الفصل 41
ذكرياات ذهبت ادراج الرياح
لطيفه تلاشت البسمه اللي فيها وقالت بحذر: انت مضيع ولا شارب شيء
تركي بنفس العصبيه: من مين يالطيفه من مين ياللي ملكة قلبي
لطيفه بصرخه اقوى: من مين يعني تستهبل علي منك انت انت انت انت انت انت
وجلست على الكنبه بحركه سريعه وقالت: تــشـــك فيني انا ياتركي ..< خنقتها العبره...
انا تشك فيني ليه والسبب
تركي عيونه محمره من كثر الصرااخ والتعصيب
قامت لطيفه قبل لا يطلع وراحت للحمام وصاارت تبكي
وتركي طلع وكل هذا امام مسمع ندى وهي عصبت على اخوها كانت تمشيء تبي تقووله ان خالتي تسلم عليك وتقوولك دق عليها الحين ضروري بس سمعت الكلام بسبب الصرااخ شافه وصراخ عليها: وش تبين
ندى ما استحملت الصرااخ وراحت لغرفتها ودقت على منال تجييها يشوفون حل للمصيبه هذي
طلع تركي بر البيت
ولطيفه دقت على سلمان يجي يأخذه
بعد مرور ربع سااعه
ندى بصيااح: لطيفه ليه كذا
لطيه بصرامه وبصووت حزين: انا ياندى انا اللي ليه؟؟ تكفين قوليها لأخوكي ليه مو انا مو انا
وطلعت برا البيت وهاهي الان تخطو خطائها للمجهول
راحت لبيتها وتبكي ماعلمت احد بسااالفه بس سوى تفااهم وخلاص
بس الكل درى بحملها وفرحوو
والعزيمه بكره قائمه بسبب رجعت تركي
لطيفه الدنيا قفلت عليها
دق الباب وكانت ريم جلست جنبها : لطيفه عيونك ذبلانه وش فيكي
لطيفه ماتعودت تشكي همومها لكن حست ان الحمل هذا كبير عليها بالحيل
وارتمت في حضن ريم وصاارت تبكي وتقول كلام مقطع: يشك فيني انا انا تتتتركي زوجي وحياتي يشك فيني
ريم بأستغراب: كيف وليش؟؟؟
حكت لها كل القصه
وريم قالت: لطيفه فيه و اكيد سبب مقنع للي صار
لطيفه بعصبيه: وشو السبب اللي يخليه يشك فيني يابنت هذي مسأله قويه حياتي وقلبي وعمري اللي اتوقع الناس تتركني الا هو مايتركني اللي كنت اظن اناس يشكون فيني الا هو الا هو ما توقعته ابداً ابدا ابد
وتبكي وطلعت ريم
وهي متضاايقه على اختها
صارت العزيمه ومنال و ندى يحاولون في لطيفه بس اخذوو بقرارها وهم مستغربين برود تركي للمسأله
في يوم السبت
راحت ريم كان اخر تطبيق لها اليوم وبعدها خلاص الاختباارات راح تبداء
وصادف يوم مراجعت عادل وهي ماشيه لمحها عادل وقال: ريم
ريم لفت و استحت
عادل: تبين رقمي و لا ايميلي
ريم استغربت وش يقول: ايش؟؟؟
عادل بضحكه: ولا تبين سلطان ؟؟؟عادي ترا اكون لكي سلطان
ريم بأستغرب و كيف يتجراء: وش تقول انت و وش دخلك بسلطان
عادل : يعني تعترفين انكي تعرفين سلطان
ريم بعصبيه: انت واحد وقح خير وش تظن اني من بناات اللي ماعندهم حياء
عادل: بصرااحه ايه
ريم بصراخه وصووت عالي: انت واحد قليل ادب و ما تربيت اظاهر ابوك قبل لا يموت الله يرحمه ما ربااك زين
عادل هنا مسكها مع يدها بقووه وقال وهو يرص على اسنانه: احترمي نفسك يا مدام
ريم بعدته بقووه وقالت: صدق ان النذاله تجري بعروقك و حلم ابليس بالجنه اصير مدامك
عادل بضحكه فيها القهر: نشووف ياحلوو
كملت ريم يومها وهي مقهووره منه ومتضاايقه بالحييل
رجعت واخذت شوور ونزلت تحت وكان ابوها و امها فيها
ابو خالد:ياهلا باللي جان والله
ريم تبوس راسه وراس امها:هلا فيك؟؟
ابو خالد: تعالي اجلسي جنبي
ريم : امر
ام خالد: انا بروح اسوي قهوه
وراحت
ابو خالد: تدرين انك كبرتي وان شاءالله بتصيرين دكتوره و ترفعين راسنا فووق وانتي الحين بعد مخطوبه للعادل
ريم تلعثمت
ابو خالد: وبصرااحه الرجال مستعجل يقول أبي املك عليها الحين
ريم قامت بسرعه وقالت: بس ما ابيه
ابو خالد بصدمه: ايش ؟؟؟؟؟؟؟؟؟!!!!
