الفصل الخامس

أم عمر : أفرح وافقوا
عمر : يعني خلاص أسير زوجها
أم عمر : لا, الأهل وافقوا بس البنت لسع ما أخذوا رأيها

وراح عمر على غرفته وقعد يتخيل أنو زوج مرام و..bla.bla.bla

وفي بيت مرام كانت مرام دوبها صاحية من نومتها وجات أمها
أم مرام : مرام بسرعة تعالي أباكِ في هرجة
مرام : خير يارب
أم مرام : اجلسي
مرام : جلستْ
أم مرام : خذي نفس ..:؟"
مرام : ماما أتكلمي ترى أنا على أعصابي ,؟؟
أم مرام : مرام أنتِ تعرفي واحد أسمه عمر ؟؟؟؟
مرام : ..ها ..عمر ....لا أول مرة أسمع هذا الأسم ليش ؟؟
أم مرام : اليوم اتصلت وحدة أسمها أم عمر ويبوا يجو الخميس االجاي يخطوبكِ إذا وافقتي .؟؟؟
مرام : عمر جاى خطبني لا ماما أنتِ كذابة مستحيل عمر جاى خطبني لااااااااااااااااااا
أم مرام : يا لله كلها فرحة المهم موافقة ولا لا
مرام : ماما أتصلي قوليلهم أنا موافقة ويجوا يسوا خطبة وملكة .
أم مرام : مرام تعرفي عمر ..؟
مرام : ايوا ماما أنا كلمتوا على الماسنجر ورسلي رسالة وقال أنو يبغى يجي يخطبني بس أنا عرفتوا في يوم بس ماما والله ماكلمتوا بالتلفون أوجوال بس على الماسنجر ماما أنا ما أكذب وهو أول ما كلمني قلي أنو هو متعلق فيا ماما والله يوم واحد كلمتوا ولا عرف عني حاجة وخطبني يا الله .
أم مرام : وفارس لو دري ايش يسويلكِ ؟؟؟
مرام : والله ماآدري
أم مرام : فكري زي الناس والعالم واديني خبر
مرام : لا ماما أنا أبغى عمر ما أبغى فارس ,فارس واحد طايش وصغير
أم مرام : متأكدة هذا زواج مو لعبة بعدين ترجعي تقولي أبغى فارس
مرام : ماما أنا أبغى عمر وبس عمر ليا أنا مرام وبس ..
أم مرام : هذا ما خطبك ومتعلقة في كيف بكرة المهم أتصل عليهم
مرام : أتصلي
 

(( وكلمت أم مرام أم عمر وفرحوا أن البنت وافقت يجوا يخطبوها وفرحة عمر في بيته ما تنتهي , ومرام كلمت أخوانها لكن عزوز ما يدري أنو عمر الشاب الي أضارب معا في المول فحتكون ردة الفعل مرة قوية ))

عزوز : مرام نفسي أعرف الخطاب من فين يعرفوكي
مرام : أكيد شافوني
عزوز : بس مافي أحد في العيلة أسمه عمر
مرام : يووووه ترى كلامك مرة كتير ممكن تسكت أبى أستكن شوي ((وغمضت عينها ))
عزوز : أوه هذا كله عشان عموري
مرام : ممكن تطفي النور وتفتح النور الخافت , وبطل فلسفة لسع ماجى خطبني لمن يخطبني أتكلم .
عزوز: مرام قاعدة تفكر في ليلة الدخلة وكيف لمن يجي عمر ويـ..........
مرام : خلااااااااااااااااص بطل قلة أدب
(( وقعدوا يضاربوا بالمخدات ))

فجأة يرن جرس الباب
مرام : روح شوف مين .؟؟
معتز : طيب
معتز : مين , فارس هلا والله وحشتنا
فارس : أنت الأكثر فين مرام ؟؟
معتز : جالسة
مرام : معتز نكمل موضوع صاحبك عمر بعدين أنا طالعة أنام (( وغمزت لمعتز عشان ما يقول لفارس ))
فارس : معتز في شي مخبينوا عني ؟؟

