الفصل 21
في مجلس الرجال دخل تركي ولا كان شيء صاار الا ان قلبه يعصتر مليون مره وده يشوف لطيفه ويتكلم معها باقرب فرصه
وصاار يباركون له وهو يسلم عليهم ويرد لهم التبريكاات
وبعدها دخل واحد لثاني مرره ينصدم تركي انه يشوف وراح للتركي :مبرووك تركي
تركي: الله يبارك فيك عقبالك يارب
.....:منك المال ومنها العيال
تركي: تسلم عادل كيفك؟؟؟
عادل :بخير جعلك بخير
تركي مستغرب من عادل
وشوي قاام تركي وهو على اعصاابه و قرب لخالد وهمس له
خالد مستغرب من طلبه: اصبر شوي
تركي بالم في قلبه: ياخي مقدرا صبر
خالد: شوي بس ربع سااعه وتدخل عليها
تركي : خالد اذا تعزني لب طلبي
خالد وهو مستغرب منه : ابشر ياتركي والله انك غالي
راح خالد عند الحريم
الحريم وهن جالسات في الصاله والكل يبارك ويثنون على جمال وجاذبيت لطيفه
سلطانه بغرور وتهمس للطيفه: بصرااحه مدري وش لقى تركي فيكي ؟؟؟!!
لطيفه وهي منصدمه: هاه انتي وش تقولين لو سمحتي احترمي نفسك
ريم كانت جنبهم
ريم: لو سمحتي انتي وش عليكي في تركي و لطيفه بسم الله عليهم لايقني على بعض ملاك جنب ملك
سلطانه انقهرت وراحت جنب ندى وقامت تسولف معها
شوي جت نهال : لطيفه خالد يبيكي؟؟؟
لطيفه قامت وراحت للغرفه اللي فيها خالد
خالد سلم عليها وقال: تركي يبي يشوفك
لطيفه انصدمت : ليه احنا قلنا عشره؟؟!!!
خالد يغمز لها : مشتااق ههه
لطيفه استحت: اوكيه بس دقايق اروح واجي
خالد: اوكيه
راحت لطيفه تضبط نفسها
وخالد راح للتركي وخلها يدخل جوى المجلس
لطيفه نزلت وكانت لابسه فستان خيااالي اسوود قصير لتحت الركبه و من عند الصدر سبعه وفيه ورده و بروش لونهم عناابي وشعرها مسويته سيرميك و شكلها مررره كيوت و ونااعمه
راحت للغرفه وهي مو داريه ان تركي موجود دخلت بسررعه وسكرت الباب وراها ولفت الا تنصدم بالرجال اللي واقف قدامه كان تشوفه وتقول بقلها( اه ياتركي وربي انك تجنن لا الشماغ و الثوب وربي عليك الثوب و الشماغ جناان )لطيفه استحت من تفكيرها وقربت له وهو وقف و الشراار يتطاير من عيونه
تركي بعصبيه: لطيفه طلال وش هو بنسبه لكي
لطيفه من صدمه من عصبيته و سأله : تركي وش تقول
تركي مهو قادر يطالع في عيونها و يعصب: تكلمي وش طلال بنسبه لكي؟؟!!!!!
