))

في بيت مرام :
((أبو أفنان أتصل على مرام وقال لها تمر على أفنان لأنو حالتها النفسية مرة تعبانة , فكلمت أخوها فهد يوديها المستشفى ))
مرام : فهد بسرعة شغل السيارة .
فهد : خير على فين ؟
مرام : وديني المستشفى عن أفنان .
فهد : ايش صار ؟
مرام : أهل زوجها أخذوا منها ولدها وجبلها ورقة طلاقها اليوم .
فهد : لا حول ولا قوة الا بالله , أمشي يالله .

في المستشفى ...
مرام : أفنان .
أفنان : شايفة يا مرام أخذوا ولدي ورامي طلقني ليش يا مرام ليش يكرهوني عشان مستوى بابا المادي وسط , ليش يشوفوا نفسهم علينا .
مرام : خلاص أفنان أرتاحي ولادتك قيصرية ولازم تقعدي في السرير الين ما يحدد.....
أفنان : مرام بالله عليكي أنا كم مرة ساعدتك وأتوسط لكِ قولي يا مرام .
مرام : والله كتير أرتاحي .
أفنان : ما أبغى منكم شي بس تجيبوا ولدي طيب بس أرضعه والله لو تخلوني أعيش في غرفة قد السيب هذا والله لا أعيش , ما أبغى أكل بس أأكل ولدي مرام عارفة والله لو يموتوني ويجلدوني وكل شي يعملوه فيه والله حاضرة بس أشوف سليم بس أحضنه مرام أنا لو مت انتِ ربي سليم وأتزوجي رامي .
مرام : أفنان , ايش أتزوجه صاحية انت بكرة يرجع لكِ ويندم على الي سواه .
أفنان : رامي ما عمل شي أمه تكرهني والله ما شفتيها أمس في الليل يا مرام هزأت فينا ونزلت من قيمتنا وكرامتي أتهانت ((تبكي ))

مرام : خلاص أفنان , ما تعودنا عليكي تكوني ضعيفة , انتِ قوية فين كبريائك وفين غرورك وصبرك على أكبر المشاكل جيتي للمشكلة هذه تصيري ضعيفة .
أفنان : والله حب الدنيا خلاني أضعف , أتفتنت بالدنيا وملذاتها , وشوفت نفسي على كل الناس حتى رامي ما سلم من كبريائي وغروري .
مرام : أصبري الحياة كتاب ينتهي في لمح البصر .
فهد : مرام هيا بدئت أنعس جاني نوم .
مرام : يلا أنزل دحين نازلة .
أفنان : نشوفك على خير .
مرام : مع السلامة
(( ورجعوا البيت ))
(( مرام قاعدة في الصالة تتفرج على التلفزيون فيلم اسمه Kiss my act))