معتز : أنت شايف في شي ...مافي شي ((ويطل يمين ويسار ))
فارس : أنا ماحب الاستهبال حقك فين مرام ليش طلعت فوق من غير ما تسلم حتى ..,
معتز : مااااالي شغل أسألها تجاوبك هههههههههههه ,
فارس : أنا طالع فوق
((وطلع فارس لغرفة مرام ودق الباب ))
مرام : مين ؟؟
فارس : ميمو أنا فيفو
مرام : نعم
فارس : أفتح الباب
مرام : لا
فارس : ((ودخل الغرفة)) ما تقدري تقوليلي لا
(( واتغطت مرام باللحاف وقعدت ساكتة , وجا فارس جلس في سريرها وحطلها هدية جمب
مخدتها وقال :
مرام فيكم شي .
مرام: ((بينت راسها )) لا
فارس : طيب ليش تتكلموا بالألغاز .؟؟
مرام : عادي
فارس : طيب دحين العيلة كلها معزومة بعد بكرة على فرح أوكي
مرام : أوكي
فارس : وعشان خالتكِ والأولاد مهم رايحين نبغى نروح البحر نفلها ونسوي مسخرة مع الناس
مرام : .....((ما تكلمت وقاعدة تفكر بيوم الخميس وأنها لازم تبتعد عن فارس وما تخلي يدري بالموضوع , لأنه لمن تحب مرة مش زي كل مرة وكمان فارس أكثر واحد حبته واتعلقت في بس ربي مو كاتب لهم نصيب وهاذي الحياة تعوض عن كل شي بشي ))

فارس : مرام يا هووه فين سرحتي .؟؟؟
مرام : ها لا ولا في شي
فارس : مرام هذي الأيام مش عاجبتني تصرفاتكِ , حتروحي معانا ولا لا
مرام : ماآدري
فارس : خلاص اشو فيك الأربعاء عند جدة خيرية باي
مرام : فارس زعلت
فارس : لا كيف أزعل هاذي مرام ماحد يزعل منها أبداً
مرام : لا تستهبل . أنا رايحة وآسفة على المكالمة مو قصدي كنت نايمة ومني حاسة بنفسي
فارس : مرام أنتِ اتغيرتي عليا مرة كتير حسي فيا وبمشاعري أنا احبكِ وأبغى أسعدكِ فاهمتني .
مرام : .......((التزمت مرام الصمت وماهي قادرة تفكر الا بفارس فعبرت بالدموع عن حبه وسلمت أمرها لله وحتروح وتتحمل بس عشان عمر))

((وخرج فارس وكان حاس أنو مرام فيها شي مو طبيعي بالذات هاذي اليومين وراح فارس مطعم ابل بيز و حجز مكان وطلب المأكولات لذاك اليوم الموعود ))



(( مرام المسكينة ما نامت ورجع تفكيرها لعمر وفارس تحب مين أكثر مين العشرة الي بينهم أكثر زي كل مرة تفكر مين الأحسن و.....الخ ))

(( عمر المسكين قاعد يجهز ملابسه ومتوتر مع أنو مرام المفروض تتوتر لكن هاذي الحياة ))


أم عمر: عموري يا يحيى تعالوا
يحيى : هاي مامي
أم عمر : أنا أبغى أعرف ليش ما تحلق الشعر هاذا
يحيى : مامي مآقدر هذه طبيعتي .
أم عمر : متى تبطل شغل المياعة ,
يحيى : مامي بليز لا تكلميني في هذا الموضوع تاني لأنو يعوريلي قلبي .
أم عمر : ياي روح أقلب وجهك وأزهم عمر
يحيى : أوكي أنا رايح مع البوي
أم عمر : مين البوي .؟؟؟
يحيى : الشباب , يلا باي

عمر : نعم أمي
أم عمر : الله يرضى عليك دنيا وآخرة قول آمين
عمر : آمين
أم عمر : ها مستعد ليوم الخميس
عمر : مرة مرتبك وخايف
أم عمر : عادي كل واحد يعمل كده يوم الخطبة
عمر : الله يعديها على خير