ريم بهدوء:يبه ما ابي عادل
ابو خالد بعصبيه: لعب بناات يعني خير ما تبينه
ريم والعبره فيها: ما ابيه ما ابيه رافضته
ابو خالد: مو على كيفك الرجال عطينه كلمه و خلصنا
ريم بصرااخ سمعه سلمان وراشد اللي يلعبون بلاي ستيشن بالملحق الداخلي وجو عليه لي انهم خافون صاار شي
ريم بصرخه: لااااااااااااااااااااااااااااااااااااااااااااااااا اااااااااااااااااااااااااااااااااااااااااا
مااااااااااااااااااااابيه ما ابيه ما ابيه
ابو خالد ضربها كف طاحت منه على الارض
وام خالد ركضت للريم وضمتها: وش فيك وش السالفه ؟؟؟
ابو خالد وهو يالله يالله يتنفس: ملكتكي ليه يوم الاربعاء مو هذا اللي جاي فااهمه ولا لا
ريم بصيااح يقطع القلب: لا لا لا لا ما ابي
لطيفه تمشي بهدوء لانها مررره تعباانه وخاايفه من اللي صااير تحت شافت ريم على الارض و ركضت لها وحضنتها
ريم: ابووي بيقتلني بيزوجني غبصب عني
راشد ابتعد عن مسرح الجريمه و سلمان راح لهم و ريم راحت لغرفتها وهي تبكي
وخلاص ابو خالد كلم عادل وعلمه بلملكه واستغرب عدم رفض ريم لانه كان بيتلذذ برفضها
بس صاار اللي يعجبه
في يوم الاحد كان تركي في مكتبه ومنحرج لا يحضر الاجتماع بسبب ابو خالد لانه مافتح معه الموضوع ولا تكلم فيه كان بيقوم يطلع لصديقه نمر وجاءه الفاكس
شاف مكتوب عليه ختم وجنبه بخط عريض بالانقلش(مستشفى ...... الالمانيا للأبحااث.......)
تذكر السالفه وضااق كان بيرميها بس قال خلني اشووفها وقرا
وقرا وقرا وقرا وقرا وقرا و هو ينطعن بكمل حرف مكتوب فيها
الصدمه
ان النتيجه أيجابيه مستحيل استغفر الله كيف يعني طيب والتحاليل اللي سويتها في مستشفى ولما قالو اني ...
استغفر الله
بسررعه اخذ مفاتيحه وجواله وانطلق للمستشفى حلل و طلعت اللنتيجه ايجابيه
طلب يسوون التحليل ثلاث مراات عشان يتأكد والنتيجه ايجابيه
هنا عصب و ندب حظه و يلعن نفسه مليوون مررره راح للمستشفى و كلم المدير بنفسه وعلمه كل شيء والمدير طلب يسوون تحليل ثاانيه وجاب لتركي عصير عشان الدم اللي اخذووه
والنتيجه ايجابيه نادو الدكتور و وراهم النتئج وكانت النتيجه سلبيه واستغربوو و طلب تركي تفسير للي صاار هم هدمو حياته
وصاار أختلف في المريض اللي حلل معه بنفس الوقت
كيف يرجع قلبه اللي شك فيها قلب الدنيا و قعدها وقال قبل لا يطلع : اذا رجعت لي بساامحكم بس اذا مرجعت و رب الكون بهدم المستشفى فوق روسكم
مرت الاياام وتركي هاادي و ينتظر الوقت المنااسب ارسل لها مسجات وجاها مسج منه ( الدنيا غدراه وغدرت فيني صدق اني عشقتك بكل مافيكي بدلعكي بغنجكي بعفويتك و جاذبيتكي مت فيكي ) وثانيه(لطيفه دنيتي و روحي ردي علي) (أســــف بس لي اسبابي)لطيفه بقلبها:وشنوا سبابك(تكفيني ابي اشووفك)( لطيفه لا تعذبيني )لطيفه بقلبها:هههه وانت ما عذبتني
( لطيفه اللي صار لي مو شوي تكفين ردي علي او ارضي اني اشوفك)مسكت ورقه وكتبت فيها
[ياخساره ما حسيت في قلبي
ياخسااره جرحتني بغرورك
ياخساره الالمتني بكبريائك
ياخساره ماتستاهلني
ياخسااره قلب تعلق فيك
ياخسااره رووح نشدتك الوفاء
ياخسااره نبض قلبي
وآآآآآآآآآآآآهــــــــــــــــــــ
ياخسااره كلمة غزل نطقتها لك
ياخساره شعور الحب كان بجنبك
ياخسااره تلذذت بعشقك
ياخسااااااااااااااااااااااارهـــــــــــ ياخساااااااااااااااااارهــ
يعني تستسلم للقدر وتخليه ياخذك مني
يعني خلاص ماعاد اشووفك بعد اللحظه هذي
يعني خلاص ما راح اسمع همس غزلك !!!!!!!!!!
يعني مقدر اتنفس هواك !!!!!!!!!!
