الفصل 26
وصاار يرفس باقوى ما عنده لدرجة ان الحديده الاول انكسرت
ولطيفه على حالها حاطه يدينها بوجهها وماهي ساامعه احد
تركي بسرررعه رااح للطيفه و حضنها لصدره وهي ما صدقت و ضمته بقووه سحبها وداها للبناات وضمتها ريم بقووووه وراح تركي للرعد وصاار يمسح عليه بس رعد مو راضي وشوي جااء
العامل و هدااها بعد ما ربطوو عيونه
البناات على طوول بعدوو
وبعد خمس دقايق رجع لهم تركي
شاافهم كلهم مجتمعين على لطيفه
ندى فصخت اللثمه و الشيله من ووجه لطيفه عشاان تقدر تتنفس
تركي ما استحمل المشهد وعلى طول صرخ فيهم: يلا بسرررعه فاارقوو روووحو عنها بسررررررعه
الكل خااف من صرااخ تركي
ريم وهي خايفه: بأخذها معي
تركي وهو يرص على اسنانه : بعدي عنها بسررعه كلكم يلا روحو تفهمون
سلطانه بكبرياء: يلابناات خلووه يشوف شغله معها كم مرره حذرنا ما نقرب له بس هي عنيده.
تركي نااظر فيها بحده
وشوي الكل راح ويسب بتركي ليه يصاارخ علينا وش سوينا فيه احنا مالنا ذنب ليه يعصب
وريم خايفه على لطيفه من تركي: منال تكفين ابي لطيفه والله خايفه عليها انتي ما شفتي لما طلع صوته الحيوان كيف صرخت وربي خايفه عليها
ندى وهي برضوو خايفه عليها من تركي حتى لو تركي حنون وطيب كلامه لازم ينسمع وياويلها : وش زوجها عندها مو مسوي لها شيء
سلطانه جت تبي تتكلم
جواهر: انتي لو سمحتي اششششششش لا تتكلمين
سلطانه من صدمه وحده سكتتها فا ما استحملت وراحت بسرررعه
في جهه ثانيه عند الشبااب
نمر و خالد و مشعل وماجد يلعبون ورق
نمر: ههههه مالكم فرصه
مشعل: قالها رفيجي مالكم تشانس يعني
ماجد وهو متوهق بالورقه اللي معه : يوووه وصل واف
الكل فطس ضحك لان هذي ثااني مررره يخسرون
في جهه ثانيه والتوتر و الخوف سيدها
قرب تركي للطيفه ولطيفه كانت جالسه على احد الكراسي و ضامه يدينها لوجهها و تبكي
تركي قرب لها و جلس على ركبه
وهي تشهق بصمت وخاايفه منه لانه عصب على البناات
تركي مد ايدينه
لطيفه تحس بقرب يدينه وخاافيه لا يتهمها انها هي اللي لمست رعد
لها وقال بصووت يغمره الحناان و الامان: لطيفه عمري عليه تبكين؟؟
لطيفه ازدادت شهقاتها و بكائها: اهئ اهئ اهئ
تركي قرب ونزل راسها لرجوله و بكت بحرااره
تركي ويحس بحراره في قلبه: تدرين اني حتى الان متوتر وخاايف
لطيفه مستغربه من شنو خايف رفعت راسها وتمسح الدموع بظهر كفها و تركي يساعدها بمسحهم بيدينه وكانت عيونها تسأله ليه خفت وتوترت؟؟؟؟؟
قرب لها وقال: خفت عليكي لما البنات صرخو قلبي طااح و لما لفيت وشفتكي بالمنظر هذا بغيت اقتل رعد ولا اشوفك بمثل المواقف هذي
لطيفه بصوت حزين: يعني منت زعلن علي
تركي :الله لا يجيب الزعل بيني و بينك ..والله اني خفت عليكي و صرختكي خوفتني زياده كيف اشووف طفلتي و عمري و حياتي تصاارخ وانا جنبها ما بغيت يصير لك الشيء هذا
لطيفه ببرائه :ترا والله مو انا اللي لمسته
تركي قام وجلس بجنبها: لو انتي اللي لمستيه عادي يعمري ما فكرت بشيء هذا ابد اهم شيء سلامة قلبك ياحياتي
لطيفه بابتسامه وعيونها حمرا: الله يخليك لي و لا يحرمني منك