فهد : عادي أقعد معاكي ؟
مرام : الي يقول البيت بيتي أتفضل .
فهد : شكراً .
مرام : و سكيت التلفزيون وهذا جلسة أفتح الموضوع .
فهد : طالعة لأمك تعرفي الواحد من شكله أنو يبغاكي .
مرام : أدخل في الموضوع !
فهد : أضن اني بعد كم سنة راح أدرس برى .
مرام : والمهم .
فهد : مو تضحكي وتعلقي !
مرام : أتكلم .
فهد : أبى أتزوج .
مرام : منجدك انت رابع جامعة وتبى تتزوج .
فهد : ايش فيها أتزوج حرام .
مرام : لا والله حلال , بس حاط وحدة في بالك ولا تبغاني أخطب لك وحدة من صاحباتي .
فهد : صاحباتكِ أغبياء مووت , أنا في بالي وحدة منجد تحسيها يا عني زوجة تحب زوجها .
مرام : انت تحبها من أول .
فهد : لمن سافرنا أول أنا وبابا لوحدنا كندا أتعرفت عليها .
مرام : يا عني مدة الحب 4 سنين , والله يا فهد طلعت تحب وحدة ومخبي علينا .
فهد : مرام البنت مو تجنن , حلوة وطيبة وأهلها أطيب وكل شي فيها حلو ما تبغيني أتزوجها ليش .
مرام : حتى أهلها تعرفهم .
فهد : لمن كنت أزورها كانوا أهلها يسلموا عليا .
مرام : تزورها !!!!!!!!!
فهد : لا يروح عقلك بعيد , كنت بس أقعد مع أهلها ونقعد شوية مع بعض وبعدين نروح نتمشى شوية على البحر أو أوريها الجامعة أو نأكل ايس كريم بالجو الحلو .
مرام : بس مافي يوم أتعرضت لها ؟؟؟؟؟؟
فهد : مجنونة انتِ البنت بنت ناس مرة بنت ناس .
مرام : تلاقيها مشيت ولفت على أكثر من 1000 واحد وانت من الضحايا .
فهد : في بنات تحسيهم يكلموا شباب , مرام أقول لكِ شايفة اللؤلؤة الي تخرج من الحبار صافية من غير وسخ الحبار , هذه سماهر زيها بالتمام صافية وحلوة ومحافظة على دينها وكل شي فيها يا مرام حلو , مهما أوصف فيها ما توصف , البنت معجزة نزلت ليا مرام أفهميني .(( يتكلم بحماس ))
مرام : أسمها سماهر , والله حلو طيب أوصف لي شكلها .
فهد : شعرها لونه بني فاتح وطويل وناعم , وعيونها بلون شعرها ولونها حنطي و وجسمها مو متينة بس وسط يعني أمتن منك يا مرام بس مرة حلو جسمها وملامح وجهها حلوة وكمان طويلة يعني أقصر مني بشرطة .
مرام : والله مواصفتها حلوة بس أخلاقها ؟
فهد : أقولك حبيتها من أول نظرة لمن كنت في ثالث ثانوي حبيتها والين رابع جامعة حفضت شكلها وكل أسرارها وكمان أول يوم شفتها فيه في الكوفي كان من أحلى أيامي .
مرام : حكيني أول يوم عرفتها فيه ؟
فهد : ذكرياتي معاها أحلى شي في هذه الدنيا وأغلى ما أملك في الدنيا سماهر , المهم والله دخلت مرة كوفي في كندا وجلست وطلبت كروسان وكوفي وقامت دخلت مع أمها وأخواتها , وعلى طول طالعت فيا وابتسمت مرام إبتسامتها تذوب الواحد عارفة كيف تذوب الواحد , والله يا مرام زي ابتسامتك لمن تذوبني , هذه كده , المهم جلسوا في الطاولة الي قدامي وجاه النادل أعطاهم المنيو , وطالعت في الي طلبته وطلبت زي وابتسمت .

