الجزء 16

لفصل السادس عشر

الضابط : اللي اتقتل يبقي ولده لزين الدين ،، اظنك تعرفه ؟؟

ادهم نكس رأسه حزنا : ايوه اعرفه ،، كان شاب طيب وابن حلال ،، كان غلبان وملهوش كلام كتير مع حد ولا له عداوات ،، الله يرحمه ويغفرله

الضابط : هو ده فعلا اللي احنا مستغربينله ،، بشهادة كل الناس اللي تعرفه انه ملهوش عداوات مع حد ومن وقت ما ابوه مات وهو في حاله ،، بيرعي بيته ومن شغله لبيته ومن بيته لأرضه حتي الناس بتقول مكنش ليه في قاعدة القهاوي ولا له اصحاب كتير هو جاره وبس ،، عموما هنعرف كل حاجه بس اللي لازم تعرفه ان ضرب النار كان من مكان عالي ولحد دلوقت مش متأكدين اذا انت اللي كنت مقصود ولا هوه بس اكيد هنعرف
نستأذن احنا وربنا يتم شفاك علي خير

ادهم : يارب ،، الله يسلمك يا بيه
همس ادهم في سره يارب سترك ،، يا تري مين اللي عمل اكده ،، هنرچعوا نفتحوا بحور الدم من تاني

دلفت حنين : ادهم حبيبي انت بتكلم نفسك ،، مالك ودم ايه اللي بتتكلم عنه

ادهم : لا يا قلبي مفيش حاچه ،، آني بس بقول الدم اللي علي يدي ديه من ايه ؟؟

حنين : اه ،، طيب هنآدي الممرضة تنضفه حالا
_________________________
مصطفي : السلامو عليكو يا اهل الدار
جميلة : يا مرحبه بالعرسان ،، طيب مش كنت بلغتني يا ولدي انك چاي ،، بس والله مفاچأه حلوه ،، اهلا يا وسام يا بتي تعالي ارتاحي ،، الطريق طويل من المطار لخد اهنه
مصطفي : يعني مسمعتكيش هتزغدي ياما ،، مشيفانيش عريس ولا ايه

ترددت جميلة قائله : لاه ازاي يا ولدي بتقول اكده ،، عريس وزينة العرسان بس ......

مصطفي : بس ،، بس ايه ياما ،، ليه خبيتي عليّ ،، ازاي كل ديه يوحصل وآني آخر من يعلم ،، يعني عمي سندي وعزوتي يبقي في المستشفي بين الحيا والموت واتصل عليكي تقوليلي زينين خليك مع عروستك ،، كيف ديه ؟؟

جميلة : يا ولدي مقدرتش اخبرك وانكد عليك وانت لساتك عريس چديد ،، بت الناس اللي معاك دي ايه ذنبها في النكد والحزن بس يا ولدي وهيا عروسه مكملتش شي

مصطفي : طيب ياما بعدين نكملوا حديتنا ،،
ارتفع صوته عاليا : يا همساااااه ،، آني چيت يا بت عمي ومعاي وسام ،، تعالي خوديها تقعد وياكي

سمعت همسه صوته ولكنها متعبه لم تستطع النزول لأسفل
جميلة : همسه تعبانه يا ولدي والداكتور مانعها من الحركة الكتير ،، سيب وسام معاي آني هخلي ثريا تطلعها فوق

مصطفي : طيب ياما ،، آني هروح المستشفي اطمن علي عمي

جميلة بلهفه : روح يا ولدي وتبقي تطمني عليه الله يسترك
مصطفي : حاضر ياما الله يطمنا كلاتنا بالخير انشاله
______________________
عامر : دلوك احنا لازمن نفكروا مين اللي ممكن يكون عمل اكده في ادهم ،، أحنا كلاتنا عارفين موضوع يوسف ، تفتكروا يكون هو اللي عمل اكده ولا حد تاني ؟؟

منصور : لاه يا واد عمي يوسف ايه ديه ،، الموضوع اكبر من اكده ،، الموضوع فيه قتيل والقتيل يبقي واد زين الدين فاكرين زين الدين ديه ولا لاه

بدر : ايوه فاكرينه يا واد عمي بس الموضوع ديه اتقفل من زمان وكان في صلح بين العيلتين

عامر : طيب عموما خلونا نتأكدوا لأول من انه مش يوسف وقتها نقرروا ايه اللي هنعملوه

بدر : طيب هملني يومين وهچيبلك قرار اللي اسمه يوسف ديه

عامر : ماشي هنستنطروك

منصور : عموما اسأل رغم اني متأكد من اللي في دماغي بس بردو خليني وياكم للأخير ونشوفوا بعد اكده هنعملوا ايه
____________________
رن الهاتف في غرفته
.... : ألو ،، هاه يا باشا انشاله تكون راضي عنينا ؟؟

..... : انت غبي واعمي ودخلتنا في موضوع چديد إحنا في كنا في غني عنيه ،، انت ملقيتش غير ادهم القناوي يا اضبش ،، كنك اتعميت ونشانك خاب

..... : لاه يا بيه متقولش اكده ،، نشاني عمره ما خيب ،، بس هماا اللي طلعوا قدامين ذي العفاريت معرفش منين وصابه العيار من غير قصد وبعدين هو مش انت قولتلي قبل سابق انه هو عارف مكان اخوه خلاص بقي اهو اخد نصيبه والحمد لله مماتش كلاتها كام يوم وهيقف علي رچله من تاني

