الجزء 2

الفصل الثاني

اطاعت همسه أوامره ونفذت ما طلبه منها ، وضع رأسه علي قدميها قائلاً : هنام أكده لحد الصبح ، هتقدري تتحمليني ، تقدري تقولي من سنين طويله قوي منمتش ف حضن أمي ومبقتش عاوز دلوك غير حضنك انتي بس ، ضميني يا همستي عاوز احس اني مرتاح

دمعت عيناها : انت بجد عاوزني أنا ولا عاوز عمتو ، اقصد وحشتك وعاوز تشوفها

اعتدل هشام واقترب منها ونظر في عينيها قائلاً : امي انا عمري ما هشبع منيها لانها امي ، وعمرها ما كانت جافيه عليا ابدا وبحنيتها انا عيشت وحبيتك ، انا عاوزك انتي ، وبحبك انتي ولما طلبت منك أكده علشان عاوز احس كل حاچه معاكي انتي ، آني عشقتك ، عاوز ادخل چواكي وتخبيني ، عاوز افضل عايش جواااااا هناااااه ياهمستي
وأشار بإصبعه علي قلبها

....... : طيب تعالي جوا هنا
ضمت رأسه لصدرها للحظات ثم اعتدل يلثم ثغرها بشوق حتي سمع صوت طارق يقرع باب غرفتهم ، فتركها وتوجه للباب واخذ منه الطلبات وعاد بها إلي همسه

..... : إيه ده ومين اللي علي الباب ؟؟

...... : تعالي يا قلبي ، شوفي طلبتلك إيه

اقتربت همسه ورفعت الغطاء فوجدت عدد كبير من الشيكولا وعدة أنواع منها وإلي جانبهم اللبن الدافئ المحلي بالعسل النحل

...... : يالا يا ضي عيوني اشربي اللبن وكُلي الشيكولاته ولا اقولك حاچه الاول ادخلي اتحممي وغيري وچهزي نفسك للنوم وبعد أكده اشربي اللبن

....... : كل ده علشاني انا ،
اقتربت منه وتعلقت في رقبته وقبلته وارتسمت الفرحة علي وجهها

....... : هو آني عندي مليون همسه ، هيا واحدة بس ، ملت عليا دنيتي وحياتي ، تعالي وياااااي
جذبها ودخل بها للحمام وسط ضحكاتهم وتحت قطرات الماء وامضوا وقتا من المرح واللعب

هشام : عشان هقربلك ف البحر هتقولي لاء هشام الناس بتتفرج عليا وانا بتكسف ، هنا مفييييييش كسوف آني وانتي وبس

صدح صوت ضحكاتهم ولهوهم معا ثم خرجوا وتناولوا الحليب الدافئ والفاكهة والشيكولا وبسكويت التمر
وضمها هشام بين ذراعيه ونامت همسه كالطفلة الصغيرة وهو مطبق عليها خوفا من أن تبتعد عنه واطمئن انها قد غفت ثم راح في ثبات عميق
_______________________
عاد أدهم للڨيلا ودلف لغرفته ليجد حنين تنتظره كعادتها بشوق جارف ، اسرعت واقتربت منه تحتضنه وتحدثت بدلال : كده بردو دودي انت غايب طول اليوم وقولتلي مش هتأخر عليكي ، يعني ازعل منك دلوقت

......... : لاه لاه تزعلي كيف ديه ، بس أنتي عارفه يا قلبي كان لازم اطمن علي كافة شي قبل ما نسافروا ، معوزش حد يعك الدنيا ف غيابي ، بس خلاص آني چيت أهه ، چهزتي كل حاچه ؟؟

........ : اه خلاص كل حاجه جاهزة من بدري

......... : خمس دقايق هدخل اتحمم واغير خلجاتي ونتوكل علي الله ، يادوب معاد الطيارة ، انتي نادمي علي الوِلد يآچوا يآخدوا الشنط للعربية لحد أما أخرچ

........ : حاضر يا حبيبي حالا اهوه
........ : يا ثريا تعالي نزلي الشنط بسرعة
........ : حاضر يا ست حنين چايه أهه
________________________
ما هي إلا دقائق معدودة وقد خرج أدهم وارتدي ملابسه وتأبطت حنين بذراعه ونزلت بجانبه علي المصعد كالعروس تتبختر يوم عرسها

جميله : بالسلامة يا بت خالي ، اياك تتهني انشاله

........ : اكيد ان شاء الله هتهني ، طالما مع ادهم حبيبي ، وضي عيوني يبقي اكيد كل أيامي هنا ان شاء الله خير

توجه كل من ادهم وحنين لحمزة بالكلام : حمزة حبيبي اسمع كلام جدتك ومتلعبش برا كتير بالكورة

....... : حاضر ، تروحوا وترجعوا بالسلامة

أسرع ادهم يجذب حنين : يالا يا قلبي اتأخرنا ، خلونا نلحقوا الطيارة

....... : طيب يا حبيبي هسلم بس علي حمزة وفضة
____________________
استقلت حنين بجانب ادهم السيارة ووجهت سؤالها : قولي بقي احنا مش كان المفروض نسافر بعد ما همسه وهشام يرجعوا من السفر ليه اقدمت ميعاد السفر

........ : عاوزه الچد ولا واد عمه ؟؟

......... : لأ عاوزه الجد طبعا

......... : شوفتك مهمومه واشتاقتي لهمسه فقولت انسيكي سفرها وان شاء الله علي ما نرچعوا آني وأنتي هيكونوا هما رچعوا بالسلامة

