الفصل 32

فهد نزل من الدرج يزررّ ثوبه .. باين شكله بيطلع .. ويدق الجرس
فدوى رفعت راسها .. وشافته رايح ناحية الباب يفتحه ..
فتح فهد الباب ... وشاف مشعل مركّي ظهره ع الجدار اللي بجمب الجرس ..
مشعل ابتسم ورفع نظارته الشمسية على شعره : هاي كز (لغير الناطقين .. يعني هلا قريبي ههه)
فهد ابتسم : تكفى يالامريكي ..! تكلم زين بس
مشعل ضحك ومد يده يصافحه : مرحبا بك يابن العمة ..
فهد سلم عليه : هلا والله
مشعل : مرايتي وينها ؟ كان يو كول هم بلييييز ؟
فهد عفس وجهه : جاي تاخذه ؟
..... : ايه والله طفشان وودي نتمشى شوي .. آني وير ..
فهد : تسوي فينا خير ..!
مشعل مايحب يعلق على اسلوب فهد : طيب بنتظره
فهد ويفتح الباب زياده : لا وش دعوه تفضل على مايجي
مشعل ووهو يدخل يده بشعره : نو ثانكس ..
فهد : اقول انطم وادخل ..!
مشعل رفع يديه باستسلام : اوك .. اوك .. دونت شاوت ..!
فهد : مسوي لي فيها تبي الزم عليك .. تراك تمون ادخل وانت ساكت ..

مشعل دخل المجلس وشغل اللمبة : بكيفي امون ها

فهد ضحك : ايه , لحظه
رجع على وراه : فدوىىىىىىىىى فدييييووووو وووووجع
مشعل طاح قلبه ,, وده يقوم يكفخ فهد ليش يقول فديو ..
فدوى حاسه انه مشعل اللي جاي فجات عند الباب وماتكلمت , وفهد حب يمزح مع مشعل : شكلك منت مطول ,, خلص بنسوي لك شاهي بس .. !
مشعل ورجع ظهره ع الكنب : لا ابد .. ماوراي شي ..! ماودكم تضّيفون ..؟

( والله ان كان مولان هي اللي بتسويه .. ماوراي شي اجل ..! اشرب شاهي وقهوه وكل اللي تبون .. ! )

فهد ضحك :ههههههه حمار ,, (والتفت لفدوى ) صلحوا شاهي وقهوه ونادي فواز
فدوى وهي حاطه يدها جهة قلبها تلعب بخصلات شعرها .. كنها تبي تخبي قلبها لايبين انه يدق بقوه .. بس هزت راسها ومشت ..

كل واحد منهم .. دخل في بال الثاني .. لين فدوى حست انها ضاقت وراحت تدور بخاخها .. و لين صار مشعل بالسياره .. وبجمبه فواز
فواز : مشعل
مشعل نفض راسه : هلا
فواز بابتسامه جذابه : انت بس تفكر ..! فدوى بعد .. كله كذا .. ترفع راسها لفوق .. وماتطالع شي غير .. تحرك عيونها بس ..
مشعل سرح شوي مع اسم فدوى : هههههههه كذا .. الدنيا مليانه اشياء نفكر فيها ..
فواز : طيب ,, بنروح وين ؟
مشعل قابله : اممممم , الا بسألك متى اخر مره حلقت ؟
فواز ويحك راسه يحاول يتذكر : مادري ,, اخر مره ,, ابوي ماخذني معه ,, ينساني دايم ,,, !
مشعل دارت عيونه شوي على ولد عمته
فواز عفس وجهه : ليش شكلي كذا ,, يع ؟
مشعل : هههههههههههههه لا والله حلو عليك شوي كذا خفيف ,, بس عندي فكره ..! شرايك نروح للحلاق ..؟
فواز : اوووووووكي

حرك مشعل وبراسه فكره , وشوي الا هم واصلين .. طفوا السياره ونزلوا ..

