الفصل 11
أول ماد خلو البيت أم سلطان حست انه في شي بس مسويه نفسها ماهمها
أبو سلطان: في موضوع أبغى أفاتحك فيه
أم سلطان: خير في شي
أبو سلطان: أنتي عندك فكرة عن الموضوع
لتفتت أم سلطان ايش تقصد زواج سلطان ترمي الريموت على الكنب تقوم لو سمحت لا تفتح الموضوع هذا مره ثانيه وهي ماشيه
يعلى صوت أبو سلطان وأول مره من زواجهم
أم سلطان خافت من نبرة صوته وقفت في مكانه قال زواج سلطان راح يتم وإذ مو عجبك الباب يوسع جمل وطلع
أبو سلطان من البيت
أم سلطان راحت غرفتها تفكر وقالت خليني أوافق الحين أحسن من أن يغصبني بس والله يا أسيل لحطك في بالي وأطين عيشتك
الجوهرة :فكرت بخطه تنتقم فيها من خالد وتأخذ حقها منه بس أجلتها لين يخلص زواج عبير
أم سلطان: دقت على أبو سلطان علشان تقول أنها موافقة
أبو سلطان:طيب جهزي نفسك أنتي وعبير علشان تروحون تخطبونها وتحدين
يوم الملكة قبل زواج عبير
أم سلطان: وليش مستعجل
أبو سلطان: قال نفذي اللي أقوله وخلاص
عصبت أم سلطان وسكرت السماعة وراحت قالت لعبير جهزي نفسك بعد المغرب بنروح نخطب سحيله أم الخلاقين
عبير: حرام عليك أنتي ما شفتيها
أم سلطان: بدون ما شوفها أنا اعرف النوعية هذي وسكرت الباب بقوة
عبير: كانت مبسوطة ودقت على سلطان كان عنده خبر من أبوه وكان مبسوط مرره
عبير :خلاص سكر بدق على أسيل علشان أقولها
سلطان: طيب قولي لي ايش تقول
عبير:أثقل أنت لا تصير خفيف وسكرة ودقت على أسيل وسلمت عليها
وقالت بتطلعون بعد المغرب
أسيل: لا وين نروح
عبير:خلاص بنجي أنا والوالدة
أسيل: الله يحيكم
عبير: صح ودك تسألين ليش بنخطبك لخوي سلطان
أسيل: انصدمت ما تعرف ايش تقول فرحانة وخايفه بنفس الوقت
عبير: ما قلتي لي ايش رايك
أسيل :والله مادري يا عبير بس خير أن شاء الله
عبير: طيب أخليك روحي قولي للوالدة وحنا أن شاء الله جايين
أسيل: طيب خلاص سكرت أسيل وكانت سرحانه ودخلت عليه ابتسام: وش فيك
أسيل: ما سمعت
ابتسام :هيه أنتي أنا أكلمك
أسيل :معليش مانتبهت
أبتسام: طيب ايش فيك
أسيل: تو عبير كلمتني
أبتسام: ايوه وإذا عبير أول مره يعني تكلمك
أسيل:لا بس بتجي اليوم هي وأمها علشان يخطبوني
ابتسام :قولي والله يا سلام يعني بتعيشين في البيت هذاك وأنا كل يوم وأنا عندك
أسيل: ما شاء الله عليك حطيته خلاص موافقة وصار كل شي !!!
أبتسام:وليش ما توافقين؟
أسيل: مادري خايفه؟؟؟؟
أبتسام:طيب تعالي نقول لمي ونشوف ايش رأيها
أسيل: أنتي روحي أنا مستحيه أقولها
أبتسام: خلاص أنا أروح
أم سلطان: كانت طول الوقت معصبه مو عاجبها الموضوع كانت تبي تخطب لسلطان وحده نفس مستواهم
دخلت ابتسام: على أمها كانت على سجادتها تستغفر
أبتسام: قالت يمها أبيك في موضوع
أم أسيل: قامت أمها طوت السجادة وقالت وش عندك
ابتسام: ابد كل خير قالت يمه شفتي صديقة أسيل عبير اللي رحنا لحفلتها
أم أسيل:أية وش فيه
أبتسام :بتجي هي وأمها علشان يخطبون أسيل
أم أسيل: الله يحيهم
ابتسام: يعني موافقة
أم أسيل: ما قلت موافقة بس الله يحيهم متى بيجون
ابتسام :المغرب
أم أسيل: خير أن شاء الله
راحت ابتسام ترتب البيت وجهزت القهوة والشاي وقالت لأسيل تجهزي علشان مافي وقت
أم سلطان وعبير كانو طالعين إلا هذا ابوسلطان داخل
أم سلطان ما كانت تكلمه
عبير: آهلين يبه
أبو سلطان: هلا بنتي
أبو سلطان: شوفي أم سلطان تتحدد الملكة قبل زواج عبير سامعه
أم سلطان: ما ردت وطلعت بر البيت
عبير: أنحرجت من موقف أمها
عبير:خلاص يبه أن شاء الله ما يصير إلا كل خير وطلعت تلحق أمها اللي كانت تستنى بالسيارة
أم سلطان: وينك تسولفين أنتي وأبوك ولاطعتني هنا
عبير: وين ما تأخرت
أم سلطان: طال لسانك خلاص علشان بتزوجين ولا تحسبيني أبوك غصبني على خطبت سحيله أم الخلاقين أنا اللي في بالي أسويه سامعه
عبير: سكتت ما ردت على أمها وقالت في قلبها الله يعينك على أمي يا أسيل
أول ماوصلو بيت أسيل كان باستقبالهم أم أسيل وابتسام ياهلا
ومرحبا
أم سلطان: كانت رافعه خشمها مو عاجبها شي وتنظر البيت والأثاث بأستحقار نظرة ابتسام من فوق للتحت قالت هذي ردت ابتسام على فكره اسمي ابتسام مو هذي
عبير: حبت تلطف الجو اجل وين أسيل
ابتسام: بروح اناديها قامت ابتسام وهي معصبه ودخلت على أسيل أف أف وش هذا