في بيت مرام :
(( مرام راحت تفتح الهدية الي جبلها هيا فارس وكانت صندوق في برفان واسوارة مرة روعة, وطلعت ملابسها عشان بكرة الشلة خارجين يعملوا مسخرة في الشوارع , و اتصلت على أفنان :

مرام : الو
أفنان : هاي مرام كيفكِ
مرام : ((قاعدة تبكي ))
أفنان :مرام ايش فيكِ
مرام : يوم الخميس حيجوا خطاب يخطبوني
أفنان : طيب ليش تبكي أكيد فارس صح
مرام : لا
أفنان : طيب ايش حتسوي لو دري
مرام : طيب ليش أنا اتصلت عليكِ كمان عشان بكرة حنخرج فأعتبر خاينة مع عمر
أفنان : طيب فكري وصلي
مرام : فكرت
أفنان : وقرارك ِ
مرام :عمر
أفنان : وفارس
مرام : لا تقوليلي أسمه على لسانكِ
أفنان : قولي لفارس وهو مع الأيام رح يقتنع
مرام : أفنان أنتِ ما تعرفي فارس لو دري ممكن يقتل عمر
أفنان : مرام أنا لو مكانكِ أختار الي أحبه والعشرة طويلة بيني وبينه
مرام : طيب أنا أحب عمر
أفنان : وتحبي فارس
مرام : خلاص أفنان مآقدر أتكلم أنا مرة تعبانة

أفنان : خلاص مرام أنتِ روحي نامي وأرتاحي وبكرة شوفي قراركِ أوكي
مرام : أوكي يلا باي
أفنان : أنتبهي على نفسكِ يلا باي

((مرام راحت تنام بعد ما خلصت بكاء بس الي كان سامع صوتها عزوز ودخل عليها وصار الحوار بينهم :
عزوز: ميمو ليش زعلانة صوتكِ لي تحت واصل فيكي شي
مرام : (( وتبكي واترمت على حضن أخوها ))
عزوز: مرام اشبكِ ليش تبكي .؟؟؟؟؟؟؟؟؟
مرام : قولي يا عبد العزيز أخذ عمر ولا فارس
عزوز: مرام أسمعي هذا زواج مو لعبة تبغي عمر خليهم يجوا الخميس تبغي فارس نتصل على أهل عمر نقولهم البنت مهي موافقة عجبكِ ما عجبك ِ أنتِ حرة .
مرام : طيب أنت أخوي وتفهم
عزوز: على عيني أخوكِ بس مو أنا الي راح أتزوج أنتِ, مرام يا أختي يا حبيبتي قومي أتوضي وصلي وادعي ربكِ بعدين غمضي عينكِ ونامي وحتصحي تشوفي من الي جا في بالكِ أختاري .
مرام : عنجد
عزوز : لا عن مزح , دحين ساعة وأنا أكلمكِ وأفهمكِ في النهاية تقوليلي ((عنجد ((ويقلد صوتها ))
مرام : طيب مرة شكراً يا عزوز أنا مأعرف كيف أشكركِ
عزوز: أحم ..أحم لا شكر على واجب ..
مرام : بدينا بالغرور دحين بدينا
عزوز: يلا قومي أتوضي وصلي وأدعي وأختاري (( يكلمها بصوت مرة واطي ))
مرام : طيب ((وراخية عينها ))
عزوز : يا عيني يا قلبي أنا علي يستحي ,أه أموت علي يستحوا ,
 

مرام : خلاص عزوز
عزوز: دلعي من صوتكِ يجنن بالله عيديها
مرام : خلاص , الله يعين زوجتكِ لو قالت لكِ عزوز.
عزوز : طيب تصبحي على خير , مع أني شاكك أنيكِ حتختاري الي في بالي باي .,.
مرام : باي

(( وراح عزوز نام , وراحت مرام أتوضأت وصلت ودعت ربها واختارت مين زوجها ))

ويا قراء حزروا فزروا مرام اختارت $عمر$ ولا #فارس# أختاروا مابين الأقواس:



وزي مو انت متعودين

((اليوم الثاني يوم الخرجة.. أم مرام متوترة من الكوفيرة على محلات الذهب على البيت على لبس الفستان على الفرح ودوخة موت ,ومرام على التسريحة بتحط ميك آب وتضبط شعراتها
ولبست العباية وراحت مع أفنان بيت جدة خيرية عشان تجتمع الشلة ويركبوا في سيارة وحدة))

مرام وأفنان في السيارة :

أفنان : ها مرام مين زوجكِ ؟؟؟؟
مرام : عمر
أفنان : ايش تقولي أنتِ حرام عليكِ والله لو دري فارس .....لا مرام راجعي نفسكِ بليز مرام
مرام : أنا راح أكلم فارس بالموضوع إذا كانت ردة فعله عادي معنا توا ما يحبني وكمان ولا يوم راح يتمناني زوجة لو , ولو كانت ردة فعله غير ومصدوم راح أفاجؤ اليوم الثاني .

أفنان : مرام صراحة عقلكِ كده ..
مرام : الحياة أحياناً تعلم الواحد أشياء هو نفسه ما يكشفها الا يوم أزمتو
أفنان : ياهو يا فيلسوف مرام .,’
مرام : أنا غلطانة أكلمك ِ
أفنان : والله أمزح
مرام : طيب عرفت يلا خلينا ننزل شوفيهم قاعدين معصبين .
أفنان : حناخذ تهزيء قوي منهم
مرام :ههههههههه

خالة مرام منال : سنة وإحنا قاعدين في الشارع دحين طالعين من السيارة وتضحكوا
مرام : خلاص خالتو منال والله مو قصدي
رهف : إحنا قاعدين ساعة ونص وأنتِ تقولي ((وتقلد صوتها )) والله مو قصدي
مرام : رهف أقلبي وجهكِ
رهف : مافي مكان أقلب في وجهي ههههههههه
مرام : رهف أنا معصبة ومني طايقتكِ تقدري تبعدي عشان ما يجي كف على وجهكِ
رهف : ياي مامي مرام راح تضربني ههههههههه
مرام : (( قربت مرام من رهف تضربها الا ويجي فارس ويمسك يد مرام ويقولها
فارس : مرام لا تحطي عقلكِ في عقلها
مرام :...............((نظرات بعينها , وأفنان وخالة منال يضحكوا على مرام ))
فارس : مرام تركبي في سيارتي ولا في سيارة السواق
مرام :........((مسرحة))
منال : خلاص فارس مرام راح تركب في سيارتكِ وجمبكِ كمان ((و تطالع مرام ))
مرام : طيب أنا مـ.............
منال : ((وتهمس في أذن مرام )) ..أركبي ونتقابل في المطعم
مرام : طيب

((تقسيم السيارة في سيارة فارس البورش راكب هو قدام ومرام جمبه ووراهم أبو المشاكل أخو فارس ياسر))
(( سيارة السواق كامري كلهم محشورين ورى منال وأفنان ورهف
وأولاد عم رهف الصغار ))



في سيارة فارس :
فارس : حلو الجو اليوم
مرام : أيوا مرة روعة
فارس : بس مو أحلى مين الي جمبي
ياسر : ((ويغني )) وبحبك وحشتيني بحبك وأنتِ نور عيني دو أنتِ مطلعة عيني بحبكِ مووت
فارس : لو ماسكت لا والله أرميك مين السيارة وأحمد ربك أول مرة تركب البورش .
ياسر : خلاص أوعدك ما راح أتكلم يا أخوي الكبير فارس .
فارس :good boy
ياسر : ليا الشرف
مرام : ههههههههههههههههههههههههه هههههه
فارس : يه يه ايش الضحك دا
ياسر : على أخر عمري صرت أضحك مرام
فارس: معليش مرام تنزلي معاي نروح مركز رباعيات
مرام : ليش ..؟
فارس : أبى أشتريلي كم لبس
مرام : طيب عادي
فارس : ليا شرط واحد
مرام : أشرط يا سيد
فارس : ممكن أشوف شعرك
مرام : بس ...أهو
فارس : طب تطلعي والطرحة على كتفكِ مرام
مرام :عادي بس لا نطول أوكي
فارس : أوكي أنزولي من السيارة .