مرام : ايش كانت لابسة ؟
فهد : بس أنتوا البنات همكم في هذه الأشياء , أصلاً ما أقدر أنسى لبسها وشكلها في هذاك اليوم , كانت لابسة تنورة سودة فوق الركبة بشوية وبلوزة بيضة طويلة وشعرها فاردا وحاطة ماكياج زي الي تحطيه بس كان شكلها مرة روعة وبالذات عيونها تحسيها تجذب .
مرام : والله متحمسة أشوفها كمل .
فهد : وبس قامت أختها همست في أذن سماهر وطالعوا عليه وقعدوا مكسوفين وخجلانين مني .
مرام : أكيد عيونك ما فارقت عيونها .
فهد : كنت أنا صراحة مسرح فيها وهيا تطالع فيا وتضحك .. يا الله .. والله أيام حلوة .
مرام : كمل .
فهد : وبس قامت وراحت على الحمام و وقفت هناك وتأشر على أختها , وبس بعدين أنا عملت نفسي رايح حمام الرجال وجات كلمتني .
مرام : يا عني هيا الي بدئت هذا العلاقة .
فهد : بالضبط , ((ويكمل ))
سماهر : انت من فين
فهد : من السعودية وانتِ ؟
سماهر : زيك بالتمام .
فهد : سياحة ولا علم .
سماهر : لا داه ولا داه .
فهد : ههههههه أجل ايش .
سماهر : أحنا عايشين هنا 6 سنين وهذه السنة يمكن نرجع على بلدنا .
فهد : أنا والله هنا جيت مع أبويا عشان عنده شغل وطفش جيت أتونس .
سماهر : عندك جوال ؟
فهد : أكيد .
سماهر : معليش رقمك .
فهد : صراحة أول مرة أكلم بنت غريبة .
سماهر : يعني انت ما تكلم بنات طيب سوري .
فهد : لا عادي أديكي رقمي ,وأديني رقمك كمان عشان نتقابل مرة تانية .
سماهر : صراحة أنا اليوم مرة فرحانة .
فهد : ههههههه ليش.
سماهر : أول شي بابا صار كويس بعد العملية , وأني لقيت ولد سعودي من بلدي .
فهد : فرصة سعيدة معليش بس اسمك ما أعرفه .
سماهر : أخذنا الكلام اسمي سماهر .
فهد : عاشت الأسامي وأنا فهد .
سماهر : فرصة سعيدة .
فهد : وأنا أسعد راح أتصل عليكي الليل ونتفق على مكان نتقابل فيه مو أحسن .
سماهر : أحسن بكتير .
فهد : باي .
سماهر : باي .

فهد : والين هنا أتقابلنا في حديقة يقول عنها أنو الي يحبوا بعض يتقابل فيها بس يعني والله صدفة حصل أنو نتقابل هنا .
مرام : عليك حركات أحياناً .
فهد : وبس أتكلمنا عن كل شي عن أخوانها و مرض أبوها الي خلاهم يعيشوا في كندا وعن كل شي , بس ودحين أنا صراحة دايماً أروح لهم عشان أبوهم مات ومافي أحد يساعدهم غيري , وأنا كم مرة كلمت أمها اني راح أخطبها منها وهيا وافقت وأعمامها كمان وافقوا .

مرام : قصة حب تجنن .
فهد : بس دحين جاى الوقت الي أكلم فيه ماما عنها وتوافق هيا وبابا ونروح ونخطبها وأتزوجها ونعيش في بيت واحد .
مرام : بس مو وقته دحين تخطبها .
فهد : ليش ؟
مرام : عشان أفنان ما يصير نفرح وهيا نايمة على السرير .
فهد : طيب بس نخطبها على الأقل أخاف تروح مني .
مرام : كم عمرها دحين ؟
فهد : 21 سنة .
مرام : وانت ؟
فهد : 24 سنة مافي فرق بس 3 سنين .
مرام : والله أحس إنها عجبتني وانت تحكيني عنها .
فهد : بكرة راح أفتح مع ماما الموضوع .
مرام : يا رب تتوفق في حياتك انت و سماهر (( ونزلت راسها ))
فهد : مرام بكرة فارس راح يجي يخطبك لا تستعجلي مرام أصبري .
مرام : تصبح على خير .
فهد : وانتِ من أهله .

وراحت على غرفتها وتكتب في دفترها :

أحتاج إليك الآن يا حبيبي ...
أرجوك خذ بيدي
قف الى جانبي في هذه الساعة ..
وخذ وقتاَ كي تتفهم كوني أحبك .

خذ بيدي يا عزيزي ..
وقدني بعيداً عن هذا المكان
أطرد عني ش******** ومخاوفي ,
وأمسح الدموع عن وجهي

يا حبيبي أنا لا أستطيع أنا أبقى بعيدة عنك .
أريد يدك لأمسك بها ..
وأحتاج الى لمستك الحانية
لتدفئ عالمي الذي أصبح بارداً ..