......... : يارب يرجعوا بالسلامة ويكونوا متهنيين وفرحانين مع بعض

........ : آني واثق من حب هشام لهمسه وإلا مكنتش وافقت علي چوازهم ، آني شوفت الحب ف عيونه ، شوفت شوقه ليها وهيا قدام عينيه وبيبصلها وخايف مني اشوفه وكان بيتداري مني ، بس آني كنت بشوفه من غير ما يعرف متقلقيش بتك زينه وفرحانه ، هشام كلمني وآني ف الشغل وقالي متقلقش علي بتك يا خال ، همسه ردت ليا روحي اما وافقت تتچوزني ، واوعدك ان طول ما آني عايش الحزن ما هيعرف لقلبها طريق

......... : الله عليك ، ده اجمل خبر سمعته في حياتي ، ربنا يكتبلهم الخير واشوفهم دايما مع بعض واشوف الحب ف عيونهم
_____________________
وصلت حنين مع ادهم مدينة السحر والجمال ، امضوا ليلتهم وفي الصباح استيقظت حنين تداعب بأصابعها الصغيرة وجه ادهم حتي استيقظ ليري وجهها الباسم ، اسرع ليحتضنها وهمس بأذنيها : وحشتيني يا ضي العين
يا نجمة في السما العالية
ابات الليل اناجيها
واقوم الصبح اداريها
عن عيون الخلق
چوا القلب اخبيها
صباحك چنه يا قلب ادهم
........ : صباحك ذي قلبك الصافي وحضنك الدافي يا حياة حنين ، يالا انا جعانه اوي
...... : وازاي چعانه وسيباني نايم لحد دلوك ، يالا حالا ننزلوا نفطروا ولا اتصل اچيب الوكل هنه ؟؟

........ : لأ انا هفطر علي البحر

......... : حالا نفطروا علي البحر ، هاتي التلافون
تناول الهاتف واتصل بموظف الاستقبال وطلب منه تجهيز افطار لشخصين بالقرب من البحر
بدلت حنين ملابسها واطلقت العنان لشعرها الحريري ولكنها وضعت عليه غطاء خفيف
تأبطت ذراع ذلك الأدهم بعضلاته المفتوله وخطت بجانبه خطوات في هوادة وشموخ ، ولاحقتهم نظرات المتواجدين في ساحة الفندق وحين وصلوا للباب واذا بإمرأة حسناء ترتدي ملابس مكشوفه ، ما يكشف منها اكثر مما هو مستور واسرعت تقترب من أدهم وتلقي عليه التحية : اهلا ادهم بيه ، ايه الفرصة السعيدة دي ، حضرتك هنا في شغل ؟؟
بشدة وحزم في نفس الوقت رد عليها قائلا : صباح النور استاذة ياسمين ، أنا هنا في أچازة من الشغل ومعايا مارتي حنين هانم أدهم
....... : اسم والدها كمان ادهم ، عموما اهلا وسهلا يا فندم اتشرفت بمعرفة حضرتك

.......... : لا اسم بابا مش ادهم ، انا عندي ادهم واحد بس

......... : آااااااه فهمت عموما اهلا بحضرتك مرة تانية ،
ثم توجهت لأدهم بالكلام : طيب مش هعطل حضراتكم

حنين بنعومة : يالا ادهم أنا جعانة

ادهم : طيب بعد اذنك استاذة ياسمين

......... : اه طبعا اتفضلوا
تحددثت لنفسها قائله : يا بختك بيه ، اللي تتجوز واحد ذي ادهم ده لازم تكون محظوظة وربنا بيحبها ، سبحان الله مال وجمال وهيبه بس انتي كمان جميلة وباين حبك ليه

احتضنت حنين ذراع ادهم فمسك يدها وضغط عليها وهمس لها : اتوحشت حضنك يا حنيني

ابتسمت له قائله بهمس : الناس حوالينا ادهم

....... : طب ودي فيها ايه ، مرتي قدام ربنا وقدام كل الخلق وبقولها وحشاني ، حد له عندي حاچه

ضحكت حنين وسرقت قلب عاشقها قائله : لأ محدش له عندك حاچه

......... : بس هو ديه الكلام الزين ، يالا بينا نفطروا ونطلعوا نرتاحوا شوي ، بالليل هنسهروا سهرة حلوة فوق علي الچبل

حنين بفرحة وابتسامة : الله بجد ، طيب يالا عشان اطلع آخد شاور وتطلبلي الكوافير عاوزه اعمل شعري

........ : ولمين هتتچمل ست النساء ؟؟

......... : أنا مبتجملش غير لواحد بس ساكن قلبي وعقلي وروحي بس لازم اما أكون جنبه في سهرة ذي دي كل الناس اما تشوفنا تقول يا بختهم ببعض ذي الاستاذة ياسمين كده

ارتفع صوت ادهم بضحكة اخذت قلب حنين : وبعد العمر ديه كله ، لسه حنين بتغير علي ادهم من عيون الستات حواليه ؟؟

........ : ايوه بغير عندك مانع

........ : لاه طبعا غيري ذي ما انتي عاوزه بس لازمن تكوني عارفه ان عيون ادهم اتعمت عن كل الستات اللي في الدنيا من بعد ما دخلتي قلبه وسرقتيه وعمره ما شاف ولا هيشوف غير حنين