الفصل 5
ام خالد:ياهلا ياهلا نـــــــــــــدى مستغربه
ندى: خالتي ام خالد وسلمو على بعض بحرااره ياهلا والله فيكم
منال: هلا خالتي والله هذي الساعه المباركه اللي نتعرف عليكم
ام خالد: ياعمري اليوم لطيفه تقول ان ندى صدقتي و اختها متوترين ومو عارفين كيف يتصرفون لو تعرف انك انتي سوت علوم
لطيفه وهي جايه: سلااااام عليــ ندىىىىىىىىىىىىىىىىىى
ويضمون بعض وصرااخ
ندى: ياعمري شوفي كيف الدنيا دارت
لطيفه: واحلا دوره اجل انتم اللي جايتونا وخايفه منا
ندى: ياحبي لكم والله
وتروح ندى و تجلس عند ام خالد لانها تحس بالامان عندها وام خالد تعتبرها بنتها
كيف اوصف لكم مشاعر((ندى تبي تسجد سجدة شكر ان اخوها تعرف على اناس هذولا مبسووطه فرحتها ما تنوصف ابداً و كذلك لطيفه وجلسوو يسولوفون ومبسوطين
وفي جهة الرجال
ابو خالد: والله من كلام خالد بصرااحه اتمنى نبداء الشركه اليوم قبل بكره
ابو ماجد: وانا من شور ابو خالد
تركي/ والله مدري وش ا قول احرجتوني بطيبكم واصلكم والله واعتبركم مثل ابوي الله يرحمه
الكل: الله يرحمه
خالد: احم احم تركي لا تنسانا من اللي تخبر
تركي: ههههههه لا توصي
ابو ماجد: بأذن الله بكره على الساعه 7 الصباح تمرنا ونبداء بالشغل
ابو خالد: و النص بالنص اللي نربحه يجيك مثل ما يجينا
تركي: والله ماني شاك فيكم
ماجد بضحكه: اخ بس على اخر زماني واحد اصغر مني ويصير شريك وانا ياحفظ تهي تهي
الكل:ههههههههههههههههه
تركي: والله يا ماجد الدنيا غصب تكبر الصغير
طلال: اقول سلمان صب القهوة ماعليك امر
سليمان: تخسي قم صب لروحك الازم ماعلي ابوي وعمي و تركي
خالد:اففف وانا
سليمان: اصبر اسبوعين ويلحقك تركي
الكل:هههههههههههههههههه
نمر ما قدر يجي عشان امه تعبت
طبعاً من رجعو تركي وخواته علموه ان لطيفه بنتهم يعني صديقة ندى
بعد مرور ثلاث اسابيع خلصوو البناات الاختباارات و باقي النائج
تركي مخطط يسوي حفله لك البناات اذا نجحو وهو ضامن نجاحهم وابو خالد متفق معه يسوونها في هولدي ان
في يوم الاربعاء
في جنوب الريااض
موضيء: اسمعي هيه بتتزوجينه يعني بتتزوجينه مالي خلق حق الصرااخ
هديل تروح وتبوس رجولها الله يخليك اكون خدامه لكي بس لا تزوجيني حق ولد اختك تكفين
موضي بصوت رج البيت رج : قطع حسك بلا بنت وش فيه ولد اختي هاه ولد بسم الله عليه ابرك منك والاهم الولد غني بيعيشك بفلوووس بيعيشك فووووق وطبعاً مستحيل تنسين عمتك الي بمثابت امك
هديل: والله ما ابي فلوس بس ابي اعيش هنا
موضي وهي تلبس العباية: انا طالعه حق مرت اخووي ان شفت البيت وصخ حشيت رجولك حش فاهمه..جاسين جاسين تعالي
جت الشغاله جاسين : يس ماما
موضي: اذا ثامر اصحي دق علي انا خلاص
جاسين: يس ماما
وطلعت موضي
هديل تندب حظها وتقول( ياليتني ما خلصت ثانويه وش فيه حظي كذا ليه ياربي ياربي لااا))
وهي تناظر لدولابها جت في بالها فكره مالي الا ادق على عمي وجدي وهم راح يتفاهمون
ودقت على عمها وعلمته السالفه
فيصل: بسررعه لمي اغراضك
هديل تبكي: طيب طيب
وجاء فيصل واخذ بنت اخوها
في اليوم الثاني
تركي وهو في مكتبه الذي لا يقل عن مرتبة ابو ماجد و ابوخالد
تركي وهو يقراء بعض المناقصاات وكان يشرب فنجان قهوة
الا يدق البااب وهو مركز على المناقصه بقوة مو مصدق اللي يشوفه
دخل السكرتير الجديد وائل
وائل: أستاذ تركي العم ابو خالد وده يدخل
تركي توه ينتبه: ايه الله يهديك كان خليته يدخل بدون ما تشاورني
ودخل ابو خالد وبعد السلام