أرجوك لا تبعد عن قلبي ابقى دائماً بجانبي
وتمسك بي على مر الأيام ..
لأنه بفضل إتحاد يدك بيدي أعرف أننا
سنجد طريق حياتنا ...





سكت الدفتر و قفلت اللايت وفتحت الأباجورا الي جمبها ونامت .

اليوم التاني كلم فهد أمه بموضوع سماهر و وافقت على طول وكمان أبوه وافق
وراحت أم مرام وجدة خيرية ومنال عشان يخطبوا سماهر بعدها بأسبوع ..

نعرفكم على عائلة سماهر عشان تعرفوا باقي الرواية

أم سماهر : طيبة وحنونة أكتر شي تحبه في حياتها أولادها ومسكين زوجها مات بالمرض البطال .

سماهر : تقدم وصفها في صفحة 160 ... عمرها 21 وتدرس علم النفس , وطموحها تكون زوجة فهد .

ريفان : تشبهه سماهر بس شعرها وعيونها لونهم أسود وعمرها 19 سنة

فداء : عمره 17 سنة وطيب و فيله شبه من سماهر .
هناء : عمرها 16 سنة وطيبة مووت بس شوية متكبرة وشايفة نفسها .

...............................................

المهم نروح ليوم خطبة سماهر على فهد
(( سماهر لبست فستان بني شوية قصير و لبست إكسسوارات ذهبية وصندل ذهبي و ميك أب ذهبي حلو , وفهد قص شعره ولبس ثوب فخم لونه سكري وغطرة سكري وكان شكله مرة حلو ))

وصلوا على بيت سماهر ودخلوه الرجال عند الرجال والحريم مع الحريم
أم مرام : والله إحنا يشرفنا يا أم سماهر نتقدم لبنتك سماهر ونخطبها لولدنا فهد .
أم سماهر : والله فهد كان بمثابة أكثر من أخ لنا وعزيز على قلبنا بكتير ونحنا صراحة يشرفنا يكون زوجها .
جدة خيرية : بس معليش نشوف البنت .
أم سماهر : البنت حلالكم .
(( وشافوا سماهر ومرة عجبتهم وبالذات خيرية اتهبلت عليها ))

نروح للرجال
(( فهد جاى مع أخوه وأبوه وخاله رحاب وكان أعمام سماهر موجودين ))
أبو مرام : والله يشرفنا يا عم سماهر نتقدم حق بنتكم سماهر .
عم سماهر : هذه الساعة المباركة و والله أنو فهد ولد أخلاقه عالية وأكيد يشرفنا يكون زوج لسماهر .
عزوز: (( يدقه ويهمس )) والله عليها أسم ما شاء الله عرفت تختار .
فهد : خالو رحاب .
رحاب : نعم .
فهد : أعطيني كلينكس صراحة مو قادر أستحمل (( العرق من راسه لأصباعه ))
رحاب : اتفضل يا عريس
((وتدق الباب أم سماهر على عمها عشان يسيب فهد لوحدوا عشان يشوفوا بعض ))
عم سماهر : تعالي يا بنتي شوفي فهد .
سماهر : السلام عليكم .
فهد ((وقف )): وعليكم السلام ورحمة الله وبركاته .((فاتح فمه على جمالها ))
عم سماهر: نسيبكم 5 دقائق ونرجع .
فهد : كيفك سماهر ؟
سماهر : حمد الله كيفك انت .
فهد : أنا اليوم يا سماهر مو قادر امسك نفسي شكلي راح أبكي .
سماهر : ليش يا فهد ؟
فهد : مو مصدق اني اليوم جيت أخطبك وشوفتك وراح ألبسك الدبلة منجد مو مصدق .
سماهر : صدق يا فهد بكرة راح نكون في بيت واحد ونجيب عيال .
فهد : أنا متحمس لنجيب عيال .