الفصل 15
في فلة ابو ماجد وهم يتقهوون في الصبااح
ابو ماجد:والله ولدكي له فقده
طلال:هههههههههههه كانه مو ولدك يالغالي
او ماجد:هههههه يقطع ابليسك الا متى تاخذ ايجازه والله اني ارحمك
طلال وهو ما يدري من وين يبداء: يبه ودي اكلمك بموضوع انت والغاليه امي
ام ماجد: وش السالفه
طلال: والله ودي اكمل نص ديني
ابو ماجد بفرح: وهذ الساعه المباركه ياطلال
ام ماجد:كلوووووووووش الف مبروك خلاص الحين الدور علينا ندور لك
ابو ماجد : انت في بالك احد
طلال وهو رافع حواجبه: ايه يالغالي
ام ماجد بتسأل: مين!!!!!!!
طلال: وحده تعرفونها حيييل
ام ماجد: ياولد لا تحرق اعصابي مين
طلال بضحكه:ههههه ..<وبعدين بجديه,<لطيفه
ابو ماجد و هو مبسووط انهم راح يناسبونه مرره ثانيه والعلاقه تزيد:والله اختيارك عين العقل بس اصبر يالوليد
طلال بحزن:ليه يبه ؟؟؟
ابو ماجد:ياولد بنتهم كلهم بيرحون دفعه وحده والله مهيب زينه اصبر والبنت اذا ربي رايد بتكون لك
طلال: يارب
ام ماجد :انت بالاول خلص من سفرتك انت وسلمان والشبااب
الا على دخلت سعد:ماااااااااامه اريج على التليفون
وراحت الام مسررعه لان بنتها في لندن عشان شغل زوجها
وتكلمها وتعتذر لانها محضرت زواج ماجد
في جناح العرسان عفواً الموتا
نهال وتوها قايمه من النوم وظهرها يألمها لانها نامت على الكنبه وتشوف السااعه10:يووووه ما صليت الفجر
وتقوم ببطى ونزلت دمعه حااره على خدها وتألمت منها وتناظر باب الغرفه: يعني كذا بتكون حالتي يالله ارحمني واعفني يارب تسهل دروبي
وراحت للحمام.((الله يكرمكم))
واخذ شور و اخذ ربع سااعه طلعت وشاافت ماجد جالس على الكنبه قال :صباح الخير
نهال: صباح النور
ماجد: بطلب فطور وبعدها بنروح للأهلك وبعدها اهلي لانهم عازمينى على العشاء
نهاال: اللي تشوفه
لبست بيجامه برموده لونها رمادي على نقط بنك
وجلست تشرب بس الكافي والاكل مستحيه تاكل
ماجد يناظر صحنها:الاكل ماعجبكي
نهال بقلبها بدينا: لا بس ماني مشتهيه
ماجد وهو يقوم: الحمدلله
نهال :عافيه
وجلس على الكنب ويقلب بالقنواات
هذي بدايت حال ماجد ونهال الكل يحسب ان الثاني مغصووب بس من جهة ماجد اللي يموت في نهال تمنى انه ماشافها ولا عرفها
في فلة تركي
تركي:ههههههههههههه
منال: هههههههههه والله مدري بس اكيد بتوافق عليك
ندى بعصبيه مصطنعه:هيه صدقتي لطوفتي لا حد يقولها شيء
اريج كانت مستمعه جيده لهم:هههههه المفروض الاخ تركي يدافع
تركي:والله لحد الحين انا ما خطبتها
منال:اليوم كلم ابو خالد بليززززززز
تركي :ايه اليوم بأذن الله اهم شيء نخطب
ندى:يالله ماني مصدقه لطيفه تعيش عندنا ونااااااااسه
تركي: ههههههههههههههههه اقول بتاخذين حرمتي من الحين
في فلة ابو خالد
لطيفه تكلم فجر
فجر: بيروح بكره والله ابوي زعلان يقول كل عيالي يروحون
لطيفه بغصه:يروح ويرجع بسلامه
فجر لاحظت برودها لكن ما اهتمت: ايووه نهال وماجد بيجون عندكم وبعدها يجون عندنا ..انننننننه
لطيفه:ههههههههههه اليوم بتصير مناحه اجل الاخوات بيبكون وبصير الكبيره بينهم
فجر:متى زواج عروب صح؟؟؟؟؟؟
لطيفه: في ثالث اياام العيد
فجر: فله وعقبالك .!!