ابو خالد يشوف الورقاات اللي بيد تركي: اتوقع انك عارف ليه جايك
تركي: ايه ياعمي
ابو خالد: ناوي تكمل ولا
تركي بسررعه والعتب واضح: الله يصلحك ياعمي انا خلاص ما عاد لي شيء بذيك الشركه الا انها من ريحة الوالد بس وبعدين اذا شغلنا راح يمشيء فا انا معكم للنهايه
ابو خالد: عين العقل وبصراحه دخولك لنا خير حتى الان كسبنا مناقصتين وباقي المناقصه اللي بيدك
تركي: بأذن الله لنا ياعمي
ابو خالد/ أستاذن انا ويلا عاد رح الحين خلصنا الشغل
تركي: الحين بروح بس باقي كم من معاملات تتحتاج توقيع
ابو خالد: الله يقويك يارب
وطلع ابو خالد يشوف اوراق المناقصه ويقول((اخ ياعمي يا تصيب لك او تخيب واذا خابت الله يرحم حلالك سبحان الله يارب أسالك العافيه و الصحه لي و لخواتي و للمسلمين اجمعين و تحمينا من شر عمي ))
في بيت فيصل وابوه
الجد: لا ولدي فيه شيء يخلي مرته تتسلط على بنيتي هذي الشيء اللي ما يرضاه احد
فيصل:والله يايبه من يوم ما تزوجها و عقله طاير
الجد:وبعد بتزوجها للولد اختها خير الدنياء فوضه
هديل تبكي: انا بس ابي اشوف ابوي
فيصل عنده ولد اسمه حمد و بدر
حمد يحب هديل حيييييل وهديل تحبه : هديل الله يهديكي انتي الحين بين اهلكي
هديل:ولو هذا ابوي اللي رباني ابوي يا حمد
حمد:اعذريني ما يستاهل دموعك
فيصل:حمد استح على و جهك
طلع حمد وهو معصب و الدنياء مسكره فيه ولحقه بدر
بدر: حمد الله يصلحك خذا الامور ايزي
حمد معصب: بدر واللي يرحم والدينك بعد عني ... <وراح للشارع
هديل طلعت كانت متحجبه : بدر وين حمد
بدر في قلبه(اصير لكي حمد اذا بغيتي المشكله بدر ما يدري ان حمد يحبها وهي تحبه" طلع قبل شوي
هديل(لا يسوي بعمره شيء): اذا جاء قول اني سألت عليه يلا انا بروح انام
بدر: نوم العوافي
هديل راحت لكن وقفها صوت بدر: هديل
هديل لفت:أمر
بدر بحب وحنان:ما يأمر عليكي عدووو وكلي امرك لله و كل شيء راح يصير تمام
هديل بأبتسامه: امين مشكور بدر والله اعتبرك بحسبت اخوي
صفعه ارتشفها وذاق مرهـا بدون حلاها ((تعتبرني اخوها اخوها اه ياكبرك يالدنياء ))
بدر: تصبحين على خير
هديل: وانت من اهله
بدر تقفلت ابواب العالم امام عيناه حب الطفله تهدمه بكلمة اخي كأن احلام بدر مصنوعه ومبنيه من زجاج وتكسرت و تناثرت قطعها يحس بغصاات في قلبه و يعتصر بقوة قصوى
احبها ياعالم احبها احس بشعور لامرت من جنبي احس عمري قدامي وهي مستقبلي احبك يا هديل ودي اصرخ قدام الكل انا احبك احبـــــــــــــــــــــــــــك حلمي اضمها واحضنها لصدري واحسسها بالامان وتحسسني براحه
بعد اسبوعين طلعت النتاج المتخرجات من الثانويه
لطيفه:94% بتتخصص e ومبسووطه وفرحانه خلاص هم الثانويه انزح وامامها مستقبلها الذي حلمت فيه دوماً
فجر: 95% بتتخص برضو e خلاص بنسبه لها بداء وقت الهياط و الدجه ..< الاخت ما تدري شنو ينتظرها
ناديه:97% بتتخصص طب امنيتها تحققت رفعت راس اخوها تركي لفوق و عطته شوي من تضحياته
منال: تخرجت من الجامعه و راح تدرس في مدرسة عروب
ريم: ياعمري عليها راح تبداء تطبيق في احد مستشفيات الريااض
مريم : راحت لثاني جامعه
ساره بنت خالد: راحت لثالث ابتدائي
لمياء: حتى الان بروضه
مي: راحت لرابع جامعه و وافقت على خطبت سامي
مها :لثاني جامعه معدل ممعدله 2:99
في هولدي ان الساعه 6 ونص بالمغرب الكل متجمع
عائلة ابو خالد و ابو ماجد و تركي
عبير رفضت تجي لانها تقول " مقدر اجتمع مع ناس متخلفين,<والله ما ندري مين المتخلف
الجازي بعد يومين تروح للأهله في القصيم