لحظه وحدهـ بس
نسيت عفويتي نسيت جاذبيتي
نسيت حبي نسيت قلبك
لا مو خسااره فيك انت فعلاً ملكت قلبي انت فعلاً حبيتني انت الوحيد اللي اشعل النار لى بذرة الحب و اسقاها و ارواها لما كبرت مو حسافه يوم عشته معك ابداً مو حسافه]
نامت وهي مفقتدهـ حضنه افتقدت همساته اللي في نص الليل افتقدت روحها و قلبها افتقدت حضنه الدافي
في اليوم الثاني
وقفت لطيفه تشووف شكلها بالمراايه وكيف ذبلانها
تذكرت موقف مع تركي
تركي ويشووف لطيفه و يتأملها
تركي: حيااتي والله وجهك مستحيل يذبل وانا اشم الهواء
لطيفه بضحكه:ههههه ليه وم قلت النوم يجيب الارهااق وهذا انا يومين مانتم
تركي: ياقلبي عليكي كله بسبتي
لطيفه تغمز له: وعشانك حبيبي كل شيء يهون بس والله احس اني ميته
تركي بغرور: ههههههههههههههههههههههههههه اكيد ميته بهواي
لطيفه: يالواثق
رجعت لأرض الواقع صووت ريم يناديها
ريم بحزن لا يقل عن اختها: عمي أشترى مزرعه بالخرج وجاهزه وكامل وعازمنا بعد الاختباارات
لطيفه بدو ن نفس: والله مالي خلق حتى الاختباارت مالي نفس اذكرها مدري كيف بنجح مدري و ربي مدري
تجي ريم وتضمها: هدي ياقلبي هدي خلاص كل شيء راح يتصلح و انا مناديتكي عشان كذا
لطيفه بخووف: وشو
ريم بحذر: تركي تحت و ابوي قال خليها تنزل وقالها بنبرة صرامه
لطيفه بصياح:مقدر اشوفه احس اني بفقد السيطره و اضمه مقدر مقدر هو غلط وغلطه كبير و ما اتوقع يتصلح
ريم بخوف:يعني تبين الطلاق
لطيفه بحزن:اكذب على روحي وعلى نفسي اذا قلت لكي ابي الطلاق بس هذا هو الحل
ريم بحكمه: لازم تعرفين اسبابه يالطيفه قومي يلا ترا ابوي اليوم معصب حسبي الله عليك ياعاادل
لطيفه:كلن على همه سرا
لبست لطيفه برمودهـ أخضر غامق و بلووزه مخصره لونها بني غامق ومن وراء ظهرها فتح شوي طويله سيحت شعرها وهي ترتجف ونزلت
وابوه باس راسها وقال الله يخليلكي عيالك و زوجك
لطيفه بقلبها(قويه يا يبه قويه) طلع وهي دخلت
تحس انها قريبه منه لكن بعيده بالحيييل منه بنفس الوقت تحس دقاات قلبها يسمعها ومن خوفها تكتم العبره لا تخذلها وتنزل
لطيفه بصووت خانق ومنزله عيونها ماتقدر تشوف: سلام
تركي فز لما شافها ولما سمع روحها كان روحه ردت له
تركي قام وقرب لها : وعليكم السلام
باس جبينها وكل خلايا لطيفه تجمدت حست ان الزمن وقف بالبووسه هذي
جلست بعيد عنه لكن هو قرب لها و مسك يدينها: ادري انا غلطان ادري اني ما استاهلكي لما قلت الكلام هذا بس لطيفه لي اسبابي
لطيفه بصووت قوي كأنها ما اثر عليها: ههههه كيف لك اسبابك انا عشقتك تسوي فيني كذا هويتك ومت فيك تتهمني بشرفي
تركي ماقدر يستحمل وباس يدينها وطلع ثلاث ورقاات من جيبه أقري و شووفي
لطيفه قست على قلبها و قامت : اسفه اللي بيننا انتهى
تركي بعصبيه: بس من حقي انك تسمعين اسبابي وعطها الاوراق و وقفوو
لطيفه كانت قريبه منه وهي تعودت اذا هي قريبه منه تحضنه وهو يحضنها بس المره هذي غير
لطيفه طالعت فيه بأبتساامه وأرتمت في حضنه تركي هنا فرح و الدنيا مو شايلته وحصنها بكل حب و باسها
بعدت لطيفه شوي منه و شوي وقالت بدموع تنزل بصمت: اتمنى تكون حسيت باللي حسيته لان هذا اخر مرره راح ارتمي فيها بحضنكـ
(اشششششششششششش
روديك يازمن رويدك لاتقسي علي فانا لست سوى شخصاً غدرت به أرجوك أعد الوقت للوراء لعلي أمحي ماجرى و انسي همومها و مشاقها أرجوك أعد الي محبوبتي و لا تجعلني تائه بدونها )
صدمه
صدمه تلقها تركي
تركي بذهول: ايش؟؟
لطيفه بحزن:سمعتني صح؟؟؟؟