لطيفه بالالم بس تكابر: ههههههههه ايه كثري منها
لطيفه :اقول فجوره شكلهم جو بااي
فجر:بااياات
نزلت لطيفه وفعلاً جت نهال وسلمت عليهم وبكو عليها
ونهال لبسه قناع السعادة
وجلسووو يسولفون وشوي يستأذن ابو خالد لانه بيروح للشركه اهو و احمد
ريم"يمه ماراح نروح لحايل هالسنه
نهال:ليه منتم رايحين
ام خالد:لا والله ماندري ...(وقالت بصوت مكسو)ر تعرفين سلمان وحالته اذا راح هنالك بترجع له كل الذكريااات وبعدين ماندري يمكن اذا رجع من سفرته نروح ويتغير حاله
عروي:والله الله يسعدك اصدقائه وخصوصاً طلال يحاولون يطلعونه من دوامة الحزن
لطيفه سمعت اسم طلال و تلخبطت كل مشاعرها
نهال وشوي تبكي: يمه خايفه
عروب: وش له خايفه
نهال:يعني بسافر لبلاد غريبه ويمكن اجلس شهرين او ثلاث شهور
لطيفه وتاكل مكسراات: اهم شيء شغلي المسن اربع وعشرين سااعه ولا اوصيكي صوري كل شيء
وعلى طول نهال تركض لغرفتها لانه بكت وتلحقها امها
عروب بخوف: يمه يعني بيصير لي كذا
ريم:لا يمكن عشانه غريب وانتي ولد عمك يعني احس انها غير واهي اكبر معاناات
لطيفه وهي تقوم :يلا بأتصل على ندى اشوف ايش اخباارها
في فلة تركي
تحديداً في مجلس الرجال
تركي بفرحه: هذي السااعه المبااركه يانمر انك تناسبنا
نمر بابتسامه: والله الشرف لي يا ابو سالم وعقبالك
تركي بأبتسامه جذابه :قريب ان شاءالله
نمر مو مصدق: من جدكـ
تركي:هههه ايه من جدي
نمر بفرحة اخوو: ومين سعيدة الحظ هذي
تركي: عن قريب بأذن الله بتخاويني اخطبها
نمر ويروح له ويسلم عليه
نمر بعيون دامعه:الله ياتركي وخلاص بتتزوج وبتعيش حياة مستقره
تركي بروح هايمه: الله يبارك فيك وهذي الحياة با ابو ممدوح
نمر: الله يقدم اللي فيه الخير يلا انا استأذن
تركي: وين ؟؟؟
نمر: والله عندي موعد مع الوالده في الظهر ولازم استأذن
تركي: خلاص اجل فتره ونرد لك الخبر
نمر:الله يسعدك يلا مع السلامه
تركي: في امان الله
وراح تركي داخل وشااف خالته تتهاوش مع ندى
ندى:خاالتي ابي القناة هذي
اريج:اقول ندوووش احترمي اللي اكبر منك
تركي ويشوفهم ويضحك :ههههه وش السالفه
اريج و ندى بصووت واحد: شوفها
وشوي ضحكو على بعض
تركي مبسووط : طيب ومنال وينها
اريج :فوووق
وعلى طلعت تركي للدرج الا يرن جوال ندى وكان جنب اريج
اريج تشوف المتصل: خووذي نبض قلبك لطوووف
تركي لا اردياً ابتسم وكمل طريقه
وراح لغرفة اخته دق البااب