الحلاق يكلم مشعل وهو مشغول بفواز : توأم انتو ؟
مشعل : ههههههههه نوب ,, ولا حتى اخوان
الحلاق انصفق وجهه : مره تتشابهون !!
مشعل ابتسم : عيال عمه وعيال خال .. مره كومبليكيتد الموضوع ..
ابتسم الحلاق مسوي فاهم كلام مشعل ..

مشعل ركّى ذراعه ع الطاوله يراقب فواز .. انتبه لشي وهو ان فواز لما يطلع برا البيت يكون سااااكت ومايتكلم مع احد غير اهله .. اكيد هم مخوفينه ومحذرينه لايفشلهم .. الله يهديهم .. بس يصير خير يافواز ,, والله ما أخليهم ..

الحلاق : سبحان الله ,, الخالق الناطق .. !!
مشعل انتبه لفواز اللي صار شكله مطابق تماما لمشعل بعد ماحلق .. وضحكو الثنين سوا ..
فواز يقرب للمرايه يتأمل شكله ,, كان مشعل طالب من الحلاق يضبط له زيه .. حركة تشبه السكسوكه .. بس مو كامله خفيفه

# ياجماعة احد يرحمني ويعلمني شسمها تسريحتكم ؟ قصدي قصتكم .. من زمان ابي اعرف اسمها .. اعرف عوارض وسكسوكه بس .. !!

العامل اللي يكنس الارض التفت للحلاق بعد ماطلعوا : اثنين نفر مجنون .. ! سيم سيم ..

في السياره .. وبعد هدوء دام ثواني

فواز : تدري ,, يمكن انت ., وفدوى .. احبكم اكثر ناس ..
مشعل ابتسم يوم انذكر اسم فدوى مع اسمه : ليه ؟
فواز رفع كتفينه : ماتقولون لي اني خبل ,, ومجنون (ويعد باصابعه ) ومتخلف .. ومادري شنو بعد ..
مشعل ويده ع الدركسون : انت مو مجنون يافواز .. ماعليك من اللي يقول لك كذا ..
فواز يطالع الشباك: هم يقولون ,, ملابسي ماعرف البسها ,, وبعد شنو ,, اشياء .. كثير
مشعل : قصدك هالاشياء .. هي اللي بنظرهم مخليتك خبل ؟
فواز التفت له ببراءه : اها ..
مشعل وتذكر سالفة العبايه وكلامه مع فدوى : ههههههه , انت عاقل يافواز .. قدامي .. انت عاقل .. !
فواز : لا ,, فهد يقول .. كل الناس عقل عندهم .. الا انا فاضي راسي ..
مشعل وقف السياره ع جمب وابتسم له بحنيه : لا يافواز .. لاتاخذ على كلامه .. انت عندك عقل .. انا عندي عقل (ويأشر على نفسه ) ومصدّي .. مغبّر .. ما أستخدمه .. !! صار لي يمكن ثلاث سنوات ..
..... : اجل كيف .. تفكر .. ؟
مشعل دخل يده بشعره ونزل راسه لصدره كنه يطالع قلبه ويقول هذا اللي انا افكر فيه .. !!
فواز عاد سؤاله : كيف تفكر ..؟
ابتسم ومسك الدركسون ثاني مره : انا ما أفكر .. ! عشان كذا انا مجنون ..! انا احس واتصرف بس ..!
...... : .........
...... ضحك : ياولد وشرايك نروح الراشد نتمشى .. (وغمز ) نورّي البنات اللوك الجديد تبعك .. ونستعرض شوي .. !
فواز ضحك ..: هههههههههههه .. قليل ادب ..!!


يوم السبت .. صبا عنّدت .. ماتروح الجامعه الا مع ابوها .. ومايجيبها الا ابوها .. وحمد استسلم لها ولطلباتها .. واخذها للجامعه في طريقة للعمل .. الكل يحاول يساعدها على انه ينسيها الموقف اللي صار .. بس هي مو قادره .. طول ماهي في السياره .. تطالع العمال في الشارع كنها تدوره بينهم .. او تتطمن انه ماعاد موجود مثلا ومو قادر يأذيها ..

