الفصل 7
فجاة لمحت ناديه و منال وتصرخ بوجيههم لما قربو: طلعوووو برا انتم السبب انتم واخوكم الزفت انتم قتلتو ابوي وتطيح على الارض وتبكي جت ايمان و رهف يساعدونها وهي تقول:لااااااااااا اتركوني هذولا اهم اللي اقتلو ابوي ياجعلكم ما تربحون يارب اخذتوه مني ليه ليه
وتجي ام عادل و تعطي بنتها كــــــــــــــف ليس متوقع: قطع حسك انتي ما تستحين وش ذنب الياتيمات هذولا هاه
كلمة يتيمات كسرت قلوبهم وحطمتهم ولكن هذا هو الواقع
ام عادل :ايمان خوذيها لدارها ..(وتلف على ناديه و منال)اعذروها الغالي راح الله يرحمه
ناديه و منال: امين يارب
منال: احنا نستأذن
وطلعووو برا ودقو على تركي وجابهم ورجعو للبيت
عزيمة ابو ماجد لم تحدث احترام لأبو عادل
يوم الثلاثاء انتشر خبر ملكة عروب على بندر يوم الخميس
والكل صاار يتجهز لهذا الامر
ببت ابو فيصل
هديل تبكي بحرار: حمد خلاص كفايه
حمد: انتي لي انتي حبيبتي عشيقتي لي انا
هديل وتحط ايدها على فمها تمنع الشهقاات : خلاص يرحم امك انا مولك انــــــــــــــــــــــــــــــــــت عمـــي ما يصير كذا....<اكتشفت هديل ان حمد جدته رضعته لما كان صغير يعني يصير عمها عندما تطرق عمها فيصل للموضوع انصدموو وتمنت بأنها لم تعشقه او لم تعرفه
حمد بصرااخ: لاااااااااااااااااااااا انتي فاهمه وش تعني لا ..هديل يلا خلينا نهرب
هديل: اه يا حمد الله يخليك هونها علي وربي اللي نسويه حرااام حراام
حمد: اسمعي غيرك مستحيل اتزوووووووووووووج ابداً فاهمة
وراح حمد للمجهول حاولت تمنعه بس مافيه فايده
في فلة ابو ماجد
ماجد: وش رايك يمه
ام ماجد طاايره من الفرح: والله عايلة ابو خالد يتناسبون ولنا الشرف
ماجد: يعني تم
ابو ماجد: خلاص اليوم نروح ونكلم ابو خالد وتصير ملكتك انت و بندر واحد
ماجد : الله يقدم اللي فيه الخير يارب
بعد صلاة العشاء اجتمع ابو ماجد و ابوخالد مع بعض
ابو ماجد: بدون لف ولا دوران احنا اليوم جايين نخطب يد بنتنا نهال لولدكم ماجد
ابو خالد والفرحه مبينه : وهذي الساعه المبااركه وانا اخوك والله فرحتني واحنا وين بنلقى ولد يصون بنتنا مثل ماجد
خالد: من ناحيتنا احنا موافقين بس راي البنت اهو الاهم
ماجد: اكيد واعرفو اللي ربي كاتبه راح يصير
ابو ماجد : وانا من عندي لكم الحين اروح اجيب راي البنت
ابو ماجد: لا خلها تفكر
ابو خالد: حامي حامي بكرة ملكة بنتنا عروب على بندر
احمد انصدم مستحيل البنت الحين بتأخذ قرار
في جهة الحريم ام خالد: هلا ابو خالد
ابو خالد ويناظر يدور انهال: وين نهال
ام خالد : فوق ليه؟؟؟؟؟
ابو خالد و هو يجلس : ابو ماجد خاطبها لولده ماجد
ام خالد/ الف مبرووك طيب خليني اروح اكلمها وتعطيكم جواب بعد فتره
ابو خالد: لا لا الحين ابي اسمع رايها
ام خالد: يا رجال البنت تبي تفكر
ابوخالد: كلميها وروحي ججيبي موافقتها معكي
راحت ام خالد لانها ماتبي تجادل ابو خالد لانه اذا قال كلمة ما تنثني
في غرفة نهال: يمه وربي صعبه ابي افكر
ام خالد: ابوكي يبي جوابك الحين ولا تنسين ابوكي داخل معه شراكه يعني رايك يهم كثير
نهال وتحس ان جبال فوق ظهرها : يمه كيف ؟؟! وانا وش دخلني انا فيهم؟؟
ام خالد بحكمة: ماجد يا بنيتي رجال مشاء الله عليه و حليوو ويكفي انه ولد ام ماجد وتعرفينهم وانتي بتصكين 26 والخطاب بيخفون
نهال: مدري يمه مدري
ام خالد: قولي موافقه
نهال كتمت عبرتها: موافقه
وطاارت ام خالد من الفرح وبوست بنتها وراحت للأبو خالد وخبرته وهو خبر الرجال
خالد و احمد فرحانين بس يبون اختهم تفكر اكثر هذا زواج مو لعبه
ابو ماجد: اجل بكره ملكتهم ثنيناتهم
وبدو يسلمون ويباركون
في صالة الحريم :
عروب: يمه وش تقولون انتم نهال موافقه
ام خالد: وش فيكم ايه موافقه ورحو باركو لها
لطيفه : خيررررر فوضه الدينا البنت ما امداها تفكر
ام خالد: لطيفه لا ترفعين صوتك
لطيفه تروح تبوس راس امها: العذر و السموحه يالغاليه بس هذي عشره يمه مو يوم و ليله....... سنين هذي