لطيفه وهي اول مره تشوف عصبيته: ولا شي ء
تركي قرب لها و مسكها من كتوفها بقووه وش يقرب لكي بسررعه ..< حس تركي انه يألمها وماقدر فبعد عنها وعطاها ظهره
لطيفه تقول بقلبها(لا مستيحل اخسرك ياتركي مستحيل انت حيااتي انتي اللي زرعت بذره كانت في داخلي اسقيتها و ارويتها مستحيل اتخلى عنك)
لطيفه راحت عند وجهه و عيونها ملايانه دمووع وقالت وتحس نفسها بيغمى عليها : طلال كان يحبني وانا كنت معجبه فيه بس كرهته طويته من صفحاتي لما عرفتك طلال الحين ولا شيء بنسبه لي
تركي بعصبيه وهو يناظرها ومتألم يشوف دموعها يحس كأنها طفله وما يبي يعصب عليها بس مضطر يقسي عليها :انت تحبينه الحين ؟؟؟
وجلس على الكنبه بقووه وتنهد تنهيد فيها حراره
لطيفه تناظره : تركي ورب الكون كله ان طلال كانت معجبه فيه بس تركته فضلتك انت عليه ا,,(وصرخ بس بشويش ) انت انت انت تفهم وش معنى انت
تدري ماتوقعت في يوم احبك او احس لك شعور لكن صرت اتضاايق اذا ما شفت مسج منك احسك انت الامان وفعلاً بعد ما تركت تفكيري من طلال جيت انت وكنت الامان لي كنت الاب و الام بتواجدك
تركي وصوته هدى : تحبينه تحبينه ..< يقوله بألم وحسره
لطيفه وهي تبعد عنه و رفعت صوتها: لااااا طلال اكرههه اكرههه اكرهه
تركي شافها وهي منهاره وقال(وش سويت فيها وربي البنت ما تتحمل فديتها سامحيني لكن الغيره اكلتني )) قرب تركي لها وهي تبعد عنه وهو يقرب لها لما وصلت هي للجدار وتركي قرب لها
وحضنها بكل قووه لطيفه راسها عند صدره و انفااسه في صدر
تركي يحس روحه كانت بتروح لولا ما حضنها قرب للكرسي و جلس هو حاظنها
وهي ماصدقت ان تركي بجنبها و ضمته بقووه وتحس نفسها بقمة السعااده لكنها حزينه
قرب تركي لرقبتها وبااسها وهمس في اذنها :اعذريني ياعمري بس نار الغيره اكلت قلبي
لطيفه بحب وهي ضمته بقووه: معذور يالغالي وربي معذور بس لا تتركني..< وبدت تبكي
تركي رفع راسها و باس خدها الاول وقال: مستحيل
وباس خدها الثاني:اتخل عنكي انتي روحي و عمري كيف اتخل عنكي قولي كيف؟؟
لطيفه بحزن و تركي يمسح دموعها:ليه وش اللي دراك عن طلال
تركي بضيقه: الوقح قالي انك تحبيني
لطيفه: كنت معجبه بس توصل للحب لا ...
تركي بااس يدينها الثنتين : وانا
لطيفه استحت:
تركي بعشق وفرح: شوفي ان ماقلتي بتهور واسووي النون وما يعلمون
لطيفه تضحك ودموعها على خدها: هههههه تسويها
تركي من جد :والله على حسب شوفي ما فيه احد يعني اقدر اسوي اللي ابي
لطيفه بسررعه:اعشقك و احبك بس لا تسوي شيء
تركي وبضحكه: ههههههه
لطيفه بعدت من صدره وضربته على صدره/ دب
تركي:ههههههه
وسحبها وضمها بقووه
تركي اروته لطيفه : الصدق و الاحاسيس و العشق و الامل
لطيفه ارواها تركي : العشق و الغرام و الحناان و الدفاء و الحب
تركي همس بأذنها:عسى الله لا يحرمني منك
لطيفه :ولا منك يالغالي وبعدين
بعدت وقالت بعصبيه: تعال انت تشوف سلطاانه
تركي فطس ضحك من اسلوبها: هههههههههههههههههه
لطيفه بدلع: لا تضحك
تركي: يختي هذي الأدميه ما اوطنها واليوم قلت لها تتغطى يعني الاخت ما تستحي على وجهها
لطيفه بدلع: ايه قبل لا يناديني خالد قالت وش لاقي تركي فيك
تركي قام من العصبيه : ايش والله ما راح اخليها
لطيفه بسرعه خافت منه: تركي هدء ترى و الله ما تساهل وبعدين لا تخليني اخبي عليكي اشيء اذا بتصير متهور كذا
تركي: كيف ما تستاهل وهي تقول كذا شغلها بالبيت
لطيفه وضغطها ارتفااع وبعفويه:لا والله شغلها بالبيت لا يكون تشوفها
تركي ذاب على عفويتها:ههههههههه
لطيفه:خلاص انا طالعه باااي
تركي سحبها :وين طالعه هاه وين