في القاعه الكل مبسووطه والدي جي شغال
والكل مبسووط وفرحان مريم كانت جايه لحالها
ام خالد: الله يفرحنا بيوم زواجكم
ندى: عمتي لا تسمعكي لطيفه كارهه الزواج خير شر
لطيفه كانت لابسه فستان لحد الركبه مخصر عليها و جسمها روووعه فوشي وعليه ورود سوداء كان مرررره خيااال فاكه شعرها و مسويته سيرميك لحد نص ظهرها وكثيف ولونه مرره جناان وجزمه(الله يكرمكم)) سوداء كعب مفتوحه من قدام ومسكره من وراء
ندى لبسه تنوره حمراء لايقه عليها حييييل فوق الركبه و تي شيرت ابيض من عند الصدر فيه اشياء طالعه..< مدري شنهو ومكتوب مانجو مضبط برسومات روعه مسويه بف من قدام ومن وراء مجعد وجزمه((الله يكرمك))سوداء مخمل روعه
ريم: فاكه شعرها ومن قدام بف لبسه تنوره جنز لفوق الركبه و بلوزه ضيقه من فوق ومن عند الخصر واسعه
منال: فستان لنص رجلها سماوي و ارزق طبقاات الالوان هذي مررره كيوت
مريم: كانت مرره اوفر ما انكر جمالها لكن مرره بايعتها
فساتان ضيق حيييييل وفتحة الظهر مررررررره طويله ظهرها كله طالع ومن عند الصدر كذالك وفيه فتحه من عند بطنها وميك ابها مو مرره الفستان اهو محليها
رقصو وانبسطو والرجال فرحانين لفرح بناتهم
وكل البنات راح يرحون للجامعة الملك سعود
وهيصووو وبردو حرتهم
جاء وقت زفتهم وكل وحده لبست عباية التخرج و الكاب
ويمشون في مسيرة مضبطتها نهال
الاول فجر وبعدها ناديه وبعدها لطيفه وكل وحده راحت عند امها و خواتها ناديه حز في خاطره لكن ام خالد جت لها وضمتها قدام الكل وتقول: هذي بنيتي اللي ترفع الراس امها
تلك الكلامات كان اثرها قوي على منال و خصوصاً ناديه ابتسم كلهم وصورو مع بعض وطبعو اجمل الذكرياات
الجازي راحت للأهلها في القصيم بعد بكاء و وداع للأهل خالد
في المجلس المعروف والذي يجتمعون فيه دائماً
ابو خالد: سلمان خلاص القاعه وحجزتها والمهر عطيناهم
ام خالد: اخ يادنياء متى يجي اليوم اللي اشوفك شايل عيالك
سلمان ببسمه: قريب يمه قريب
نهال: اجل خلاص احنا خلصنا شغل الطقاقاات و الميك اب بس عروب و لطيفه فساتينهم ما جهزت
لطيفه: احنا متى نسافر يبه
ابو خالد: يوم الخميس مو هذا اللي بعده
لطيفه: اليوم الاحد يعني باقي تقريباً اسبوعين لا نلقى وبعدين ادفعي لهم فلوس زيادة ويخلصونه لنا وفستاني الموديل جاهز بس باقي التصميم وانا وياكي اليوم نروح للنتكلم عنه ايش رايك
الام: خلاص انتي ونهال اليوم المغرب روحو وخلصوو اموركم
ريم توها داخل المجاس وبيدها كوب مويا: يمه التليفون
الام: مين ؟؟؟؟
ريم" ام جاسم مدري ام جاسر مدري مين
الكل:هههههههههه
لطيفه: مره الثانيه شغلي اذنك
ريم" اقول تر المويا على وجك الحين
سلمان: اوكيه انا طالع الحين ادق على محل الحلاويات و الفطاير اللي وصيت عليها بتجهز والعصاير كمان
لطيفه: بليز خذني معك نفرفر
سلمان: اذا منيرة سمحت لكي تروحين معي فاهمه
نهال: اووه بدينا من الحين
سلمان: اكيد ..(بصوت واطي)هذي حلم الطفوله
ريم: اخسى ياحلم انت
في الحظه هذي دق جوال ابو خالد يناظر الجوال وهذا ابو مشعل ..<ابو منيرة
ابو خالد: هلا والله باخووي ..ابو مشعل علامك...لا حول ولاقوة الابالله بأذن الله في جنة الفردوس وانا اخوك الصبر زين واليوم احنا جااينكم لا ..اذا ما وقفن في الوقت هذا متى نوقف ابو مشعل ادع عليها بالرحمه..( كان ابو خالد مكتوم و وجهه سود والكل لاحظ)يلا اليوم واحنا عندكم مع السلامه
سلمان : عسى ماش ريبه وش السالفه مين اللي مات ؟؟؟؟؟!