ريم: انتم ليه مكبرين القصه البنت موافقه
وراحو كلهم فوق يأخذو الاخباار من نهال وكيف نفسيتها
عروب: والله من كان يظن ان انا وانتي ملكتنا في يوم واحد
نهال:هههه الحظ قراده والله
عروب: احمدي ربك ان بندر وافق
لطيفه: اقول عروب تكلمينه انتي
عروب: لا ياقلبي اذا ملكنا يكون خير افكر
الكل:هههههههههههههههههههه
الا ينفتح الباااب صدمه للكل
نهال بصراخ: سلماااااااااااااان
سلمان و السواد تحت عيناه و الجسمه نحيف: ههه تراني اسمع
عروب راحت وضمته والكل بعد
ريم: وينك ياخوي
سلمان: لو ما دريت بملكتكم كان ماشفتو خشتي الوسيمه بس ملكة الغالياات لازم احضرها
عروب: الله يخليك لنا يارب
وانبسطووو الكل بمعرفة ملكة نهااال لماجد
نهال لن أكذب واقول انها مبسوطه او فرحانه نهال طول عمرها المضحيه وها هي الان تضحي بسبيل سعادتها لكِ تسعد ابيها
فهل طريق السعادة سيعود ام سيغلق ولن يفتح ابداً
في فلة تركي
منال: يووووه ندى ما يحتاج البسي فستانك الوردي حلوو ومحد شافه الا خالتي
ندى: لا ابي جديد يختي ابي اكشخ قدامهم يمكن يشوفني واحد و ينهبل علي
الا يدخل تركي وهو مرهق و تعبان: سلاام على الحلوات
الكل:وعليكم سلام
منال: يعطيك العافيه
تركي وهو يترك جسمه يقع على الاريكه: الله يعافيكم
منال: دريت عن ملكة بناات ابو خالد
تركي تعدل بسررعه و قلبه يقول ((لا يارب ما تكون اهي يارب لا ))و عقله((واذا هي بطقااق)) ونجح عقله : مين
ندى: اممممممممممم بنـدر خطب عروب الكبيرة
نص الحمل راح باقي الحمل الثاني((لا تكون هي لا لا تكون اهي يارب ))
ندى : و ماجد خطب نهال الثانيه
كيف اصف لكم مشاعر تركي (يحس بشعور للأول مرة يحس فيه كأنه ملك الدنيا ويردد .لطيفه وش بنسبه لي احس البنت هذي كأنها مغناطيس وانا الحديده تجذبني لها
تركي: مبروك عقبال الباقين
منال: لا ماظنتي الا ريم الله يسهل امورها
تركي: هم كم ؟؟؟!
منال: اربعه ثنتين ملكتهم يوم الخميس وثنتين الا هم ريم و لطيفه
ندى: ريم يمكن بس لطيفه لا ...
تركي رفع حواجبه :ليه وش ناقصها؟؟؟؟؟؟؟؟؟!!!!!!!!
منال: لطيفه تقول نو واي اتزوج مستحيل تقول بجلس عند امي و ابوي اعتني فيهم اذا كبرو في السن وش لها بعوار الراس
تركي بقلبه(ياول حالي البنت صغيرة وهذا تفكيرها مشاءالله): لا هههههههههههههه الله يسعدها
الكل:امين يارب كلهم
ندى حالمه: تصدق تركي ان امهم عسل مررره طيبه احس انها امي
منال:من جد انسانه محترمه الله يعطيها على قد نيتها
تركي: اه بس من زمان ما شفت خششكم مبسووطه
منال: تركي متى تقول و جيهكم يور فيسس خششكم كلمة ليست كلاسيكيه
تركي وهو قايم: تلايطي انتي و الفيس حقك وبعدين تبون السوق تتقضون للملكه
ندى بسرعه: ايه
تركي ببسمه: اعرفك بكره نروح العصر خلاص
منال: للصحارى و الرياض جالري
تركي: اللي تبون بروح انااام
بعد ما راح
منال تتنهد: يالله ياندى تركي تحمل لازم يتزوج وتراعيه حرمه تكوت جنبه
ندى واحنا وين رحنا
منال: ياغبيه الزوجه غير مهمتها تختلف عنا
ندى:بس تعرفين تركي رافض الزواج نهائي
منال: لا تخافين اهو بيجي يوم ويقول ابي هذي
ندى : اتحدكي مستحيل يسويها تركي
يوم الاربعاء
في فلة ابو ماجد الكل مرتبك ويجهز لان العدد راح يزيد في الملكة
ارياام ومليون مره تقيس الفستان: من جد فجووره حلو علي
فجر: يختي الفستان يطلب الرحمه هذي مليون مررره تلبسينه وتقيسينه ومليون مرره اقول حلوو يجنن
و شوي الا البااب يدق
فجر: تفضل
ويطلع ماجد:سلاام
الكل: وعليكم السلام
ماجد:هاه كيف التجهيزات
فجر: تماام والله يامجوود اني حتى الان ماني مصدقه انت تتزوج الله ومين نهول الحلوه
ماجد:ياووووه ابدوو طلعو الحكي الزين عنها
اريام بصدق:لا ماجد والله البنت حلووه بس دبدوبه والايق عليها
فجر تضرب اريام بالخداديه : مايجوز توصفين البنت قدام الرجل
ماجد:هههههه لا تخافين انا شفتها ومليت عيني منها
اريام وفجر منصدماات: ايش