لطيفه ناظرت في عيونه: اتركني
تركي: هههههه لا ما راح اخليكي لما اخذ اللي ابي
لطيفه : ترررررركي
تركي بعشق: عيونه
لطيفه وهي مستحيه : برووح ممكن تترك يدي
تركي وهو مسوي نفسه زعلن: متى تبين زواجنا بصرراحه تعبت
لطيفه قربت له: سلاماات ليه
تركي : ابيكي بقرب
لطيفه استحت وفلتت منه وتركض للباااب: بالعطله الصيفيه
جاء تركي يبي يلحقها بس راحت
تركي طلع وهو ميت ضحك عليها (ويحمد ربه ان الامور صفت وان بين يدينه طفله في قمة البرئه و الجمال))
زفوو لطيفه و رقصوو و استانسوو لكن سلطانه مقهوره
في تركيا في الجنااح
بندر: يلا بسرعه
عروب وهي زعلانه : وربي انك دب الحين ملكة اختي و ما اقدر احضرها
قرب بندر لها و مسك يدها : شوفي ياعمري تبيني اتهور الحين و اكنسل الطلعه اذا قلتي ملكة اختي مرره ثانيه اختااري
عروب بعدت عنه واستحت: لا خلاص طالعه
بندر: كذا تعجبيني
عروب صرخت : دب
وجت بتسكر الباب لكن بندر سريع وخرب عليها يوومه بس اهي مستانسه
تشفيرررر(+_+)
______________________________
راحو الرجال وتركي بغى يطلع بس استوقفه عاادل
تركي وهو حس ان وراه مصيبه: هلا
عادل ببسمه: هلا فيك بس بغيت اعزمك بكره
تركي : والله مدري بكره عندي شغل
عادل :ترد عزيمتي
تركي:ماعاش من اللي يرد عزيمتك
عادل:خلاص و بعزم ابو خالد و ابو ماجد
تركي :اوكيه استأذن
وطلع تركي و عادل
في فلة ابو هديل
نايف : لاتوصي حريص ياعمي
جاء ابو هديل وحط يد هديل بأيدين نايف وحست بشعور غريب ما تساهله
مشت هديل وهي تشووف السيااره قدامها و لمحت احد عند سيارهbmw سوداء و تعرف الزول هذا
وقالت بقلبها((حـــمــــد وينك عني ))
في الجهه الثاانيه
حمد يبكي بحرااره وحزن يشوفها تنزف على واحد غيره
طبعاً هديل طلعت حامل بالشهر الثااني وهذي صدمه لهم كلهم موضي وقالت ما يجوز تتزوجها اصلاً العقد ينلغىنايف بعد ما درى تمسك فيها و قالها انه بيسافرون للكنداء و هناك يحلها الف حلال وهي قالت له انها تنزله بس هو رفض
++++++++++++++++++++++++++++
بعد مرور ثلاث اساابيع و الاوضااع مستتبه بين الاطرااف ما صاار شيء يذكر في عزيمة عادل
يوم الاثنين
في فلة ابو ماجد
في جناح ماجد
نهال بأبتسامه : الفطور جاهز
ماجد :يعطيك العافيه
نهال :الله يعافيك ترى تو عمي متصل ويقول خلي ماجد ينزل لي الحين
ماجد وهو يتمغط :يالله دايم شغل شغل
نهال: ههههه الله يعنك يارب
ماجد: وانتي مو ناويه تبطلين شغلك
نهال بدلع و غنج: مجووود
ماجد وراح فيها: عيونه
نهال: متى ما بغيت اترك الشغل تركته لا تضغط علي
ماجد ويغمز لها: نشووف
في مكان ثاني و الزحمه مرره و ريم هي وصديقتها شجون مشغولات في المستشفى لانهم الحين يطبقوون والرئيسه عليهم سالينا..<كوريه
سالينا" ريم قو تو روم نمبر112 اند سي وت هبند ابوت ذا رزلت
ريم :اوكيه ..< ريم متحجبه و لابسه برقع وتنوره طويله
راحت ريم و وقفت عند بااب الغرفه و اخذت نفس ودخلت
كان ولد صغير عمره اربع سنوات وفيه السكر و مرض الجدري
ريم شاافت حالته و حزنت عليه بالحيييل
راحت ريم عند المعمل وسألت وقالو لها بعد يومين تطلع النتيجه وهي تمشي ناداها الدكتور محسن :لوسمحتي دكتوره
ريم: نعم
الدكتور محسن: شوفي الورقه هذي عطيها للدكتورها شهد قولي لها هذي يحتااج عمليه وخليها تسوي اجتمااع اليوم اوكيه
ريم تحس هذي مسؤليه عليها بالحييل
وهي تمشي صاارت تشوف اروااق اللي معها و انجذبت لان عايلته آل.. نفس عايلتها و صاارت تشوف ارواقه وهي لسه ما بعدت عن مكتب الدكتور محسن وقفها صووت رجال بشموخه: لو سمحتي ممكن اعرف مكتب الدكتور محسن
ريم لفت عليها و وقفت وهي مصدوومه