..... : الله يلعنك يا شيخ ،، اقفل وغور من قدامي ،، انت فتحت علينا باب چهنم ،، يالا اختفي وكسر الخط اللي وياك ديه وحسابك واصلك واوعي تتصل بيا تاني ،، لولا وظيفتي كنت آني اللي قتلته بيده وريحت ابوي في تربته
________________________
حنين : ممكن يا دكتور حضرتك تطمني علي ادهم وتقولي امتي ممكن يخرج ويرجع معايا البيت ؟؟

الطبيب : الحمد لله ادهم بيه في تحسن والجرح ذي الفل وممكن بكره بالليل ان شاء الله يخرج ويرجع بيته وبعد اسبوع يرجع لنا نطمن علي الجرح

حنين بسعادة : بجد يا دكتور الحمد لله ربنا يطمنك ،، اكيد ان شاء الله هيرجع لحضرتك بعد اسبوع علشان كلنا نطمن
___________________
همسه : هشام بابا وحشني اوي ،، عاوزه اروح اشوفه واطمن عليه

هشام : بس اكده حاضر ،، بس ايه رأيك لاول نتصلوا علي مرت خالي نشوفوه صاحي ولا نايم ،، معوزينش نزعچوه بالزيارة كل شوي

همسه : قول ياسي هشام انك خايف عليا من المشوار مش اننا هنزعج بابا ،، عموما اتصل خلينا نشوف

اجري هشام اتصال مع حنين : كيفك يا مرت خالي وكيفه خالي

حنين : الحمد لله يا ابني بخير واتحسن كتير عن الاول والدكتور طمني

هشام : طيب هو صاحي اصل همسه عاوزه تآچي تطل عليه

حنين : احنا هنرجع بكره البيت ان شاء الله خليها مرتاحه هيا لسه تعبانه والمشوار طويل عليها ،، طمنها وقولها كلها ساعات وهو هييجي لحد عندها

هشام : هبلغها يا مرت خال بس بالله تسلميلنا عليه كتير

حنين : حاضر وهو كمان بيسلم عليكم

همسه بإستعجال : هاه قالتلك ايه ،، بابا كويس ولا تعبان ،، يالا هشام اتكلم

هشام ضاحكا : يا حبيبتي بالراحه عليّ ،، خالي زين الحمد لله وحالته اتحسنت وراچع بكره كمان ،، ارتاحي بقي شوي

همسه بفرحة : واااااو بابا راجع البيت بكره يا اهل الدااااار ،، يا جدو يا تيته يا حمزة بابا راجع بكراااااا ،، يا عمتوووو بابا راااااجع بكرااااا

هشام ضاحكا : مجنونه
_____________________
بدر : يا عامر يا خوي ،، يوسف بعيد عن الموضوع ،، يوسف من وقت ما سافر مرچعش تاني لحد دلوك وشكله اكده مهواش راچع تاني

عامر : طيب يبقي اكده ،، مفيش غير الموضوع القديم بس ليه يتصاب ادهم ، ديه اللي لازمن نعرفه

منصور : محدش هيعرفنا كل حاچة غير ادهم نفسه ،، هو ميتاا راچع بالسلامة ؟؟

عامر : سمعت هشام بيقول بكره ان شاء الله

بدر : طيب يا واد عمي ،، يا خبر دلوك بفلوس بكره يبقي بللاش ،، وبكره مهواش بعيد
______-___--

صدح هاتف ادهم برسالة من رقم غير مسجل نصت علي : ادهم بيه مش انت المقصود رغم انك عارف اللي انت عملته من زمان ولكن بردو مش انت اللي مقصود

تغيرت ملامح ادهم ولاحظت حنين فسألته : من مين الرساله دي ؟؟
وليه شكلك اتغير كده يا حبيبي
انا مش مطمنه من وقت اللي حصل ،، ادهم انت عمرك ما خبيت عليا حاجه ،، ممكن لو حنين ليها خاطر عندك تحكيلي كل حاجه ،، اوعي يكون يوسف رجع تاني وهو اللي عمل كده ؟؟

ادهم : لا لا يوسف ديه تنسيه خالص وتنسي حكايته نهائي ،، الامر ملهوش علاقة بيوسف

حنين : اومال له علاقة بمين ،، ادهم انا قلبي وجعني بسبب اللي حصل وبقيت مرعوبة عليك انت وحمزه اكتر من الاول ممكن تفهمني في ايه بالظبط

ادهم : آني قولتلك طول ما آني عايش علي وش الدنيا وفيا نفس مش عاوزك تخافي ولا تقلقي من شي

حنين : ازاي مش عاوزني اقلق وانا شوفتك ودمك سايح وكنت هتروح مني ،، أنا مليش غيركم في الدنيا ،، انت عارف ادهم ايه بالنسبه لحنين ،، انت روح سكناني ،، قلب بينبض بين ضلوعي ،، انا مكنتش عايشة الكام يوم اللي فاتوا كنت حاسه اني جسد بدون روح ،، بتحرك وبروح وبآجي لكني كنت ميته علي قيد الحياة

ادهم : يا بوووووي كل الكلام الحلو ديه ليا آني ،، طيب قربي مني شوي ،، اتوحشتك قوي

اقتربت منه فضمها وهمس لها ،، آني كمان دلوك بس اللي حاسس اني لسه عايش ،، بحبك حنيني ،، قبل جبينها ووجنتيها ولثم شفتيها فدمعت عيناها وهمست له : حمدلله علي سلامة قلبي ،، ممكن تطمني وتحكيلي بقي كل حاجه

ادهم : حاضر يا قلبي بس خليكي چاري هنه
حنين : حاضر انا هفضل جنبك اهوه يالا بقي