(( و راحوا محل رباعيات في التحلية وهو مرة فخم وغالي مووت ودخلوا محل الملابس
ومرام كانت مرة مستحية لأنها فردت شعرها وحست بشوية خيانة لدينها ))
اللبناني : أهلين وسهلين شو هالمفاجآة الحلوة ياسي فارس
فارس : من ذوقك
(( وصافح فارس وبعدين جا يصافح مرام قامت مرام أبتسمتله بس ما صافحته بس رفعت يدها وسلمت زي الضابط , فارس كان معجب بالحركة الي عملتها مرام, وقاعد يدور على ملابس ويطل فيها بأعجاب شديد وتبتسم ويبتسم لها ,,,,,((على فكرة أحلى شي بين الطرفين أنو الاثنين يعبروا عن حبهم بابتسامة وطبعاً فارس أكثر شي يسيح قلبه ابتسامة مرام ))


وبعدين أشترى فارس بدلة مرة جنان عليه وهيا بنطلون جينز غامق وبلوزة سودة وفوقها جاكت أبيض ومرام كانت متجننة على شكله بس طبعاً تعبر في قلبها بس ابتسامة منها تعبر على أنو كل شي كويس لفارس من كل النواحي))


وراحوا المطعم والشلة كانو مستنينهم على أحر من الجمر
منال : لا بالله كان رحتوا لندن وجيتوا مافي مشكلة عندي أستناكم
فارس : الله يخليكِ يا منال ترى مو فايق
منال : احترمني على الأقل قول يا عمة منال أختكِ ولا صاحبتكِ تناديني بأسمي
فارس : آسف
منال : لا مرة عادي الساعة قربت على 12 وأحنا ما أكلنا
رهف : أنا راح أعد من واحد لعشرة ما جابوا الـdinner راح أصرخ لأنو عصافير بطني تزقزق .
مرام : أفنان تعالي بسرعة أبغاكِ برى
أفنان : طيب
منال : ايش عندكم برى المطعم
أفنان : الله يسعدكِ يا عمة منال نبغى نتكلم ونجي يلا مرام
((وراحت أفنان ومرام برى عند الباركينج ووقفوا عند سيارة فارس ))
مرام : أفنان بليز أزهميلي فارس أبغى أكلمه
أفنان : أنتِ ما قولتيلوه
مرام : ياسر معانا كيف أكلمه
أفنان : خلاص تعالي نزهمه
مرام : لا أنا أستنى هنا وأنتِ أزهميه أنا أنكسف مووت
أفنان : طيب يا مدام فارس
مرام : روحي
أفنان : ههههههههه
وراحت أفنان زهمت فارس وكان شكله خايف لمن قالتلوه مرام تبغاك, وطبعاً الخالة والأولاد عملوا تحقيق مع أفنان ومسكينة راحت فيها .
وراح فارس لقى مرام جالسة على السيارة وساكتة وتطالع في السما
فارس : آمري مرام قالت أفنان تبغيني في موضوع
مرام : أيوا بس ما ينفع برى الناس حتسمعنا .
فارس : أوه أسف نسيت أتفضلي
مرام : مرسي((و دخلوا السيارة ))
فارس : أنا عارف ليش تبغيني
مرام : ....
فارس : معليش أنا أتكلم بعدين أتكلمي أوكي
مرام : أوكي
فارس : مرام أنتِ لكِ أسبوع شكلكِ مو عاجبني وأنا مآحب أِشوفكِ زعلانة وحسيت أنو أنا سبب كآبتكِ صح
مرام : لا تقول أنك السبب
فارس : مرام فضفضيلي قوليلي الي في قلبكِ مرام أنا عمري ماخبيت عنكِ شي من يوم ما حبيتكِ وأنا فاتحلكِ قلبي .,؟
مرام : أنا مأعرف كيف أرد عليكِ بس بكرة حيجوا ناس يخطبوني
فارس : يخطبوكِ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
مرام : أيوا
فارس : حرام عليكِ تعذبيني أنا متعذب منكِ وتعذبيني زيادة .
مرام : طيب هذا هو أكبر حل ممكن يبعدكِ عني
فارس : مرام أنتِ مافي يوم حبيتيني وأنا أقعد بالأيام والسنين أفكر فيكِ وأقول هذي شريكة حياتي أنا أحبها ومتعلق فيها بعدين تعملي معايا كدا , المهم مرام إذا كنت تبغي خطيبكِ مبروكِ مقدماً أنا مأحب أغصب أحد أنو يحبني حبيتيني أنا حبيتكِ من يوم ولدتي , كرهتيني حأفضل أحبكِ في قلبي بس ماأبغا أخربلكِ حياتكِ لأني أحبك وبسبكِ أتعذبت وبس يا مرام كفاية ((الدموع في عيونه)) .
مرام : خلاص أنا مأبغى عمر
فارس : مين عمر ,؟؟؟؟؟؟؟؟
مرام : الي راح يجي بكرة
فارس : مرام أنتِ قاعدة تلعبي معايا ولا كيف
مرام : لا منجد أنا أبغاكِ ((وتبكي ))
فارس : خلاص مرام لا تبكي أنا كمان أبغاكِ وأنتِ محجوزة ليا فاهمة مرام بليز سنة والله سنة وأخطبكِ .
(( ويقاطع حديثهم خالة منال ))
منال : العشاء صار بارد وأنتوا تبكوا ((و تهبد على زجاج السيارة ))
فارس : خلااااااااااااااص والله قايمين السيارة غالية خلااااااااااااااص
مرام :هههههههههههههههههههههههه� �هههههه
منال : لكِ عين تضحكي أرجعي أبكي بلا هبالة
((وراحو المطعم وأتعشوا وكان أحلى يوم بالنسبة لي مرام وفارس والباقين اللهم أستر
وبعدين ركبوا السيارات وأتغير التقسيم ))
سيارة فارس:مرام وفارس ووراهم منال وياسر

