الفصل 8
ماجد: يعني تتوقعون انا اللي رافض فكرة الزواج اتزوج وحده ما اعرفها كثري منها
فجر: متى شفتها واهي داريه ؟؟؟!
ماجد: لا وش دراها تتذكرين لما كنتو بالاستراحه
الكل: ايه
ماجد: انا رحت لمطبخ الساعه 2ونص و انتي قلتي انكم بالساحه تلعبون يا أمر يا مأمور
اريام: كمل
ماجد انا قلت لشبااب راح اسوي لهم قهوة وطبعاً ماكان عندنا قهوة رحت للعامل وقال مافيه
وقلت انتم كلكم تلعبون وراحت للمطبخ الا اشوف بنت الله يحفظها و يخليها لي .. ودخلت مزاجي
اريام: كيف عرفت انها انهال
ماجد: من صوت الاخت المصونه فجر .(ويطالع لفجر)حسني صوتك الله يعين رجلك عليكي
فجر: يوووه والله انك طلعت سوسوه كل هذا وما تعلمني
ماجد: اقول انا تاخرت اذا بغيتو شيء طلال عندكم
اريام: الحمدلله ان خلصنا بسرعه انت مستعجل مرررره
ماجد: ايه فيه دوره في بريطانيا و ابيها تكون شهر عسل بنفس الوقت
فجر بأستغراب: بس دورتك بعد شهر
ماجد: واذا ؟!
اريام :ترضى يكون زواجه بعد شهر
ماجد بعصبيه: وليه ما ترضى خير
فجر: معها حق يعني خبط لازق حتى ماكانت راضيـــ..<.و سكتت
ماجد طير عيونه :ايش كملي
اريام بصوت خفيف:الله يأخذك الحين وديتيها بمصيبه
ماجد:تكلمي
فجر بغصه: نهال انغصبت تقدر تقول كذا لو رفضة راح تخرب العلاقه اللي بين عمي ابو خالد و ابوي
ماجد ارتكب غلطة عمره لو انه مادخل على خواته وعلمووه كان عايش باحلام و اوهام انها وافقت عشان اهي تحبه بعد ولكن احلامه تلاشت في الافق البعيد
راح ماجد وبكره ملكته التي يعتبرها نهايتها
في كافي د.كيف
طلال وسلمان و نواف مع بعض
سلمان راح للحمامات(الله يكرمكم))
طلال: والله مدري يانواف صعبه
نواف:ياخي انه يطلع بر البلاد والله مو صعبه يوسع صدره والله هذ مو سلمان اللي اعرفه
طلال: بكلمه بعد بكره لان بكره ملكة الاهل وبيكون مشغول
نواف:اسسسسس جاء
طلال: لا والله كان طولت
سلمان: يالله الواحد ما يعرف يأخذ راحته
الكل:ههههههههههههههه
في صحارى مـول
تركي: ياربي لك ساعه وانتي تفكرين هذا ولا هذا
منال: تركي اجلس في المقااعد لان مطولين
تركي: يووه واتركم هنا
منال:مو جاينا شيء ايش فيك انت؟؟؟
تركي: اوكيه واذا خلصتوو علموني احسب انا انا مو انتم
ندى:الله يخليك لنا يارب
منال وتشوف في دبن هامز اكسسوار:ندى شوفي الحلق مررره روعه وكيوت
راح تركي للعند المقااعد ينتظر خواته كان لابس برموده و تي شيرت ابيض ومكتوب I am a menومررره روعه طالع خصوصاً انه مفتول العضلات
مسك جواله 5800اكس برس المس وصاار يلعب في لعبه توه محملها شوي جت بنت وجلست بعيد عنه وكانت تكلم بصووت خفيف كان يسمع المحادثه(ايه ...عروب انا الحين في السوق و فشله اكلم تعرفين شبااب اليوم مبداء ما يشوفون الجوال بيدك يبدون ...ايه بشتري شنطه جينز عشان اذا سافرنا تكون مخصصه لسفر.اقول بااي من جد فشله )
قفلت و تركي يقول بنفسه( هههههه من جد فيه بناات محترمات حتى الان ههههه صوت يالله ينسمع كيف سمعت اللي تكلمها)) وشوي قرب رجال واضطر تركي يقرب للبنت
البنت لفت بسرررعه لانها حست بأحد قرب لها وتصرخ بصوت مو عالي: تــــــــــــــــــركــــــي
تركي هنا تنح مين هذي ؟؟؟: عفواً اختي تعرفيني
البنت تداركت الموقف وقلبها يضرب مليووووون مررره وعلى طول رااحت للدبن هاامز
تركي خير البنت مبين عليها تعرفني زين ولا صرخت بسمي زين انها دخلت دبن هامز خلني اروح لخواتي بعرف مين هذي.
ندى: ههههه من جدك شفتي الفستان العناابي اللي من تحت فيه زي الصوف
منال:يلعن ام التوصيف بس عرفته وش فيه
تركي وتوه جاي: وش عندكم
منال: الا تركي بشوف ذوقك
تركي: ايووه ترا ذوقي جناان
ندى:بسم الله عليك انت و ذوقك اقول منوو ودي انا و لطووفه نطقم
قلب تركي فز ومستغرب من عمره انا ليه كذا وربي اني محشش : هههههههههه وربي انكم بزارين
منال: هههه لا هذولا عقولهم توزن بلد
ودق جوال ندى بالوقت هذا
ندى تناظر اخوها لانه ما يحب البناات اللي يكلمون في الاسواق و يطولون
ندى:هذي لطووف خلني ارد
تركي " ردي بس لا تطولين اوكيه
منال: اقول تركي احس خيسنا في المحل
تركي: زين اعترفتي
منال:ههههههه
عند ندى: الووووو...هيااي حبي.... ايش من جدك لحظه انتي اللي معها شنطة قوتشي ايه شفتك ..بااي
وتروح على طول لتركي وتضرب ظهره: تركي بروح لوحده من صديقاتي
تركي على طول ترجم اجل هذا هي: مين هذي طيب؟؟؟؟!!!