تركي وهو يناظر فيها بنص عين: تبيني اتهور الحين يعني
لطيفه وهي قايمه بسررعه: لا خلاص بروح للبناات
تركي وهو يمسك يدها: لا ما شفتي المزرعه انتي حتى الحين ماشفتي شيء
لطيفه بخووف: لا اخف ابوي ولا احد خواني يشوفوني وش بيقولون
تركي والكلمه اعجبته: زوج يمشيء زوجته
عند جهة البنات جواهر شاافت عادل وقالت لهم برووح للأخوي
لفت ريم لمحل وين جواهر رايحه و انصدمت مو معقووله هذا هو عاااادل (لالالا مستحيل هذا عاادل طيب وش عنده بالمستشفى و هو النذل اللي يكره تركي يارب لا ما ابي احب واحد نذل بس والله شكله يجنن واذا شفته يطير قلبي )
راحت جواهر والبنات بقو
و منال شافتها سرحان ريم وضربتها مع كتفها: هيه بنت وين سرحتي
ريم لفت لها: ايييييييييييييييييي لا ولا شيء
وصاارو يمشون وعيون ريم للعادل وكيف يتكلم مع اخته
ندى : يماااااااااااااااااااااااااااااااااااااااااااااااا ااااااااااااااااااااااااااااه لااااااااااااااااااااااااااااااااااااااااااا عقرااااااااااااااااااااااااب
منال و ريم: انخرعوو وراحو اتجاه
منال على طول بعدت لانها بعيده شوي لكن ريم كانت تمشي وقربت لها
ريم وقفت بمكانها وتجمدت و اللثمه طاحت
عادل و وجاهر اقرب نااس سمعو الصرااخ وركض راحو لهم
عادل وهو يمشيء بسررعه وشااف بنتين وحده متلثمه و الثانيه لا
مشى عاادل بسررعه وكانت فيه حديده جنب النخله
البنات كلهم بعدوو الا ريم تحس اذا تحركت بتمشي العقرب وهي ثاابته
قرب عادل من ريم و سحبها مع ذراعها بقووووه واليد الثانيه ضرب فيها العقرب بقوة كبيرررررررررررررررررره
شوي البناات هدوو
وريم ما زال عادل ما سكها وهو مايعرف مين اللي ماسكها
حس على روحه وريم بعدت بسرعه ورفعت الشيله ورمتها على وجهها
جواهر وهي تكلم ريم: ريم انتي بخير ؟؟
عادل وهو لف على جنب:قرصتكي ؟؟حسيتي فيها تلمسكي ؟؟؟
ريم بصووت خافت جواهر بس هي اللي سمعته: لاااا
جواهر: لا عادل مشكور اخووي
عادل وهو يصاارخ على العامل : كوماااار كوماااااااااااااااار وصمه تعال
يجي كومار
عادل وهو يأشر على العقرب بصراخ: شوف شيل هذا وانت مافيه معلوم ترش حول المزرعه سم ولا بنازين
كومار يهز راسه
جواهر تلف لندى: جاكي شيء
ندى وهي ماسكه قلبها: لا
منال وهي الا الان خايفه: خلونا ندخل احسن لنا
ودخلو الكل وجتهم لطيفه وكل وحده تمسكها
سلطانه انقهرت لما شاافت لطيفه مستانسه و الابتساامه شاقه حلقها وتقول بقلبها(قريب الابتسامه بتتحول للدموع ياحياتي)
مرت الاحدااث في ثلاث اياام بهدوء تاام تركي ما شااف لطيفه لانها تتحشى اتقعد معه
في يوم الاربعاء و الخميس العيد
البناات مخططين ثاني اياام العيد يرحون للخيول و يركبونها لان اول اياام العيد بيكونون مشغولين
البناات كانو جالسين بالليل ومعهم الشيبساات و البيبسي و العصيرات و الشكولاتات و كل اغراض السهره موجوده
ومرره مبسووطين
لطيفه وتحس بضيقه قويه"بناات برووح شوي
فجر شاافت وجهاا تغير: ابروح معكي
لطيفه: لا عاادي
فجر: لا حتى انا ابي اتمشى