سيارة السواق : أفنان ورهف والصغار

في سيارة فارس:
منال : بليز فارس وديني شوي باسكن روبنز
فارس : من عيوني

منال : تسلملي عيونك
مرام : خلاص ما صار باسكن......
منال : يا واد يا غيور
فارس : ههههههههه
مرام : خلاص في شي يضحكك
فارس : أنتِ ههههههههههههههههههههههههه هههههه
منال : أكبري شوي مرام أكبري لسع بدري على الغيرة أوكي .
مرام : ((عيونها تدمع ))
فارس : ليش الدموع ما قالت شي عمة منال , أمسحي دموعكِ وصلنا الباسكن يلا
مرام : خلاص أبعد يدك
منال : خلاص يا فارس ما قالت لك أمسح دموعي
ياسر : أنتِ عارفة يا عمة منال لمن راحو مركز الخياط ما شفتي أيش قلها
منال : قول بسرعة .
ياسر : قال فارس لمرام الجو اليوم مرة حلو وبعدين ردت عليه ايوا مرة روعة وقالها بس مو أحلى منكِ .
ياسر + منال: ههههههههههههههههههههههههه هههه
وفارس ومرام ساكتين ومتحملين الكلام
وراحوا أشتروا باسكن وأكلوا وأتمشوا وكل واحد أتيسر على بيته وخلصنا الجزء الخامس