ندى:لطووفه
تركي(ياويل قلبي يالطيفه كل شوي وهي طالعه لي هذي وش مصنوعه منه):والله زين يمكن احد اخوانها معها
ندى:ايه شف احمد اهو اللي جايبهم
تركي وهو يشوفه:ايه شفته بروح اسلم عليه
تركي مر من قدام بنتين وعرفهم لان احمد كان جنبهم بس منهي فيهم لطيفه
احمد باستغراب وبسمه: يا هلا بتركي والله
تركي: هلا فيك
احمد يكلم خواته: خلاص روحو انتم وانا و تركي بنطلع
وراحو البناات مع بعض
احمد وتركي:
احمد: الله يبارك فيك الا اليوم ماجيت الشركه سلاماات
تركي :الله يسلمك بس ولد خالي جاء من كندا ورحت استقبله
احمد: الحمدلله على سلامته
تركي: الله يسلمك بشرني كيف سلمان
احمد: والله سلمان حالته حاله بس ادع ربك
تركي: ياسااتر ..ياخي الموت صاار في كل بيت تحس انه ينبهك بان الدور جايك بس اصبر شوي
احمد:ههههههههههههه حلووه بس اصبر شوي
تركي: الله يعوضه يارب
احمد:امين الا انت ليه ما تتزوج؟؟؟1
تركي: والله بصرااحه الزواج ابد مو من مخطاطاتي
احمد: تركي العمر شين وانت مشاءالله بتصك 27 وما تزوجة
تركي:والله العمر ما يعب الرجال
احمد: صادق بس ياخي الحين البناات يبون الشبااب
تركي: هههههههههههه اقول ما ودك ازوجك
احمد:ههههههههههههههه لا وحده و يالله نقدر عليها
تركي:ههههههههههههه
احمد: ما ودك بموكا او كافي
تركي:ياليت كولد موكا
احمد: اوكيه انتبهى على الاهل
تركي: لا تخاف بس انت لا تطول
راح احمد يجيب الموكا و الكافي من ستوب كافي
تركي جلس على المقاعد وشوي راح عند الاهل اللي انتقلو للي فينسا تركي قرب لخواته :منااال
منال بدون اهتماام:تركي لحظه
تركي: طولتو بصرااحه,,, يلا الحين السااعه 11 ونص
الا و صوت بنت من وراء : منووو هذا الشاال حلووو لك
تركي بعد عن طريقها لان البنت ما انتبهت له
ريم تضرب لطيفه: فشلتينا قصري حسك
لطيفه: وانا وش دراني ان واحد قدامي
تركي ينسحب بهدوء ويحس ان وجوده غلط
ندى: وش دعووه تركي مثل اخوها
هنا لطيفه مادري كيف اوصف لكم شعورها اهو عاادي اخوها بس تحس بشي تجااهه : لا من جد فشله خيلنا نروح وانتم خوذو راحتكم
تركي وكان يسمع نقاشهم : لا اختي احمد موصيني عليكم الاخ راح يجيب لي كولد موكا و ما شرف
منال: لو انك صابر للبيت اسويه لك من ايديني
ندى:لا محد يسويه احسن الا انا ولطووف
تركي: بطقونها سواليف يلا خوذو اللي تبون
ريم تهمس للمنال: منال بروح اشوف الشنطه للجامعه شوي وراجعه
منال: اوكيه خذي راحتك ما راح نخلكي
ريم: والله تسوينها انتي
وراحت ريم للمكان الشنط وشافت شنطه كبيره حلووه
وعجبتها حييييييييييييييييييييييل كانت سوداء وفيه من على جنب خط ازرق وريم تموت بالون هذا
قربت بتاخذها الا يد رجال سبقتها وحط ايده على يدها
ريم تحس يدها بتنشل فاعلى طول سحبتها
الرجاال: سوري اختي اسف ماكان قصدي
ريم ولسانها يرتجف :لا عاادي
وتناظر فيه و وقفت لثنايه عيونه زرق انجنت سعودي وعيونه زرقا مشاءالله عليه و كانت عيونه حزينه شوي
ريم تحس شكلها غلط واقفه حتى الان فا جت تبي تمشي و وقفها صوووت عذب : اختي الشنطه لكي
وقرب وعطاها الشنطه
ريم بصوت مخنوق: اسفه اخوووي
وراحت بسررعه عند البناات تحس كان مويا باارده انكبت عليها مو قادرة تتحمل خلاص بتطيح كانها مويا ثلج وبتمع من الحراره
لطيفه انتبهت على ريم: ريمووو فيكي شيء؟؟
ريم: في البيت
تلقو في احمد وبعدها الكل راح لحال سبيله
في بيت ابو خالد:
تحديداً فلة احمد
احمد: والله فكره حلووه تركيا
عبير: خصوصاً الحين مسوين اعلاناات و السيااح اكثروو وبناات خالي كلهم راحو لها وانا لا
احمد: ابشري كم عندي من عبير
عبير بدلع:وحده بس
احمد: خلاص بعد اسبوع نروح و يوم السبت راح اضبط التذاكر والحجوزات
عبير: تسلم عيوني و حبي