مشوو لطيفه و فجر وقفو عند نخله
فجر وهي تمسك يدينها: وش فيكي ؟؟؟
لطيفه و الدموع في عيونها: مدري ..<وتشهق
وربي مدري احس روحي بتطلع مدري والله مدري
فجر وهي تمسح على ظهرها: بسم الله عليكي لا تخافين ولا تتفاولين
لطيفه وهي تمسح الدموع: مو بيدي والله مو بيدي
وشوي جت ريم وهي تركض: بناااااات الشبااب بيلعبون كووره تعالو يـ,,,,شافت لطيفه و دمعها
ريم وهي تقرب لأختها: لطيفه وش فيكي
فجر: مافيها شييء بس تحس بضيقه
ريم بأبتسامه: يلا اذا شفتي الشباب و حبيب القلب بتروح الضيقه
وكلهم مشوو وراحوو عند المسبح لان جنبه الملعب
وكان تركي و نمر و خالد و عامر مشعل فريق
و ماجد و طلال و سلمان و احمد و عادل فريق
بداء اللعب و الحماس يشتد و كل واحد متزوج يقول هذا الهدف لعيون زوجتي و لا اختي
وانبسطووو بالحيييل
طبعاً الشياب ناموو لان بكره العيد ام الشباب لا يبون يستانسون و ينبسطون
بعد ما خلصووو لعب كل واحد راح للغرفته عشان ينامون لان بكره وراهم شغل و ذبايح ..< مسأله صعبه بالحييييييل
في يوم الخميس وهو اول ايااام العيد
والكل قام بدري البناات ما نامو والعيال صحو الساعه 5تماام والكل راحوو في المسجد يصلووون كان فيه مسجد قريب من المزرعه
الشباب لبسوو ثيابهم و شماغهم و عقلهم و كل واحد يقول الزود عندي
البناات راحو و سوو فطور وجلسوو يسولفون وهم بالمطبخ
ريم وهي تقلي البيض: يالله ماني مصدقه الخرفان بتنذبح
لطيفه وهي تقطع طماط:خخخخخخخخ الاخت عاشت معهم قصة غرام ما صاارت
جواهر وهي مستانسه بالقعده معهم: والله بناات مشتهيه عصير فرش اورنج
سلطانه وهي جالسه تغسل الكوب تبي تشرب مويا: بسم الله عليكي قومي سوي لكي
جواهر باكبرياء: ومين قالك ان جواهر بنت محمد بتسووي عصير بنفسها
لطيفه وشاافت لمحة غرور في جواهر بس ما اهتمت وشوي الساعه 6 دق جوال لطيفه ((ابو سليمان الله يخليه لنا ..يتصل بك))
لطيفه : الووووووووو
خالد"هلا كل عام وانتي بخير يالغلا
لطيفه بأبتسامه:وانت بالف خير
خالد" لطيووف بالله قولي لخواتي يطلعون عشان نعايدكم
لطيفه:ززين قلت احنا ننتظر متى تقولونها خخخخخخخ
خالد وهو يهدي اللي جنبه:لطوووف عمري تعالي بسرررعه لباب الرئيسي
لطيفه بأستغراب: ليه وش السالفه؟؟؟؟؟؟؟
خالد: بسرررررعه تعالي
لطييفه:اوكيه ثواني بس البس الجلال و اجي
و برضوو دق جوال كل الحريم المتزوجاات عشان ازواجهم يعايدونهم ويعيدون الحريم
راحت لطيفه وهي مستغربه من خالد ووصلت للباب الرئيس وطلعت كلها عشان تشووف خالد و انصدمت لما شافت رحوها قدامها
تركي وهو يمسك يدينها كيفك قلبي؟؟؟
لطيفه نزلت راسها وجتها رعشه لما لمس يدينها: الحمدلله كيفك انت؟؟؟
تركي بهيام: بشوفتك انا بالف خير
و قرب لها وباس خدها:كل عام وانتي بالف خير من العايدين
لطيفه و هي منحرجه:وانت بخير يالغالي
تركي قرب لها بالحيل : بأذن الله ربي يحنن قلبك علي و تعجلين بزواج
لطيفه: تــر,,,,
حط اصبع في شفايفها: اشششششش يمكن ربي يحنن قلبك علي
سكتت لطيفه و انحرجت
تركي : ياحلووه بسلم على عمتي و خواتي و جدتي و..