اليوم يوم الخميس يوم خطبة عمر على مرام ((عمر طاير من الفرحة وصاحي من الصبح وفرحان ومسكين ))
(( مرام قاعدة زعلانة مهي عارفة كيف تكلم عمر وتقوله أنها ما تبغاه تبغى فارس
لكن جاتها فكرة جهنمية زي ما يقولوا ))
أتصلت مرام على عمر بالتلفون :
مرام : ألو ؟؟؟؟((بصوت مخنوق ))
عمر : ألو ؟؟؟؟؟؟؟؟؟؟؟
مرام : كيفكِ عمر .؟
عمر : بليز بس مين معايا .؟
مرام : أنا مرام .!!!!!
عمر : مراااااام والله ما عرفتكِ سلامات مزكمة ؟؟
مرام : لا ,
عمر : اليوم جاي أخطبكِ مستعدة
مرام : لا
عمر : مرام بليز ترى وقف قلبي فيكِ شي
مرام : ((أنفجرت بكاء))
عمر : مرام ,مرام خير ايش فيكِ .؟؟.؟؟؟.
مرام : لا تجي اليوم بليز الله يخليكِ لا تجي تخطبني لا اليوم ولا بعد سنة ((تبكي ))
عمر : مرام أنا مو ناقصني شي وكل شي فيا تتمناه أي بنت في الكون ليش يا مرام
مرام : أنا أحب واحد وهو يحبني ويبغاني وأبغاه و أهلي عارفين أخلاقه وكل شي ونحنا سنين والحب متولد فينا والسنة الجاية راح يجي يخطبني وأنا محجوزة لو أنا آسفة عمر والله إنك دخلت قلبي وحبيتك والله ما أجامل صدقني أنا أحبك .
عمر : طيب أتزوجيني يا مرام والله راح أعوضك عن كل شي صدقيني وأنسي حبيبكِ وابدئي معايا بليز مرام أنا مرة موت أحبكِ والله في يوم وليلة حبيتكِ مرام لا تعزبيني يا مرام الله يخليكِ
(( ويبكي ))
مرام : والله آسفة بس لا تجي عمر والله أحبك وأموت فيك بس أنا نصيبي لغيرك ِ الله يخليكِ لا تجي ولا تتصل ولا تكلمني على الماسنجر الله يخليكِ ((وتكمل بكاء ))
عمر : مرام متأكدة أنكِ ما تبغيني
مرام : أنا أبغاك في قلبي لكن تكمل معايا أنا أسفة بليز باي باي
عمر : والله أحبكِ .

((عمر المسكين قاعد يبكي وكلم أهله أنها أتصلت وقالت له ما تبغا أهله زعلوا مووت لأنو عمر أرتفع عنده الضغط ونام في المستشفى ,مرام المسكينة قعدت تبكي وكلمت أهلها عن الموضوع كله و كمان زعلوه لأن أبو مرام سئل عن عمر وقالوا أنو ولد مرة كويس ))

لكن كذا الحياة يا عمر تلاقي حبيبك في يوم ولمن تبغاه يروح , و دور على بنت زي مرام وأصلح حالكِ وربي يوفقكِ آمين .

الله يسعدكِ يا مرام ويهنيكِ بفارس , لكن لو ماتعرفتي على عمر ولا شفتي كان أحسن ريحتيلوه قلبه المسكين راح فيها . لكن معليش الحياة تصادف كل حبيب بيوم .

بعد أسبوع من الموقف مرام كانت طول الوقت في غرفتها ونايمة ونفسيتها مرة تعبانة
و أهلها حاول يكلموها بكل الطرق بس ما نجحت طرقهم وما تأكل ولا ترد على جوالها ولا تستقبل أحد حتى لو كان فارس .

مرام قاعدة في غرفتها وتكلم روحها (( أكيد أنا السبب في كل مشاكل الناس عمر مسكين والله أحبه بس كمان أبغى فارس وأحبه مووت أنا ليش أعمل كده لازم أروح عند أم عمر وأتأسف أكيد حصله شي لأنه جا مسج من أخو أنتِ السبب , يا ربي سامحني لو دخلت الحزن على هاذي العيلة والله أنهم يحبوا عمر ولو راح أكيد أنا السبب لا لازم أتصل على أخو وأكلمه يديني عنوان المستشفى وأرحلوا وأتأسف وأقولوا أنو أنا مو من نصيبكِ بس لازم سامحني))

واتصلت مرام على أخو عمر وأداها عنوان المستشفى مع أنو كان ليل وأهلها نايمين

دخلت مرام المستشفى وشافت أمه قاعدة جمبوا
مرام : السلام عليكم
أم عمر : وعليكم السلام ,أنتِ مرام
مرام : أيوا