وصلت للجامعه في هدوء .. وراحت لديم اللي كانت جالسه تطالع ساعتها

ديم : لا لا رجعي رجعي .. تأخري شوي زياده
صبا جلست جمبها : انطمي انا جيت مع ابوي
ديم : اها , بنت خالتج وينها ؟
..... : تلقينها راحت المحاضره من زمان .. انا توني واصله ..
ديم استعدلت في جلستها : اها ,, حلو .. قولي لي شنسوي في موضوعها ؟
صبا : والله مادري ياديم .. مشعل لازم احد يكلمه
.... : وربي يبيله تأديب ,, ماشفتي شكلها يوم اروح عندها وربي تموتين خوف
..... : طيب هي تتعب دايم عندنا بالجامعه صح ؟
.... :ايييه بس مو زي يوم العرس انا اول مره اشوفها كذا وربي خفت عليها خوف مو طبيعي ..
صبا عضت شفتها تفكر ... : وحده فينا تكلمه .. !
ديم صرخت : منتي صااااحيه ..!
صبا : بسم الله رجيتي الجامعه .. ! شفيها يعني .. ديم انتي كلميه قولي له انج كنتي عندها وشفتي شصار لها يمكن يخاف
ديم وشوي وتنهبل : لا لا .. اظاهر انتي انجنّيتي ..
صبا : مو جنون اننا نخاف عليها .. ونسوي أي شي عشان نخليها مرتاحه صح ولا ؟
ديم سكتت : بس أستحي .. ماعرف مادري ..انتي كلميه
صبا بجديه : مارح يقتنع هو يعرفني وبيروح يقول لعلياء اذا رجعت ..
ديم : طيب نفكر فيها .. امشي نروح عند مبناها اتوقع الحين انها طلعت , بتطمن عليها (وشبكت حواجبها بزعل ) والله احس اني قمت اخاف عليها زياده من عقب سالفتها ..
صبا : يعمري عليها

مشوا الثنتين سوا .. وراحوا للجهه اللي فيها قاعة فدوى .. ولقوها جالسه على الكرسي مرجعة ظهرها لورا .. حاظنه شنطتها وسرحآآآنه في اللاشي .. والهوا الخفيف يطير اطراف شعرها ..

ديم صفقت : صوره صوره ..
فدوى انتبهت والتفتت .. وعطتهم ابتسامه : ليش
صبا : شكلج خطير وانتي سرحانه كذا .. كأنج طالعه من قصه ولا مدري وشو .. خخخخخ صج مولان
فدوى ضاقت وعقدت حواجبها : شوفي ان قلتي هالاسم ثاني مره .. سوف تندمين
...... : خخخخخ رايقه تنكّتين بعد .. خلاص مارح نقوله ..
ديم وجلست جمبها : لماذا الضيق يا أختاه وسّعي صدركي وسعي صدركي
صبا دفتها : يع قامت الاخت تكاكي (تتكلم بالكاف ) ذكرتيني بمساعد يحب يتكلم بالكاف بعض الاحيان مسوي فيها كشخه وياوجهه
فدوى : هههههههههه
صبا : اقول يافتاة المزرعة شصار مع ثابت
ديم : مادري عنه قاعد في بيتهم شدخلني انا .. انا لاقيتها منه ولا من العريس اللي في بيتنا
فدوى : ههههههه منو ابوج ؟
ديم : يب بابا ,, راحوا خطبوا البنت .. قصدي الحرمه .. مدري الأم .. مادري هههههههههههههههههه
صبا ضربتها على راسها : خبله
ديم ضحكت بقوه ماتدري ليش .. وراحوا الثنتين يضحكون معاها ..