لطيفه تضحك:ههههه طيب بروح اناديهم الحين
وراحت لطيفه ونادتهم بس الجده قالت خلووه يدخل و البنات يتغطون ولا يرحون طبعاً جواهر و سلطانه جلسو عشان يسلمون عليه
دخل تركي ومعه لطيفه : سلام عليكم
الكل: وعليكم السلام
وراح وباس راس جدته وبعدها خلاته وبعدها البنات وبعدين جلس جنب جدته و لطيفه كانت واقفه
تركي وهو يجلس و يمد ايده للطيفه : حياتي تعالي اجلسي معي
ام سلطانه:هذا وانت توك ما تزوجتها
تركي تضايق : والله لو اسوي النون وما يعلمون محد له دخل علي ولا ياعمتي..< يقصد ام خالد
ام خالد: والله يا ام سلطانه تركي و النعم فيه و هو ملك عليها ولو يأخذها الحين بدون زواج ما قلنا شيء
الجد: والنعم فيكي يا بنيتي
لطيفه جلست جنبه و جنبها امها
الجده وتناظر للطيفه: عزمتي العرس بالعطله
تركي وهو يهمس لجدته: تتكفين جده حاولي معها
الجده وهي تضحك: ارحمي الولد
سلطانه بتقهرها: عفواً جدتي ارحمي الرجال
لطيفه و تناظر لها بنص عين: صادقه سلطانه رجال الله يحفظه
تركي اول شيء خاف بس بعدين هداء
استأذن تركي و راح عشاان يذبحون الذبايح الكل فصخ ملابسه و راحوو للمكان و كل واحد يذبح
تركي ذبح عنه وعن لطيفه و خواته
الكل ذبح و خلصوو الشغالات راحو يأخذو اللحم ويضبطون كل شيء الجده كانت مشرفه عليهم
لطيفه لابسه فستان قصير لعند الركبه و لونه فووش و من عند الصدر لونه فوشيء على ابيض وكانت مرره جنان بشعرها المجعد و الميك اب هادي وطالعه مرره كيوت و طفله
ريم لابسه بنطلون وبلوزه طويله لونها اصفر وعليها قلوب رماديه وشعرها فاكته ومسويه كيرلي
جواهر لابس توب و تنوره قصير لونها ازرق و التوب سماوي
سلطانه كانت لابسه تنوره قصير لساق و لبوزه ضيقه من عند الصدر و عند الخصر مرره وسيع
فجر لابسه فستان قصير اخضر و من الخصر ححزام تفاحي
في الليل والكل كان يتعشى
عند الرجال
ابو خالد" تركي الله يهديك ليه ما تأكل
تركي: والله ياعمي ماني مشتهي
اكلو وبعدها الشياب راحو نامو وما بقى الا الشبااب
الا يلعب بالوت ولا بلاي ستيشن وهكذا
نمر و خالد و ناموو
عادل راح يتمشى
وهو يمشي شااف بنت واقفه عند سور المسبح والباب نصه مفتوح وما كان عليها شيء الا بنطلون جينز و شعرها مكوك
البنت: ساارونه من جد انخطبتي
ساره وهي تبكي: وربي وربي
البنت وهي مشغول بالاسواره اللي بيدها : يالله طيب وش الحل الحين اخف يصير لكي زي شجون صاحبتنا
ساره وهي تبكي: مدري والله بس لازم ارووح مقدر اتزوج انسان ما احبه مقدر او ما احترمه هذا فاارس والله راح يذلني
البنت وهي تسحب الاسواره من بلزوتها لانه تعلقت
البنت والدمعه بعيونها : ساره تعالي عنــ أي
ساره بخوف: فيكي شيء
البنت : لا بس يدي من الاسواره وهي تمشي عينها على الاسواره وتكلم ومو داريه عن اللي قدامه
ساره:ريم بروح امي تناديني بوقع
ريم والعبره خنقتها: اوكيه الله يصبرك و يعينك
ريم وهي تقفل جوالها ما نتبهت الا رجالها تزحلقت بتطيح بالمسبح لكن يد رجال مسكتها مع خصره
سحبها بقوه و وجهها مقاابل وجهه و انفاسه على وجهها
ريم مو مصدقه ابو عيون زرق قدامي ولا ماسك خصر
عادل ضاع بحروف عيونها عيونها الواسعه و الرموشها الطويله ولا شفايفها و الروج الوردي
تنح الاخ